新南苑私房菜火鍋鷄煲 (華僑商業中心)

最近天氣轉涼，想起這家海鮮火鍋店除了主打的雞煲外，該店還有幾款不同的湯底，而我們選了新鮮蟹窩花甲湯底未上湯底前，先上了兩隻大閘蟹，鮮甜多羔然後每人一隻生蠔，新鮮肥美到了火鍋主打的生猛海鮮拼盤，有鮑魚及元貝等，同樣新鮮甜美還有本地手切牛頸脊，紋理平均肉味十足其實除不能添加的食物外，還有不少可以任點的選擇，有大量的丸類、蝦及脆骨腩、美國肥牛等等而且還有蔬菜區任取當然少不了任飲，選擇亦不少最後還牛奶甜品，作了一個完美結局…查看更多

星期五放工同事提議去食雞煲火鍋，選擇了旺角的新南苑，地點十分方便，地鐵出口2分鐘就到。店員介紹是以半自助餐形式，先雞煲再打邊爐；飲品、青菜、醬料都是自助的，每位$268起。店員送上開胃前菜"花生雞腳"佐酒不錯。招牌麻辣雞煲(可選辣度)店員提醒煮6分鐘後就每2分鐘拌一拌，最後可加入油炸鬼，打開香噴噴，份量足，雞很嫩滑且入味，味道野味，油炸鬼變腍了再掛上雞煲汁，更香。店員服務很周到，不時都會留意我們，十分貼心。原來雞煲還可以再添加雞，真不錯。花膠蟲草花椰青湯底+生猛海鮮拼盤+本地手切牛頸脊海鮮有新鮮彈牙龍蝦、爽嫩蟶子、嫩滑帶子、鮮味大蜆；牛頸脊質素甚高。頂級任食火鍋配料我們也點了數款試試。比較特別有龍躉片，大片厚身；脆骨腩爽脆有口感；主食還點了鮮蝦雲吞、韮菜餃、讚岐烏冬、刀削麵等；其他還有沙拉包心丸和響鈴等等。整體質素都十分優。總體來說評價十分高，無論服務、食材、味道等都很不錯，值得一去再去。…查看更多

大半年前同一大班朋友食過一次，覺得好好味，一直都念念不忘😳於是就決定同男朋友兩個再黎試下😋我地叫左個招牌麻辣雞煲(微辣)🤣再配左個普通清湯湯底既海鮮火鍋！因為店員同我地講我地兩個人，如果選擇食雞煲既話，只能配上清湯湯底！但如果我地唔要雞煲，就可以要啲特色既湯底打邊爐🤔最終我地都係揀左要雞煲(冇可能黎到唔食雞煲架嘛🙈)呢個冰震鮑魚係佢附送既前菜，每人有一隻😊可能自己本身比較少食冰震鮑魚，所以覺得真係幾唔錯🥳啖啖肉🥰-🎈招牌麻辣雞煲(微辣)店員一上左個麻辣雞煲，就同我地講話大概幾分鐘要翻一翻佢(確實就唔記得左係幾多分鐘啦😂)，同時要加埋啲油炸鬼落去，好似一共都要翻三四次，應該係驚佢會黏底😅等左一陣終於有得食啦！！個雞好惹味，時間煮得岩岩好，仲好嫩滑😳我同我男朋友覺得份量都好多，兩個人夾左好多轉都未食哂！特別欣賞佢既油炸鬼，幾特別而且有驚喜，煮左之後脆脆地，仲吸哂入面雞煲既味，真係十分邪惡🤤-🎈生猛海鮮拼盤完全係見到啲海鮮就會嘩一聲啊！！