牛精皇 (已結業)

最近天氣真係凍左好多🥶所以打邊爐行動要即時出動啦，於是我地就揀左呢間「牛精皇」黎涮下涮下🙈入到去，望一望個menu,我既選擇恐懼症又來啦，真係好多配料可以揀呀‼️ 分別有牛精類，刺身，海鮮，自製餃，手打丸，粉麵飯，蔬菜，即叫即炸類，豬肉類，飲品類等等，真係樣樣都有👍睇完成張menu,真係需要花d 時間😂蕃茄海鮮蟹湯 ($188)原本想叫「牛精皇」最新推出既「豆腐鮮魚湯」做湯底，可惜既係當日已經售罄，唯有揀「蕃茄海鮮蟹湯」，雖然有d 失望但呢煲蟹湯卻又令我地眼前一亮。 「蕃茄海鮮蟹湯」入面材料好豐富，足料薯仔，蕃茄，更重要既係放左原隻花蟹入去‼️ 煲左一陣，飲一啖蟹湯，鮮甜香口，仲可以食埋鮮甜肥美既蟹肉呢👍留意： 醬料每位（$18)本地手切肥肉眼 ($269)黎到「牛精皇」緊係要食下佢d 牛🙈 呢款牛真係吾錯。花紋分佈均勻，在鍋內涮幾分鐘，入口煙韌，牛味十足，而肉質香滑細嫩。另外，果然係手切肥牛，厚度恰到好處，好有口感。極品皇帝蟹柳 ($89)果然係極品皇帝蟹柳，真係好巨型呀‼️食落好有口感，蟹味十足。店員仲好貼心咁比個小隔網比我地，知道蟹柳煮耐左容易散開，方便我地搵返👍蟹籽鮮蝦滑，蟹籽墨魚滑 ($99 雙拼另加$10) 皇帝菜 ($42)四式餃子盛 ($79)分別有蝦餃，韭菜餃，鮮蝦餃同鳳城水餃。 最欣賞蝦餃同鳳城水餃，真係好正😍 蝦餃入面有成4~5粒新鮮大蝦肉，食落真係啖啖蝦肉，鮮嫩彈牙。而鳳城水餃用料豐富，有蝦肉，筍絲，木耳絲等。脆炸午餐肉 ($48)即叫即炸，食落外脆內軟。韓國濟州黑豚肉 ($99)薄切黑豚肉，落鍋涮幾下就食得😋芝士腸，黑椒牛根丸 ($48 雙拼另加$10)即炸紫菜響鈴 ($63)雖然係最後上枱既一款，但值得等。 即叫即製，熱辣辣即食都好好食。入口鬆脆香口仲有紫菜香，真係不得了。…查看更多

現在經營火鍋店亦要多元化，到達位於九龍城的牛精皇，原來除了供應火鍋外，亦兼備剌身及游水海鮮。首度光顧，我倆還是保持原意，只吃火鍋。近日吃過多家新派火鍋店，選擇的都是近年流行的特色湯底，這處當然亦有，招牌牛精鍋、清湯雪耳海底椰豬肺湯及泰式皇室冬蔭公皆令我心動。尤其前者可選濃湯底，據說仿似牛肉麵的。但剎那間泛起一念頭，何不還原基本步，重溫最原味的清湯丶沙爹鴛鴦鍋 呢？清湯內有餡料，馬蹄、粟米及紹菜同熬，令湯頭不寡清甜；沙爹湯頭就是醇厚的沙爹。基本的調味料，貴精不貴多，麻油、紅辣椒丶青蔥丶芫茜丶生蒜及炸蒜，全部必加。火鍋少不了肥牛，我們選了本地手切肉眼邊位。脂肪分佈平均，見外表已知新鮮肥美。薄切中有多少厚度，灼六、七秒將熟的質感最合心意，嫩中有嚼勁。四式餃子盛，全部新鮮自製，可以一次品嚐雲呑、水餃丶韮菜餃及魚皮餃。最欣賞鳳城水餃，饀料除了有豬肉及蝦外，還加進木耳，口感非常爽脆，與別不同。第二位是鮮蝦雲呑 ，皮薄軟滑，餡料脹卜足料，慷慨地每只雲呑竟然大蝦小蝦各一粒，爽甜美味。新鮮皇帝菜 鮮嫩對辦。最後是贈送的芒果糯米糍，略為解冰了，軟硬度剛好。別忘記在Facebook 打咭，可享免費飲料，我們選了自製竹庶水，正好滋潤一下火鍋之熱。平平淡淡已經是好。…查看更多

