一起食堂 (域多利皇后街)

自從中環街市及大館成為文創新地標後，不時都有去行下，不過呢頭搵食就覺得偏貴，想食好啲既無兩三舊水都出唔到門口。今次響中環街市對面街搵到間台菜食堂，門面有少少東瀛風幾吸睛，平日晚市有九成入座率，望餐牌價錢都算合理。二人套餐 $268特濃豆乳雞烏龍麵+$5蒲燒鰻魚飯+$18滷雞翼大大份鹽酥雞+$8珍珠奶茶紅豆奶茶迷你芋圓仙草凍套餐包兩款主食，兩款小食，兩杯飲品及兩份甜品。餐點賣相唔錯，主食仲插住枝旗仔，有啲幽默金句。味道方面，豆乳湯底香濃，雞卷厚嫩；鰻魚雖然唔係原條，但份量都唔細，肥美中帶微微焦香，加埋隻溫泉蛋及味素，拌飯一流。滷水雞翼有4隻，滷到好腍好入味；而鹽酥雞份量真係大大份，加埋杯紅豆奶茶已經超滿足 ！最後仲有碗芋圓仙草凍，迷你都好大碗，足料又好味。本身套餐都有唔少唔使加錢選擇，不過加埋人均都唔使$150，餐廳無加一收費。BTW一路食一路聞到隔離枱碗麻辣力削麵勁香！可惜二人餐無呢個選擇，下次一個人黎食一定要試呢個！…查看更多

📍中環人氣台式食堂 屹立多年依然好多人捧場 木色裝潢配搭台灣電影宣傳海報 那些年的回憶加添咗唔少台灣氣息 價錢相宜貼地 主食無論麵飯類 都配有3款小菜 幾豐富🌀 特濃豆乳雞烏龍麵味道偏向清淡清爽 微鹹帶豆香 豆香香氣四溢 :) 富有鈣質有營養 雞肉以雞卷形式製作 食落啖啖肉似叉燒 套餐3款前菜 包括日式紫薯仔+ 迷你泡芙+ 中華沙律🌀 秘製滷肉飯滷肉份量有驚喜! 魯肉汁肉量超多 使用半肥瘦瘦肉條 配上偏甜滷肉汁 每顆肉粒都滷得入味 幾乎唔需要額外加滷肉汁 已經夠惹味! 我個人非常喜歡滷蛋質感 蛋白位置Q彈 有點鐵蛋的口感 而且浸泡時間應該好足 所以相當入味! 🌀 鹽酥雞 & 炸花枝丸見幾多人推薦炸物類 鹽酥雞炸得香脆✔️ 份量超大份 2個人share都食唔曬 花之丸1份4粒 冇加額外調味 仲食到花枝粒～🌀 珍珠奶茶 & 仙草奶茶多款台式奶茶及水果茶 茶味偏濃 仙草偏硬身似啫喱 份量又近1/3杯😻…查看更多

歡迎follow IG @eatwifme2k23 睇更多❣️今日試一起食堂 ❣︎ 終於同個好耐冇見嘅朋友出去食飯❤️喺中環接佢收工後，周圍fing咗陣，決定去間朋友話過唔錯嘅餐廳💁🏻‍♀️以中環物價嚟講，非常錫住學生哥荷包！🥹同埋質素唔錯，幾值得去💃🏻💃🏻✂︎-----㋖㋷㋣㋷線-----✂︎1️⃣ 特濃豆乳雞烏龍麵 ($89)見到呢個item覺得幾趣致，決定嗌個試吓伏🫣唔伏很好！佢嘅湯底好香豆味，飲落雖然淡味咗啲，但唔會好奇怪：佢有小小嘅鹹味，唔甜（本身以為會係甜甜地）👍🏼雞肉睇落好似日式叉燒，好嫩滑，唔錯唔錯❣️2️⃣ 吉列海鮮冷烏冬拌柚子汁 ($89)朋友嗌的，睇落冇咩特別，但食落幾有驚喜！冷烏冬沾啲柚子汁，食落超～清新，一解夏夜暑熱🌬️吉列海鮮外皮脆卜卜，但唔會油膩，配埋清爽嘅冷烏冬實在好正！🍥✂︎-----㋖㋷㋣㋷線-----✂︎可能我哋臨近收工先去幫襯，店員有啲惡🥲但見佢呢個價位咁好食，都可以接受嘅～（就係我呢啲怕事人助長咗香港🍉侍應問題哈哈）下次都要自己食個柚子汁烏冬！🍜…查看更多

