福丸水產 鉄板燒 日本料理

位於荃灣百悅坊樓上嘅福丸水產, 以選用新鮮食材濱燒見稱, 今日就做乖乖女帶埋媽媽嚟嚐鮮一番。一入門口就有驚喜呢個水產櫃, 放滿唔同種類嘅鮮魚, 條條都亮晶晶睇到我好有衝動想直接喺度點條做刺身呀。仲有活生生嘅貝殼類, 用作濱燒就啱曬啦。源自日本嘅濱燒 (浜焼き), 當地解作: とりたての魚介を浜辺で焼くこと。意思係直接喺海邊, 將新鮮捕獲嘅海鮮即烤即食。呢個濱燒盛合, 新鮮嘅程度可以媲美即場捕獲, 特別係鮑魚, 放上烤爐後仍然不停舞動, 非常生猛。師傅純熟地將鮑魚燒至乾身。 從活生生撈起 - 清洗處理 - 濱燒 - 到放入口中, 整個過程10分鐘都唔洗。炆鮑魚就食得多, 乾烤真係第一次食！抱著懷疑嘅心情, 一啖放入口！有驚喜！！！烤乾後嘅鮑魚邊位微焦, 咬落肉質有回彈力, 口感極佳, 仲帶點天然海水鹹味, 不需多餘調味。蠔肉肥美圓潤, 烤蠔時間恰到好處, 令肉質保持嫩滑。大蜆軟滑多汁, 鮮味十足。帆立貝肉質帶勁, 裙邊爽口。魷魚鬚爽脆鮮甜, 鬚上一粒粒吸盤烤乾後帶點焦脆感, 加上牛油香氣, 滋味無窮。濱燒果然係最能帶出海產原始鮮味。刺身同樣出色, 每款都水潤、有光澤, 係看得見的新鮮！赤矢柄就係水產櫃中擁有細長劍咀, 魚身長長, 鮮紅色嘅一條。佢嘅魚肉水嫩白滑, 脂肪不多, 肉質韌度較高, 適合做薄切刺身, 不過我就揀咗厚切, 特別鐘意食落啖啖肉嘅口感, 細味清甜, 充滿鮮味。鯛魚入口細膩柔軟, 散發微微蜜柑果香, 味道相當獨特, 值得一試。呢座由一瓣瓣馬糞海膽疊成嘅小山, 夠曬矜貴啦掛！鮮橙色嘅海膽紋理分明, 口感細緻綿密, 入口先湧出香醇甜味, 細嚐再微微回甘, 齒頰留香。精緻可口嘅海老天婦羅, 外層脆漿厚薄適中, 香脆而不油膩, 內層鮮蝦彈牙爽甜。橙紅色嘅蟹籽晶瑩通透, 非常搶眼, 粒粒都脆卜卜, 喺口中爆發出甘香魚油。軟滑嘅牛油果包裹著薄薄一層飯, 最內層嘅軟殼蟹脆中帶軟, 層次豐富。整體上, 餐廳用料新鮮, 真材實在, 店員親切細心, 有問必答, 對食材非常了解。整個用餐體驗滿心滿足, 讓人印象深刻。值得一提！除一般餐牌外, 餐廳仲會根據時令、來貨 , 每日更新廚師推介餐牌, 好似我哋今日食到嘅赤矢柄刺身 & 蜜柑鯛魚刺身, 就未必日日有啦。點菜前可以先請侍應推介一下。…查看更多

近年多了不少主攻浜燒的食店, 今次我就來到位於荃灣的福丸水產食晚飯. 先來一個牛油果軟殼蟹卷. 軟殼蟹唔會太乾身, 與牛油果幾夾, 中和油膩感覺. 福丸浜燒盛盒 , 當中包括蠔, 蜆, 帆立貝和鮑魚. 店員會幫客人燒海鮮. 先食蜆和帆立貝. 帆立貝幾大隻, 幾鮮味. 再來鮑魚和蠔. 鮑魚夠彈牙, 完全不覺得乾和硬身. 銀鱈魚西京. 我自己鍾意食銀鱈魚. 色澤雪白, 魚肉夠嫩滑, 非常好味. 壽喜燒. 當個鍋滾起後, 可以放入牛肉和蛋. 牛肉夠嫩滑. 而個湯甜甜地特別好飲. 還有大量的蔬菜和金菇, 可以中和之前所食的海鮮和肉. 最後就是甜品, 點了福來丸. 賣相夠精緻. 椰子，抹茶和黃糖三款口味蕨餅，山葵，紅豆和雲呢拿三款口味雪糕和柏餅。這個甜品, 可以一口氣試個款式, 啱晒三心兩意的我. 山葵味的雪糕我係算次食, 感覺幾特別. 而蕨餅甜度適中. 食埋這個甜品, 真係完美又豐富的一餐.…查看更多

