平成二十二日本料理 (已結業)

book左星期一晚去食,不過得6:30/8:30pm揀,唯有揀後者,諗住平日晚應該無乜人,所以早左幾個字去到,點知full哂,去行個轉夠鐘再返去,門口已經有堆人等緊..見到呢個情況,都對呢次放題有d期望..一坐低即刻order刺身類同比較特別既一款壽司,再點下熱食炸物小食等,唔講咁多,去相啦. 其實仲有其他好似炸蠔,炸蟹柳都無post出黎,不過水準都ok, 仲有好多我地無嗌到既野食, 而汽水都有得任飲,雪糕就係完場前45分鐘左右先俾張order紙你,係雀巢既5款口味迷你雪糕杯, 所以我地兩個人都食左4杯咁多架. 食到飽飽就走人, 摸住肚皮好滿足呀..…查看更多

老豆生日，見好耐無食過放題，於是就上網睇睇邊度有好放題。見平成二十二食評不錯，於是就book咗平日晚第二時段 (8:30)。早咗15分鐘到，但都要等到8:45先有得入，安排上好亂，因為第一輪客仲未走，但第二輪客就已經企晒在門外。終於有得入，一坐下即睇紙仔有咩食。食物款式少，得幾張紙仔。刺身、sushi、和食、串燒等。還未點食物，就送上一碗海膽翅。但size真係細到暈，兩啖就無晒，好心有心送就送多少少啦！食完翅又有炸魚皮，我無食，因為阿媽話有魚鱗。刺身先來，排得整齊又靚，有劍魚、鱆紅、三文、吞拿、甜蝦、榮螺、帶子、馬刀貝。甜蝦最新鮮，又蝦籽，好鮮甜。不過有d姑寒，寫20隻先黎得十隻。:(帶子好差，都未食過咁差嘅帶子！:(無味又唔新鮮。馬刀貝又係得個爽字無鮮味。反而d魚就好好多，劍魚好肥美，三文也不錯。壽司都唔好食，舊飯大到不得了，上面塊魚生又唔新鮮。塊牛肉韌到完全咬唔到，天使蝦ok。蟹子沙律，沙律醬不多，好乾。南瓜餅、芝士糕，一般。燒雞翼，太乾身；牛脷，又係考牙力，牙力好先好叫。汁煮牛腸，很好吃，牛腸炆得入味又夠淋。炸蠔正，蠔味重也juicy~環境不錯，不會太嘈。不過服務就麻麻，d侍應不停自顧自傾偈，又傾得大聲，個個都好似等收工咁！…查看更多