尖沙咀凱悅酒店咖啡廳

今日來凱悅cafe食半自助午餐，大概11點50分到達餐廳門口，等進場時職員好有禮貌地請我哋可以先入座，然後12點才開始。沙律吧有煙三文魚，蘑菇湯，即撈凱撒沙律，亦有其他沙律菜和醬汁可以自行調配 。而近來亦新增刺身和壽司等日式食品選擇。刺身新鮮而溫度夠凍，雪櫃中取出即切即serve，好有誠意。另外亦有芝士及麵包corner。主菜選擇了日式三文魚西京燒和咖哩雞。三文魚好嫰滑，份量足夠。印度牛酒雞份量亦很適中，印度薄餅夠熱夠軟熟，很有印度風味。配以水果，質素及新鮮度比Hugo's 更好。食完主菜之後便到甜品時間，有Häagen -Dazs雪糕，幾款蛋糕及奶凍，馳名cream brulee非常美味，甜品款式有很多選擇。半自助餐包一杯咖啡或茶，點了熱檸茶用壺上，侍應很細心地多給一壺熱水可以自行添加。服務方面，服務員嘅服務態度很好，很有禮貌。我們三位很好被安排卡位，坐位舒適，自成一角。用餐期間，檯面碗碟清理很迅速。 以每位$238可以食兩個小時半自助午餐(全自費)，性價比很高物有所值。…查看更多

兩日一夜Staycation包括香港尖沙咀凱悅酒店標準客房連自助早餐＋自助午餐，check-in 完後就來到咖啡廳吃lunch buffet，餐廳歐陸式裝修甚有格調，內裡環境寬敞，極高樓底充滿空間感，座位之間不會排得太擠。其實年多前也曾在這間酒店吃過聖誕buffet，不過碰巧今次的午餐自助餐轉了新吃法，原有的自助形式轉為任點任食的放題形式，先在點菜紙下單，然後再由專人送上，避免人群聚集。一坐低就會奉上冰鎮海鮮拼盤及魚生刺身、壽司拼盤，可以無限追加。始終是午市自助餐，凍海鮮款式亦不多，只有蝦、小龍蝦、蜆及藍青口四款。任點模式變成即叫即煮，比起平時一早煮好的大包圍buffet，款式雖然是比以往少了，但食物質素其實更勝一籌，尤其是吃熱盤時分別較為明顯，大約等五至十分鐘就上枱，全程也沒有漏單。燒美國西冷牛扒比起以往酒店常見的即切西冷較為高質，牛扒呈現菱格紋炙烤線條，煎得表面帶炭火焦香，卻又可保留肉汁，肉質鬆軟。雖然lunch buffet沒有生蠔，但也可點洋蔥煙肉焗蠔，蠔身也不算太細隻。平時吃buffet 通常都會嫌pizza 太飽而略過 但這裡的pizza 竟然有意外驚喜，餅底的厚度是簡乎超薄和厚批之間，吃起來帶有淡淡的麵粉香氣，有印式fusion天多利雞和傳統意式車厘茄兩款可選。厚切薯條表面撒上芝士松露，炸得金黃酥脆，肉心軟綿細密，邪惡得叫人停不了口，結果我都要encore 多一盤 XD天婦羅同樣是剛剛炸好，仍是熱得盪口的，酥脆麵衣粉漿包裹著新鮮爽彈的蝦肉。是日中式燉湯為花膠雞湯，真材實料，西湯則是南瓜湯。中式熱盤有菠蘿咕嚕肉、豉椒炒蜆、水煮魚、炒時蔬及港式粉麵等等。平時buffet 吃燒腩仔總是因放得過久而變軟，但難得這裡的芝麻脆皮入口卜卜脆，肥瘦相間，滲出肉香。自家醃製挪威三文魚脂肪條紋清楚利落，魚肉鮮美而有彈性。印式咖哩夾雜了多種香料，口味正宗，突顯辣味上的豐富層次感。甜品款式之多及得上昔日的自助餐形式，甜點控一定要記著留肚！卷蛋是這裡的自助餐名物，蛋糕質感綿密濕潤，個人最喜歡栗子忌廉蛋糕卷，栗子泥香醇軟滑，滿口充滿濃厚栗香。即製甜品有班戟和窩夫，Crêpe質地厚薄適中，口感柔韌，融合軟滑忌廉和酸甜水果。tiramisu做法正宗，撒上苦香可可粉，保持細緻濕潤的軟身質感，入口即化。雖然沒有標註牌子label，不過一放入口就吃得出是Häagen-Dazs雪糕，款式總共有6款之多。每位附送一杯餐茶。今次還額外每人送多一杯橙汁。…查看更多