在荃灣拜年後找地方吃晚飯，記得兩個月前搵食飯團電視節目曾經介紹一間日本料理的「浜燒」很吸引，便一於去試試。餐廳裝潢有濃厚日本色彩，我們兩人也被安排坐四人包廂座位，很舒適寛敞，私隱度很高，侍應招呼也很好。終極8點盛合 盛合共有八款刺身，包括左口魚，拖羅、海膽、牡丹蝦、油甘魚，金目鯛，深海池魚和活赤貝。全部刺身都很新鮮，深海池魚充滿光澤很爽口，略滲油香；赤貝爽脆鮮味；拖羅油脂分佈均勻及非常豐腴，肉質柔軟肥美入口即溶；左口魚配特製的柚子醋，很清新醒胃的感覺；海膽味道鮮甜又甘香，味道濃郁；油甘魚和金目鯛肉質肥美；牡丹蝦很有光澤，很鮮甜又多膏。活赤貝 我很喜歡吃赤貝，所以除了終極8點盛合外還再叫了一隻，赤貝很爽口鮮甜，十分新鮮。牛油果軟殼蟹卷 軟殻蟹炸得很香脆，加上軟滑的牛油果和蟹籽，確是不錯的配搭。A4和牛刺身 和牛刺身能吃到最原始的味道。和牛油脂分佈均勻，吃到很濃牛肉味而且肉質嫩滑，配上蒜片和生洋蔥一起吃很特別。黃金蟹膏甲羅燒、海膽松葉蟹膏甲羅燒 兩款甲羅燒都是$88一個，蓋內放滿松葉蟹蟹膏，上面再有蟹肉、蟹籽和鵪鶉蛋，分別是一個再加上石蟹的黃金蟹膏，而另一個有海膽，其實兩款都超鮮味，而且口感豐富。店員幫手燒蟹蓋，拌勻鵪鶉蛋、蟹膏和蟹肉，燒時香氣四溢，蟹膏入口甘香幼滑，蟹肉也很鮮甜，雖然超級邪惡也要極力推薦。燒鮑魚 居酒屋主打燒海鮮，還有店員幫忙燒，原汁原味當然要試試。活鮑魚上枱還不停郁動，但店員可能燒的時間久了一點，所以鮑魚靭了一點，不過也很鮮味。燒蠔 味道鮮甜也不錯。…查看更多

日式料理向來得到港人歡心， 而近年興起的浜燒食法更是讓人津津樂道， 生猛海鮮放在爐上即撈即燒， 將海產貝類那份獨有的鮮味完全地呈現了出來。 最近筆者就和友人來到荃灣一間新近開業的日式水產專門店， 再次回味那份色香味俱全的享受。小店位於荃灣百悅坊之內，一出電梯已見到大大幅日系壁畫裝飾， 天花亦掛上了一幅幅的日式掛布，滿有東洋味道， 單是門面的裝潢設計已顯出了店家的心思。店內以木系裝修為主調， 一旁放滿清酒的陳列櫃，一個個養滿鮮活海鮮的魚缸和壽司吧台， 一列列設計成包廂的舒適座位，全都很有日本味道， 加上地方大樓底高空間感強，抽風亦做得很好， 完全沒有半點油煙味道，讓客人能在濃厚的日本色彩下， 寧静舒服的品嚐日式鮮味。這裡的食材大部份由日本直送到港，海産生猛的在魚缸內游來游去， 保證新鮮；除了水產供應外，其他的食物種類也有很多，壽司刺身、 炸物鍋物也有供應，有些更是外邊比少見的， 就如今次我們的頭盤白子壽司， 一般只會在較高檔地道的日本料理才會見得到， 驚喜的在這店也可以吃到，當然先點來一客試下。 