雲南小鍋米線

📍雲南小鍋米線 (葵涌)葵涌梨木道112號葵寶大廈地下5號舖今次食到宇宙級米線💫石籬名物：雲南小鍋米線在米線關注組必食米線之一，雖然位置比較偏遠，座位不多，味道真心好食，配菜同其他舖頭不同，極優細雪花雞絲，腩肉，螺旋藻必食😋☁️皇牌米線$58這款已經包晒雞絲.腩肉.肉碎.螺旋藻，仲有配菜酸菜芽菜韭菜，非常足料，雞絲切得碎細，吸晒湯汁，份量勁多。腩肉滷得入味，肥瘦適中，螺旋藻好似海帶，爽爽的☁️腐竹炸醬豬大腸米線$62腐皮大大片，豬大腸斜切，炸醬份糧好多，有少少辣，更加惹味，酸辣湯唔會太油，亦都唔會太鹹，食唔停湯底揀咗肉碎辣，酸辣湯底，米線爽滑，唔會淋身，一上枱已經好吸引，成個組合好好味😋凍奶茶$8…查看更多

🍜 皇牌米線 $57評分： 3.8/5配料份量好多，除左有韮芽、酸菜、肉碎、仲有腩肉、螺旋藻，同好出名既雞絲。腩肉帶少肥唔會乾爭爭，帶微辣幾過癮，雞絲好幼細，吸左酸辣湯汁，係重口味之選。叫左小辣，辣度十足，但小編覺得辣味有D蓋過左米線既酸味。🍜 雞翼尖、腩肉小窩米線 $49評分： 3.5/5份量一樣好足料，雞翼尖有醃過，但相對腩肉，比較普通。🌶 麻辣雙拼 $39評分： 3/5有豬肚、鴨賢同豬耳揀，最後揀左豬肚同豬耳，味道正常。總結：1️⃣ 份量超多，好抵食。2️⃣ 腩肉、雞絲值得一試，但湯底酸D會更好。3️⃣ 上次係星期六去食，1、2點開始要等位，建議早少少去。…查看更多

🇭🇰雲南小鍋米線·呢間就係我地上個post去完城門水塘之後去食既😈事原我地行完城門水塘之後見個小巴站有至少7/80人等緊🤭🤭所以就決定搵下有無其他路可以用腳仔行啦 之後比我地發現經上一村唔洗半個鐘就可以去到石蔭😌之後黎到石蔭就即刻諗起呢個好出名既米線😍😍·本身應該堂食最好feel既 可惜我地食個日禁左晚市堂食 所以只可以叫外賣🥲之後佢呢度外賣係唔會分湯既 分湯每碗要再加$3🤑🤑老實講我覺得有少少貴 不過因為我地住得好遠 所以都一定要比錢 好在翻到屋企個米線仲係煙韌既 開心😌·皇牌米線$57 l 豬軟骨生菜小鍋米線$51 l 麻辣豬肚拼鴨腎$39我地小小辣個碗食落就似酸辣多啲既 酸辣個比例唔錯 所以唔會話超辣😌小辣個碗個辣味就出好多 而且食落層次都豐富啲 不過就真係幾辣 我地食到最後都頂唔順 要浸翻落個小小辣度再食🌶️🤣🤣之後佢個米線質地煮得好好 就算攞到翻屋企仲係有咬口既 而且都好夠熱 入面既肉碎 芽菜同酸菜都好味🤤之後我自己都幾推介佢個皇牌米線 佢入面既雪花雞絲份量都好多 而且完全唔會乾🐤之後腩肉有咬口得黎唔會太肥 而且超入味🐷個螺旋藻都好好味 反而我地自己叫既豬軟骨就一般般🤭佢唔算話煮到好淋 而且肉既部分有啲乾 都係皇牌米線好味啲😎😎之後佢個麻辣豬肚拼鴨腎就正正常常啦 調味唔錯既 不過應該係雪櫃擺得太耐 所以食落比較乾身🙊📍葵涌梨木道112號葵寶大廈地下5號舖…查看更多

我地一行四人行山後喺石蔭落山，就行去左光顧呢間街坊同事都推薦既米線關注組Top 10，佢仲推薦我地必試腩肉同雞絲(ᵒ̴̷͈ᗨᵒ̴̶̷͈ )✧⚑⚐゛皇牌米線 $56朋友叫左呢個，正正就有推薦既腩肉同雞絲再加埋特別又少見既螺旋藻。腩肉我個人覺得好好食😋，雞絲用上雞胸肉撕成絲狀，真係好似雪花❄️。配上貌似海帶既螺旋藻，感覺健康好多，將平時覺得食米線既邪惡感都擺脫得一乾二淨。⚑⚐゛自選小鍋米線 $29（配料價錢由$9 - $12 ）我自己就叫左螺旋藻、雞絲同豬大腸。豬大腸同樣都係切絲上，味道都調得好好，只不過絲上食食下飄到成碗周圍都係。⚑⚐゛跟餐冷熱飲品 +$8∝ 𝙊𝙫𝙚𝙧𝙖𝙡𝙡 ‪‪ᯅ̈？Default 既肉碎小小辣辣令人上癮，而同事就表示 呢度既小辣差不多相等於譚仔三小。米線煙韌度適中，而且份量都幾大碗，我地四個都好鐘意❤️之不過，未食完碗米線已經覺得幾口渴…不過酸辣太惹味所以… 食哂😹𓎤𓅮 ⸒⸒下面有餐牌…查看更多

