串Grill 自助燒烤專門店 (廣華街)

良心串燒店仲要有得任食，非常少見又特別.店舖偏細，數埋應該得10枱左右，book定枱道唔怕到時黎到full晒.一入到去店員已經好熱情咁介紹食物、飲品、食用步驟、下單方法等等，超級nice，唔會令到人不知所措.燒烤爐係有條鏈不停轉動，只要將店員串好嘅肉方係上面，卡準個位個位放上去爐上面，串燒就會自己轉，唔洗技巧都可以燒到好靚枱面有個表有埋時間俾我哋參考，計埋時間就可以一邊傾一邊等，時間到就可以馬上開吃！.食物選擇非常之多，我好鐘意食牛舌，厚燒牛舌介有保存左個口感同水份，一啲都唔會乾所有食物都無調味，無醃料浸過，食落淡淡鮮味，亦都唔使驚自己食左啲咩奇怪嘢落肚調味粉就放晒係枱面，可以跟自己嘅口味落適當嘅調味料，大推椒鹽，超有台灣風味肉類呢就咁落海鹽已經好好味蔬菜類就推薦車厘茄同菠蘿，燒過之後超好味唔覺唔覺食左好多串，唔好以為咁食唔會飽，食下食下都好滿足，捧住個肚走2個人$500都唔洗，價錢合理，又有得食又有得玩甜品都好好味，雞蛋仔一定要配雪糕食…查看更多

#dinner第一次食串燒放題！٩(˃̶͈̀௰˂̶͈́)疫情之下好耐冇食過放題/自助餐類型嘅嘢了，好興奮٩(˃̶͈̀௰˂̶͈́)و一坐低就有店員來介紹有咩串燒可以揀，點樣用個爐，有咩醬搽，燒完啲叉放係邊度，同埋有張紙話比你知每樣串燒大概要燒幾耐先熟，唔洗驚唔識燒或者燒唔熟ʕ •ᴥ•ʔ通常都係7-8分鐘就燒好了係落單紙寫好之後就會一盤盤串燒咁送嚟放係架上面，好靚有啲去afternoon tea嘅感覺(=´∀｀)人(´∀｀=)燒之前可以去拎飲品，除咗一般汽水果汁之外仲有鴻福堂豆漿飲(⁎⁍̴̛ᴗ⁍̴̛⁎) 每人仲有一杯haagen dazs雪糕，一啲都唔慳！串燒方面有牛🐮豬🐷羊🐑雞🐔魚🐟丸🍡蔬菜🥒甜品類🍮，應有盡有，燒得好唔好食就睇手勢啦◉‿◉ 我地個日太貪心！成日一次過放滿個爐，搞到好多都燒燶咗( ･᷄ὢ･᷅ )以下係我地覺得幾好食有encore嘅item(≧v≦)…查看更多

同朋友兩個都係第一次食懶人燒烤，所以一齊約咗嚟試下呢間旺角出名嘅自轉燒烤店頭一輪嘅肉盤咩肉都有，有得試下自己中意邊種肉類有和牛粒，牛肋肉，牛舌，豬五花，豬頸肉，雞翼等......鐵籤嘅齒輪位要卡好係移動鐵鏈度，如果唔係就會唔識自己轉雞翼開邊唔怕燒唔熟，亦串得好穩陣唔怕跌所有嘅肉大小剛剛好，轉起上嚟好順暢豬牛雞都係一片紅海，有焗爐feel，而且冇油煙味雞翼皮脆肉厚，食落亦多汁，其他嘅肉類各有特色，一口一啖食唔停當燒到差唔多6～7成熟嘅時候，就可以抹上日式燒汁，本身肉質新鮮，加上簡單嘅調味已經好juicy除咗customize嘅調味，基本上我哋全程都係繞埋手un un腳咁等食xd放串燒嘅位置好多，食完一串又可以即刻放第二串將燒好嘅肉放係碟上，可以作最後嘅調味枱面上有3兜醬汁，韓式柚子汁解膩港式燒烤嘅調味則主要有椒鹽粉，孜然粉，辣椒粉等等，夠哂惹味牛舌係咁多款式入面最鐘意嘅，因為燒完仍然好嫩滑，爽口彈牙，一啲都唔韌牛舌芯一口一粒咁，好juicy和牛粒都嫩滑有嚼勁，芝士腸爆漿，雞皮燒到好脆，好似薯片咁旁邊嘅層架可以放好多串落單都好快，基本唔使5分鐘，啲嘢食已經送到年糕魚蛋好得意，燒嘅時候入面白色麻糬狀年糕會頒獎，燒到脹卜卜雞蛋仔同想像中唔太一樣，唔係空心嘅，反而好似蛋糕仔實心嘅muffin，燒到外皮好脆！棉花糖我哋放咗係上面高啲嘅架，因為放係下面嘅話，唔使20秒就會脫落真係要keep your eyes on啲棉花糖！飲品有好多茶飲，亦有配串燒好正嘅氣水，不過最後我都係揀咗豆漿總括黎講，懶人燒烤係令人一試愛上嘅！火候啱啱好又衛生，有機會要再約一大班朋友仔嚟聚餐啊！(希望疫情快啲完啦…查看更多