白子其實即是鱈魚的精子，聽落有點核突，頗考膽量， 但其實味道和口感都頗不錯，入口如豆腐般軟滑，微鹹中帶鮮甜， 滿有海洋氣息，配上香蔥碎和蘿蔔蓉，更添鮮味。另外還有即開日本生蠔，蠔肉鮮美肥厚，入口creamy， 蠔味偏清淡，配上日式酸汁多上一份酸香，更覺清爽開胃。除了白子壽司和生蠔之外，我們還點來了一些前菜小碟。鹽辛烏賊，師傅將魷魚裁成幼條狀，並以魷魚內臟製成醬汁醃製， 金黃色的賣相頗為吸引，質感漿口彈牙帶點腥味， 味道鹹鮮滿有海水味，佐酒一流，但可不是人人接受得了， 感覺有點像食榴槤一般，喜歡的人會覺得十分鮮味， 不喜歡的人則感覺那種腥味完全不能接受，頗為極端， 而筆者當然是其中的一位忠實支持者。明太子燒，醃製過的魚春經調味曬製後，師傅再輕輕燒香表面， 入口軟嫩剌激，那份濃縮了的鹹香令人回味， 又是一道不可或缺的送酒小食。白飯魚干，細細條的白飯魚烘乾壓成薄片，入口薄脆鹹香， 淡淡的的魚香在口腔內徘徊著，頗有特色。跟著開始今日的主題…浜燒海鮮。首先是浜燒海鮮不能缺少的黃金蟹膏甲羅燒， 一絲絲松葉蟹肉加上蟹膏、蟹籽、味噌和鵪鶉蛋放在松葉蟹蓋內， 賣相吸引，店員先將全部配料拌勻，再放在爐上燒香， 不消一會已煮好，陣陣蟹香渺渺傳來， 一啖入口濃郁的蟹膏瞬間征服了味蕾， 那份濃甜甘鮮實在讓人沒法抗拒，而且一點腥味也沒有， 蟹籽也增加了爽脆的口感，層次豐富， 讓人不能自拔的一啖接一啖放入口中，齒頰留香。接著到海膽帆立貝牛油燒，來自北海道的帆立貝肉十分巨型， 足有豉油碟的大小，配上加拿大海膽及牛油同燒， 加入清酒和少許醬油作調味，火喉控制剛好，入口Q彈軟嫩， 裙邊爽脆有嚼勁，海膽的甘香和牛油的奶香帶出了貝肉的鮮味， 香鮮嫩滑，而貝汁的精華更是鮮甜所在，令味道層次更為豐富。跟著還有鮑魚、大蝦、蛤和雜菌。鮑魚端上來時還是活生生的， Size不算太大，放上爐燒時貝肉還在動，十分新鮮生猛， 但感覺也有點殘忍。店員專業的把鮑魚燒到剛熟，裙邊帶脆， 內裏爽甜，入口鮮味彈牙，點上少許醬油更覺鮮美。 大蝦足有六寸長，肉質結實飽滿，店員將之開邊燒得剛熟， 燒蝦獨有的香氣徐徐飄來，蝦膏甘香濃厚，蝦肉鮮甜爽彈， 十分不錯。燒蛤蛤身脹卜卜，內裡蛤肉更是肥厚飽滿，沒有縮水， 鮮甜多汁。吃完燒海鮮後，再來一點主食吧。牛油果軟殼蟹卷，碧綠帶橙的賣相十分精緻， 一片片的牛油果層層鋪在卷物之上， 軟滑的牛油果加上粒粒圓潤的蟹子，配合香脆甜美的軟殼蟹， 軟滑脆卜卜的配搭，對比鮮明，一口size方便進食，風味獨特。壽喜燒牛肉鍋材料豐富，鍋內放滿了雜菌菜類和豆腐， 牛肉雖只有3薄片但肉質肥瘦剛好，肉味香濃嫩滑， 加入生雞蛋入鍋後添上蛋香，味道更為濃郁， 菜蔬鮮甜帶少許牛油脂香，食落肚暖笠笠，滿有和風味道。