燒肉酒場 (已搬遷) 新店位置

食烤肉都算係大project， 盡可能都唔好喺屋企食～😜 和家姐去咗銅鑼灣買嘢順道晚飯～天氣唔冷唔熱， 揀咗去『燒肉酒場』 熱鬧一吓先。六點就坐低仲未開始多人。 終於一嘗北海道著名鄉土料理- 成吉思汗烤肉。有別於一般日式，韓式燒烤， 冇咁拘謹，又唔使成日換個鑊～ 呈圓拱形嘅鑊設計獨特， 烤肉唔容易燒燶 ，而肉汁全都流往鑊邊， 而鑊邊的洋蔥一邊煎香一邊滲滿肉汁～ 又甜又多汁， 洋蔥非常惹味！調味醬汁簡單只有鮮檸檬，燒肉汁和洋蔥碎已非常足夠~椰菜絲沙律，搭到好高！芝麻醬汁非常開胃。點了數款肉類，伊比利亞豬梅頭$78， 冇醃製過， 很有肉香， 肉質夠嫩夠 juicy, 非常高質!牛板腱$78牛板腱肉質唔算好嫩滑，但肉味夠濃厚， 唔會太多脂肪～柚子雞髀肉唔覺有柚子味，但係雞肉非常嫩滑彈牙， 燒燶咗都係咁好食～👍😋香橙燒酌～ 酒精度都幾高， 唔太飲得嘅可以order light 一點。 酒杯內幾件香橙雪到冰的狀態，飲到最後才解凍釋出橙汁， 因此後段先有橙香， 非常特別！炸雞軟骨， 佐酒小食， 香口惹味！蒙古羊卷肉$78羊癡必吃！ 肉質超鮮嫩， 沒有半點羶味，只有羊獨有嘅鮮味！！ 記得灑上一點孜然

來到才發現這裡換了舖，之前明明是間好吃的鰻魚飯來的，現在變成了吃燒肉，還要是北海道特色成吉思汗烤肉!!前兩年去北海道的時候都沒試到，現在竟然在香港就有? 即刻試試先~理論上, 成吉思汗烤肉應該是吃羊的, 食店裡的裝修也可以看得出。但事實上這裡除了羊, 還有其他肉類可供選擇, 方便迎合各類口味。椰菜絲沙律，在一眾肉類當中充當解膩的角色，非常正確的選擇。炸雞軟骨，香脆熱辣，送酒一流。烤肉盤上桌，附贈滿滿的洋葱，還可以無限添加。肉肉烤出來是有坑紋的，看起來很吸引。羊卷肉，燒熟後配上店裏自製的成吉思汗粉（孜然粉+辣椒），羊肉的風味完全發揮。羊西冷，稍厚的厚度，有著特別的口感，店員說不用烤到全熟，味道更佳。柚子鷄腿肉，肉質嫩滑，調味剛好。韓式豬腩肉，油花較多，烤出來的肉質帶有油香。羊湯烏冬，羊味濃厚，感覺滋補。總的來説，頗具特色的一餐，值得一試。另外店員有禮，服務周到，也值得一讚。

同朋友去銅鑼灣shopping，經過聞到好香既燒肉味，就被吸引左入去，之前係北海道都食過成吉思汗燒肉，今次可以再試。燒肉種類都幾多，有羊、牛、豬、雞、海鮮、野菜等，勝在每一碟分量唔多，價錢唔貴，咁就可以試多d唔同款式，而且洋蔥係放題，可以無限添加。牛板腱牛肉味香濃，食落有口感。羊卷肉羊卷肉肥瘦均稱，羊肉味香而不羶。柚子雞腿肉用柚子醬汁醃製既雞腿肉，口感清爽，嫩滑。羊腿羊腿肉質軟熟，帶有少量肥膏，更香口。豚腩片豚腩片只用少許胡椒來調味，可以食出豚肉原汁原味。羊湯茶漬飯每粒飯都吸哂羊湯既香味，超正。炸雞軟骨雞軟骨炸到外脆內軟，用來送酒一流。椰菜絲沙律泡夫