泰灜

今日在佐敦用餐，選了一間有歷史的泰國餐廳。店內裝潢雖略顯舊，但整潔有序，感覺舒服，惹人好感。我們點了幾道常見泰菜，雖然食材不算特別，但用心烹調，味道不錯：- 菠蘿海鮮炒飯 - 馬拉盞炒通菜 - 炭燒豬頸肉 - 泰式春卷 - 椰汁芒果糯米飯 - 龍眼冰 最喜歡的是菠蘿炒飯，配料豐富，有花枝、鮮蝦、元貝仔、肉鬆、蛋絲、腰果、提子乾和菠蘿粒，色澤金黃，味道清甜。店內每日有特價菜，今天是星期二，芒果糯米飯半價。糯米軟糯，椰漿帶微鹹，配上香脆綠豆，味道地道。…查看更多

好耐無同班舊同事一齊去泰菜，今次就去佐敦搵食😃！是咁的，今次我哋再次毫無準備下是旦搵咗間泰菜，10次亂搵11次都係伏…… 呢個故事教訓我哋，食泰菜前真係要上網睇吓其他人嘅食評，當然啦，你哋今後都要緊貼我哋啲泰菜食評！咁樣就可以避免中伏😋🫶🏻。🍴THAI-IN 火焰雞 $228 🌟🌟店家會事前打嚟問要唔要hold起隻火焰雞🫣！呢隻雞非常instagrammable, 打卡一流啊📸！但味道上就唔太驚喜，甚至有啲失望。淋上酒燒過嘅火焰雞肉質確實嫩滑，而味道卻似曾相識– 燒味店出售嘅蜜汁燒雞😅，所以我完全唔知個泰式味道係邊。朋友話👧🏼：其實講真，係咪所以菜加上嗰個泰式甜辣雞醬就係泰菜🙃。老實講，我駁唔到佢嘅論點，畢竟呢個醬真心有少少比餐廳濫用咗…… 大佬啊，唔係道道菜加上呢個無敵雞醬就係泰國菜啊…… 真心想講粗口🙃🍴泰式鮮蝦金柚沙律 $98 🌟🌟合格，呢味酸酸甜甜嘅鮮蝦柚子沙律非常開胃😋。蝦量充足，能夠分到四個人有突，蝦身唔算太嚡但又未至於爽口。相比之下，柚子比較出色😗，搭配店家特調酸辣汁，食落酸酸微微。雖然落咗唔少辣椒，但又未至於好辣，所以好適合唔食得辣嘅人😎。由於小我哋食過更驚艷嘅柚子沙律，所以覺得泰瀛嘅柚子沙律高不成低不就，就比個中位數佢啦😊🍴泰式炒通菜 $78 N/A對唔住，真係未食過咁難食嘅泰式炒通菜☹️。一行人都覺得難食……首先，通菜菜身非常老嚡難咬，而且調味偏淡😵，秉承「唔可以浪費食物」嘅精神，大家只好硬住頭皮繼續食。然後，我哋決定叫佢換咗碟菜比我哋，因為我同其中二位朋友食到有渠臭味🤢，估計啲菜洗得唔乾淨。就算換咗碟新比我哋，嗰菜都係偏淡又唔辣，有少少比錢買難受嘅感覺😵‍💫。泰北冬蔭公湯 $128 🌟🌟呢個價錢嚟講可以接受！只要冬蔭公落咗好多草菇一律比佢過關，草菇世一啊🤭！個湯夠我哋5個人分到兩碗，所以湯量足，讚哦🫶🏻！但啦，我哋厭佢陣南薑味唔算好出，可能椰奶落得太多？另外，呢個冬蔭公湯個辣味唔算濃烈，可能辣醬落得少咗🧐？🍴麵包咖喱軟殼蟹$198 🌟🌟哈哈，唔知呢味菜係咪參考英國名物「仰望星空派」去設計呢😂？外觀真係幾似。泰式咖喱一直都係我最鍾愛同偏心嘅食物之一，只要個咖喱濃稠味濃，就可以靠個汁嚟撈幾碗白飯嚟食😋。農夫包雖然好味，但黃咖喱都係配蒜蓉包更搭。農夫包唔會好似蒜蓉包咁裡外都咁香脆，一旦軟腍就會相對地難食😵‍💫…… 所以食泰式咖喱都係搭蒜蓉包好，哈哈！另外，呢道菜有個好大嘅扣分— 軟殼蟹外層的炸粉相當硬☹️，呢種外硬內軟嘅矛盾口感，我表示先不要！🍴炭燒豬頸肉$108 🌟🌟🌟算係成晚最好食嘅菜式🥹。燒至微燶嘅肉邊相當吸引，醃製過嘅豬頸肉咬落相當軟腍，濃郁嘅滋味頓時喺嘴內擴開，正正的😋。再配上，嗰嗰熟悉且無敵嘅泰北辣汁，好味程度立刻倍增🤌🏻！🍴大大小食拼盤208 🌟🌟同串燒一樣，泰式小食拼盤喺味道上係好難有差池😃。泰瀛佢嘅小食拼盤當然都唔另外，由蝦餅到生菜包，味道都係大家熟悉而且安全嘅泰式味道😊。蝦餅、雞翼，同春卷喺油炸方面控制得唔錯，食落唔會太油膩膩。所有嘢都恰到好處，過關😃！一行人飲飽食醉，我話要唔要再嗌個芒果糯米飯比多次機會佢，然後，一行人話真的先不要🙂！雖然泰瀛嘅嘢未至於完部都放唔入口，但亦未算出色同有驚喜。所以一行人只好走去附近糖水舖繼續餵飽第二個胃🫃🏼🤰🏻。…查看更多