🍜特濃豆乳雞烏龍麵 $89白雪雪豆乳湯底甜甜地🥛，鍾意佢夠養生唔油亦唔太咸😝，雞肉卷肉滑皮薄🍗，烏龍麵滑溜，但又唔會太淋有咬口，似烏冬不過幼身啲😉，仲有兩個油豆腐同小棠菜🥬，湯豆腐吸湯👍🏻前菜有中草沙律🥗、蕨餅、枝豆🍡芋圓仙草凍+$14大舊仙草，配花奶，估唔到迷你都有咁多粒芋圓，有地瓜、紫薯、芋頭🍡，粒粒到煙韌有咬口，最出色最濃味系芋頭味，有芋頭粒😍，食完好飽😂.✨小店座位多，有樓上座位，木枱凳，野食唔錯同特別，好肉豆乳烏龍麵就唔常見，不過相對價錢較貴…查看更多

👌🏻呢間餐廳開正係中環皇后街大街，晚市會打開大門迎客。某日行經門口，見到 6pm 入面就坐哂人，正好趕住醫肚，就入去攝位試一試佢～🤤👅 特濃豆乳雞烏龍麵 ( $ 89 )烏龍麵已經唔多見。更何況係豆乳湯底既麵食？見到就諗起韓國有名既豆漿面，最鍾意試新野既我緊係要點黎試下～🤗上枱就見到好吸引既米白色湯麵，麵上鋪排左幾件豆卜、青菜以及幾件厚厚既雞肉 🤩 整碗湯呈淡淡豆乳香氣，味道微甜，烏龍麵麵條幼細，彈性十足，而雞肉蒸燉過後清淡嫩滑，味道不錯 🤤👅 府城蝦卷 ( $ 32 )炸物小食，春卷包裹住蝦蓉，外脆內軟，雖然偏油，但伴主食正好 👍🏻🍹 愛玉荔枝綠茶 ( $ 28 )綠茶清澀回甘，荔枝味不算太突出，愛玉啫哩為呢杯增加左甜意，不錯既一杯飲料 🥰▫️◾️▫️◾️▫️◾️▫️◾️▫️◾️▫️◾️▫️◾️▫️一起食堂 (域多利皇后街)📍 中環域多利皇后街2號地舖#moooveat中環#moooveat台灣菜#moooveatcentral#moooveattaiwan#台菜#中環#central#taiwan #hkfood #hkfoodie #hkfoodblog #hkeat #food #foodie #hkrestaurant#探店 #香港 #美食 ＃相機食先 #香港好去處 #手機食先 #食好西 #食食食 #打卡 #香港探店 …查看更多

中環一起食堂中環難得的抵食台灣菜～中環不乏貼地餐廳 不過要花花心思找尋每次不知吃什麼時都會光顧一起食堂不過未必有位置就對了🤣特濃豆乳雞烏龍麵本想點signature的麻油雞烏龍麵 最後都是改叫這款第一口入口的湯底已有大大驚喜！豆乳湯富濃濃豆香 清澈不油膩 亦不是味精湯平常不怎麼喝湯 但都喝掉了大半碗雞卷亦非常不錯 雞肉滑溜 雞皮變得像啫喱般教不吃雞皮的我也忍不住連皮一口吞烏龍麵是帶qq口感的烏冬麵 滑溜亦不易被湯浸淋滷牛腱牛腱滷得十分入味 但不會死鹹 熬煮得軟軟帶少許牛腱特有的筋道配豆乳湯烏龍麵食亦十分合襯冷泡白桃烏龍茶冷泡茶帶淡淡白桃香 茶味清香不苦澀好滿足的一餐！…查看更多

