和氣食堂 (黃大仙中心南館)

8點幾嚟到和氣飯堂，仲係好多人排隊😨 下次要早啲嚟排隊第一次食白咖哩忌廉烏冬，感覺好驚喜，忌廉入口即溶而且提升咖哩嘅甜味，同時唔會太油～不過配炸雞就有啲特別🤣黑豚肩燒丼肉質嫩口，加埋醬汁一流～安格斯牛扒他他沙律兩者夾得幾好，唔會比肉搶晒味。個擺盤超長，啱晒大家share 食！燒廣島蠔我地分別叫咗芝士燒同蒜蓉燒，同朋友一人一隻食完，都係得一個結論：好食😂牛油果三文魚班戟係邊個諗出嚟😂 但成件事又幾夾lol 唔會好油，芒果真係好夠甜。如果沙律醬再少啲，三文魚鮮味可能會更突出～照燒魷魚筒加埋燒汁好惹味，啲肉都好軟～貪得意叫咗兩杯梳打，味道都唔錯，唔會死甜！…查看更多

放左工約朋友係附近食個晚飯我地最鐘意食日本菜所以就睇下有咩日本餐廳🇯🇵見到附近有依間好有人氣嘅和氣食堂又睇下人地影嘅相咁吸引就決定係度食😛.🌟火焰左口魚邊牛油果沙律  ($72)為左飲食均衡健康d 我地點左個沙律share🥗估唔到依個沙律用左黑松露醬做調味新穎得黎原來都幾夾左口魚邊輕輕燒過 所以維持到爽口彃牙加埋creamy嘅牛油果🥑同清新嘅沙律菜非常開胃.🌟3點刺身盛  ($118)食日本菜當然唔少得刺身啦🍣呢個set有三文魚、甜蝦🦐同白身魚食落都好有鮮味 尤其係三文魚好肥美 有豐富油香餐廳仲附上左蔥花柚子醋 所以我地都冇用壽司醬油.🌟鰻魚牛油果班戟  ($55)依個鹹味班戟意想不到地夾同好味😳有少少似平時食嘅卷物但係紫菜就換咗做班戟包住材料有鰻魚、蟹柳、甜蛋同牛油果 仲有沙律醬同蟹籽係面.🌟鹽味燒牛舌  ($45)呢串燒牛舌有炭燒味 而且仲煮得夠腍果然簡單嘅鹽味最能帶出食材嘅滋味.🌟白咖哩烏冬  ($88)上菜嘅時候見到賣相已經好吸引🥰有一層好似雲咁厚厚嘅cream☁️底下就係咖哩烏冬🍜忌廉溝埋咖哩令到味道同平日食開嘅日式咖哩唔同 食落俾較甜同冇咁油膩 仲有2件炸雞 撈埋落咖喱汁度更加好食😋.🌟泡菜黑豚腩窩  ($92)呢個鍋又係意想不到地足料🥘除左泡菜仲有好多娃娃菜、金菇等等薄切黑豚腩夠晒腍 仲有好多片 性價比高超抵食.🌟阿法奇朵  ($36)食完正餐最好就食埋個甜品先圓滿估唔到日本餐廳都有呢個affogato 將香濃嘅esppreso ☕️加入牛奶雪糕令到部分嘅雪糕溶左變成牛奶咖啡食落甜絲絲 好香牛奶味🥛.🌟糯米糍紅豆宇冶抹茶牛奶雪糕  ($45)抹茶真材實料 有回甘嘅茶香🍵糯米糍亦都煙煙韌韌配埋紅豆就係一個好日式嘅宇治金時.餐廳都幾大間 而且仲有卡位可以一次過點多d菜式都放得落而且店員仲特意幫我地換左壺熱水等我地有熱茶飲真係好貼心🥰…查看更多