身為一名米線控，時不時都留意住有咩好味米線食，而呢間超有人氣嘅雲南小鍋米線更係我一直都好想試嘅舖頭之一🤪 去到前排終於有機會一試，果然無令我失望，即刻晉身我最愛嘅米線頭三名🥰一場嚟到，當然試試佢個皇牌米線啦！當中都有唔少餸，包括雞絲、腩肉同螺旋藻😋 先講下主角米線，口感煙韌，唔會過軟過硬，係我鍾意嘅口感😍 另外，湯底嗌咗小小辣，仲食到少少酸味，濃味得嚟又唔太油👍🏻 不得不讚佢個雞絲，聽聞係人手撕嘅，撕得好碎，勁入味，而且份量仲唔少添！腩肉亦煮得好腍身好香口！而螺旋藻就正正常常，幾鍾意佢唔會太索汁，食多少少都唔怕😆另外，一向熱衷於食炸醬做餸嘅我今次都唔例外，嗌咗炸醬同豬軟骨😙 佢嘅炸醬好香口，明顯炒過嚟，仲煮得相當入味，撈埋米線一齊食好正🤩 不過「食得炸醬抵得渴」，食耐咗真係有啲鹹。而豬軟骨都幾唔錯，有三大嚿，每嚿肉都煮得幾腍，但可以再煮腍啲，如果連骨都再腍啲就更正！而呢個湯底因為炸醬嘅關係變得辣少少，更加惹味，相當唔錯😋見佢仲有醉豬手食，平時坊間好少見，所以我哋都嗌咗份嚟食，呢個價錢有三大嚿都算抵😌 食落豬手依然爽口，充滿骨膠原，略嫌花雕酒味唔夠重，同埋腍啲會更易入口🙈總括而言，呢間人氣米線舖嘅米線真係好啱我心水，一嚟夠晒煙韌，二嚟湯底濃郁惹味，特別鍾意佢嘅雞絲同炸醬，雞絲啲肉撕得好碎好細條，絕對係誠意之作😝 不過位置比較偏僻，而且星期六日嚟更加要等好耐，所以比較建議平日嚟😎…查看更多

、石蔭呢間雲南小鍋米線我諗好多人未食過都聽過。香港米線關注組極力推薦既一間雲南米線，個位置勁偏僻，唔近地鐵站，要食既話真係要專程去，但係依舊無阻一班米線迷去朝聖既決心😂平日晏就都要排隊食。今次去食既時候已經專登避開12點幾1點幾既食飯時間，兩點幾去到都要六七個人排係我前面。呢度最出名既係佢既雞絲、腩肉、炸醬、螺旋藻，今次都專登嗌左幾款黎試👍同埋聽講呢度每一碗米線都係獨立煮既，所以每碗唔同餸既食落都有啲唔同。1️⃣皇牌米線（中小辣）（$56）皇牌米線有齊腩肉、雞絲同埋螺旋藻🤤三款都係好多人推薦既配料。腩肉肥瘦均勻，唔會太肥，食落辣得黎有少少甜甜地，醃得夠入味。雞絲同螺旋藻我覺得係必點既！雞絲係真係雪花雞絲😳人手撕得好幼細，成座雪山咁，就咁食落係冇乜味但係超既索湯😍螺旋藻都係好索湯，同埋出面米線店比較少見螺旋藻，份量比得好多，每食一啖都好似飲緊滿滿既湯汁咁。  呢度既湯底係得酸辣湯，冇麻辣，味道真係超級濃郁，濃郁得黎唔會好油，勁惹味🔥米線幾彈牙。  2⃣️腩肉+冬菇小鍋米線（小辣）（$48）呢碗都嗌左腩肉，腩肉真係好食既😋另外仲嗌左冬菇，冬菇好厚肉，食落會爆汁😍  …查看更多