最後來一客芝士奄列炒麵，聽到名字原本滿有期待， 但見到賣相後即時打了點折扣，奄列看似煎得有點微焦不夠嫩滑， 面頭淋上了日式醬油調味，還好的是切開後不算太熟還有蛋汁， 炒麵夾雜著豚肉片，熱辣辣微甜Q彈，味道不錯， 唯芝士好像失去了蹤影般，沒有拉絲，芝士味亦不太突出， 可能是給醬油味蓋過了吧，感覺有點不太貼題， 如果芝士可以放多一點的話，這道炒麵將會更加出色。整晚的出品水準不錯，海產十分新鮮， 店家差不多每日都從日本空運水產抵港，師傅的調味亦恰到好處， 入口鮮味滿瀉；而且店內裝潢帶著濃厚的日本風格， 招呼更是親和到位，感覺就像到了日本小店走了一轉般， 加上定價算合理抵食，在荃灣能找到如此性價比高的浜燒日式料理， 頗有驚喜，難怪長期客如輪轉，值得一試！…查看更多

就尼過年，趁餐廳未加價帶老豆及老母去了食餐中上檔次的日式浜燒，朋友就介紹我去了荃灣的一間新開不久的餐廳，他說價錢跟質素成正比。餐廳是在楊屋道街市後面，搭車就非常方便，晚上約七點多去，可能是新開的關係，客人不多，全部座位都是獨立卡座，而且間卡座之後有間板隔住，私穩度高。我們點了些刺身、小食及浜燒海鮮。先來的是明太子玉子燒，外層的玉燒帶有香甜味，蛋香且滑，明太子有少許的辣味，入口甘香且脆口。什錦天婦羅有炸蝦、蕃薯及南瓜，天婦羅漿是薄薄一層，炸蝦外脆內軟，既新鮮又彈牙，蕃薯及南瓜是日本貨，既香且甜。花魚一夜干煎得很乾爽但保留了魚肉汁，魚肉新鮮且嫩滑，魚皮帶點香脆，整體鮮甜無比。浦燒鰻魚是比較大眾化，鰻魚擺放精緻，表面塗滿燒汁，所以帶有香甜味，魚肉結實嫩滑。刺身類三文魚刺身切得很厚，一片等放外面片半，色澤呈鮮橙色，中間油脂豐富，一層一層，魚肉鮮甜腍滑，充滿油脂甘香。海膽刺身份量十足，入口甘香鮮甜，不過比較膩。牛油果軟殼蟹卷中牛油果香味十足，有油脂感覺，軟殼蟹炸得鬆脆。之後開始浜燒海鮮，我們點了鮑魚、帆立貝及魷魚筒。鮑魚即叫即從魚缸拿出，新鮮生猛，店員會幫忙燒熟，鮑魚質感有咬口又彈牙。帆立貝牛油味香濃，肉質嫩滑，湯甜且鮮。魷魚筒燒得有焦香，店員很有耐性一邊塗上燒汁一邊燒，魷魚燒至微焦，香氣四溢，爽口彈牙。最後食埋個和牛炒飯，飯粒炒得爽口，每粒都呈金黃色，和牛肉雖不是最好，但都不錯，有牛味同時夠腍。每位人頭約$500，比平時放題$300位貴一點，但質素真是差天共地，而且份量十足，寧願貴少少，至少質素有保証。另外值得一提是店員服務勤快且有禮，見到枱面有空碟即刻收走，又會經常加水，非常細心。…查看更多

打工仔工作忙，連放假都無時間，一直都想帶媽媽到日本旅行食好西，雖然遲遲未能成行，在香港也可以吃到日本料理，先止渴再計劃去旅行吧! 不是在Open Rice 搜尋，都不知道荃灣新裝修的百悅坊開了多間食肆，既然有新食店，就要趁未排長龍之前去試一下囉!名字很長的「福丸水產.浜燒.