河內越式料理 (村南道)

今次去圍方睇破地獄，不過想食啲平少少嘅嘢，所以去火車站另外一個出口搵食。咁多間舖頭，都有啲人，好彩呢間味道可以之餘，出餐幾快，所以完全趕得切。睇下有咩食先生熟牛肉湯河粉 $69牛肉有肥牛同埋牛腩片，肥牛放多一陣變成半熟，令夠甜嘅牛骨湯底多左少少油份。河粉好滑，如果想多啲香味，可以落少少辣椒碎同埋青柑仔，湯底會更多層次。素春卷撈檬 $68大條春卷切半，份量都大過一般越南春卷。見到裡面材料相當豐富，木耳、甘筍、芋頭粉絲，甚至胡椒都有，淨係無左豬肉碎，口感已經足夠。撈埋酸魚露同蘿蔔絲，非常開胃，可以一路食。香茅雞翼 （2件）$23因為有叫主食，可以跟餐要半份。雞翼炸得乾身香脆，有香茅味。但之前已經食左兩樣好嘢，就唔會覺得好特別啦！香茅沙嗲串燒豬頸肉 （3串）$72沙嗲串燒，同燒豬頸肉都食得多啦！但撈埋一齊都幾特別，因為醬碟好淺，所以點完已經有兩種味道啦！本身豬頸肉燒得乾身爽口，香料味足，所以香茅味唔算好濃味。點沙嗲之後，就會有花生香同微辣嘅感覺，加埋本身嘅香料，成條串燒味道更多層次。蜜糖柑桔冰+$12飲品色水好清澈，仲有幾個青柑仔，應該無落濃縮青檸汁，酸酸甜甜好放心。熱情果梳打+$12半杯熱情果醬，跟一罐玉泉梳打水。其實見到啲核，已經好放心，唔洗講嘢啦！純天然，唔係科技與狠活，呢度起碼有一個，加少少糖，開胃解膩。總數：$256…查看更多

越南河粉一向係我嘅至愛，好耐冇食佢喇，今日心血來潮，就到大圍「搵食」了。尼間PHO店我留意咗好耐，今次係第一次幫襯。間店地點超方便，就在大圍火車站A出口對面，紅茶冰室隔離。去到時約中午十二點半，餐廳人唔多，我要咗個生熟牛肉湯河粉同三色冰。因為跟餐，所以原價28蚊嘅椰汁三色冰只收12蚊。碗粉份量足夠，但我嫌生牛肉唔夠生，所以食嘅時候好似成碗都係熟牛肉。要讃嘅係湯底，味道清甜，係我鍾意嗰種。仲有就係枱上面嘅醬料都係越南牌子，味道正宗。三色冰冇擺好多冰，飲到底好似有舊番薯的東西，尼杯12蚊算係可以接受。尼度下午茶餐都好底食，下次有機會會再嚟👍。…查看更多