和氣食堂係少數我食極唔厭既餐廳之一，因為性價比太高了！🥳🥳今晚又要再Encore la!!!火焰左口魚邊牛油果沙律：好大盤！蔬菜、牛油果都好新鮮！左口魚邊好彈牙！4點刺身盛B：每款刺身都好鮮甜！😋😋鰻魚牛油果班戟2件：個班戟皮整得唔錯，鰻魚牛油果好夾！電擊雞翼配炸薯條：原來電擊雞翼係凍食既！甜甜地咁好開胃！炸薯條有好多粗粒芝士粉，食唔停口！😋白咖哩烏冬：招牌菜！白咖哩撈云左之後同烏冬融為一體😋😋非常好味！仲配炸雞2件，皮脆肉嫩！👍🏻👍🏻藍柑白桃梳打：好飲！非常解渴！好適合夏天！宇治抹茶芭菲：呢個甜品為呢餐劃上一個完美既句號💯…查看更多

黃大仙附近收工，encore 呢一間！兩個人超餓🤣 坐到卡位好闊落好開心！餐單野食都幾多選擇！黑松露香芒甜蝦卷☺️呢個配搭超新鮮！開頭朋友話叫我都有少少緊張，畢竟唔係食開嘅配搭，點知超驚喜！頂層係黑松露醬，中間係甜蝦，下面係芒果加州卷～ 一入口會有濃烈嘅黑松露香味，咸咸香香，加埋清新甜蝦都幾夾，當食多兩啖，就感覺到芒果嘅多汁同香甜，整體唔會奇怪，反而好夾，味道比一般壽司清爽，推薦！份量都唔少！安格斯牛扒他他沙律☺️估唔到牛肉係厚片上，份量都幾多，開頭以為係牛肉薄片，牛肉比起平時海鮮沙律較為濃味，安格斯牛肉味濃，個底嘅沙律菜偏酸少少，份量似前菜多過沙律呢！5點刺身盛☺️重點推介吞拿魚，呢種厚切真係超幸福，無筋唔腥，啖啖油脂香，建議第一啖唔好點醬油，感受下吞拿魚個種油香先！魚生解凍程度岩岩好，唔會好似平時出面放題咁有時未解夠凍好硬！赤貝爽口，唔會出面黏滑，蠔都大推，肥美得來帶少少咸水味，唔洗配佢個醬汁，新鮮到就咁叫檸檬汁都夠！特濃牛奶芭菲☺️特濃牛奶好香滑，加埋個個底係脆脆粟米片好有口感，牛奶雪糕好香滑，接近icreamia, 唔會好水汪汪，奶味重得來唔膩，旁邊嘅厥餅唔太甜，要配上雪糕食喔！成個甜品唔會過甜，滿足又唔會滯！電擊雞翼配薯條☺️薯條面頭有甜甜芝士粉，唔洗點茄汁，偏甜幾特別，脆身唔油，如果係粗身炸薯條會更正！電擊雞翼比想像中特別，開頭以為係普通雞翼，點知佢係凍盤，一字骨雞翼好方便，口感肉質非常紮實，外面係甜甜地嘅糖漿，感覺有少少似拔絲番薯嘅外皮，外層芝麻同調味都好香口，作為前菜都幾特別！白咖喱烏冬配雞槌☺️白色好濃郁嘅奶油香，冇撈勻就食咗一啖，咖喱烏冬同撈勻左嘅分別都幾大！口味變得溫和易入口，小朋友都食到嘅辣度，雖然配料比較少，但係滿滿濃郁嘅咖喱都好豐富，咖喱辣到適中，將白色輕盈嘅泡沫拌好再撈勻佢配上左兩隻炸雞槌，雞鎚炸得唔錯，肉汁雖然唔算多，但係唔會有雪藏肉味，炸皮脆身唔厚，一人份都好飽，share 食會比較好～下次再係附近做野都會encore ! …查看更多