食物除咗好食之外，賣相同樣非常重要，尤其想要喺云云食肆當中，要突出自己真係要多花一點心思。經朋友介紹之下，今次來到了九龍城的「牛精皇」，對我來說地點不算方便，由中環坐101到九龍城，基於塞車的關係也需要一小時了，而餐廳離車站亦比較遠，加加埋埋也要花個半小時才到達。來到門前，招牌還真霸氣呢，大大個牛頭突了出來，絕對是方便易認店內環境不大，好像有上下兩層，用了梳化型的椅子，雖然環境較窄，但尚算舒服看看餐牌，共有15款湯底，最具特色的必定是招牌牛精鍋，當中包括了：牛肚、牛肺、牛尾、牛腩、牛孖筋及牛筋。超多配料呢！另外還有蕃茄牛尾湯、海底椰豬肺、松茸豬肚雞及冬蔭公湯等特色湯底2人套餐有兩款，分別是$328的優惠套餐及$528的精選套餐。一看之下，高下立見，明顯精選套餐比前者吸引多了～除了特色牛肉外，還有各款手打丸、海鮮及餃類～就選這個吧～可多試幾款食品～當然還可以散叫，有牛精皇、海鮮、刺身、丸餃類、蔬菜、豬肉及麵食類飲品方面，有18款選擇，當中有啤酒、汽水及涼茶。記得記得！即場like佢地facebook可以免費送野飲！兩個人都節省到$30蚊㗎啦！！落單後，店員再取出一個木𣕧字，有生蒜、炸蒜、青蔥、芫茜及麻油，供我們自行加到豉油內送嘅野飲最先黎到～因為唔太喜歡汽水，所以要了烏龍茶～如果可以增設其他清涼飲品就更多好了套餐只能選舉較普通我湯底,可選:蕃茄著仔、沙爹、清湯莞茜皮蛋,其他湯底則需要再補差價,原本也想要試試招牌牛精鍋,但計計數,也要多補充$130蚊...還是選蕃茄湯吧.蕃茄湯顏色蠻深的,有大量的蕃茄及薯仔在內,蕃茄味香濃,甜度較酸味重一點,醒胃非常一反常態地,雜菜籃及烏冬是最先來到的,皇帝菜及生菜各半,蔬菜翠綠新鮮.有聽過,其實打邊爐時菜類最好還是開始時先吃,減少油份的吸引,相對健康.這次就健康一下吧(其實是當時肚子餓了,有什麼就吃什麼吧)皇帝菜及生菜吸滿了蕃茄湯,既入味又不油膩,正~!主食終於來到了,怪不得要等上好一段時間才送到,火鍋配料竟擺放得像是英式下午茶似的,相當精緻,一層一層的,共有3層.除了剛才的雜菜籃及烏冬外,還有以下13款食配料:01.頂級手切牛肉02.極品安格斯牛柳粒03.牛白肉04.手打蝦丸05.墨魚丸06.鮻魚丸07.黑椒牛丸08.青口09.蟶子10.鮮蝦雲吞11.自製水餃12.自製韮菜餃13.自製魚皮餃極品安格斯牛柳粒[評分:9/10]先由底層食起,店員預先提醒我們牛柳粒需淥耐一點，大約20分鐘才會變腍，所以開始時就先把所有牛柳粒倒進鍋內～由於急於試味，所有10分鐘後取了一粒試試，口感較為厚實，牛味尚算香濃。再過10分鐘再吃，牛粒變得腍腍的，雖然已淥了20分鐘，但入口肉質仍然嫩滑，果然越淥越好食～頂級手切牛肉[評分:8/10]手切牛肉帶有8片，切成長方條狀，比較厚身，雪花分佈均勻，放到鍋內約10秒即可，取出後，油脂變成了半透狀，入口即溶，牛脂甚香。