夏麵館 (寶石大廈)

上海妹定時定候都會饞吓家鄉菜，夏麵館喺好多區都有，但多數都開喺商場內，一到飯點就鬼咁多人。反而寶石大廈附近呢間可能因為近民宅，啲人多數返歸食，好好彩七點半到都有得直入。秋起蟹肥，餐廳都適時推出蟹全宴，蟹羹、蟹粉拌面拌菜炒飯炒年糕炒自己，能夠諗到嘅都喺哂餐牌。依家喺togetda仲有得11道菜矜貴蟹粉宴買一送一優惠，記得要預訂先有咖！未食全宴之前，就小試牛刀試吓佢蟹粉小籠包同菜芯；小籠包半個手掌大小，皮薄肉多，除咗喙喙果撮蟹粉，肉包內都充滿混有蟹粉嘅汁水，鮮嫩多汁。蟹粉多過菜芯，貼心地伴有薑醋可蘸點，蟹粉加咗薑碎炒，唔怕太涼，仲有絲絲蟹肉；菜芯質素好靚，冧甜無渣，一咬就斷，係調味偏重咗，單食有啲鹹，送飯送饅頭會比較好。上海涼菜一定要嗌，涼拌茄子個汁食得出溝咗蠔油、辣醬，加上茄子索哂汁，每一啖都好惹味；燻魚炸得甘香酥脆，偏多骨，但骨刺大條，尚算易食。韭黃炒鱔絲好足料，鱔段肥美大條，加埋韭黃炒更添辛香，不過同炒蟹粉一樣調味較重，宜配饅頭銀絲卷。麻醬拌麵用上剪麵，剪成段狀較易食用，用麻醬香油拌勻，麻醬略少唔夠麻香，值得一讚係麵條烹煮時間較短，保留到韌勁，食起嚟更有咬口。…查看更多

以前曾經在上海生活了一段時間，對滬菜情有獨鍾，夏麵館的小籠包令我尋回當時的味道。從前我最喜歡去荃灣廣場的夏麵館，自從結業了，就要跨區到屯門、樂富或荷里活廣場，的確有點距離。當知道夏麵館在荃灣重新開業，便躍躍欲試了! 餐廳環境非常典雅，中國風洋溢，大紅色的沙發座位、酸枝木椅、瓷器擺設等，室內光線充足，略帶點奢華。我們安坐於寬敞的卡位，舒適的點選菜式。我跟友人每樣都想吃，最後揀選了包羅萬有的2人套餐，有湯羮、涼菜、主食和甜點，當然少不了我最喜愛的鮮肉小籠包，未食已經滿心期待了。鮮肉小籠包絕對是必點推介，小籠包皮薄肉鮮，湯汁充滿了小籠包，用筷子輕輕夾起，看到湯汁在底部流蘯著。為了吃到最新鮮、熱辣的小籠包，我不理燙嘴，大口一咬再慢慢呷一口湯汁，湯汁充滿肉味的鮮甜。薑絲放在鎮江醋中，鮮甜的湯汁中帶點微酸，提高整體的滋味程度。吃完小籠包後，黃金蝦球也是我的最愛，黃金蝦球一如其名， 外皮炸到甘香酥脆，粉漿漙而不油膩，吃下去有濃郁的蛋黃香氣，當中的蝦仁十分彈牙、厚實，非常邪惡而且吃到停不了。黃金蝦球下有生菜墊底，幫助減輕油膩感。海蜇十分美味，口感煙韌、有嚼勁，表面灑上的芝麻和濃濃的麻油香，令我感到十分滋味。三鮮豆腐羮味道比較清淡，剝殼蝦、玉米粒和滑溜豆腐粒粒，是營養豐富且味道清甜的湯羮。黝黑色、滋味香濃的燻魚﹐魚骨細軟，但略嫌有少許乾身，咬下去魚油香味在口中散發，吃完有點意猶未盡。 瑤柱蛋白炒飯的火候十足，米飯粒粒分明，口感軟硬適中，蛋白絲裹著米飯，味道不太濃不太淡，比較健康。甜品桂花拉糕的外型呈桂花形狀，表面的桂花啫喱味道恰似酒釀丸子的甜湯，淡甜、帶點微微酒香，拉糕口感非常煙韌，是有特色的上海甜點! 總括而言，夏麵館的食物水準不俗，2人套餐的款式配搭多，多吃幾次也無妨。如果甜點也可以有更多選配，如高力豆沙，感覺會更開心。…查看更多