Thai in 泰瀛 @thai.in 📍：佐敦吳松街141號地舖🚗：佐敦地鐵C2出口 步行2分鐘📞：+852 5961-6898💲：~HKD250/head for dinnerFood quality✔️：芒果糯米生日飯、火焰燒春雞、龍眼冰、炭燒豬頸肉👌🏼：生蝦、沙爹雞肉串燒、蒜蓉包、惹味青咖喱（軟殼蟹）總結：👍🏼呢間真係私心推薦 又好食又有打卡位 仲要係黃店嘅泰國餐廳仲唔快啲打去book枱☺️👍🏼性價比正常 但食物質素普遍都高 而且份量恰當 除咗嗰燒春雞同糯米飯多到嚇死人之外 叫咗以上兩樣要小心啲 因為我哋四個係飽到死都食唔哂👍🏼火焰燒春雞係打卡之位 侍應會好心咁等大家相機ready係各人臉前點燃 真係極打卡able😆 不過只係比咗一對手套🧤仲要極熱辣辣 所以就辛苦一個人不斷為其他人供食 建議餐廳比多對手套👍🏼如果係有朋友生日 必點芒果燸米生日飯 雖然要二百五蚊 但份量驚人 而且砌得好靚 仲要啲芒果真係甜 當日朋友好滿意所以我都好滿意 利申記得要預訂咗先😜👍🏼龍眼冰都係我個人推薦 因為我鐘意飲甜嘢 但係出面飲成日都係得個落糖嗰種死甜 但呢杯我覺得真係有種荔枝嘅鮮甜味 但唔鐘意甜嘅朋友都係唔建議👍🏼豬頸肉大片 炭燒味濃 入面嫩滑 好食但只厭份量唔多🥲👍🏼其實食咁多款無樣伏 仲要好食 覺得ok嗰啲只係揾唔到特別位 但都係好食嘅 黃店嚟講真係極度推薦大家一試👎🏼區內熱門黃店 食完仲見出面幾堆人排緊食外賣或者第二輪 建議大家一定要book位🥺👎🏼環境衞生真係麻麻 係未差到有隻曱甴走出嚟啫 有啲似樓下茶餐廳嗰種feel 而且坐得好迫 但見侍應一直做到無停手 而且本身預咗唔食環境衞生就唔太介意🤫👎🏼樓面好明顯係唔夠人手 影相都驚會阻到人所以都唔敢搞太耐 但欣賞係喺唔夠人嘅情況都唔係太遲出餐真係厲害 不過都係建議餐廳請多個侍應好啲…查看更多