日本料理」門面裝修很用心，跟日本的居酒屋有得fight可能因為設計上的用心，食店看起來空間感很足，加上卡位雅座的設計讓食客有一定的私人空間，環境舒服餐牌設計一目了然終極8點盛合(刺身)是食點推介，當然要一試牛油果軟殼蟹卷切片的牛油果一層層鋪在卷物之上，軟腍的牛油果配合香脆的軟殼蟹，鮮明對比的配搭蟹籽沙律吃日食點蟹籽沙律是常識吧!黃金蟹膏甲羅燒蟹膏、鵪鶉蛋、蟹籽等食材組成的黃金蟹膏甲羅燒店員會把甲羅燒材料拌勻，放在爐上烤煮；烤好後是糊狀的質感，吃到蟹膏的香和豐富的口感燒鮑魚和刀貝每台都有燒烤爐，大大隻的鮑魚和刀貝，充滿海水鮮味終極8點盛合 $488-HKD8點盛合是師傅拍板揀選八款當晚最時令新鮮的刺身組合，刺身包括了三文魚、油甘魚、吞拿魚、深海刺魚、海膽、甜蝦等刺身都是厚切上，色澤均勻新鮮，入口幾乎溶化芝士奄列炒麵眼闊肚窄的二人，還點了芝士奄列炒麵，甜甜的炒麵和軟綿的芝士、蛋配合，效果不錯…查看更多

好鍾意食呢類型比較似日本嘅地道日本菜～～而且入面嘅裝修令我好似真係去左日本咁啊😍估唔到係荃灣呢區都會搵到銅鑼灣尖沙咀質素嘅日本料理！.夜晚比想像中爆 等左都差不多15分鐘先入到座而且可能係好似居酒屋咁開到好夜 12點先結束營業所以愈夜好似仲愈旺咁😳記得一定要打電話去book位～.六點刺身盛合 ($268)以呢個價錢食到咁多款刺身真係性價比高喎刺身全部都算夠凍 食落都覺得好新鮮三文魚唔係腩位 但勝在夠厚切☺️呢個墨魚捲海膽係比較難忘嘅一款入面海膽好鮮甜 好味！.牛油果軟殼蟹卷 ($68)係我最愛嘅卷物組合😋牛油果好creamy 中間嘅飯用左味飯 飯粒香味四溢入面嘅軟殼蟹唔會只得炸粉 肉嘅部分都好大舊而且鮮甜.黃金蟹膏甲羅燒 ($88)黎到一定要試下啦！入面有好蟹膏😍食落鮮甜而不帶苦澀味道！.味醂雞泡魚干 ($68)我最鍾意嘅燒雞泡魚干 調味剛好🐡用黎佐酒真係一流☺️.A4和牛薄燒 ($298)用左A4和牛😳😳 薄薄一片但牛味十足一上檯香味撲鼻 用左嘅做法同日本好相似中間夾住香蔥 減去油膩感 超惹味啊！.福丸炒野菜 ($58)炒野菜上面加上木魚 成件事好味左😂好大一盤啊真係野菜係幾新鮮 但唯一炒得略油.野菜稻庭烏冬 ($68)用左稻庭烏冬 帶一定煙韌口感下面嘅係清湯 最後有呢碗暖暖胃真好☺️…查看更多

於荃灣搵食，其實唔難，但來來去去都係雞煲同放題，想搵間坐得舒服又高質的餐廳，可謂少之又少。知道荃灣開水產浜燒，已經好想試，今晚終於搵啱人同搵啱時機喇。同朋友晚上睇完戲後，就即刻去食，仲唔記得上網訂定位添，心怕想食的水產售罄，還問店員幾點last order......餐廳佈局好舒適，完全唔迫硤，食物種類唔算好多，但每樣食材都好矜貴同新鮮。我地2個人叫左幾樣嘢食，包括:水產浜燒盛合、黃金蟹膏甲羅燒、壽喜燒、牛油果軟殼蟹卷，仲有飲品添。首先上場係黃金蟹膏甲羅燒，$88重點推介啊，一心黎到就係想食甲羅燒，選用松葉蟹肉，黃金蟹膏，蟹膏味香濃水產浜燒盛合，$428一場黎到，唔係唔食浜燒呀?