江湖小棧

營業中

休息中

꧁江湖小棧💛꧂ #黃店推介秋風起了 煲仔飯的季節要來了前排去過廟街食 真的可一不可再快餐店一粥麵嗰個都好食過佢 無飯焦又濕 料又少真係搞唔掂煲仔飯黎講有飯焦真係基本嬲嬲地的起心乾平日去試江湖小棧 果然無失望☘︎︎ 自選煲仔飯 (蒜蓉臘腸排骨煲仔飯) $𝟠𝟘誠意推薦煲仔飯 真係必食大大煲又多料 仲要任你搭配除左鼓油再有豬油任你落 癲左 落好少已經勁香!火候水量控制得perfect 全個煲底都有飯焦 脆卜卜!無燶!無痴牙!無痴底!連排骨同臘腸都好食過廟街嗰間 爽口有豬肉味 (好似講緊廢話lol)🦦揀左配蒜蓉 佢話好正 大家可以一試 但我就麻麻地☘︎︎ 酸菜鱸魚 $𝟙𝟛𝟠另外叫左個酸菜魚 相比之下較失色味道較為淡 無乜酸菜味同辣味不過條魚魚質好嫩滑 仲要原條起骨拆件上 分量好足☘︎︎ 燒通菜 $𝟜𝟠除左煲仔飯 呢度仲有好多煲仔菜同惹味串燒基本上一入店已經聞到嗰種川式風味燒肉食得多 燒通菜真係新奇有趣仲有得揀馬拉盞或者椒鹽燒又燒得ok咼 無乜燶😂 但好重口味不過分量唔算多 小貴💬 好食加黃店 無補充了 好好彩平日大概七點去到未洗等位 星期六日的話就要有排隊的準備了ⓄⓋⒺⓇⒶⓁⓁ: 🦦8.5/10 👱🏻‍♀️

呢幾日天氣實在太凍，當然要食煲仔飯暖暖身。喺荃灣出名食煲仔飯嘅就係呢間江湖小棧，不過要食到佢都唔容易，晚飯時間喺嚴寒天氣下露天等超過半個鐘先有位，不過都係值得嘅。今晚同朋友一人叫咗一個煲仔飯，有馬拉盞牛肉飯同麵醬滑雞飯。大家睇下相就會明白，係嚴冬之下，煲仔飯扮演着一個好重要嘅角色。一打開蓋，濃濃嘅蒸氣兼香氣湧出，我哋緊接倒入豬油同豉油，焗多一陣，撈勻，拎起匙羹就擺入口。豬油香加上甜甜嘅豉油包住每一粒好似識跳既飯，其實無餸都好滿足。當然，個餸都好好食，醃料同醬料都唔會好咸搶曬啲味，同埋好嫩滑唔會嚡口啦。我地仲叫左個燒通菜，而通菜就最夾較咸味既醬料，就係蒜蓉同馬拉盞，唔好以為好咸，其實食完成餐飯都唔會口渴，一讚。呢間真心值得一讚，冬天黎食一流，仲有羊腩煲同雞煲邊爐可以食，下次要黎試下。