去佐敦食飯, 泰灜係一間好多人讚好嘅餐廳, 見佢有啲食物唔係其他地方都有得食, 就去試一試。泰媽媽蟹肉煎蛋 - 似芙蓉蛋, 蛋香, 加啲蟹肉碎, 煎得脆身, 入口蛋香較強, 但都食得出蟹肉味, 加蔥花加添少少清新及辣度, 好食。炭燒豬頸肉 - 依個好食, 豬頸肉燒得脆身, 內軟, 食落有燋香, 辣汁有少少甜, 食落係幾夾。青咖哩雞 - 一般般, 啲雞有啲雪味, 但啲茄子入味好甜, 但買成HKD108就略貴, 如果雞都係好食就合理, 但係得茄子好食, 我覺得唔合格。蒜蓉包 - 厚切蒜蓉方包, 脆口蒜香, 好食。芒果糯米飯 - 芒果好甜, 糯米綿身, 椰汁教得好好, 少少杰身好上糯飯, 係好食嘅。Narin - 個味就係Mojitarita, 但加咗香矛, 好香。整體佢嘅食物係好食嘅, 同啲服務員好有禮貌年青同有活力, 值得一試。…查看更多

以一間小店來說 食物賣相算是很有誠意看得出用心製作 質素不差但整體味道偏甜欠辣沙爹雞肉串燒 | $78雞肉燒得剛好 唔乾肉質依然嫩沙爹醬是精髓 好有花生味如果再辣一點會更惹味配的麵包粒有點令人失望 很乾亦唔脆泰式鮮蝦金柚沙津 | $78醬汁永遠是沙津成敗的關鍵這個甜辣汁做得很不錯(其實仍是偏甜的)夠惹味再加上有碎花生又有腰果增加脆感柚子不算最juicy但清甜清爽好食馬拉盞椰菜苗 | $68椰菜苗不會過淋有咬口 馬拉盞炒最惹味除了散叫菜式 周末午市都有套餐 幾抵食青咖喱雞飯 | $48黃咖喱牛腩飯 | $58兩款咖喱都只帶甜而不夠辣 亦唔夠香建議少點糖多點辣炭燒豬頸肉 +$38豬頸肉燒得好香 肉爽邊位微脆最正係配個酸辣汁 調得好好味鳳爪沙津 +$38套餐加錢有小食 份量都不少喎鳳爪辣度剛好但要再加點酸會更正…查看更多

第二次用app book位食晚餐，今次又有半價啦鋪店有d細，同一般佐敦食店差唔多好彩我地6點入座，唔洗等位我地點左幾個餸，仲有去泰國必食既椰汁芒果糯米飯通菜汁唔太多，如果再濕d會好食d最好食就係呢個炭燒豬頸肉同一般既豬頸肉真係有d分別，就係有炭燒味，但又唔會太乾蟹肉炒飯炒得好香，又唔會太乾，而且份量十足最後泥既係椰汁芒果糯米飯，不過係迷你版，食少少又唔會太滯，好岩我呢d想過下口癮既人，可以當甜品咁食…查看更多