由於我地好夜黎到，場內人流唔算太多，靚仔師傅幫我地燒埋，有人燒真係唔同D，好好味，如果自己燒，一定又係笨手笨腳燒到又乾又燶，與師傅仔一路燒一路傾計，原來佢响另一間浜燒過黎，邊一間响呢度就唔講喇，原來我朋友去食過，仲認得師傅仔添，傾左好多關於開舖的事，我呢個荃灣地膽又訴下响荃灣覓食既苦與樂，聊下聊下就燒完一盤海鮮，鮑魚燒起仲好爽口，元貝及蜆又好鮮甜，蠔仲好脆口無我最怕的腥臭味，好鬼新鮮呀!!!然後輪到牛油果軟殼蟹卷，$68唔好睇少佢係一般牛油果軟殼蟹卷，原來係用左赤醋溝埋北海道七星米去煮，用料真係好用心，而且價錢仲好親民。最後一樣，就係壽喜燒喇，$128雖然味道唔算好突出，但肉質真係好嫩滑，只需落水焯10秒即可食用，足見食材確係新鮮上乘。整體黎講，呢個價錢食到呢個質素，性價比係高，而且選料食材真係好用心，希望維持得到啦。…查看更多

經過一個月密集式Training course，老婆今日考完試之後終於可以鬆一口氣，為左同佢慶祝一下，今晚我book左係佢上training附近，川龍街百悅坊新開張嘅日式水產專賣店: 福丸水產.浜燒.日本料理同佢撐枱腳食好西。我地係飲食雜誌同網上食評都睇過關於福丸水產.浜燒.日本料理嘅介紹，知道呢度除左普通日本料理之外，仲提供好多款日本直送嘅活海鮮以浜燒、刺身等唔同方法新鮮即製俾食客，相當吸引。我地訂左7點半枱，餐廳裝修非常富日式風格，地方都幾大，我地附近兩枱食客都係日本人，最令我地驚奇係店員更能以流利日語同佢地溝通，配合埋日本民歌作背景音樂，感覺真係好似去左日本開餐。食主食之前老婆慣常都係要先點蔬菜類食，佢揀左麥粒味噌青瓜 ($38)同福丸特製沙律 ($98)。青瓜清新爽脆，麥粒味噌味唔算太濃，好啱老婆口味。福丸特製沙律材料非常豐富，除左有幾款刺身之外，仲有老婆鍾意嘅左口魚同海葡萄，配合特製醬汁，味道層次豐富。白飯魚干 ($38)係香港嘅日本料理店好少見到，白飯魚干嘅魚香味勁濃郁，而且非常香脆，連唔太好炸野嘅老婆都忍唔到口仲食得多過我。由於呢度專賣日本直送活海鮮，所以剌身款式都好多，可惜唔太食刺身嘅老婆接受到嘅刺身唔多。 今次點呢兩款刺身都係佢都會食嘅帆立貝刺身 ($68)同甜蝦刺身 ($58)，刺食好鮮甜，帆立貝好厚身，口感彈牙。下次要約老友黎試埋其他刺身。今晚最令我地回味一定係呢個黃金蟹膏甲羅燒 ($88)，黃金蟹膏大大舊混合蟹肉味噌同鵪鶉蛋放上去磯燒，香味撲鼻，入口蟹膏味充滿味蕾，一人一客超級滿足。另外我地仲點左牛油果軟殼蟹卷 ($68)、花魚一夜干 ($98)、唐揚雞軟骨 ($58)同和牛炒飯 ($188)，味道都唔錯，不過我地嘅味覺已經牢牢咁俾個黃金蟹膏甲羅燒佔據左。 但值得一提係軟殼蟹卷同和牛炒飯用嘅米因為係用日本產米，飯質特別軟熟。埋單每位唔駛$500，以環境同食物質素黎講性價比都幾高，而且新開張平日晚市都已經滿座，相信遲d都係要一早訂枱先有得食。餐牌…查看更多

