海灣冰室

高雄「蛋餅王」登陸香港！佢地聯乘海灣冰室，一間餐廳就食到港式茶記野同台灣蛋餅~ 不過就無滷肉飯等其他台式美食。佢地嘅蛋餅口味相當有特色，有韓式春川辣雞起司蛋餅、幸福の特濃巧克力香蕉蛋餅、黯然銷魂叉燒蛋餅等等。本身諗住黎止下台灣癮，可惜蛋餅質地真係 唔係好岩口味。(究竟係失準定?!) 強烈建議大家唔好嗌凍奶茶蛋餅皮望落好似幾脆下，但食落好腍。毫無彈性，偏厚左啲。蛋香偏淡，好似加左蔥花?! 但完全唔香。▪️爆漿起司肉鬆玉米蛋餅 $49/單點 $55/套餐蛋餅只有邊邊位帶焦脆，入口有少少焦香。説好的爆漿起司，肉鬆仲多過芝士，其甜味搶過左起司同粟米嘅鹹香甜味。▪️黯然銷魂叉燒蛋餅 $52/單點 $58/套餐呢款蛋餅反而有拉絲，芝士鹹香突岀，但個叉燒真係好硬冇乜味。唔知係咪包法嘅問題，蛋皮同餡料近乎二比一，感覺上食左好多粉落肚。…查看更多

前排去Donki買嘢，走既時候見到海之戀地下呢間冰室門口大大個招牌寫住「蛋餅王」x 海灣冰室，鍾意食蛋餅既我即刻比佢吸引到🤩記低左佢搵日黎食。呢間既蛋餅有幾款唔同既口味，有鹹有甜。鹹既最經典既就係芝士肉鬆蛋餅啦，佢仲有香港限定既黯然銷魂叉燒蛋餅😯噱頭十足。不過今次就冇嗌到呢款la。甜既就有巧克力香蕉蛋餅同埋芋泥肉鬆蛋餅。除左蛋餅之外，呢間冰室當然都仲有一般冰室會有既炒粉麵飯、焗飯、鐵板餐、碟頭飯等等。食到勁飽😋1⃣️韓式春川辣雞起司蛋餅（$49）就係為左食蛋餅而黎，緊係要嗌蛋餅食啦！見到呢款辣雞起司蛋餅好特別，台式既蛋餅加上韓式既元素，好創新🤩蛋餅王既蛋餅強調係「3分26秒煎出來的金黃色奇蹟」，蛋餅皮係用特有既粉漿比例調製，煎出黎係QQ地煙煙韌韌咁既😌中間既雞係炸雞粒黎，炸雞既韓式辣醬風味唔算突出，冇我想像中咁惹味，而且辣味都好輕微，如果調味再重少少應該會更加正。  2⃣️爆漿起司肉鬆玉米蛋餅（$49） 因為想食蛋餅，所以一次過嗌左兩款🙈呢個蛋餅既樣同平時食開既好唔同😳望落似半月型，粟米係連皮煎既，而內餡就夾住肉鬆同埋起司。兩款蛋餅我偏好呢款多啲。果然蛋餅既經典配搭點都唔會輸😚肉鬆起司唔算報餡，但係味道好balance，肉鬆都好香唔會結塊。蛋餅皮同粟米結合得好好，食到蛋餅煙韌既質感同時有粟米既爽甜👍要試呀呢款！  不過要提醒一下，呢度既蛋餅份量比起出面其他台式餐廳既多，大家嗌既時候要酌量嗌😂唔好做大晒鬼啊。  3⃣️牛魔王芝士焗飯（$68） 其實本身對呢個飯既期望唔係太高。始終本身純粹係為左個蛋餅而黎😛純粹黎到覺得都要嗌翻個主食食下。不過呢個焗飯帶到驚喜俾我wor！首先佢係即叫即焗，黎到既時候成個鍋仲係熱辣辣🙈芝士同埋黑椒汁份量都好多好澎湃，絕對夠撈曬成個飯！拉絲效果好犀利🤤牛肉係鮮牛肉片，份量好多，食極都仲有，唔會有食完曬啲餸仲淨翻好多飯既情況出現，而且牛肉軟淋好咬，冇乜筋位肥肉，啖啖肉唔錯！  4⃣️粟米魚柳飯（$57）係想像中既味道，冇乜特別。魚柳份量多，粟米同蛋汁既芡調得略稀，不過撈飯食都唔錯。  5⃣️葡汁焗豬扒飯（$57） 呢度既焗飯真係帶到驚喜俾我！可能因為我係超級芝士控🧀️🤤呢度既芝士真係落得毫不吝嗇，葡汁有椰香，芝士一樣係超多超拉絲😍豬扒有一大塊係面，質素就普普通通。  …查看更多