好耐冇食過日本野，就同朋友嚟到呢間位於黃大仙嘅日本餐廳。我哋大概六點幾到，客人已經幾乎坐滿餐廳。餐廳嘅裝飾都好日系，連餐牌都行漫畫風。由於我哋兩個有啲餓，叫下叫下都叫咗唔少嘢食。香芒燻鴨胸沙律（$68）啲鴨胸好大舊好厚身，廚師將肉十字𠝹開後再燒，口感好特別。再加埋黑醋同沙律菜，好fresh嘅感覺！白咖哩烏冬（$88）開頭望到以為白泡呢層純粹喺蛋白，但係食落有少少薯蓉嘅味道同感覺，撈埋少辣日式咖喱汁好有層次感，將附送嘅炸雞沾上白泡又係另一番感覺，好飽肚！三文魚5味（$78）以三文魚壽司為底，5味包括海膽、牛油果、三文魚、咖哩鹽同芝士，咖哩鹽同芝士下面喺炙燒過嘅三文魚壽司。個人覺得咖哩鹽三文魚壽司幾特別，咸咸地配炭燒味食落唔會太膩。照燒魷魚筒（$85）切得好整齊嘅魷魚筒，新鮮厚身嘅魷魚配埋甜甜地嘅照燒汁，雖然燒過但唔會好乾身，仲有紅蘿蔔花點綴！千迴火鳥（$38）開頭見到名字未必知道係咩嚟，但係其實火鳥即係雞全翼，記住要趁熱食，配埋檸檬汁一流！嶡餅白玉宇治抹茶雪糕（$48）抹茶雪糕味道非常濃郁，好重抹茶味，再配埋味道較淡嘅芋圓同較濃嘅綠茶嶡餅，係一份好balance嘅甜品，好適合鍾意食抹茶味製品嘅人！臨走時，見到餐廳門口仲有人排緊隊，疫情下仍然好有人氣！好飽足嘅一餐！…查看更多

收工同朋友係附近覓食，好耐無食日本野，經過呢間和氣食堂，雖然只係晚上6點半，但係見入面都準備滿座，心諗多人實無死，一於入去試下！太餓了，忍唔住叫咗好多野食🤤首先上枱嘅係呢個三文魚牛油果沙律，配料有沙律菜、青瓜、粟米、蕃茄仔等等，加上醋嚟撈，作為前菜一流，非常開胃👍🏻嚟日本餐廳點可以唔試吓魚生呢，呢碗三色刺身丼正！魚生新鮮，份量足，無得頂👍🏻白咖喱烏冬配上一份炸雞，烏冬面上嘅白色忌廉上放上黑色嘅芝麻作為點綴，清淡純白嘅忌廉底下係濃郁嘅咖哩烏冬，味道上形成強烈對比，非常特別！鐵板牛舌亦令我一試難忘😋呢道嘅牛舌唔同出面嘅串燒牛舌，呢道嘅係肉感牛舌，唔係爽口嗰種，不過就啖啖肉，朋友食到lam lam脷😋凍嘅電擊雞翼外面用糖包住，脆脆甜甜，配上熱嘅芝士味薯條，簡直係冰火二重天❄️🔥三文魚皮好香口，做小食配埋啤酒一流！抹茶雪糕茶味非常濃，配料有麻糬、白玉、蕨餅、玉米片，煙煙韌韌，又香脆可口，單單一個甜品就有雙重口感，作為呢餐晚飯嘅結尾，為呢餐晚飯添上一個完美嘅句號☺️…查看更多