📍葵涌 雲南小鍋米線有冇米線關注組成員👋🏻一直好想試呢間被譽為「宇宙第一」米線，但因為位置較隔涉，所以拖到依家先去試。星期六12:30到有10幾人排緊，走廊有啲焗，但等10分鐘左右就可以入座，都算快。而米線係人手逐碗煮，要等大概15分鐘。𓇠 皇牌米線 $56 𓇠佢得酸辣湯底，知道呢間湯底偏辣所以叫咗小小辣，湯底偏清唔會太油，夠麻辣，但略嫌唔夠酸，米線稍軟身，個人鍾意食硬身彈牙啲🍜呢碗賣相唔錯，而且分量好足！皇牌有齊最受歡迎嗰3個餸，腩肉偏瘦但唔柴，醃得入味，螺旋藻似海帶咁爽口，雞絲撕碎到好似雪花❄️可以吸滿湯汁！𓇠 豬軟骨小鍋米線 $41 𓇠呢碗叫咗小辣，友人食開三小辣都覺得辣咗啲🥵豬軟骨有4-5塊，肉質軟腍入味，充滿骨膠原。PS 前舖裝修，要上樓梯去後舖，指示都清晰 (最後有Menu)〰️總結：名氣過大，定價稍高，配料味道唔錯，但湯底同米線有改善地方，湯底唔夠酸同濃郁，而米線就可以煮得硬身彈牙啲。另外店舖位置唔太方便，個人認為一試無妨，但要排長龍就唔太值👣下一間要挑戰食老闆娘！⸜(๑⃙⃘'ᵕ'๑⃙⃘)⸝⋆︎*▪️類別：#yinkifoodie_noodles 🔺味道：3.5/5🔹服務：3.5/5🔸環境：3/5 (座位之間較狹窄)…查看更多

葵涌出名米線店，慕名而來。聽朋友講，依家係第二代接管，第一代嗰陣每日只開到5點，依家開到8點。星期六，下午一時多到了鋪頭，門外站了好多人，以為好多人等待堂食，我們便選擇買外賣，點知原來外面等的都是外賣，反而堂食是有位的。大家如果想堂食，記得問下有冇位先。皇牌米線係小鍋米線配上腩肉、雞絲、螺旋藻，今次無再加辣，要返本身辣度。雞絲如其名，好功夫，真係一條條絲，唔係粗條嗰d。腩肉不太肥，夠入味。螺旋藻比較少見，口感爽，本身無乜味，配酸辣米線幾夾。餸幾好食，唯一係米線我覺得淋左d(我取外賣後，過了大約15分鐘才食，可能有影響)，買時已是麵湯分開上。湯酸辣味主、微酸。個人覺得湯底味道不夠濃郁，有少少淡口感覺，嗰種感覺有少少似溝左水感。食物份量和一般米線店份量相約，雞絲比腩肉多d。外賣本身加1蚊，麵湯分開上再加3蚊，覺得外賣盒價錢偏貴，都係加外一個盒，3蚊一個外賣盒，我暫時未想起邊度有。可以的話都係堂食吧！一來環保♻️，二來慳7% 附加費。外賣皇牌米線，$60 一碗，再來，我會堂食！…查看更多

米線達人Jan 又出動了😤有冇人都好鐘意食米線㗎😍係關注組成日都見到有人推介今次去左位於石蔭既雲南小鍋米線到試下😋✅雲南小鍋米線(葵涌)佢正確既地理位置係近石蔭 對我呢啲住係大西北既人 真係冇乜機會會去到咁啱有野要去附近整 就係荃灣搭巴士去試下啦2點幾去到門口好多人 以為大家係排隊 點知係等外賣 排隊其實係佢後舖既位 行到入去目測都有20人等緊😂真係同老闆娘一樣誇張不過等左15分鐘到就有位 都算係咁啦~🔆皇牌米線 $56係group見到雞絲同腩肉係必食見到有呢個set 唔係唔叫啊~呢個set係有雞絲，腩肉同螺旋藻感覺螺旋藻就好似海帶，紫菜咁佢呢到既湯底只有一款 冇得揀要酸辣定麻辣只可以揀辣度男朋友叫左少少辣但！！！佢既辣度係遠超少少辣😂覺得佢有小辣以上但的確個湯係幾香幾好飲既~米線唔會太腍 呢樣都要加分！味道: 4/5賣相: 3/5🔆雞絲豬腸小鍋米線 $51至於我就麻麻地腩肉 所以就揀左豬腸試下佢呢到既豬腸係切左幼絲相對上會食得比較方便 唔會咬唔斷雞絲又真係幾好食 如果唔係睇左推介 我諗我唔會揀😂我平時食開米線通常都叫小辣所以我都叫小辣啦但由於呢到既辣度係偏辣 所以呢個小辣等於平時食中辣咁濟😂但係好食既 所以不知不覺間就KO唒了味道:4/5賣相:3/5P.S.建議大家叫辣度既時候嗌比你平時食開既低一級 咁就實冇死啦🤣…查看更多