牛角日本燒肉專門店 (德福廣場2期)

牛角已經食左N次，今晚見得閒又過黎食番餐。牛角一直係我心中食牛嘅首選。價錢合理之餘，又可以一邊同朋友傾下計，一邊慢慢燒，享受下BBQ嘅感覺。牛舌切得好蒲，所以唔會靱，而且好有牛味自己最鍾意食牛肋肉，肉汁飽滿肥而不膩，燒烤完蘸上醬汁，認真係一流嘅享受。食牛之前食個海蜇柚子醋沙律，甜甜酸酸，先開開胃，非常合適。服務都好周到，又係一次好愉快嘅牛角餐!…查看更多

燒菠蘿 $35菠蘿加咗焦糖係面 所以燒個時會好香焦糖味 食落菠蘿都幾多汁 加上焦糖更加清甜 整體黎講都算唔錯😆評分: 9/10🌟 牛角飯 $17食牛角必叫既牛角飯係有蔥+紫菜同飯加埋一齊既組合 其實紫菜加飯都唔會差得去邊 最好既係可以要少飯/多飯、少醬汁/多醬汁 成個自由度好大 呢點值得加分✨評分: 10/10🌟 原味牛舌 (6片) $69個個話去牛角都必食既牛舌講真就覺得一般般😹 想講咁耐以黎都好少食燒肉 所以係第一次食牛角🥵 牛舌食落都偏油 雖然店家俾咗檸檬汁去解油 但都仲係好重油膩感 而且唔算太淋 整體一般喇🥺評分: 7/10🌟 牛角十品燒肉盛合 $538呢十品分別係日本佐賀產A5極上和牛牛肋肉、牛角上級牛肋肉、美國SRF安格斯和牛牛板腱、日本佐賀產A5極上一口和牛、美國SRF安格斯一口和牛、日本佐賀產A5極上和牛西冷、日本佐賀產A5極上和牛肉眼、肩脊肉、厚燒牛舌、美國上級牛頸脊每塊牛既上面都有牌子寫住係邊個部位 當中最好食係和牛肉眼 食落入口即溶 而且好重牛味 加埋鹽食就更加滋味😋評分: 8/10🌟 牛角特飲 $22呢杯係玫瑰加西柚梳打 飲落有淡淡玫瑰香味 又唔會太甜 整體黎講幾清新 值得一試😚評分: 10/10🌟 巨峰活乳酸梳打 $18呢杯飲落都幾重提子味🍇 難得地唔會太似飲緊藥水😹 不過不失喇😌評分: 8/10🌟 芒果活乳酸梳打 $18呢杯就好重芒果味🥭 不過整體有少少偏甜 好彩係梳打平衡返 唔係會好膩 整體都算正常既🤣評分: 8/10🌟——————————————————————牛角日本燒肉專門店 (德福廣場) (九龍灣)九龍灣偉業街33號德福廣場二期4樓425號舖…查看更多