好少去黃大仙呢區一直都覺得呢區無咩好食前幾日做完野諗住係到食埋先番屋企見到呢間鋪頭都幾多人食 差不多滿座應該幾好味既由於無咩位 店員特登開左一個zone係比較隱蔽既一個角落頭 同朋友傾計一流呢到每台都有一個水壺係到個人黎講覺得幾好 有時無哂水唔洗等人黎自己斟都好快野食選擇好豐富基本魚生壽司走唔甩特別食品都有唔少 我地都揀左黎試首推呢個鯛魚湯泡飯用鯛魚黎做泡飯好有創意足料不在話下 有4、5塊貴貴鯛魚奶白色既魚湯 味道好濃郁倒落熱辣辣既鍋度 再加埋脆脆既玄米粒層次豐富 好好味然後仲有大人氣既忌廉烏冬之前去旺角食過一次 對佢印象麻麻地點知呢到食番 完全改觀凍凍地既忌廉加上熱辣辣既咖哩烏冬有少少冰火既感覺 好正差點忘記介紹呢款沙律好岩我既口味牛油果同蔬菜好新鮮微微灸燒過既左口魚邊好肥美仲有用黑松露黎撈沙律 整體味道提升左小食方面我地仲叫左份鵝肝壽司鵝肝好大件 好肥美 而且輕輕燒過一淡咬落去 入口即溶 好正呢到既野食價錢合理而且份量好足 食完個飯同烏冬都已經好飽不過見佢menu既甜品好吸引所以都叫左款芭非share!呢款抺茶芭非都幾好味配料有蕨餅、丸子、紅豆、粟米片等等抹茶味濃厚 甜度適中 推介! …查看更多

呢晚約左個朋友一齊食晚餐，佢好堅持要食日本野，然後問我有無咩好介紹，當下我唔知點解淨係諗起和氣，問一問佢 佢話OK，咁我地就照食和氣了。餐牌食物選擇:基本上都係同以前差唔多，野食既選擇都算多，基本上呢到既日本野食，好多都係幾大路，反而太多選擇真係令人有d難揀，樣樣都想食咁。溫泉蛋牛油果凱撒沙律 $58先黎既係溫泉蛋牛油果凱撒沙律，睇張相都見到其實和氣既沙律份量真係算多，感覺上呢個份量係可以4個人share，我覺得和氣既菜不嬲都唔差，但溫泉蛋同牛油果係高質之選，味道同出面既好唔同，真係食得出佢既質素。白咖哩烏冬 $88其實咖哩烏冬我個人係麻麻，呢白咖哩烏冬我係一定要介紹比個朋友試下，因為你出面真係好小見到有白色咖哩，味道真係好特別，配埋幾件炸雞，成件事係好豐富，鍾意食咖哩既人一定要試呀！廣島蠔寄世鍋 $128和氣係有幾個鍋，呢個廣島蠔寄世鍋 唔單止係有廣島蠔架，仲有蝦蟹同其他海鮮，CP值係極高，你呢個價錢食到鍋，仲要有咁多海鮮，同埋個湯底係真係鮮甜，好好味呀！田樂面豉燒日本米茄子 $42小食類我地叫左個日本米茄子，其實我本身就麻麻地茄子，但我個朋友見到menu幅圖就好想食，跟住我個人覺得陣味有茄子味，但口感同平時好唔同，雖然我係麻麻茄子，但呢個整法我又覺得ok喎，食下食下又覺得唔錯。火焰海膽帆立貝卷 $65另一個小食我地叫左個火焰海膽帆立貝卷 ，其實價錢有小小貴，65蚊先得3舊，但味道真係好正，係真係好好味，海膽同帆立貝本身呢個配搭已經係正，成件事好高質，配埋個醬真係不得了，必食推介。抹茶牛奶雪糕 $45最後我同朋友叫左個雪糕share，同之前一樣和氣既雪糕真係無得輸，好好味，食和氣真係一定要叫雪糕食！…查看更多

成日經過呢間餐廳都見到長長嘅人龍，都好想試下佢，但每次都怕要等好耐，所以無勇氣拎籌。終於前幾日終朋友食晚飯，六點幾經過見無長龍，就決心入去試下呢間日本餐廳餐廳嘅環境裝潢都好有日本feel，啲牆紙同色調都係走和風，感覺幾舒適火焰左口魚邊牛油果沙律好多牛油果！燒咗嘅左口魚配魚子醬加沙律菜嘅味道好豐富，又好fresh！👍👍👍😄鹽味燒牛舌肉質好彈牙，燒得啱啱好，好juicy~3點刺身盛三文魚腩刺身好厚好肥美！油甘魚都一樣厚身，好新鮮，水晶蝦好彈牙，配埋佢醬食更突顯到佢嘅鮮味😍白咖哩烏冬最上面一層雪白嘅顏色似蛋白，質感似忌廉🤣用筷子推開就會見到啡色嘅咖哩，整個探索過程好新奇有趣😆味道都okay，咖哩略帶甜味。千回火鳥宇治抹茶芭菲啲麻糬同丸子好煙韌，抹茶雪糕好好好濃郁好好味💓…查看更多