呢度有七種海鮮，樣樣都超新鮮，有鮮甜的味道😍-🎈本地手切牛頸脊配頂級任食火鍋配料呢度真係樣樣野都好高質，牛頸脊色澤好靚，又唔會話太多肥既位，所以食落好感好好😋🤤而當中仲有個小籠包都幾正，本身冇特別留意到，點知我咁岩又食到，先發現原來係上海小籠包黎，幾有特色，完全係上海小籠包既味道🤣我地後尾都冇叫太多野食，雖然係任食既配料，但真係食唔哂呢🤔呢度好在係脆鯇片同脆骨腩都可以任食，真係唔係間間都有的🙈稍微有少少美中不足既係我地每次order火鍋配料時都要叫店員寫低我地想食啲咩，佢冇紙仔可以比我地自己點，搞到每一次都有啲唔好意思咁叫個店員黎(因為啲店員其實都好忙)🙈整體來說真係好高質既海鮮火鍋，強烈推薦👍🏼🤗食完一次真係會心掛掛，好想快啲食第二次的！…查看更多

雖然這個冬天不太冷，但依然無損我們對雞煲火鍋的熱愛。趁著差不多到新年，特別約了好友一起吃過雞煲火鍋，來一個拜早年。新南苑私房菜火鍋鷄煲位於旺角華僑商業中心。旺角地鐵站B1出口出發不用三分鐘便到，地點十分方便就腳。我們一行二人要了這個海鮮火鍋半放題套餐一起分享。招牌麻辣雞煲(⭐⭐⭐⭐⭐)一場嚟到當然要吃吃這裏的招牌雞煲雞煲。上枱時不是全熟，要煮大約五至六分鐘，每隔一會便要搞一搞，防止黐底。雞件吃起來十分鮮嫩，而且不算太辣，反而有一點麻味十分惹味。油炸鬼也是另一亮點，吸收了雞煲的精華，吃起來仍有一點脆口，簡直令人停不了口。生猛海鮮拼盤(⭐⭐⭐⭐⭐)這個海鮮拼盤十分豐富，包括了瀨尿蝦，聖子，海蝦，鮑魚，海蜆，生蠔等等。份量是按照人數而定的，每人每樣有一份。瀨尿蝦十分新鮮，上枱時還是活著，大約五至六分鐘便熟透。吃起來肉質十分鮮甜，而且有海水味，不用配醬料也十分好吃。另外海蝦也十分不錯，大隻而且肉質結實，吃起來十分彈牙可口。生蠔大約五至六分鐘便可以，都不算太縮水，吃起來有蠔味。本地手切牛頸脊(⭐⭐⭐⭐💢)相對雞肉，這牛頸脊的肉質明顯較結實，吃起來有嚼口。而且脂肪不太多，吃起來十分有牛肉味。其他火鍋店的任食肥牛絕對比不上的。頂級任食火鍋配料(⭐⭐⭐⭐💢)除以上配料是限量按人頭分配，其他火鍋配料也是任食的。首先是一盤大雜丸，包括了芝士丸，沙拉包心丸，韮菜餃和魚皮餃等等。丸子吃起來都十分彈牙，不會十分粉。而且還有小籠包，真的是第一次見。另外還叫了一個出前一丁麵，要一點澱粉質才飽肚。有Heart甜品(⭐⭐⭐⭐💢)最後附送的奶凍甜品吃起來十分嫩滑，而且奶味十分重，為這晚餐畫上完美的句號。總括而言，這間餐廳食物質素十分高，而且價錢不算太貴，下次有機會也會再來。~~~~~~~~~~~~~~~~~~~~~~~~ 新南苑私房菜火鍋鷄煲 旺角彌敦道678號華僑商業中心3樓全層推介菜式：招牌麻辣雞煲、生猛海鮮拼盤、濃湯雞配花膠 👍🏻地點方便👍🏻惹味雞煲 👍🏻價錢大眾…查看更多