在中環區見到一家小小的台式食堂，價錢亦非常相宜，所以進來一試。點了兩份主食及三份小食，特濃豆乳雞烏龍麵的烏龍麵份量不少，麵條亦煙韌有咬口，豆乳湯的鹹淡適中，烏龍麵亦十分掛湯，每口都帶有豆香氣。雞肉估計是雞腿捲，因肉質非常嫩滑，還帶點酒香，推薦！😙另一主食點了蔥油土雞肉飯，蔥油醬汁比例剛好，不會過多醬汁令到飯粒過於濕潤，食到最後仍有醬汁拌飯，而且上方的滷蛋非常入味呢👍滷雞翼和雞肉飯上的滷蛋一樣十分入味👍健康之選😍點了淋滿肉燥的油麥菜，想不到二十多元的份量都不少🤩府城蝦卷是令人驚喜的一道，外面的腐皮薄薄一層炸得香脆，裡面的蝦肉加入了爽口的馬蹄，令口感更豐富😊雖然不能跟餐但還是忍不住點了台式飲品，仙草冬瓜茶($24)是一早製好冰著的，不會怕冰塊溶化後味道變淡；熱黑糖薑母茶($18)亦很暖身～…查看更多

一起食堂今日去中環做facial💆🏻‍♀️做完facial後就約左朋友再係附近等我🥰我地行行下原來中環街市對面有一起食堂嘅分店!!!以為只有觀塘一間😆上次試完觀塘分店，一直都想再食🤤今次咁都經過遇到，我就再食多左次😂……….🐥 特濃豆乳雞烏龍麵🍜($89)湯底好白，感覺好香濃，濃濃豆乳味😆朋友話有豆漿味😋湯頭完全感覺唔到味精，食完亦都唔會口渴，感覺好足料👍🏻而雞都好特別，已去骨，雞形成卷狀，雞肉好嫩滑，好出色🥰🤤🐥花雕麻油雞湯麵($89)跟上一杯仔花雕酒，店員教我地可以加落湯麵🍜品嚐，我先試一口未加花雕酒嘅湯底，有杞子令湯底好清甜❤️，雞肉同樣好嫩滑🤤 🧀日式一口芝士($48)炸得脆脆的，內層芝士半溶🤤🤤🤤🥬燙青菜($26)油麥菜好爽脆😋🥤愛玉荔枝綠茶($24)好fresh，加入愛玉更添口感🥰🧋珍珠奶茶($24)珍珠偏向無甜味，奶茶茶底算香濃，卡路里高，但好滿足😂🙈………..地點好方便，晚餐時段都幾多人，個日見店員姐姐一個人包攬帶位、清潔、收錢等工作，但仍然好好禮貌👍🏻………..…查看更多

星期五Happy Friday，午餐去左中環街市附近既一起食堂食返餐經濟午餐。呢度地理位置都好方便。難怪兩點都仲係滿座！一如既往，餐牌簡單一張紙，不過選擇都唔少，有麵，飯，季節限定菜式，小食，飲品同甜品，自己剔紙落單。呢度冇收加一。今日叫左兩個主食同兩款小食分享，仲有甜品！特濃豆乳雞烏龍麵 $89呢個特濃豆乳湯勁香豆乳味，又滑又香，不過唔會太甜，飲完都唔口渴，果然養生。烏龍麵好似烏冬，非常滑溜，個豆乳湯令麵條更香，真係好配烏龍麵。雞其實係醉雞卷，一共有4件，雞皮又薄又滑，雞件帶少少酒味，肉都唔韌，好有台式風味。另外都有兩大塊腐皮，貫切返特濃豆乳呢個主題。配菜有3條小棠菜心同蔥花。呢個特濃豆乳雞烏龍麵的確好健康。原條蒲燒鰻魚飯 $139原條蒲燒鰻魚飯係超大條原條鰻魚，暖暖地上枱，食落彈牙啖啖肉，上面更灑上好多紫菜絲同白芝麻粒，加上豐富鰻魚汁，撈飯一流。呢個係少飯份量，不過飯量都唔少。伴有一隻溫泉蛋，整穿隻蛋蛋汁撈飯就最正。配菜同樣有3條小棠菜心同兩片蘿蔔漬物，仲有少量蔥花。另外跟左一碗胡椒白蘿蔔清湯，飲完都唔口渴。兩個主食都跟有3格小食，分別有枝豆，忌廉泡芙同黃豆粉蕨餅。忌廉泡芙大大粒，入面忌廉又多又滑，可以清味蕾。黃豆粉蕨餅質感係高質蕨餅既口感，味道唔膩。吉列炸蠔 $48 最鍾意呢個吉列炸蠔小食。炸蠔一客4件，炸皮香脆，厚薄適中，入面蠔肉多汁，伴有沙律醬可稍稍降溫。鹽酥雞 $38鹽酥雞份量勁多，全部都係一口份量，可以一啖食哂。熱辣辣上枱，炸皮非常脆，而入面雞肉都算嫩，食落好酥脆，味道帶少少辣。午市升級組合加$12有迷你芋圓仙草凍或者$25以下飲品。迷你芋圓仙草凍 加$12迷你芋圓仙草凍有3色芋圓8粒，配有滑溜無怪味既仙草，加上香滑淡奶，味道完全唔甜，食完可以清左把口嘅油膩感。咁大碗，真係好抵食！今餐勁飽，食物好食，價錢實惠，服務員態度友善，上菜又快，絕對係中環效率。…查看更多