當一間橫街地鋪可以做到經常滿座嘅時候，你就知道呢間餐廳一定都有返咁上下保證。之前同朋友嚟過呢度食佢嘅炭燒豬頸肉，嗰陣時已經覺得好好食，咁啱今日又經過呢條吳松街，所以又決定再encore。其實香港人總是對泰國菜有一種情意結，而我對泰國菜亦是有一份鍾情。【泰灜】位於佐敦吳松街， (港鐵佐敦站 C2 出口, 步行約3分鐘)。餐廳門面有兩個泰國銅像擺設遠看已經不用說明已告訴大家餐廳賣的是泰菜。門口既餐牌又幾吸引，傳統泰菜都有齊，亦有些玩味元素在內。室內裝潢亦以啞金色泰色壁畫呼應主題。簡簡單單，十分小巧，成晚嘅氣氛令我覺得適合情侶黎拍下拖，又適合一班朋友輕鬆聚會，場內氣氛輕輕鬆鬆。餐廳的老闆、廚師全是泰國人，仔細看多次餐牌店內有不少特色泰國美食。菜單款式大路、前菜、咖喱、泰式粉麵食、主食、飲品等等。炭燒豬頸肉 ＄78豬頸肉，用炭火燒真的是最好吃的，煎或焗也比不上炭燒啊！在泰國旅行的時候，有一艘船最令人印象深刻：就是小販在搖搖晃晃的船上架起炭爐，炭火燒得正旺，爐上放着各種、烤雞、烤豬頸肉，香氣撲鼻；每種烤物還配上不同醬汁 ...這裡的炭燒豬頸肉正正令我想起泰國的非一般滋味。一塊塊豬頸肉經炭燒留有一陣炭燒的香，配合餐廳調配的泰式酸辣汁，微辣帶甜，惹味又開胃，喜歡能夠做得到質地軟腍有彈性！讚！馬拉盞椰菜苗 ＄68泰國的菜類總是炒得特吃滋味。馬拉盞椰菜苗上枱熱辣辣，夠火候又香口炒得非常入味。 望落去顏色翠綠，整體味道惹味又不會太辣，入面仲有啲辣椒粒同蒜粒令到成碟餸更香更惹味。鮮甜爽口既椰菜苗配上馬拉盞既咸香,令到椰菜苗既味道更加出色，送飯一流之餘，椰菜苗的營養價值非常高，我地兩個食得津津有味啊。劈開椰青見海鮮 $118重頭戲，餐廳皇牌，「劈開椰青見海鮮」，新鮮椰青上枱，外表美觀，咖喱顏色鮮豔，以為有飯，係冇既，全部都係海鮮，入面海鮮款式都唔少架，「有青口、大蝦、墨魚、帶子、魚肉等。」配上應該係紅咖哩，但呢款經咖哩又幾特別，因為質感一點都稀，似糊狀。因為入面加咗雞蛋，所以較有質感。入面充滿香茅紅椒，調味香濃帶少少椰香味，海鮮份量唔吝嗇，整體味道味道溫和，用嚟配飯一流，不過我揀左配麵包，因為咖喱同麵包本來就是天生一對吧！而隨咖喱送嘅椰水可以沖淡咖喱的味道，清甜的中和番。食到肚脹脹，實在太好味了！！！蒜蓉包 $38每次食泰國菜都要嗌蒜蓉包呢，更何況點左有咖喱既食物，呢度嘅蒜蓉包有四大條，每條厚身又長，就算點完厚厚既咖喱食落都幾脆身，亦食到有蒜蓉陣陣晚香味。總之務求把每一吋蒜蓉包都吸滿咖哩汁。正【泰灜】整體都乾淨整潔，食得舒服又開心，可能就是小巧的關係感覺上員工服務親切，又快手，盡是溫暖的一餐晚餐。會再度到訪的。推介！…查看更多

個醬汁好夠辣😆加埋辣椒同蒜片食到好刺激蝦身唔算好大隻 但係幾新鮮 爽口彈牙而且唔臭😂(而家出去食蝦已經唔係奢求佢爽唔爽口彈牙 臭唔臭先係重點...🤪)額外小驚喜係連上面d蝦頭都食得 炸到脆卜卜又食到蝦膏🤤好味沙律夠酸 而且有四隻大蝦🍤不過金柚甜中帶點苦澀 呢個位我就麻麻地🤥估唔到d生蠔係咁大隻🤩toppings有勁多炸蒜呀 醬汁酸酸辣辣咁都幾開胃 生蠔肉質肥美而且唔腥又冇沙 個人覺得呢個幾抵食👍🏻咖哩雞分量好多 亦唔少得茄子同枝豆但係d雞就唔夠入味😣而且成盤野好水好稀我會話 佢既青咖哩味偏淡😢呢個唔推薦4大條烘到外脆內軟既麵包條 每條都超厚😃不過就如圖所示啦 佢落咗勁多牛油但係就乜冇蒜頭🤡所以我就食唔出有蒜蓉香同埋$38四條牛油包都幾唔抵🤑唔會再嗌個串燒好好味呀😍雞肉嫩滑得嚟又多汁燒得啱啱好唔會乾 仲有個沙嗲醬🤩簡直係全碟野既靈魂 一定要隊條串燒落去串燒係必嗌必嗌必嗌的😆豬頸肉好大碟😂仲要片片都好大片 正shit😚面頭有靚靚既炭燒紋 不過唔係得個樣架下豬肉既肉質都好嫩滑😭有咬口 食落好香個醬汁都好出色同個沙嗲醬絕對有得揮我好耐冇飲過龍眼冰啦😭佢俾咗超多龍眼肉我❤️整體甜度我覺得剛剛好 好似飲緊龍眼汁咁☺️杯泰奶都幾好飲 味道同一般泰奶冇咩分別😂(廢xd)超煙韌😍係我食過最煙韌既斑蘭糕上到枱仲熱辣辣🔥不過斑蘭味唔夠濃係敗筆未必會再嗌 除非佢加返重d斑蘭啦勁多芒果😆芒果好甜好香 粒粒都好飽滿糯米飯微暖 軟糯得嚟又唔痴牙👍🏻唯獨是d椰汁唔夠香濃🤦🏼‍♀️臨尾香.總括而言呢間泰菜係幾唔錯幾好味既⭐️除咗d甜品同青咖哩麻麻地之外😂其餘全部可以一戰😍特別個串燒 必嗌！仲有員工服務態度勁好 又建議你點食得閒又會過嚟嗲兩嘴咁🤣好親切…查看更多