同朋友聚會約係黃大仙，佢就話黃大仙呢間和氣食堂幾好食，於是就訂左呢間試下啦。---裝修都幾別緻，放左好多有日本特色既物品。火焰左口魚邊牛油果沙律左口魚夠新鮮，而且略略燒過增添一分風味！同牛油果既配搭都好好，而且沙律菜好新鮮。電擊雞翼、炸薯條雞翼甜甜地，同埋芝麻夠晒香，整體味道非常唔錯。但個人就唔太習慣凍食既雞翼，不過味道其實真係幾特別幾好食。薯條炸到卜卜脆，上面仲有Ｄ芝士粉，更惹味，食到停唔到口。火灸宮崎和牛壽司不過不失之選，和牛韌左少少。但牛味都幾香。牛油果軟殼蟹卷極力推薦：軟殼蟹炸得好香脆，即使上到台都仍然保持到！上面既牛油果同蟹子又令佢增添左唔同既口感同鮮味。櫻花蝦鯛魚湯泡飯最令人回味既一道菜！鯛魚湯鮮味十足，雖然如果就咁飲會略咸。但係加埋落飯到整泡飯就會岩岩好！更重要係加左落去會令整個泡飯同蝦等等既鮮味再次昇華。鯛魚既鮮味充斥住口腔，食完仍然齒頰留香。白咖哩烏冬咖哩就係普通咖哩味，冇咩特別。特別之處係入面應該加左少少薯蓉。增添左Ｄ口感，炸雞亦係不過不失。宇治抹茶芭菲抹茶雪糕既抹茶味都幾香濃，但上面既麻糬口感乾左少少。下面仲有Ｄ脆脆，撈埋食令口感又會有少少層次：---食咁多野埋單又唔算好貴，都只係五百幾蚊。食物質素真係幾好，兩個人食到飽呀。下次黎開黃大仙要食呢間！值得再黎！…查看更多

和氣食堂早幾個月都食過一次, 今次又約左朋友係黃大仙食飯, 想食日本野~ 馬上就諗起佢啦!睇一睇menu先, 佢種類係比較多, 壽司、飯、面都有~首先叫左個三文魚牛油果沙律開下胃先~ 三文魚幾令幾新鮮~ 但D菜就一般般啦、唔係特別新鮮~ 個汁都唔太特別~ 比較普通白咖哩烏冬~ 呢個個賣相都已經好特別~ 烏冬食落彈牙~ 索哂咖哩味~ 最重要係唔會太林..... 不過佢舊炸雞就真係一般啦...我都無食哂 haha黑豚肩燒飯~ 賣相唔錯哦~ 佢塊黑豚燒得幾香 好重油香、有燒烤既味道、食落有肉汁、唔會太韌! 佢都有成6-7大塊係到, 食到有D膩tim ar~ 食日本野又點小得刺身呢~? 見到佢上黎個樣幾令~ 個蝦彈牙得黎又無腥味、帶子同三文魚都一樣咁出色! 好新鮮阿~金蒜燒日本米茄子~ 燒得幾香、茄子都吸收到金蒜既香味~ 不過就油左小小,扣左分。因為茄子本身都比較吸油、係難D處理既電擊雞翼配薯條~ 薯條炸得唔太夠香脆哦.....影返個大合照先!!最後點小得甜品呢? 係綠茶芭菲阿! 佢又唔係太甜wor...但就有好香既綠茶味! 伴碟既mochi、決餅等等都好煙韌~ 點D 綠茶雪糕食就一流啦^^總括黎講呢間野真係平價高質、好多日本既美食都可以係到食到、種類夠哂多! 兩個人埋單494蚊~ …查看更多