Lovin' U 若快樂似肌膚     Lovin' U 無時無刻都想你繼續去呵護     營養是那麼豐富     願我是你最在乎今日係520的日子，當然也要好好慶祝，就決定試一試海鮮火鍋半放題。一個半放題，就滿足到鐘意食雞煲的老公和鐘意食海鮮的我。店舖頗大，內有不同組合的枱椅，可以少少哋兩個人食，亦都可以一大班十幾個人去食。店舖在不同角度都安放著大電視，無論坐邊個位，都可以清楚睇到電視，唔錯唔錯。飲品是採用自助形式，飲品有不同的紙包、罐裝及樽裝飲品。除了大路的可樂、忌廉，連出面好少地方有得賣的道地菊花綠茶、道地冬瓜茶、菓汁先生雪梨蜂蜜茶同得米烏龍茶都有。首先一入坐，店員就送上前菜，包括非常入味的凍雞腳；脆脆的花生；新鮮的蕃茄仔；爽脆的鵝腸。套餐包括招牌麻辣雞煲，雞煲有大中小辣，我們叫了小辣。雞煲一開蓋就聞到好香的麻辣味，香氣四溢，雞肉好嫩好滑，而且每件雞都被濃郁的麻辣汁包圍，正。我們好快就將雞煲清晒，店員見我們將雞煲吃到乾乾淨淨後，問我們駛唔駛再黎多一個雞煲，原來雞煲是任食的，唔夠可以再叫，我見隔離枱足足再叫多兩三次雞煲，哈哈。雖然我們得兩個人，但是我們吃了雞煲後，仍然可以不用加錢就可以有蕃茄薯仔粟米湯底。蕃茄薯仔粟米湯底非常鮮甜，配上之後的海鮮也十分美味。是日的生猛海鮮拼盤有大大隻的聖子、大大隻的帶子、鮑魚、蚌、海蝦、脆鯇片及龍躉件。貝類清洗得好乾淨，而且又大又新鮮又鮮甜，魚類新鮮爽口彈牙，海蝦新鮮爽口美味。本地手切牛頸脊，牛味濃郁，有口感，亦都非常新鮮，好味。估不到小籠包配上海鮮火鍋是咁美味，小籠包入面充滿海鮮湯汁，正。另外我們叫了其他任叫任食配料，包括皮薄餡靚的鮮蝦雲吞、韮菜餃及魚皮鮫；爽口彈牙的芝士丸、墨汁墨魚丸、貢丸及沙拉包心丸；滑溜的豬紅；爽脆的牛柏葉；口感不錯的豚肉片；打邊爐唔少得的爽滑烏冬。最後，還有Dreyers開心果雪糕。…查看更多

係呢頭行完街又到開餐時間, 假日就是要食好D, 見到樓下有宣傳易拉架, 火鍋鷄煲相片相當吸引, 一於上3樓試下先!坐底後見到呢個任食海鮮火鍋半放題套餐 ($268/位), 限時有成3個鐘, 夠晒時間慢慢食!  呢度仲特設私人房間, 4人起計, 每位只係另加$20就可入坐房, 有電視睇又有波睇, 岩晒一大班親友黎開餐喎!套餐係先食招牌麻辣鷄煲 (辣度可選大/小辣), 送上枱後, 加熱6-8分鐘就食得! 打開煲蓋就聞到惹味鷄煲香味, 鷄件都唔少, 配埋油炸鬼索埋D濃味醬汁, 又一種新食法! 鷄煲仲係無限任食, 鷄煲控黎呢度就心心眼啦啦!食緊濃味嘢, 出去凍櫃拎返岩飲凍飲先, 凍飲包括汔水, 特式飲品及涼茶混醬區, 自己出去隨意混合自己喜愛醬汁食完鷄煲, 轉個清湯底進入火鍋時間!  侍應快速地已預備好生猛海鮮拼盤 (6-8款), 今晚呢個拼盤包括帶子, 大蜆, 蚌, 蝦, 鮑魚, 蠔, 龍躉片! 