今次去呢度staycation, 包左自助晚餐同自助早餐, 今次講咗自助晚餐先✨Hyatt Regency一向嘅龍蝦都好新鮮, 今晚嘅龍蝦係即刻係你面前白灼同開邊, 非常非常新鮮🥰 肉質鮮甜彈牙, 基本上唔使任何調味都好滿足, 佢亦都有提供一款泰式醬汁, 加埋更加覺得好夾, 吊起咗個鮮味☺️食咗三隻(6邊🤣)燒牛肉亦都唔錯👍🏻 燒菠蘿好甜👍🏻雖然呢度係鴨肝唔係鵝肝, 但係好厚肉, 好重油香☺️羊架嘅肉質亦都幾嫩滑🥰平時嘅我真係好少食炸嘢, 但係見到呢度嘅炸魚柳炸得咁靚, 忍唔住攞咗一舊試吓, 食完真係返唔到轉頭✨ 好香脆肉質亦都好juicy好嫩滑🤤 好似encore多咗一舊🤣呢間酒店嘅煙三文魚亦係冇得輸😚 肥美調味亦都好香香草味💓💓 無限encore🤣甜品時間✨🧁🍨🍰🍮聽講呢度出名蛋捲, 甜品嗰個師傅同我哋講話蛋捲攞晒就冇, 於是我就去攞每樣一舊, 有唔同口味:- 芒果- 榴槤- 奶茶- 士多啤梨我攞咁多舊係諗住同屋企人share, 點知個甜品師傅黑晒面, 之後仲串我做咩食咁多甜品…不過講真我都幾後悔留咗每樣一舊, 因為啲蛋捲真係唔好食, 同埋d拿破崙淋晒:/anyways, 佢呢度亦都有pancake, waffle, 同埋六款Häagen-Dazs雪糕💓 全部都唔錯👍🏻整體來講覺得如果鍾意食海鮮嘅話, 食呢度嘅龍蝦一定好滿足☺️ 各種食物水準都唔錯, 覺得性價比都幾高👍🏻順帶一提,逢星期日至三可以食4個鐘(6-10pm), 星期四至六淨係可以食兩個鐘, 可能會比較趕>< …查看更多