「牛角」，一直都是我最愛的燒肉餐廳，因為無論是它的燒肉質素抑或是味道都非常出色，而且更有售賣我最愛的「獺祭」大吟釀不過對比起它的晚市任食放題，本人更喜歡品嚐它的假日下午茶套餐，因為份量剛剛好之餘，價錢亦相對「親民」，而最近因為疫情的關係，套餐已提早於午市時間開始供應，所以今天中午的時候我便和男友來到這裡品嚐燒肉午餐了餐廳總共提供了三款午市燒肉和兩款定食套餐，燒肉套餐的價錢分別是 $145、$169以及 $248，而我們當然是選擇了最便宜的兩款，勝在性價比最高嘛！No.1【牛肋肉四品燒肉盛合】$169很老實說，除了有標籤的和牛牛肋肉以及與眾不同的網燒一口牛外，其餘兩款牛肋肉我們需要非常仔細地細看，才能慢慢分辨出來，所以個人建議餐廳可以在每款肉類上都分別加上標籤，這樣便能讓食客更容易辨別出不同的肉類在四款牛肉之中，我們當然最喜歡和牛牛肋肉，因為它的肉質不單止非常柔軟嫩滑，滿口亦充斥著濃濃的油脂香氣，細嚼慢嚥的時候，鮮甜無比的的肉汁更立即傾巢而出，在唇齒間留下一絲絲濃郁的牛肉氣息，口感細膩而延綿，讓人口舌生香，回味無窮至於牛肋肉和上網牛肋肉，個人覺得無論是它們的賣相、味道抑或是質感，兩者都分別不大雖然它們並沒有和牛的油脂香氣，但是肉質依然嫩滑可口，鮮美多汁，小口品嚐過後，濃濃的牛肉氣息迴旋在口中，咸咸的，香香的，咸香四溢，滋味非常，讓人吮指回味，鳳髓龍肝！最後的網燒一口牛賣相是最為與眾不同的，但是它的一粒粒設計卻導致它很難控制火候之餘，肉質亦由於太厚切的關係而變得有點堅韌，我們需要用一點牙力才能勉強咬得開，所以個人便不太喜歡了:(No.2【牛角嚴選六品燒肉盛合】$145這份套餐除了包括了兩款牛肉外，更包含了雞肉，豬肉，香腸和牛舌，食物的選擇種類十分多元化，可惜兩款牛肉 (肩脊肉和腹胸肉) 的味道都和剛才的牛肋肉分別不大，令到大家的味蕾未免感到有點重複...其他肉類方面，豬肉的口感有點油膩，而雞肉的肉質則非常緊緻和彈牙，肉汁四溢，鮮甜美味，蜜糖香腸亦滿著濃濃的肉汁，香甜可口，嫩滑多汁，最後的牛舌雖然比較薄切，但是都相當惹味開胃，滋味無窮，口感豐富而飽滿 ，讓人箸如雨下，甘旨肥濃No.3【盬味牛油帶子】套餐包括帶子的質感非常細緻柔軟，脆嫩彈牙，有著清新、鮮美以及軟滑的質感 ，口感細膩而延綿，最後再配上咸香四溢，有滋有味的牛油後，味道立即更上一層樓，簡直完美得無懈可擊，美味得讓人久久縈繞！No.4【牛油本菇】套餐包括品嚐完這麼多肉類之後，現在是時候吃一些蔬菜來中和一下油膩的口感了，本菇的質感除了十分清新清爽外，更相當清甜可口，加上牛油之後，味道更立即變得堪稱一絕，每一口鹹鹹的同時，亦帶有一絲甜味，咸甜交織，滋味非常，讓人唇齒生香，難以忘懷No.5【香蔥溫泉玉子飯和牛角飯】套餐包括我記得以前無論是盬味帶子、牛油本菇抑或是香蔥溫泉玉子飯，統統都是需要額外加錢的，但是現在竟然全部都可以免費點選，所以男友立即二話不說選了香蔥溫泉玉子飯，而我則點了傳統的牛角飯:)沒想到男友的溫泉玉子飯味道竟然相當出色，溫泉蛋的熟度控制得剛剛好，所以當蛋漿和白飯融為一體之後，淡淡的雞蛋氣息便完美滲透到每一粒白飯中，香飄十里，蛋香四溢，令到我們立即忘記了白飯太濕潤的缺點，每一口都吃得津津有味，酒足飯飽而最後亦事實證明，男友的選擇是正確的，我的牛角飯即使已經加入了醬油和紫菜，但是味道依然有點單調，最重要是白飯含有太多水分了，導致質感相當水稀稀和軟爛，而本人正正最討厭這種白飯了！No.6【抺茶牛角雪糕】$12雪糕總共有兩款口味可以選擇，分別是雲呢拿和抺茶，而我當然是選擇了我至愛的抺茶雖然抹茶的味道微微苦澀，但是我滿口都充滿著淡淡的抹茶氣息，香氣洋溢，茶香四溢，在唇齒間留下一絲絲淡淡的清香，讓人唇齒留香，一試傾心！而且雪糕的質感除了十分幼滑柔順，奶味更相當濃郁醇厚，細嚼慢嚥過後，抹茶，牛奶混合後的濃濃氣息迴旋在口中，甜甜的，香香的，口感細膩而延綿，美味得讓人陶醉其中，念念不忘No.7【獺祭.三割九分純米大吟釀】$148雖然燒肉套餐本身已包括了飲品，但是個人認為燒肉一定要配上清酒才算完美，因為它能中和了燒肉的油膩感覺，讓人更加垂涎欲滴，食指大動不過即使二割三分的味道比起三割九分更為出色，可惜由於只有我一人享用的關係，所以我便點了細樽裝的獺祭.三割九分純米大吟釀(300 ml)通常清酒的味道會比較刺鼻和嗆喉一點，而且即使是大吟釀亦改善不到這個問題，但是這枝獺祭入口不單止相當清新清爽，質感更圓潤豐滿，小口品嚐的時候，淡淡甘甜的果香以及芳醇的酒香立即在口中持續地慢慢散發出來，餘韻亦相當悠長，最後則以少許的辛辣感作為終結，是我目前最喜愛的日本清酒No.8【原味活乳酸梳打】套餐包括由於男友晚上需要駕車而不能喝酒，所以他便在眾多款的免費飲料之中，選擇了這款看似最為獨特的活乳酸梳打不過它的味道卻和坊間的「益力多」味道十分相似，老實說味道便比較一般了，並沒有什麼特別，所以下次還是喝凍檸檬茶算了價錢方面，牛肋肉四品燒肉盛合 $169，牛角嚴選六品燒肉盛合 $145，獺祭.三割九分 $148，牛角雪糕 $12，餐廳設有加一服務費，兩人總共 $523.6，扣除了之前消費贈送的商場現金卷之後，便宜了 $170，最後實收 $353.6，算是便宜的燒肉午餐了總結來說，個人這麼喜歡品嚐「牛角」是除了它的牛肉質素相當有保證之外，更有供應我最愛的獺祭.大吟釀，最重要是它的價錢是和超級市場一模一樣的，並不存在特別昂貴的問題，最適合我這些燒肉必需配清酒的人士最後，我覺得「牛角」的午市燒肉套餐性價比真的相當高，大家不妨等疫情過後過來試一試…查看更多