每款味道鮮甜, 品質唔錯, 最歡喜係彈牙鮑魚; 爽口蝦肉; 蠔夠蠔味又大隻!  食呢個海鮮拼盤都值回票價!各類蔬菜及菇類係出面自取, 貨色幾新鮮, 唔會雪到變晒肉酸色!亦有各類丸類, 當中的貢丸食落夠晒札實, 雲吞皮夠晒薄, 唯無蝦爭少少!仲有小籠包可以火鍋, 真係未試過咁食法, 烚完變得較清蒸的為大隻, 皮就比較軟D, 味道就大同小異!仲有其他火鍋配料可以任叫, 款式夠晒多點左幾款喜愛的, 水魷, 芋絲, 牛栢葉及薯粉, 味道質數絶對岩數!食到呢到, 腰圍已經增大幾吋, 侍應溫馨提示有甜品, 原來係奶凍, 唔好睇佢係送就無咩特, 呢杯奶凍夠晒香滑, 甜度適中, 就算好飽都可以食埋佢先走! 哈..哈………查看更多

當香港剛開始興起雞煲嘅時候， 我就已經試過旺角嘅「新南苑」， 當時都仲未有灣仔分店， 而家開到連港島區都有， 可想而知幾受食客歡迎👏🏻！😏 咁啱友人想食雞煲，我又想打邊爐， 所以就又黎幫襯啦。😂 餐廳裝潢走平民街坊路線， 前台有個大魚缸， 比食客揀當日嘅游水海鮮加料，😎 中間有好多張大圓枱， 給人一種舊時大排檔的感覺。 餐廳更設有包箱， 啱晒一大班朋友黎烚下烚下！😏 我地被安排到二人撐枱腳嘅卡位， 座位都幾舒適。 呢到得一款套餐—海鮮火鍋半放題套餐， 基本收費$258，醬料每位$10， 小食另加$20， 如果以$20一碟前菜，有三款小食黎講算係唔錯 ， 鳳爪酸辣惹味，四季豆微辣爽脆，幾開胃！ 最新更有特別優惠， 贈送特別小食—燒鰻魚， 肉質軟腍又不失嚼勁，鰻魚汁幾滋味！😁 招牌麻辣雞煲 食之前要等雞煲煮6分鐘， 每2分鐘需搞拌一次，避免癡底， 最後將油炸鬼放埋落去一齊食， 食法幾特別～😏 油炸鬼吸收左雞煲嘅醬汁，幾惹味， 但小編覺得稔左嘅油炸鬼口感唔太討好。🙊 雞煲比坊間普遍嘅較乾身， 雞件鮮味嫩滑，麻辣滋味， 如果一煲食唔夠喉既話， 仲可以係上火鍋湯底前免費encore， 可以食到夠皮為止！😳😂 食完雞煲， 就可以自選火鍋湯底打邊爐啦！ 我地揀左清湯， 涮海鮮更原汁原味！😏 先來生猛海鮮拼盤， 款式是根據是日有咩新鮮， 數量係按人頭分配， 今日有龍躉片、脆鯇片🐟 、海蝦、生蠔、元貝、大蜆、鮑魚、蟶子， 龍躉片、脆鯇片幾新鮮，沒半點魚腥味。 海蝦雖然比較細隻，但勝在肉質鮮甜彈牙。 生蠔和大蜆清洗得乾淨，而且鮮味十足， 蟶子都幾大隻，鮮甜肥美～😳 元貝雖然個子不大， 但真係連殼架！😳😍 肉質鮮味有嚼勁，值得再encore啊！ 鮑魚肉質軟腍又不失口感。 每枱都會有一碟本地手切牛頸脊， 深紅色嘅牛頸脊油花都算均勻， 肉味香濃，脂肪少，肉質爽嫩， 食唔夠喉，仲可以加$38追加呢！ 頂級火鍋配料 有各種餃和丸類如鮮蝦雲吞、韮菜餃、魚皮餃； 墨汁墨魚丸、海膽丸、芝士丸、芝心獅子狗等， 當中的芝心獅子狗係芝士控絕不可錯過的， 流心的芝士很「芝」味。🧀 火炙芝心丸一咬， 裡面的芝士溶液便在口腔裡爆發。 墨汁墨魚丸彈牙，墨魚味突出，也是小編的最愛呢！❤️ 除此之外， 各類蔬菜如芽菜、生菜、娃娃菜也是自由添加， 各類飲品和汽水、自家製涼菜也是任飲der～ …查看更多