小肥難得有孖Day放下假☺️🙇🏻‍♂️難得天色明朗之際😆🌤去行街街之前🤪當然要同隻豬食返餐好既醫肚補充下先啦🐷🤤🍴位於佐敦吳松街既泰瀛🇹🇭喺佐敦站C2出口經寶靈街行過黎亦十分方便😆呢度簡約既環境裝修🙈卻有濃濃既泰式風味散發著☺️🇹🇭泰國既流行歌曲播放🎼牆壁上一幅幅泰國菜色及泰國文化既相片及畫像☺️盡顯泰國特色風味☺️🇹🇭充滿泰式風味既環境☺️亦煮出濃郁既泰式香味🤪🤩👨🏻‍🍳青咖哩雞配飯當班蘭葉配上青咖哩🙈形成青上加青既青咖哩🤪雞肉肉質嫩滑食落一啲都唔鞋之餘😆🐔配合香中帶微辣既青咖哩🤤係雞肉既絕佳配搭🤪亦係同白飯既最佳拍檔😆🍚愈食愈開胃🤪鮮蝦炒金邊粉炒得好香夠哂獲氣食落唔油膩😆🔥金邊粉炒到入味彈牙之餘🤤🍜配菜同大蝦好足料😋🦐而且份量滿滿的！😆加花生碎一齊食亦增添口感😋炭燒豬頸肉豬頸肉醃製燒得夠入味之餘🤤肉質嫩滑脂肪比例均勻食落唔會油膩🤤🐷惹味泰式燒生蠔肥美既生蠔配合泰式醬汁燒香🤤👨🏻‍🍳🔥夠哂滑嫩Juicy之餘🤤微微酸辣既醬汁配料食落更開胃😆😋…查看更多

這天跟男友到佐敦覓食，看到這間泰菜非常多讚就決定一試！ 不知為何，覺得門口有泰國公仔的餐廳特別有風味 哈哈！ 餐廳內部環境還挺舒適的，很幸運的還被安排在卡位！餐牌選擇很多，餐廳推介的十個special也很值得參考，可是每一樣都想吃啊！看見這道菜的名字 — 劈開椰青見海鮮已經覺得很有氣勢，非常吸引 哈哈！椰青裡滿載著滿滿的海鮮，有大蝦、青口、魚塊、墨魚！ 而紅咖哩醬的份量也相當多，沾滿了每件海鮮外，還可以用來點蒜蓉包，惹味非常！惹味蒜蓉包是非常驚喜的超級外胞內軟，而且滿佈著蒜蓉，不論單獨吃還是沾著紅咖哩也超滋味的！最特別莫過於店員為我地另外送上了一杯椰青水(是我們點的這個椰青而來⋯)，清爽又鮮甜！每次吃泰菜男友都必點他的至愛豬頸肉。這個看似簡單的菜式，但要做到好吃其實很難，而這個炭燒豬頸肉真的充滿炭燒的香味，而且肉質軟稔又有嚼勁！個人非常欣賞它的泰式醬汁，帶點甜甜酸酸的感覺，配上炭燒的味道，加倍惹味！作為一個稱職的蛋控，在泰菜當然也不能錯過這個泰媽媽蟹肉煎蛋呢 嘿嘿！外表煎炸的金金黃黃，像是蠔餅般香脆！口感非常鬆化之餘，還吃到絲絲的蟹肉和少許蔥粒！整個蛋餅質感充滿水份，但絕不油膩！ 兩個人一口接著一口，很快就吃畢整個蛋餅啦！飲品方面，除了附送的椰青水外，我們還多點了個珍多冰，冰量和甜度非常適中，整體很不錯！…查看更多