男朋友生日這個大喜日子，特意訂了間友人推薦的日式燒肉於是早在一星期前已經經電話訂好座其實我一直以為這間牛角是任食的:(原來只有旺角的 牛角buffet 才是任食畢業是男友生日，只好硬著頭皮進去一張長桌上用屏風間開不同的位置，不會過於擁擠，而且還有空位可以讓我放包包基於資金有限，男友也是看著我的銀包點菜我會點了一個牛肉拼盤，雞肉，牛舌及香菇就算了牛肉拼盤很特別，每個部分的牛肉都很好吃，而且口感不一 個人私心推薦牛舌不論厚切還是簿切都很好吃重覆叫了2次啊不過香菇就很一般，放在錫紙盤及牛油上燒烤，還沒燒完香菇就烤焦了小結。總捨而言味道很不錯，特別是牛肉但其他菜式姑香菇，雞肉等就比較遜色以每位$400而言，比較貴及會有更好的選擇大家可能食buffet會比較單點更好小補充。威士忌梳打超級難喝。別點…查看更多

好少食日式燒肉嘅我，自從上次同朋友喺宮食左好好味嘅和牛之後，一直難忘和牛入口即溶，油香四射嘅風采，所以成日心思思想再重溫嗰份滋味 朋友極力推介牛角，話牛角飯好好味，鹽燒醬好特別，於是我就同男友去吃食牛角好抵嘅燒肉lunch set Lunch set 由$68起，真係唔貴 我地點左一個牛舌set 同一個和牛set 牛舌set 跟沙律同白飯；和牛set 跟抹茶雪糕同牛角飯。飯係任添嘅!!(昏暗嘅燈光, 加上爐火, 影出嚟嘅相好奇怪)首先講我最期待嘅和牛，因為佢令我真的憤怒了！和牛，我期待嘅係入口即溶嘅感覺，但係到底佢比左個咩位我？！自問好好牙力嘅我竟然咬極都咬唔開舊牛，最後我原塊吞落肚 (｀曲´）之後上嘅係牛舌。牛舌比和牛更淋更易咬 ... 到底發生左咩事 :'( 點解我要比多$60去食啲食唔落嘅所謂和牛 :'(之後講下牛角飯。牛角飯即係白飯淋上蔥油再灑上紫菜。蔥油好香好好食。初時我以為我地唔會用到添飯呢個優惠，但係好味嘅牛角飯令我地最後添左三次飯 抹茶雪糕，應該係自家製，唔知係雪得太凍定雪糕本身唔夠creamy 嘅關係，好似質感好鬆散，好似雪實左嘅沙冰咁，又有啲似綿花冰，一咬就碎開但係鹽燒醬除左咸之外我又唔覺得好特別喎同埋侍應嘅服務有啲唔上心, 或者係lunch time嘅關係掛可能因為食肉, 呢餐真係食到好飽好滯同埋我諗食日式燒肉對一般得一個鐘lunch time嘅上班人士嚟講真係會太趕Um ..... 雖然好多人讚牛角，但係我呢個和牛經歷為我蒙上左陰影-_____-短期之內, 唔會再去牛角lu, 反正市面咁多選擇…查看更多