好難得新界區終於有日本浜燒店，唔使專登出尖沙咀或銅鑼灣食。開得咁近我住個頭，而且早前係網上平台見到佢地既報導，望落幾高級同企理，咁啱有朋友生日，就即刻訂左位食呢間！燒海產類我認為呢間浜燒最特別既地方就係有店員一直會企你隔離，幫你燒野食同切好所有食物。完全唔使怕自己唔識燒，會燒唔熟或燒燶之外，亦唔使擔心食物幾時可以食得，呢項服務完全係貼心。黃金蟹膏甲羅燒($88); 海膽蟹膏甲羅燒($88)我同我朋友都超級喜愛食甲羅燒，所以就一人食一款。呢度既甲羅燒非常重料，大大的蟹蓋裝著不少份量的蟹膏，另有脆口鮮甜的蟹籽同有海水咸香的蟹肉。拌上鵪鶉蛋黃，甲羅燒變得格外甘香幼滑。兩者甲羅燒的分別在於：黃金那款較香濃，因為拌有濃郁的味噌; 而海膽那款則較清甜，相對容易吃到蟹膏原來的味道。重口味的我，偏好黃金甲羅燒多一點點。吃完這甲羅燒，都已經滿足了大半，果然是這裡的鎮店之寶！燒鮑魚($68)鮑魚十分新鮮，燒的時候還在動。鮑魚不太厚，所以食落夠腍。不過就唔係太夠味，要自己點海鮮醬油就調返鮮味喇。牛油燒帆立貝 ($58)帆立貝肉質爽、大粒厚實、鮮甜。用牛油燒更香滑，一啲都唔韌！刺身類生蠔 ($68/隻)生蠔有手掌咁大，屬淡海水味，肉不是太厚太creamy，但亦夠冰凍可口。六點盛合 ($268)除了生蠔，還點了有6款刺身的組合，每款刺身有兩片: 三文魚腩、牡丹蝦、帶子、池魚、油甘魚同魷魚海膽。身為海膽愛好者，我對魷魚海膽最滿意，魷魚煙韌有嚼勁，能夠突出香滑濃郁既海膽，令其甘甜味道升華。油甘魚亦令我印象深刻，魚肉嫩滑鮮甜而帶有豐富油脂，一咬落去油香充斥住整個口腔，非常滿足！壽司類牛油果軟殼蟹卷 ($68)這個卷物是必點的，卷物大大件，每件都包有脆口又有肉的軟殻蟹，上層的牛油果夠熟，非常軟滑甘香，點沙律醬吃很配。 福丸盛合 ($188) 呢個盛合由7款壽司組成，包括吞拿魚、三文魚腩、火灸饅魚、火灸左口魚裙邊、帆立貝、油甘魚和鯛魚。值得一讚既係壽司飯全部都用上赤醋製成，微酸而香醇，可以令壽司整體味道更有層次，亦可以帶出食物鮮味。最喜歡吞拿魚，雖然用上赤身而非拖羅部位，但依然肉質嫩滑而肥美，入口鮮味濃郁，另外左口魚裙邊經過火灸後味道較香口，小片青檸襯托下仍然保留到魚鮮味，層次豐富。熟食類芝士奄列炒麵 ($88)最後仲點左呢個炒麵食，老實講，呢個奄列炒麵比起刺身更驚喜！奄列煎得薄身而且金黃色，包住芝士食，好香口。炒麵既調味超好吃，用左日式甜醬油炒，幼麵一啲都唔立口，夠乾身，加上裏面有豐富的配料 (蔬菜絲同豚肉)，的確令我留下深刻印象。飲品類左: 西柚汽酒 ($38) 右: 檸檬可樂highball ($40)西柚汽酒一般般，疑似溝左梳打水既有味飲料; 檸檬可樂highball係溝左whisky，味道都係偏甜，係有苦味的檸樂。飲品類平平，都係叫返正式酒精飲品會較好。呢餐貴就係貴左啲，但可以係荃灣區食到如此足料香濃的甲羅燒、新鮮的水產同好味的日式炒麵，也是值得的。…查看更多