聖誕節近在眼前，最具節日氣氛之一的美食，想必聖誕自助餐一定榜上有名，今年就來到尖沙咀凱悅酒店Hyatt Regency 吃了一頓豐盛的聖誕lunch buffet，提前慶祝佳節 ，於Openrice book 枱有八五折優惠，連加一後人均收費$321.1。臨近聖誕節亦有不少佈置裝飾，感受濃濃節日氛圍。餐廳歐陸式裝修甚有格調，內裡環境寬敞，極高樓底充滿空間感，座位之間不會排得太擠，店員勤快收碟執拾，坐得舒服自在。始終是午市自助餐，凍海鮮款式亦不多，只有蟹腳、鮮蝦，鮮蜆及青口四款。蟹腳亦是屬於比較幼身那種，不過來貨亦算新鮮，爽彈蟹肉雪白細膩，絲絲分明。即切肉類有慢燒原條西冷牛扒、火雞、烤原隻菠蘿和烤香草豬肉卷。吃聖誕大餐當然要有火雞當主角，才夠應節盡興，難得的是肉質不乾不柴，保留鮮美肉汁，菠蘿都是即叫即燒，蒸發了生果中的水分，令酸甜天然果香更加突出。西式熱盤有盲鰽魚、煎鴨胸、海鮮忌廉螺絲粉等等，值得一讚的是熱盤放出來都是小份量供應，所以廚師全程忙於即煮以作添補，因此食物較易保持剛剛煮好的熱度。平時吃buffet 通常都會嫌pizza 太飽而略過 但這裡的pizza 竟然有意外驚喜，餅底的厚度是簡乎超薄和厚批之間，吃起來帶有淡淡的麵粉香氣，不會吃得飽飽滯滯。中式熱盤有沙薑雞、豉椒炒蜆、洋蔥牛肉和咕嚕肉等等。燒味中尤以叉燒最為出色，色澤鮮亮，帶有焦香燶邊，外微脆，內封汁，肥瘦度適中。魚生刺身款式就和大部分酒店自助餐大同小異，即叫即切。天婦羅都是剛炸好，仍是熱得盪口的。日式廣島燒餅就略嫌過於厚粉，加上底下真的有炒麵墊底，飽肚得很 XD咖哩有超多款式，香氣濃郁，夾雜了多種香料，口味正宗，突顯辣味上的豐富層次感。中湯應該煲得未夠火候，所以味道太淡。現場切割的parma ham 可說是這裡的一大賣點，即切即食最能保持原有質感，確保火腿柔軟油潤。煙三文魚脂肪條紋清楚利落，魚肉鮮美而有彈性。沙律吧有芝士、多款沙律菜等，可隨個人喜好自行混搭沙律款式。雖然已經吃到十成飽，但吃甜品的又是另一個胃  就連甜品都呼應節日主題，聖誕限定甜品款式包括聖誕德國果子包、免治批和聖誕曲奇。還有傳統英國節日甜點的聖誕布甸和朱古力薑餅樹頭蛋糕，更有過節氣氛。甜品部的海量款式多得壯觀，甜點控一定要記著留肚！卷蛋是這裡的自助餐名物，蛋糕質感綿密濕潤，個人最喜歡栗子山，栗子泥香醇軟滑，滿口充滿濃厚栗香。即製甜品有班戟和窩夫，朱古力班戟和香蕉可說是完美的絕配。乳酪口感略為稠身，微酸中滲進濃濃乳香。雪糕櫃上雖然沒有貼上任何牌子label，不過一放入口就吃得出是Häagen-Dazs，相比同集團Grand Hyatt 自助餐供應的自家製雪糕就稍為失色了，已經被甜品塞飽後就會覺得隨處可買的Häagen-Dazs可以skip 吧...每位附送一杯餐茶。…查看更多

18號正正就是我生日 , 今天卻要返工 , 仲要神咁早來到酒店聽發佈會 , 真係打晒呵欠 終於聽了一朝 , 有得吃啦 ........ 楂楂林過去buffet 廳 , 因為已遲左成個鐘啦 , 真浪費buffet 寶貴的時間, 座位比我之前來的逼 , 台貼台 .....但staff 的服務也算不錯 , 很密收換碟子. 食物同往昔差不多 , 但今次時間太趕 , 每吃熱熏 , 我還喜歡呢間buffet 的咖哩 , 味道眾多 . 希望下次再有呢d 開會後 buffet , 供應商時間好d , 唔好要d客吃到趕頭趕命 , 就聽到 staff 說 , buffet 仲有15分鐘就完了 .... 當堂....掃興:(…查看更多