放工約了友人食飯，因大家臨時有野做之下揀了地點比較方便的餐廳一起食堂，主打日本菜及台灣菜，啱食之餘仲要平。小小的店子，裝潢以木系為主，簡約得來又有點和風之感，牆上掛有台灣電影海報，適逢將近Halloween，內堂有Halloween的佈置，平日的7點不太多人。紙，其實都想試豆乳雞烏龍麵，但都係比鰻魚吸引左。珍珠奶茶，$24，要了無糖，因為最近唔想飲太甜，茶味不俗。浦燒鰻魚飯，$99，鰻魚軟嫩甘香，有溫泉蛋伴食口感更豐富，漬物爽口開胃。特濃豆乳雞烏龍麵，$89，友人的。滷牛腱，$48，肉質軟腍入味。食物味道幾好，價格尚算抵食，感覺舒適，下次有機來試拉麵。飯後又行下散步。…查看更多

成日好掛住台灣好想食返D台灣野🤪 之前試過呢間一起食堂既觀塘店🤨原來仲有間更就腳既中環店‼️ 價錢合理而去便當份量豐富🍱岩曬Lunch Time 諗唔到食咩既你🤣可以試下高質既台灣菜⭐️ 特濃豆乳雞烏龍麵 🍼湯底好似豆乳鍋咁濃郁但清甜🤍加上油豆腐索曬湯汁好有日式感覺🇯🇵 係台灣菜比較少食到既清新口味😋⭐️ 蔥油土雞肉飯 🍗土雞肉比較瘦但雞味濃郁☺️ 每一口飯都好油亮💫 充滿蔥油既油香 🥗⭐️ 府城蝦捲 🍤⭐️ 鹽酥雞 🐔⭐️ 吉列炸蠔 🦪炸物同樣好有水準🥳 炸得香口而唔會太硬😬 特別鍾意蝦捲😛 蝦肉夠爽口有台南食到既感覺⭐️ 仙草冬瓜茶 🍵⭐️ 冷泡白桃烏龍茶 🍑仙草同冬瓜茶既配搭係好古早味既清甜🖤味道唔會太人工🥳 烏龍茶既茶香比較重 帶一絲絲淡淡既白桃香💕…查看更多

這間 一起食堂 之前在觀塘有吃過堂食，中環的這間分店就只吃過外賣。今晚來到中環在考慮吃什麼時就想起這裡，就和朋友一起過來囉星期五晚8點半左右都頗多人，不過很好彩的不用等位。因為吃過數次的關係 (笑)，所以今次就試試夏日季節限定的湯底！特濃豆乳素菜烏龍麵 ($79) - 帶豆味的乳白色湯底，喝起來滿清爽的。素菜包括了很甜的粟米和小棠菜、厚肉的冬菇、很大舊的紅蘿蔔等。還有很吸收湯的腐皮，不算太油膩，所以還可以；烏龍麵則好彈牙！朋友點的是 特濃豆乳雞烏龍麵 ($89)看起來素菜好像比較豐富一點？飲品在晚市需要單點，所以會有些少貴。冷泡白桃烏龍茶 ($24) & 冷泡四季春茶 ($24) - 其實茶包頗大一個，感覺可以自己再翻沖一次。…查看更多