我係一個超級中意食泰國菜既人，有一日經過佐敦。發現唔知咩時候開左間泰菜起到好好彩⋯等左一陣就有位啦小店睇落吾大，但入到去感覺幾舒服。見到員工講泰文（一定正宗好多啦）店員推介要試下個招牌菜-火焰燒春雞🔥 $188上到枱重會即刻淋d酒上隻雞到岩曬我地成班女仔。影相一流佢地會跟埋手套比我地手met黎食😻😻但佢地話如果吾想用手食都可以幫我地斬件咁當然用手食係風味好多啦講返隻雞。真係皮脆肉嫩。勁juicy吾洗一陣就比我地幾個女仔ko曬🙈我地重叫佢左個- 泰式金柚海鮮沙律 如果無記錯好似$78出面食金柚沙律。通常得d碎濕濕既金柚估吾到佢大大件咁。重要有好多件真心覺得必叫👍🏻👍🏻燒牛肉 - $88牛肉好淋吾鞋。。都可以試下生菜包- $78。 可以選豬/雞我地選左豬。生菜包係泰菜必食係靈魂之一。酸酸辣辣好正👍🏻👍🏻劈開椰青見海鮮 -$118佢好似係咁叫。如果我無記錯的話🧐我地係比個名吸引去叫既最初無抱咩期望一黎到見到d海鮮多到滿捨忍吾住嘩左聲。搞到格離枱以為我地大鄉里出城🤤原來佢重包一杯新鮮椰青水。我地覺得更加抵。因為一個椰青單叫都幾十蚊啦（師奶心態）🤣燒豬頸肉- $78真係有炭燒香味。正👍🏻芒果糯米飯-$68芒果夠香甜。好大個因為我地都好怕芒果酸。好彩依個吾會食食下吾夠椰漿重可以問佢再拎抵讚上菜速度好快值得一讚員工有禮物一叫加水好快手重主動幫我地影相但美中不足係因為佢小店如果吾book位可能要等長d時間P.s: 最後一問原來老闆都係泰國人。吾怪得好似起泰國食到既味道啦…查看更多

今次就同朋友黎食新開既泰北菜，細細間竟然坐無虛席等我地一行四人探個究竟！.先保守點了傳統的冬陰公湯和豬頸肉，天氣熱想吃點酸甜的涼菜就點了柚子沙律，然後被相片吸引再重貨一隻火焰燒雞雞再來個紅咖哩燒鴨！先上桌是這個金柚鮮蝦沙律，酸酸甜甜超開胃，以金柚的酸甜襯托果仁，鮮蝦和蔬菜連平時不太吃沙律也比較容易接受再來是我的泰菜最愛豬頸肉bb!!肉質軟嫩而堅實，帶嚼勁，本身已經挺好吃配合正宗泰式醬汁一流火焰燒春雞以視覺效果為主，在微脆的春雞皮上澆上烈酒有火焰效果，雞肉還是蠻嫩的，但調味略單調，需依賴醬汁的味道。冬陰公湯足料好喝！大大煲重椰香味帶甜紅咖哩烤鴨算是蠻有驚喜的，港派的燒味遇上紅咖哩濃郁的椰香，不算太辣，沾上又香又脆的蒜蓉包味道再昇華！鴨肉好好吃！…查看更多