由於早前有個朋友同我們介紹話呢間喺旺角華僑商業中心嘅「新南苑私房菜火鍋鷄煲」食鷄煲同火鍋相當唔錯，所以我們今晚就去咗食晚市放題！我們揀咗海鮮火鍋半放題套餐，首先店員會問我們要咩湯底？我們揀咗之後就會即刻攞個鷄煲畀我們！招牌麻辣鷄煲嘅醬汁味道相當惹味，鷄肉吸收晒醬汁嘅味道，肉質就好鬆軟嫩滑，而且係可以任食，不過要三位或以上先可以，同埋最好係喺食嘅過程有專人幫忙烹煮，而且態度仲好親切自禮，真係值得一讚！另外仲有油炸鬼可以加埋落鷄煲一齊食，但我們唔係太鍾意，因感覺比較油膩！食完鷄煲之後店員就會攞我們揀咗嘅湯底畀我們，新鮮蟹窩花甲湯底有原隻新鮮即劏嘅蟹同花甲，所以湯底嘅味道非常鮮甜，蟹肉嘅肉質相當鮮味嫩滑！另外以人頭計，每人都有一隻新鮮泰式生蝦，肉質超爽甜彈牙！生猛海鮮拼盤有鮑魚、海蝦、桶蠔、蟶子、脆肉鯇魚等等等等⋯⋯全部都非常新鮮！本地手切牛頸脊嘅色澤好紅潤，肉質好鮮嫩，牛肉味相當濃郁！蔬菜同醬油係放喺自助區，畀人客自己揀選，所有蔬菜都清洗得好乾淨衛生！飲品亦都係任飲，但喺眾多款飲品之中我們揀咗Vita Coco椰子水，因感覺比較健康啲，同埋唔係有好多食店有得飲！總括：呢度除咗有鷄煲食之外，仲有火鍋食，真係好抵食！…查看更多

呢間新南苑我地已經【三訪】，食過兩次火鍋，一次小菜，質素相當不俗。對上一次黎仲一行十幾人，食宵夜時段，又訂埋房，同朋友慶祝生日，宵夜時間好抵食！今日收工同男朋友過黎撐枱腳，雖然係平日，但晚飯時間，人流非常多，連近門口位都開埋枱，好誇張。唔想我地要等位，餐廳都俾我地坐左張中枱。店內位置非常多，有廳有房，想坐房記得早啲預約，外面有卡位，亦有圓枱，不過客多枱多，相對會坐得密麻少少。所以如果人多，強烈建議先行預約房間。晚市供應火鍋、雞煲、蒸鍋等，雖然係放題咋，但絕對係靚料醬油、調味料 $10/位前菜 $20/份蝦刺身應該係送的，新鮮爽口！海鮮火鍋半放題套餐 $258/位（另收加一，五六日、公眾假期每位加$10）三位以上食火鍋前仲可以食埋(1)招牌麻辣雞煲：任食，非常抵。但我地今次得兩條友，冇份食。食完雞煲，可以揀湯底繼續(2)火鍋：湯底5選1，包括有蟹窩花甲湯底、豬骨濃湯鍋底、野生水魚湯底、冬瓜花甲湯底、四川麻辣湯底。個人都已經食過頭四款，其實佢地嘅湯底睇落都好足料，不過味道唔濃，未至於會拎黎飲。