之前試過觀塘既一起食堂，原來中環都有分店！今晚就黎食個晚飯先返屋企！地點方面非常方便，係中環街市附近。餐牌簡單一張紙，有麵，飯，季節限定烏龍麵，小食，飲品，同甜品，選擇都唔少。冇收加一，自己剔紙落單。今晚一行二人決定叫兩個主食同幾款小食分享，好快就有野食啦。紅燒牛肉麵 $89一上台就聞到紅燒牛肉麵好香既牛肉湯味，但係飲落完全唔油。牛肉有5大件，又腍又重牛味，正呀，係帶少少肥膏啫。蔬菜有大大舊香甜紅蘿蔔同白蘿蔔各一，仲有一條新鮮小棠菜，另外灑上蔥花。個麵居然係烏龍麵，好驚喜。特濃豆乳雞烏龍麵 $89呢個湯勁香豆乳味，又滑又香甜，果然養生。豆乳湯味道好配烏龍麵，烏龍麵其實好似烏冬，非常之滑溜，個豆乳湯令麵條更香，絕配。醉雞卷4件，帶少少酒味，肉唔韌。另有兩大塊腐皮，好香又濃豆腐味。仲有一條新鮮小棠菜同蔥花。呢個特濃豆乳雞烏龍麵有特色，值得一試。吉列炸蠔 $48吉列炸蠔一客4件，炸皮香脆，入面隻蠔多汁又大隻，伴有沙律醬。日式一口芝士 $48日式一口芝士一客5件，熱辣辣炸起，皮脆而軟心，芝士味香濃，味道酸酸地。滷牛腱 $48滷牛腱一客4件，滷得好入味，質感又嫩口又重骨膠原，好正。上面灑上少少蔥花同白芝麻粒。炸花枝丸 $38炸花枝丸一客4粒，非常彈牙，而且食到天然花枝味，唔錯。鹽酥雞 $38鹽酥雞份量勁多，炸皮非常脆，而雞肉都算嫩唔韌，食落好非常酥脆，味道帶少少辣，好抵食。今餐所有食物都好食，炸物煎物新鮮熱辣，最緊要價錢實惠，上菜又快。食到飽飽先人均兩舊水，真係又抵又好食。…查看更多

午飯又係要搵下野食，之前聽同事講味道不太好，畢竟聽說倒不如自己感受。呢度有樣好，可以 openrice 訂座，不用排隊等候。和同事二人一起前往，我點了花雕麻油雞湯麵，同事則點了特濃豆乳雞烏龍麵！先說花雕麻油雞湯麵，花雕酒以另一小杯盛載，可按個人口味而加添到湯麵中， 主菜是四塊雞肉卷，配有龍眼肉﹑紅棗﹑杞子、冬菇及小棠菜，還有三小碟配料，分別是中華沙律、泡芙和抹茶厥餅。老實講…縱使倒晒整杯花雕酒也吃不出酒香味，而且也吃不出有麻油香味！雞肉肉質嫩滑，麵就似最幼身烏冬，口感很煙韌，三碟小配料不過不失。同事說她的特濃豆乳雞烏龍麵，湯底似用腐竹餚制，都唔錯既！我地加配飲品…珍珠奶茶同愛玉鳳梨綠茶，雖然呢間餐廳係台式，但唔明點解台式茶都可以整得唔好飲，我杯珍珠奶茶既味道似港式奶茶，珍珠唔夠彈牙，同事杯愛玉鳳梨綠茶好淡唔夠味！另外我地亦點左甜品"芋圓仙草"，呢個反而有驚喜，唔錯唔錯！整體黎講，不過不失！份量足夠一位女士，男士就可能唔夠飽。…查看更多