鐵板燒雪舟

🧡🤍❤️鐵板燒由廚師發板🔥最近鍾意咗食廚師發板，因為唔使諗食咩唔使煩🥰又可以追加少少要求，舒舒服服咁品嚐美食😛久唔久一次已經好滿足！依間鐵板燒…想食好耐㗎啦🤭初時係俾佢精緻嘅擺盤吸引住，其次就係依度嘅環境💕驚walk-in 要等位，所以預早一個星期訂枱😛❣️𝗦𝗲𝘁 𝗗𝗶𝗻𝗻𝗲𝗿 𝗠𝗲𝗻𝘂❣️ 晚市套餐 $1388一個價錢由餐前酒到甜品都有，如果對 刺身 有興趣，都可以另+$200😙Hatty就冇加啦，今次想focus返喺燒物上🔥💛𝗔𝗽𝗲𝗿𝗶𝘁𝗶𝗳💛 餐前酒是日餐前酒係 柚子味燒酌 🍊味道酸酸甜甜，好清新😛成個人精神晒 味蕾瞬間打開！💙𝗦𝘁𝗮𝗿𝘁𝗲𝗿💙 先付前菜就係沙律，味道正常發揮啦🤣不過個人幾鍾意佢topping上嘅麵包粒粒，脆卜卜有口感！🤍𝗝𝗮𝗽𝗮𝗻𝗲𝘀𝗲 𝗦𝘂𝗿𝗳 𝗖𝗹𝗮𝗺🤍 日本產北寄貝第一次見咁新鮮咁大塊嘅北寄貝，擺盤成個藝術品咁💕北寄貝唔使做過多嘅調味都已經有好鮮甜嘅味道😛肉質都幾厚身，師傅會將北寄貝切開，連埋旁邊嘅三文魚子一齊食 口感滿滿🥰❤️𝗜𝗦𝗘 𝗟𝗼𝗯𝘀𝘁𝗲𝗿❤️ 伊勢海老新鮮嘅龍蝦燒完之後，依然肉汁豐富😙食落口啖啖肉，喺鮮甜上加一分火烤風味！海老肉質鮮嫩，當中嘅龍蝦膏 份外香濃🦞旁邊仲有佢哋自家製青醬(食得到入面有羅勒、芝士香)感覺幾特別🧀🤎𝗝𝗮𝗽𝗮𝗻𝗲𝘀𝗲 𝗕𝗹𝗮𝗰𝗸-𝗵𝗮𝗶𝗿𝗲𝗱 𝗕𝗲𝗲𝗳 𝗦𝘁𝗲𝗮𝗸🤎 和牛厚燒和牛可以揀薄燒或厚燒，鍾意有口感嘅建議揀厚燒😛師傅會將和牛輕輕調味，再放上烤多士上🍞除咗口感豐富，多士上牛肉質細嫩，而油脂香都為整體增添風味！🥩💚𝗙𝗿𝗶𝗲𝗱 𝗩𝗲𝗴𝗲𝘁𝗮𝗯𝗹𝗲𝘀💚 炒野菜野菜都係椰菜、菇菇依類🍄就算冇過多調味，都已經好好味啦😏野菜清甜帶火氣，入口除咗有野菜自身香味，仲有上一道和牛嘅香😛不禁回想厚燒和牛嘅味道！🧡𝗦𝗲𝗮 𝗨𝗿𝗰𝗵𝗶𝗻 𝗙𝗿𝗶𝗲𝗱 𝗥𝗶𝗰𝗲🧡 海膽炒飯食完肉肉菜菜，就係時候食炒飯啦！炒飯嘅份量都幾多🤤除咗有海膽，仲有蔥粒、櫻花蝦、雞蛋🦐為味道更上一層樓！💛𝗠𝗶𝘀𝗼 𝗦𝗼𝘂𝗽💛 味噌湯味噌湯味道唔會太鹹，啱啱好🥣入面就有昆布、豆腐等等😙💜𝗣𝗶𝗰𝗸𝗹𝗲𝘀💜 香之物就係一啲醃製類蔬菜，食返一兩件剛好解膩🥢❤️𝗗𝗲𝘀𝘀𝗲𝗿𝘁❤️ 甜品甜品嘅部份係靚靚櫻花水信玄餅，夢幻晶凝剔透嘅和果子🌸入口即化🖤𝗗𝗿𝗶𝗻𝗸𝘀🖤 飲品最後飲返杯檸檬茶，清新滿足🍋餐廳佔地面積都幾大，雖然平日 但都幾乎full house🫣即使係咁，廚師們都可以照顧到每位食客嘅口味，同埋服務態度好貼心🤣依點真係值得一讚嘅🥰當然食物質素都好高，有機會再食😝📍鐵板燒雪舟📍銅鑼灣開平道1號Cubus 8樓…查看更多