上海菜真的吃極不嫌。從前喜歡到Elements的夏麵館, 是於商場內看完戲後的一個平價選擇, 看著它搬位到結業, 實在慨歎。幸好還有其他分店, 較早前因工作關係走到屯門HANDS的分店吃過下午茶, 今回去到荃灣沙咀道的分店吃晚飯。貫徹摩登中國風的裝潢, 細緻的擺設, 加上樓底高, 環境不錯, 唯獨靠窗一排的卡位, 因向著街外, 不時有途人駐足觀看, 有點尷尬。餐牌內的選擇多, 可以散叫亦可叫上套餐, 每項價錢都不算貴, 所以七點過後幾乎滿座。熱豆漿 $7星期五晚飯時段, 飲品一律半價, 原價$14的豆漿只需$7就喝到, 比起飲汽水來得更有益健康。豆香味不錯, 入口幼滑, 甜度又適中, 不錯。蟹粉小籠包 $36/2隻一籠四隻正常小籠包售價$32, 加多$4就可以有蟹粉, 雖然只有兩隻, 但何樂而不為呢? 夏麵館的蟹粉小籠包分有四粒和兩粒, 可因應人數而叫上, 兩粒裝適合人少而叫, 過一下口癮之餘, 又可以留肚試其他不同菜式。蟹粉小籠包剛蒸起要趁熱食, 咬開薄薄的小籠包皮, 內裡橙色湯汁湧出來, 濃郁蟹粉滋味, 餡料鮮嫩多汁, 蟹粉令小籠包的味道層次提升, 不錯的淺嚐。上海春卷 $26春卷皮炸得香脆可口, 油份較少。而這兒春卷的蔬菜餡料用上津白, 較為少見頗特別, 加上甘筍絲, 口感頗清新。熱爆燻魚 $52燻魚是上海菜中的傳統菜式。燻魚表面炸得很香脆, 連魚皮都炸得鬆化焦香, 魚肉仍保持彈性, 而且沒有散開。 傳統燻魚要用上白糖和醬油, 所以魚肉帶甜甜鹹鹹的味道, 頗惹味, 不過醃製的時間可以再耐一點, 令魚肉更加入味。魚骨較多, 要小心進食。濃湯滑津白 $55津白亦是食上海菜必定會叫上的蔬菜。奶白色的湯汁油份較少, 看似健康一點, 津白煮得腍軟, 加上鹹香味濃的金華火腿, 清淡加鹹香這配搭真不錯。只是略嫌津白切得較為碎濕濕。酥炸雞排麵 $54食店可以選擇加$10將清湯轉為擔擔湯底, 而且辣度亦可選擇, 超級吃不到辣的我, 窩囊地選擇了走辣! 不過事後有點後悔放棄這辣度, 應該點上微辣整體會更加惹味。依然用那印有店名的大碗盛載, 擔擔湯底充滿花生香味, 也有花生粒增加嚼口, 更有醃製過的肉碎, 芝麻和蔥花, 令整體香濃。 麵條不會過腍, 而且份量都很多。 雞排炸得鬆脆香口, 炸漿不算厚身, 肉質鬆化又多汁, 不錯呢。雷沙湯丸 $30非常喜歡吃這中式甜品, 而且不是每間菜館都有提供, 亦不是每間都做得好食, 吃過最好的已是多年前, 於BU內的那間茶樓。一碟四粒雷沙湯丸, 大小剛好, 不會大如雞蛋, 亦不會小至一口。上檯時仍保持微暖, 糯米外皮軟綿綿又不太厚身, 均勻沾上黃豆粉, 半流心狀態的黑芝麻蓉餡, 非常香口, 甜度控制剛好, 很不錯的飯後甜品。相比之前於屯門分店的下午茶, 這間分店晚市要收$4茶介, 不過服務到位又很快手, 食物質素亦不錯, 是上海菜晚餐另一好選擇。估不到闊別多年後再重遇, 仍可保持當年的水準。…查看更多