雖然結了婚, 但都要慶祝拍拖7週年,於是去了牛角食燒肉, 本身旺角開了一間, 但九龍灣比較出名, 所以遠遠都要去!!一早經過門口, 問可否book 位, 侍應話full booking!!我地只有walk in 才可有位, 於是我地怕等位, 6:15p.m 已經再到門口取位 當然不用等位入座~~一入去, 感覺有點似和民, 侍應又大叫日文口號歡迎我地!!!第一個感覺不錯被安排坐4人枱, 好似唔覺有2人枱, 我地兩個對坐, 但侍應話可以坐埋一邊??!!我第一時間想,唔通要搭枱,哈哈哈...但後來發現張枱幾大, 對坐感覺好遠, 而且周圍幾枱都是2人燒, 枱枱都是坐梳化位一齊坐, 我當然跟風, 叫了老公坐入來,發覺張梳化好舒服 坐低點了幾樣食物,老公怕食唔落..豬大腸好味, 少有可以食內臟, 因為醃了味, 不用點醬都ok!!牛舌雖然薄, 但口感一流, 因大塊!!真的是博一博, 沾了旁邊的酸汁, 幾開胃!!仲有少少洋蔥細細碗, 食完好似陣風一樣, 牛栢葉好細條!!牛油帶子一流, 好大舊牛油, 侍應教我地成塊鐵板連帶子放落爐上, 不消一陣, 牛油與帶子相溶, 滾熱辣, 食落好重牛油香, 帶子大隻, 我覺得幾抵食!!豬頸肉, 厚切!!正!已忘了是那部份, 但很嫩口, 重牛肉味,!!今天推介, 又是忘了名字,但一碟得兩大舊, 已醃味, 燒到一半, 要用較剪剪開一舊舊, 我覺得麻麻地, 味道ok, 但肉質比較硬...牛角飯真是不能錯過,太好食了, 紫菜雖然好食,但飯內有汁, 個種汁好味程度爆燈, 不是普通豉油, 汁加飯加紫菜, 就甘食已可食完一碗飯, 但配上肉, 我仲可以食多一碗飯 , 好好味!!!全部食物水準我俾90分, 其實每樣食物有得揀味道, 我多數揀了醬汁,不是鹽燒, 而服務態度我俾100分, 不停有人加茶加水,又收碟, 而且又細心教我地點樣燒肉, 最重要是食到尾, 有個經理剛好經過, 佢俾了一個膠套我, 叫我放電話入內,免得弄污,我真是受寵若驚, 個膠套好靚, 仲可以拉埋封口, 好似防水袋, 我到現在仍keep 住個袋!!印有牛角標誌!!埋單速度快, 仲會俾一籃糖我地食..佢會放低行開, 我地任拎, 我拎左3粒, 味道唔錯!!!! 整體這餐很滿意, 雖然價錢每樣不貴, 40-50蚊都有一碟,但份量就比較少, 好適合兩個至四個人來食,可以試唔同款式!!!我一定會再來!!!…查看更多

雖然睇到好多食評話唔值等咁耐，但一直都好想試下~~~呢日8點左右去攞位，大約等左8個字 (已經比想像中快左)坐低之後感覺好似冇乜侍應咁~都好一陣先有人行過幫忙點菜~叫左2款牛肉、豬頸肉、冬菇同埋冷面~1人1杯飲品~見到餐牌有建議燒法，有種貼心既感覺~牛肉味道OK但係好韌~豬頸肉好普通~竟然最好食係冷面~死唔信邪叫多左個一口牛同牛舌~終於覺得好食既燒肉係牛舌~爽爆!最後2個人埋單400有多~等位時間、服務、食物質素、價錢唔太岩数呢 >.<最搞笑係埋單走人時，見到有位太太係門口等到有d唔耐煩~質問侍應「點解唔執左d枱比客人入，要人係出面等」先發現原來有好幾張枱已走但係冇人執枱~…查看更多