這天，跟十年沒見的伙伴在樓底極高、不齷齪、而且滿有歐陸式高級行政人員典雅貴氣風格的氛圍來個lunch buffet聚頭，享用極豐富又美輪美奐的美食之餘，我們三人絮絮說著大家的點點滴滴；在暖黃的吊燈映照下，這3小時，除印證了友情之外，亦為大家的相識相遇相知打下姆指烙印！:)這裡的侍應位位都很斯文有禮，對客人服務也細心！食物方面，有中港式（老火湯／包點／炒粉麵等）、日式（刺身／壽司等）、西式（排類／漢堡包／西湯／pizza／螺絲粉等）、印度式（咖哩雞、魚、肉／薄餅等）、海鮮（龍蝦仔／瀨尿蝦／翡翠螺／甜蝦等）、甜品雪糕Froyo葡撻、新鮮水果，他們更將不同地道美食分區擺設，免卻混亂和人多排長龍的情況，安排得很好！味道方面也很讚，日式、海鮮食物、甜品類尤其突出；而令我印象較深的，就是個磨菇湯！值得推介！:)唯獨是地點較難搵，而且標示不大明顯！例如我坐地鐵去到K11，上去reception樓層（即蒙羅麗莎多士壁畫對面），坐它背面的電梯上多３層，出lift轉左轉乘電梯到Hyatt，再轉lift上多一層先到！…查看更多

好耐都無真真正正係酒店食過buffet了~對上一次係兩年前~希望今次滿意啦坐低後,門口已經係甜品櫃,有好多款甜品,感覺好吸引雖然場地唔太大, buffet枱都唔多,但食物種類都唔少呢! 值得一讚!這裡無生蠔,有龍蝦,新鮮之選(75分)刺身: 好新鮮, 你要邊樣, 佢就會即刻切比你~仲要d刺身好快比人拎晒, 之後又再有新的(80分)巴拿馬火腿+蜜瓜, 煙三文魚: 兩樣野係放一個透明玻璃櫃入面, 自己拎的~感覺都好衛生呢(75分):)響螺湯: 我覺得ok啦, 唔係咁鍾意飲味精湯, 所以覺得普通啦(65分):)漢堡包仔: 真係迷你版, 師傅即叫即做, 途中可以睇住佢點整~食落口好似食緊mos burger咁~不過兩個人分一個包比較好d~因為太過一個人食晒太過滯了(70分)炸甜蛋: 食落好似玉子, 出面有糖漿, 我覺得普通啦, 無乜特別(65分):)士多啤梨拿破崙: 一層一層都咁脆, 面頭的士多啤梨每粒都好大粒!!正(75分)士多啤梨芝士餅: Cheese Cake真係百吃不厭, 這裡的不例外!!還有每件蛋糕都有粒大大粒的士多啤梨, 真係想食多幾件!!(75分)自制雪糕杯: 這裡的正糕最特別是可以叫人斟完後, 自己揀配料~有生果, 多款朱古力粒粒, 軟糖, 仲有醬汁潻!!!小朋友最愛(80分)…查看更多

al放榜前一日想去食嘢,最後選擇去hyatt 食buffet.枱面已經有枱墊,而水杯底都有墊了. :)煙三文魚同parma ham好好味,我分別食咗3同2碟即製的mini burger亦都好好味 燒味,咕嚕雞,蕃茄湯好入味 :)刺身好鮮味,炭燒腸好juicy 蝦同螺都唔錯大部份甜品都好正:)餐飲的各部位分開上,值得一讚不過叉燒包同小籠包冇汁的 拿破崙餅太過甜 :(p.s1..餐廳的座位好舒服,而且有輕音樂播放2.斟水同換碟的速度好快3.lunch buffet 12點開始,我早咗20分鐘到,有位經理俾份報紙我睇(其他buffet 好似冇)4.酒店大堂的洗手間很清潔最後,雖然冇師傅整pancake,waffle或souffle,但240蚊一位的價值可以享受到不錯的lunch buffet,我認為係值得的.…查看更多