原來成5年冇嚟過食鐵板燒，當年門口有8條肥金魚，而家得返2條，不過依然可愛Set lunch menu ($888)先食沙律，之後大廚開心姐就喺我哋面前即煮茶碗蒸，外面食嘅茶碗蒸都係預先整好，睇住蛋汁由生變熟，再加上高湯及滑子菇，好好味呀！伊勢海老鹹蛋黃炒蟹嘅方法煮龍蝦，肉質新鮮彈牙，開心姐仲提醒我要食埋龍蝦頭嘅肉，嗰條係最滑溜㗎和牛厚燒今日係近江牛肉，原來佢哋定期都會用唔同縣嘅和牛，基本上每次嚟都可以試到不同嘅和牛。煮得幾熟？一齊交俾開心姐決定啦！有3種食法，分別係加wasabi，食落唔會好膩；可以加炸蒜片；又可以點自家製醬汁，呢隻醬汁酸酸鹹鹹，正正就係好多年前三越百貨公司樓下嘅美多詩日本餐廳，佢哋嘅招牌菜鐵板燒牛肉嗰隻醬汁，好懷念呀！炒野菜椰菜好爽脆，再加啲頭先嗰隻自家製醬汁一齊食係完美的！海膽炒飯先喺我哋面前煎兩隻蛋，再加上白飯及海膽，炒炒炒得好乾身，粒粒分明軟糯飲完麵豉湯，食埋香之物，就要食開心果雪糕及飲埋杯凍檸茶，完美嘅lunch呢度服務好好，不斷為我哋添茶，同開心姐傾偈亦都令成餐飯好愉快。而且由食物嘅選料及賣相都睇得出佢哋嘅日本籍總廚對食物嘅堅持…查看更多

每日的生日忙忙碌碌，你享受嗎？咁可做到忙碌中享受呢？近排的確忙於奔命，並沒有好好享受生活，唯一是在忙碌中抽空吃一頓想吃的飯。今日就在週末中抽一點時間，吃想吃的鐵板燒。一出升降機會便看到介紹飛驒牛的文章和一些證書，當然不少得店名招牌。走進內裏，地方幾大，空間感十足，分為兩邊，一邊是一排圍着長長鐵板燒枱的單人座，而另一邊分了三個獨立空間，每個空間都有一張鐵板枱和設有一張四至六枱。安坐後便馬上看看餐牌，分別有商務午膳、雪舟鐵板燒午餐、日本和牛鐵板燒午餐、牛扒鐵板燒午餐和鐵板燒午餐。除鐵板燒外, 還有其他午餐、刺身壽司和一品料理，都幾多選擇。我今次就揀了雪舟鐵板燒午餐 Sessyu Teppanyaki Set ($318)，主要有七道菜，而主菜就五選一。******************************先上沙律•小鉢 Salad•Seasonal Small Dish，是日沙律為甜薯沙律，清爽的沙律菜 上放了幾件烤過的甜薯，粉綿甜美，亦有咬口 。小鉢是天婦羅菇，炸漿薄而香脆，一點也不油膩；菇 相當爽身，吃時唧些青檸汁，清新一點，簡單的美味。******************************茶碗蒸 Steamed Egg Custard由師傅慢慢在鐵板上蒸弄而成，熱辣辣送到我面前。蒸蛋 上放有爽口日本菇、清甜的甘荀絲 和洋蔥絲，淋上醬汁，用料雖不算豐富，但配搭美味。蒸蛋 蒸弄時間掌握得剛好，極之滑溜，調味亦恰當，伴着甘荀絲 和洋蔥絲，添上清甜的味道，不錯!******************************看着師傅在鐵板上燒帶子•大蝦 Scallop•King Prawn真是考功夫，巧妙地將蝦頭和近蝦頭的部位以近似炸的方式製作，用上不少時間和心機，而另一邊又在燒帶子和蝦身，忙過不停。