而牛肉肉質則帶點口感，亦帶牛肉香，相當不錯牛白肉[評分:7/10]雪白的白肉共有6片，薄薄的，每片也像花瓣般舖在𣕧上，店員告訴我們大概淥6秒即可，6秒後白肉收縮成一粒小球狀似的，雖然是薄薄一片，但韌力十足，細嚼下，牛騷味濃，牛味比前兩者強烈得多，非常特別蟶子[評分:7/10]吃過最底層後，開始上移一層，蟶子身也有2/3支筷子般長，只需10秒就能上水，蟶子肉沒有過份收縮，入口鮮甜爽彈，有點可惜是蟶子內有點細沙，吃落有點「咯咯」聲，幸好不算太多青口[評分:6/10]第2款海鮮是青口，同樣1人1隻，青口蠻巨型的，啖啖肉的，不過味道較淡，沒有太鮮甜的感覺，相對上還是比較喜歡蟶子了～吃過海鮮後就開始吃手打丸了，共有4款，手打蝦丸、墨魚丸、鮻魚丸及黑椒牛丸，每樣各有兩粒，粒粒巨型，可試齊4款，但都幾飽肚～手打蝦丸[評分:8/10]一向愛吃蝦丸及墨魚丸，每次必吃。蝦丸夠大粒，入口爽彈，帶淡淡的蝦肉香，味道夠鮮，如果可以再彈牙一點會更好墨魚丸[評分:8/10]顏色雪白，質感厚實，墨魚香味濃郁，入口口感十足，帶點韌力，喜歡有口感的我就非常喜歡～但友人就覺得有點過硬了～鮻魚丸[評分:8/10]一向對鮻魚丸感覺一般，最反感的是那陣芫茜味，而這裡的，芫茜味不重，口感黏黏的，帶有魚香而不帶腥味，而且感覺軟滑，岩晒抗拒芫茜的朋友黑椒牛丸[評分:8/10]牛丸口感爽口而質感較硬，內裏包裹著一粒粒胡椒粒，黑椒味濃郁，所以亦帶點微辣，相當惹味，而且牛丸一層一層的，口感甚有層次，不過感覺比較燥熱呢自製魚皮餃[評分:7/10]試過多款丸後，最後就到了超大粒的餃類了，自製魚皮餃外間比較少見，比一般的大一點，皮身帶點彈性，內裏肉餡香滑，口感鬆軟，口感較一般的好～鮮蝦雲吞[評分:8/10]Wow~雲吞比湯匙還要大一點，咬開後看到足足有3-4隻蝦仁，豬肉餡更大得像顆肉丸，入口啖啖肉的，麻油味較重，略嫌有點蓋過了肉香～但食肉獸必試呀～！自製水餃[評分:8/10]水餃同樣以雲吞皮包製，所以夠晒薄皮～餡料同樣塞得非常飽滿，除了豬肉及蝦仁外，還多加了一點木耳絲加強口感，質感亦較為鬆散一點，雲吞同水餃兩者相比下我就較為喜歡水餃了～自製韮菜餃[評分:7/10]韮菜餃與前兩者的分別相對明顯，前兩者多肉少菜，甚至是無菜，而韮菜餃內韮菜已佔據了8成空間，散發著強烈的韮菜味，同樣加入了大量麻油，所以無需膽心味道會過淡.不過味道會相對單調一點烏冬[評分:8/10]選用了稻亭烏冬，幼身麵條入口富嚼感之餘，買非常滑溜，無需煮太耐，待烏冬變軟後多等一會就吃得～配上濃濃的蕃茄湯作湯底，雖然已吃得飽飽，但買是忍不住吃了半碗～雪米糍[評分:6/10]最後還有兩粒雪米糍作結，可惜選不中我最愛的香芋味，只有芒果味喔T.T後記:地理位置雖然不太方便,但食物款式及用料的確不錯,雖然今次只係要咗蕃茄湯底,但友人都非常次鐘意,不停咁飲~而我最欣賞嘅反而係佢地係食品賣相上所花嘅心思~色香味俱全呀嗎~~!不過有機會真係要再去試下佢地個牛精鍋~好似好足料咁~!牛精皇 (九龍城)九龍城福佬村道60號地下～～～～～～～～～～～～～總消費：$ 620味道：7/10環境：7/10服務：7/10衛生 : 7/10抵食 : 7/10 …查看更多