今晚一家三口去左黃大仙搵食，去左番新左既黃大仙中心。見到呢間和氣食堂咁多人食，決定一試內裏裝修有特色，地方乾淨企理，full house！4點刺身盛：超新鮮、超正！好多唔同款！刺身超級厚切溫泉玉子牛油果凱薩沙律：沙律夠凍身，擺咗一段時間都唔會變暖！撈埋隻蛋個醬簡直係絕配三文魚海鮮沙律脆脆卷：壽司卷上面好多料！脆脆加埋三文魚個配搭好特別，口感豐富，正！千回火鳥：烤得啱啱好，肉質唔會乾！而竹籤咁樣插亦食得好方便鯛魚湯泡飯：賣相一流，味道亦一百分！湯底濃郁鮮甜，自己可以隨着喜愛嘅份量加添！本人覺得超好味！白咖哩烏冬：另一賣相一百分之作！上面既白咖哩好似cream咁，撈埋下面另外一種質地嘅日式咖喱，濃度啱啱好:)白玉宇治抺茶牛奶雪糕 & 糯米慈紅豆宇治抺茶牛奶雪糕：雪糕好軟滑，抺茶同埋牛奶味濃郁，good見到呢個推廣覺得好抵，下次一定要試總括嚟講和氣食堂環境舒適乾淨，食物新鮮好味，一定會再返嚟食…查看更多

和牛既味道自從之前去日本之後都冇食過更好味既牛肉。今日尼到黃大仙既地下鋪和氣食堂。幾個月冇尼黃大仙，發現多左好多餐廳，為於商場地下最dukduk既和氣食堂，裝修令，入面好多動漫壁畫，好可愛，地方又大，同三五之己尼傾心事，都唔驚比隔離枱聽到。來到先端上熱茶。頭盤叫左個左口魚黑松露沙津，鍾龍呢到既沙律，非常新鮮，款式真十分多，裡面有牛油果，蕃茄仔，洋蔥，青瓜加埋酸酸地既沙拉醋油同黑松露，非常開胃，而且味道獨特。左口魚刺身份量唔多，但係果陣灸烤味非常濃，真係令人食過番尋味大頭蝦刺身飯，有帶子，蟹子，大頭蝦兩隻，一隻玉子燒，幾片三文魚。所有刺身都鮮味十足。但係其實我有啜蝦頭既習慣，因為新鮮既蝦d膏好好味，但呢個個蝦膏有點苦同腥，啜左一口就放低左。個飯最後都係食淨好多，如果有多d料就好啦。牛舌，質感嫩滑，但係食唔慣，總係覺得有少少腥再尼個宮畸和牛壽司拼盤，2 隻宮畸和牛，牛肉既鮮嫩味道十分出，食得出係質素和牛，而且非常新鮮，大概係4成熟左右，卻一點都唔腥另一樣非常驚喜既野係其餘既鰻魚，帶子同甘魚壽司上都有塊大大塊的鵝肝，加上鮮味既醬汁，點綴左成舊壽司，帶有些少香烤味，又有鵝肝既嫩滑質感，令味蕾有更多層次既享受。仲有個烤雞配白咖哩。其實，我本身以為白咖哩係好似吵嗲王果種，帶有點香茅香同椰子香果種，點個出到尼係白色泡沫底下一層黃咖哩配烏冬，同想像有出入，本來仲諗，比咁大碗蛋黃醬既！？只可以講，非常有創意！個咖哩係甜甜地既日本咖哩，冇其他料，唔算濃,同烤雞既味道都幾夾最後，甜品係宇治抹茶芭芙，都算係一款驚喜既甜品。係甜品店都食唔少宇治金時，尼個比較出色之點係綠茶味好濃，唔會覺得又甜又膩，有不同顏色既菓子，又睇得又食得。餐廳既選擇好多，價錢唔算貴,地方又大，食材整體而言都幾新鮮，係個值得探索既地方。…查看更多