我地今次揀左冬瓜花甲湯底，裡面都有唔少蜆肉(3)生猛海鮮拼盤：海鮮約6-8款，冇特別規定，視乎來貨啦。當日有蟶子、生蠔、脆鯇、鮑魚、海蝦、元貝、象蚌仔等，人頭份量成個拼盤都幾有霸氣，而且材料都好新鮮，蝦肉爽口，生蠔超大隻、鮑魚都彈牙、元貝已清乾淨，新鮮爽滑、蟶子都幾大隻架全部都可以另外再單點，例如鮑魚 $28/隻、生蠔$12/隻等。(4)本地手切牛頸脊：牛肉雙飛，手切無誤。雖然人頭份量，但都幾大方牛味突出，肉質厚身帶嚼聈勁，質素相當不俗雖然唔係任食，但我見追加牛頸脊都係30蚊碟，都唔貴啦。(5)火鍋配料：任食嘅選擇相當多！有丸類、雲吞、餃類、脆鯇片、炸魚皮、響鈴、蔬菜、麵食等，同店員落單就可以。人流多，食物嘅流動都大，基本上全部食落都新鮮冇雪感，海蝦、脆鯇、魷魚、海膽丸、豚肉等都可以任食，都算唔話得呢。另外場中間仲有個蔬菜櫃，可以自取(6)甜品：雪糕機自唧雪糕，仲有好多配料可以揀，最驚喜係個雪糕筒好脆口(7)飲品：選擇超多，通常我黎就係飲椰子汁。總括黎講，要推介任食有雞煲、火鍋、海鮮嘅我都會提起新南苑，雖然人頭都接近三舊水，但質素挺高，唔會係垃圾食物，間中豪食都開心。環境就逼少少，如果人多坐房會好舒服，冷氣大啲，又有廁所（設低消）。最唔話得係店員嘅態度，個人認為合格有餘，密密換碟、加水、行過又關心下個爐會唔會太太火力。食到咁上下又提下有雪糕，所以我會一直回訪。餐牌：…查看更多

 觀塘區重建之前，新南苑其實是不少人的飯堂，所以知道它要面臨結業，不捨之情難以言喻，據聞新南苑在旺角重新開業，方便到就是沒有可能再次成為大眾的飯堂。寛敝的梳化座位，設有獨立房間，猶如卡拉ok般的間隔。另有自助調味站，但要留意每位要加$10。象拔蚌刺身放在冰鎮上正在吞雲吐霧，又軟滑又爽脆，總是令心人愛不惜口。還未有吃火鍋的準備，首先就來個雞煲熱下身吧！後續再來火鍋是也。招牌雞煲半隻(小辣)雞件夠乾身，汁醬濃稠，或許這就是雞煲特別香濃，輕易滲透雞肉之中的原因，雞肉嫰滑無比，還有我很喜歡的洋蔥作配菜，選小辣的程度是可以接受的。新鮮蟹鍋花蛤湯底吃到差不多的時候，店員取走鷄煲鍋，幫忙換上新鮮蟹鍋花蛤湯底，一直以為吃完鷄煲，就直接注另一款湯繼續吃，這點令人頓覺很貼心。清甜的湯底不乏鮮蟹的美味。生猛海鮮拼盤有龍躉、鮮元貝、蝦、蠔、鮑魚、蟶子皇、象拔蚌仔、脆鯇等等。按照客人分量去分配，避免做成不必要的浪費。鮑魚彈牙爽口；蠔充滿肥美飽滿口感；蝦鮮味十足；鮮元貝鮮甜厚實多肉，吃著令人無法忘懷。鮮手切牛頸脊沒有什麼雪花紋理，豔紅色的牛肉，眼見每塊牛肉都帶有少許脂肪位，放進口裡油香泛泛，而不失嚼勁。3.6牛乳燕窩燉蛋白入口順滑富有濃郁奶香，滿口啖啖燕窩，養顏之餘，以這個甜品作罷，已相當完滿。…查看更多