阿銀冰室

在朗豪坊附近無啦啦發現 一幢叫上海街 618的建築物，當日给文藝市集吸引了我內裏逛一逛，原來在三、四樓有不少食市。比隻招牌 貓貓吸引去了阿銀冰室，對面是一間很懷舊的文具舖，餐廳入面也同樣擺放著舊式文具擺設，十分有特色。下午茶台式鹽酥雞金透拼沙律一上枱時熱辣辣，鹽酥雞鎚鬆脆可口，外脆內軟，令人懷念台灣味道。沙律方面，有青瓜薯仔等，爽爽脆脆，感覺新鮮， 配上熱辣辣的雞槌， 降低了一份熱氣感。咖哩牛腩飯份量十足，牛腩炆得淋淋的，咖哩有南洋風味。瑞士汁雞翼+麻油鹵水雞腎這是跟餐加錢的小食， 一點也不hea，瑞士汁雞翼炆得淋淋的，十分入味。 一向不吃內臟的我， 也忍不住吃多幾口雞腎，口感十分爽脆， 滲著滿滿的麻油味， 真心推介。埋單之後，還可以任揀小禮物，真是 又食又拎大滿足…查看更多

男朋友話一定要寫食評系列😂為預祝我生日，佢帶左喜愛文具而且係本地品牌文具小店做緊既我黎到呢個文具主題冰室。對面就係銀の文房具，呢邊猶如展覽館既延續，細心望望周圍，會發現好多細微位置放咗古舊文具。卡位既陳室十分用心，食住野欣賞舊時嘅文具，訴說兒時，對於八十後嘅我們而言別有風味。講起食物更是有心，龍脷柳上鋪上薄薄嘅青瓜片，彷如魚鱗，別有心機，而且味道清新。 海南雞飯更是嫩滑，配上油飯一流但瑞士雞翼略為淡味，只係面頭鋪汁，所以顯得第一啖偏咸，感覺一般。再講服務，店員很是細心，會小心留意顧客嘅需求，而且用餐後會咨詢意見，感覺多份貼心。臨走前店長都好客地介紹鋪前的文具，有意可一人拎一份心水，話唔定尋到寶，免費嫁！(前提係要惠顧在先)…查看更多