昨晚，同幾個朋友去尖沙咀行街，不知為何突然想食泰國菜，就search下附近有無泰國菜館，就黎左呢間餐廳！一入去，見有不少人已經食緊，感覺已經幾好，因為應該好食先會多人👍🏿餐廳有兩層，內裏有點泰國風味🇹🇭地方亦寬敞，坐得都舒服🌾我地就叫咗個沙律食🥗呢個沙律酸酸甜甜，幾開胃👍🏿蝦同金柚嘅味道亦好夾，吾會覺得有違和感，加上蝦咬落去亦新鮮，再有埋腰果配搭，完全令到我食慾大增😋呢道炭燒豬頸肉，係我全晚至愛👍🏿首先豬頸肉少脂肪，食落去唔會覺得好油，完全無罪惡感，加上性價比高，有好多塊豬頸肉，好似食極都食唔完😻呢碟紅咖喱燒鴨，我覺得比較普通，但呢道菜可以配蒜茸包食，包都幾好味！注意: 這道菜有點辣🌶冬蔭公湯又幾正，本人覺得好啱我地香港人口味👍🏿辣得好香口👍🏿加上蝦肉好足，完全抵食！燒春雞係成晚飯既高潮！侍應會係我地面前表演"燒着隻雞"，倒上酒加火，成隻雞就立即燒着，影相一流📸無咗火之後，你可以叫侍應幫你手撕雞，或者自己黎。肉質幼嫩！點上佢嘅辣醬，更惹味！我亦點咗杯飲品--龍眼冰，味道較甜，夏天黎講，飲一飲透心涼💦總括而言，如果想食泰國野，呢間餐廳不比九龍城嘅泰國菜遜色！值得一試！…查看更多

平時一諗食泰國野 就即刻諗到九龍城個頭但食完都係好味 但無咩驚喜又無咩深刻印象今晚試左呢間係佐敦嘅新開泰國菜 真心必回頭🤤一試難忘左😍😍😍 .個老闆原來係純正泰國人 同佢傾d野食個陣 佢話呢度同出面泰國菜唔同好多香港泰國菜都會營合左香港人口味但佢呢度好多款都係正宗泰國做法🇱🇷可能會辣d 岩哂我呢d嚐辣如命之人.泰式鮮蝦金柚沙律 ($68)超開胃嘅沙律 滿滿嘅金柚籽 一咬就有酸酸甜甜嘅柚汁爆出黎 蝦煮得好爽口 咬落新鮮彈牙😋沙律個sauce有少少微辣 完全令我食慾大增 準備好迎接呢餐辣味泰菜.炭燒豬頸肉 ($78)滿滿的豬頸肉呀係 超級多片而且厚切好厚肉皮燒得有陣陣炭香個sauce係辣到有少麻刺激味蕾個種😆勁正.冬蔭公 ($138)冬蔭公辣勁十足🤤🤤而且好足料 有幾隻原隻大蝦😳肉質仲要係爽口彈牙 吸哂d湯嘅精華🤤.紅咖哩燒鴨 ($98)燒鴨老闆話出面真係好少見 但本身泰國人都好鍾意咖哩燒鴨燒鴨係平時燒味舖個種 肉質嫩滑咖哩好香濃 紅咖哩會有少辣 用蒜蓉包沾黎食一流🤤💓.惹味蒜蓉包 ($48)呢個蒜蓉包外型太討喜 預先切成條狀方便人沾咖哩食😙超香蒜蓉味 烘得脆脆又唔會硬到𠝹口個種👍🏿.火焰燒春雞 ($188)係成餐最期待嘅燒春雞打卡一流呀呢隻雞 原隻上嘅燒春雞😙老闆仲會親自係你面前燒隻雞 好貼心比埋手套可以自己撕或者比佢地分雞肉好嫩滑 唔會係擦紙膠質地👍🏿👍🏿但個人覺得個豉油雞點個甜酸醬唔太夾😣所以期望太高有少少失望😢.龍眼冰 ($28)木橘茶 ($28)青檸梳打 ($28)木橘茶見佢好特別就嗌左 出面真係未見過😆朋友試左頂唔順陣味 話似去泰式按摩嘅精油味其實入面有d木檀香味 有微微嘅香甜味 唔會話太甜 我自己幾鍾意💕.超正宗超惹味嘅泰國菜🤤呢間一定好過九龍城個d 我可以寫包單🤘🏿.餐牌參考…查看更多