帶子 表面燒得金黃，帶些焦色，肉厚肥大，彈牙鮮甜，再蘸些酸咪咪的醬汁，美味! 而大蝦 就更討我歡喜，蝦肉極之爽彈，味道鮮味，優質！蝦頭和近蝦頭的部位則香脆得能吃掉，脆卜卜，好滋味!******************************五選一的主菜牛肉佔了兩款，而豬、雞和魚則各佔一款，我當然揀銀鱈魚 Cod Fish。見師傅一開始直接把銀鱈魚放在鐵板上，待一會師傅放上牛油，再弄一會便上碟。銀鱈魚 大小中等，但挺厚身，表面焦黃香口，而潔白的魚肉片片分明，並不散爛，肉質嫩滑，味道甜甜地，調味剛好，不失魚的鮮香，讚! 吃時亦可蘸些香草海鹽，又吃出另一番美味，但還是喜歡不作添加，啖啖教人回味，再來一件可以嗎？ ******************************來到炒野菜 Sautéed Vegetable，師傅三兩下功夫便把它送上我面前，快靚正! 有椰菜、蒜心、豆角 和甘荀 四款材料， 算不上很豐富，但保持鮮嫩爽口，而且不算很油膩，亦不濃味，正合我口味。******************************來到尾聲，是蒜蓉炒飯Fried Garlic Rice出場，送上鐵板飯焦的驚喜。米飯加入日本高菜、芝麻 和炸蒜粒 炒，待一會便見師傅撥出一些米飯，再用力壓平，弄成一塊薄片在鐵板上燒至又薄又脆，再分成數片放上已炒好的飯面上，炒飯也有飯焦片，夠晒特別！飯焦片又薄又脆，並不會像煲仔飯的飯焦那麼硬口，好吃得多!至於米飯 粒粒飽滿，炒得乾身而不油膩，味道不會太濃，皆因炒時並沒有直接淋上醬油，而是將醬油淋上鐵板，再輕輕將飯蘸上，味道剛剛好，巧妙! 再加埋爽口鹹香的高菜、滿有蒜香的炸蒜 和甘香的芝麻，美味得連平時少吃飯的我也忍不住口。******************************味噌湯•漬物 Miso Soup•Pickles同時上枱， 味噌湯 入口暖笠笠，味道合宜，不會太鹹，配上一小碗的漬物，有白蘿蔔、甘荀、椰菜、青瓜 等，口感爽脆，味道酸酸甜甜，挺開胃醒神。******************************最後的自家製甜品•咖啡或茶Homemade Dessert•Coffee or Tea，揀了一杯熱檸茶，以茶配甜品很適合，而酸咪咪亦有助開胃消滯。自家製甜品是焦糖布丁，但跟平時的樣子和口感完全不同。焦糖布丁雪成冰條，入口冰凍，口感如雪糕般，很特別! 滿有蛋奶香，加上面層的焦糖，香甜美味!------------------------------其實這頓飯也很忙碌，忙於欣賞師傅的精湛手藝；忙於拍下精彩的場面；忙於聽聽師傅的介紹；忙於品嚐每道菜式，的確忙過不停，但這種忙碌有別於平日，是能令我忙碌中享受。…查看更多