相約友人響黃大仙中心見面，原來呢個商場都好多餐廳, 最後選擇左食呢間和氣食堂，和氣食堂屬於新派日式料理餐廳,食物品種多樣化。前菜 ～ 3點剌身盛C $108， 所有刺身都好新鮮，珍寶赤蝦刺身2隻, 大隻彈牙好鮮甜；三文魚刺身3片, 厚切甘香；帆立貝刺身1 隻，開邊有2片，嫩滑甜美。前菜 ～ 火焰左口魚邊牛油果沙律 $68，左口魚好少食，幾特別，沙律菜新鮮爽翠，夏天食一流，另外我好鍾意食牛油果，牛油果份最算多，正！千回火鳥3隻 $38，即係燒雞翼，雞翼燒到冇晒皮下脂肪，皮薄香脆，連埋皮食都唔會有罪惡感。金蒜燒日本米茄子 $42，茄子佈滿金蒜，好鬼死惹味，滿口蒜香味。白咖哩烏冬 $88，首先睇menu果陣已經決定食，造型相當吸引，白色泡泡表面睇落似忌廉，咖哩烏冬要由碗底挾起，烏龍彈牙，撈埋一齊食好好味，跟餐仲有兩舊炸雞球。櫻花蝦鯛魚湯泡飯 $108，魚湯用茶壺分開上，食果陣先倒，咁樣就唔會浸到d飯脹大，魚湯濃郁，好有魚味，有兩隻大蝦同帶子，配有米通粒，令泡飯更有口感。糯米慈紅豆宇治抹茶雪糕 $42，飯後點可以唔食番個甜品，雪糕香滑重奶味，糯米慈配紅豆一齊食，煙煙韌韌好得意。埋單 $543…查看更多

是日和朋友到黃大仙中心食飯,自從領展大翻新商場後,多咗好多好野食。行到地下個層,見到呢間日本餐廳,都有幾多選擇,加上價錢公道,就一於試下!!​入到去,d員工好有禮貌帶我地埋位,亦都有其他侍應幫手倒茶​,比人感覺都幾好!講番食物方面,前菜叫咗個沙律食,沙律來到,大大份, 2-3個人食都唔係問題,特別係上面放咗d海葡萄,食落去好特別,係類似海草類嘅感覺。叫左個魚生粒粒海鮮飯,呢個飯嘅好處係將d魚生切成一粒粒,好易入口,小朋友都方便食,而且d份量好多,有大大粒嘅魚子,同埋有好似骰仔三文魚同吞拿魚等等,其中芥末八爪魚十分好食,八爪魚夠彈牙, 而且芥末味岩岩好,撈埋d飯食,好正,​仲有一粒玉子添~~好甜好嫩滑!朋友話係日本同韓國都食過白咖哩烏冬,見到呢度有,又叫個來試下,上面個層係有少少忌廉味嘅薯蓉,將d薯蓉同咖哩烏冬撈埋一齊再食,好特別。d烏冬沾滿曬薯蓉,估唔到薯蓉同咖哩可以咁夾!!​叫左燒生蠔​食,一個係芝士燒,一個係蒜泥燒,我就食咗蒜果個,蒜味好濃,好惹味!仲叫多咗個燒肉菇食,未放入口都已經聞d菇好香,食落去好多汁,配埋D燒過嘅芝士,好快就食完呢碟,Haha!最後見佢有做推廣,甜品加兩個小食,都係幾十蚊,咁抵就試下,個雞翼係喜出望外嘅感覺,第一次食涷涷地嘅雞翼,好特別又好好食,個薯條亦夠脆仲有D甜甜地~個甜品係控茶芭菲,甜品都好出色,食埋甜品就係happy ending。…查看更多