星期六返短週，放工鬆一鬆，約朋友到銅鑼灣開平道Cubus樓上食鐵板燒，上次有去過，不過已經有一段時間沒有去”雪舟鉄板”了，今日正好去回味一下。今日食雪舟鐵板燒午餐 $318沙律.小鉢沙律有菌類，配上柚子酸汁，幾開胃。還有雜菜天婦羅，幾脆身，有薯仔條等幾款混合一起。蒸蛋滑溜。帶子厚身大粒，質感嫩滑，味道鮮甜。份量足，但黑豚扒不算特別嫩滑，配上特調的蘿蔔蓉汁帶有少許蘋果香的醬汁也不錯，再配上日本米白飯更佳。很新鮮，幾款野菜爽脆乾身不油膩。午餐還配有味噌湯和漬物。哈哈外型真像乳豬肉，甜度適中，很滿足。…查看更多

契妹上週由美國回港過冬，因仍有時差問題，所以就約會小肥契哥週六午聚交收手信。可能太耐冇食亞洲菜，地點就揀去銅鑼灣o既「鐵板燒雪舟」食日式鐵板燒。步出升降機門，即見招牌下有個金魚池，睇黎老闆都應該幾信風水。魚池兩旁擺放有可愛o既飛驒牛及招財貓公仔擺設。接待處寫出店內所用之白米均為新潟米，未食已有信心o既保證。店子樓底高高，燈光柔和，裝潢簡潔雅致。兩口子被安排入座長長o既鐵板燒桌之一角，由於抽氣強勁，用餐後身上並無油煙味，衛生非常。埋位後，溫婉o既姐姐仔先送上熱茶及熱毛巾，體貼周到。席上餐具齊備，最搞笑就係墊上o既招財貓筷子座，懶洋洋得太可愛了！午市餐牌共有七頁之多。XO仔就點咗個「雪舟鉄板燒午餐」，主菜選美國西冷薄燒。點好菜，即交由幽默o既師傅哥哥喺二人面前燒煮午餐。沙律：第一道南瓜沙律意外地一啲都唔嚡口，微甜清新，甚為討好。小鉢：第二味小鉢為色澤鮮橙o既洋蔥粟米天婦羅。天婦羅甜而不溜，個人只係略嫌質感腍咗少少，唔夠香脆。茶碗蒸：原來蒸蛋係喺鐵板上蒸煮架，故上枱時連底碟都辣手過人。以鐵板蒸出o既蒸蛋十分幼嫩滑溜，而且清甜芬芳，輕巧美味。帶子．大蝦：海陸午餐中o既海鮮有兩款，分別為帶子同大蝦，師傅巧妙地喺碟邊淋上弧形調味汁，擺出一個笑哈哈，極富藝術感。碟中o既帶子外脆內嫩，鮮甜無比。蝦隻質感雖則好夠彈牙，不過個人覺得如果可以燒少兩分鐘就會更加爽潤。大廚唔講細佬真係唔知道燒至薄片o既蝦頭都可以食得。蝦頭薄片比薯片更薄，真係脆到連蝦殼都可以吞埋，實在精彩！美國西冷薄燒：餐牌上列明西冷薄燒有三件，為食客方便進食，師傅再一開為二，十分細心。西冷薄燒肉質軟腍，且肉汁豐盛，不用多點粗鹽已夠惹味，！炒野菜：炒野菜清新香脆，毫不油膩，簡單可口。蒜蓉炒飯．味噌湯．漬物：單尾細佬揀咗重口味o既蒜蓉炒飯。望住師傅喺面前炒製，炒時又再一次一開二喎，結果又一次估佢唔到喎。。。除咗有一碗蒜蓉炒飯之外，居然仲搭多塊蒜蓉炒飯！蒜蓉炒飯粒粒飽滿肥美，炒得夠乾身之餘，因混入咗蒜蓉及醃菜碎炒出，香口得黎多咗份脆口。塊蒜蓉炒飯薄片香脆入味，實屬驚喜之作:)！自家製甜品：是日甜品之自家製焦糖牛奶布丁白雪雪、滑嘟嘟，香甜輕巧。最後一杯香濃熱咖啡確真暖胃。飯前先見可愛o既招財貓筷子座，飯後再黎趣致o既奶杯，餐店老闆實在太有心思了！「鐵板燒雪舟」環境高雅衛生，服務稱心，午市海陸鐵板料理新鮮優質，價錢合理，不妨一試。…查看更多

好耐都無去食鐵板燒啦,果日口痕好想食,就約左朋友仔星期六下午去食過悠閒鐵板大餐! 今次去都係去CWB,因為上次食過鍋處雪舟之後,店員話同一棟有佢地另一間店 - 鐵板燒雪舟,係食鐵板燒既,都一樣咁正,叫我地有機會試下! 所以就同朋友仔去試下!一去到見到好得意既熊本熊!好cute啊,主打介紹熊本野食! 唔知今次有咩正野食呢? 果日去到好在有book位,坐左係bar台,個feel好正,如果唔係下午既話,我一定叫sake飲! 不過今次食lunch就算啦! 我就叫左個set lunch, $300幾好抵食!Set lunch - 一開始當然有醒胃沙律+小食啦! 粟米沙律好夠凍,好fresh! 不過最特別都係個小缽,漬物類既紅蘿蔔,牛膀, 酸酸地,好好味呢!食完冷盤,當然食返d熱野啦, 茶碗蒸就啱晒啦! 食鐵板燒既茶碗蒸最特別既係你面前即蒸即食,所以d蛋好滑,除左有冬菇外,仲有洋蔥同紅蘿蔔! 雖然簡簡單單,但係食到蛋既鮮味!Yeah...食完茶碗蒸,終於都到我最期待既鐵板燒! 每次見到廚師係鐵板上煮野,真係一種享受! 一邊炒一邊聞到野食既香味,真係好正! 鐵板燒帶子+大蝦,好好好香啊! 配左意大利黑醋,令到海鮮既味特別香濃!帶子外表煎得好香脆,肉質好嫩!大蝦個尾燒得幾正!夾起尾黎食,好豪爽啊!主食II - 就係鐵板和牛柳! 哇,真係未燒見到都流晒口水! 和牛柳紋路好靚, 雪花紋好均勻,而且望落好嫩,應該好淋!鐵板燒出來既牛柳真係好香,和牛係唔同d既,配上特調既燒汁好香濃! 今次既和牛燒我點左70%熟,面煎得好香, 裡面仲有d血,好juicy, 好好味啊!主菜話咁快就食完啦, 點都要食d菜既! 鐵板燒set必定有既燒野菜,廚師燒得都好香口,幾好食,蒜心好嫩好好食!食完咁多樣野,點都要食返個飯既!招牌鐵板炒飯點可以少呢? 不過呢度既係非一般炒飯! 見到廚師將其中一d飯壓成平面,好奇特,究竟佢係度做緊d咩? 原來係整米紙,真係估你唔到,米紙脆到索索聲,好香口! 好特別啊, 廚房真係玩鐵板玩到出神入化，勁!食飽飽,最後飲返碗麵豉湯，成個人暖晒,好舒服啊! 整體黎講,$300幾既鐵板燒set lunch食到咁多野,真係唔錯! yummy!…查看更多

終於完成左公司一個大Project，於是約埋同事去食餐好既慰勞下自己！我們都好鐘意鐵板燒，可以一邊食一邊望著師傅表演，傾下計咁，感覺特別寫意，所以今次揀左公司附近既鐵板燒雪舟。餐廳有幾款套餐選擇，講得係慰勞自己，今日一於食豪啲，揀左商務午膳。套餐包括有季節前菜、刺身、茶碗蒸、法國產鴨肝、南非鮑魚、澳洲和牛胸內膜、炒野菜、蒜蓉炒飯、味噌湯、甜品、飲品等等，非常豐富！　好可愛既筷子座季節前菜刺身刺身有三文魚和油甘魚，兩款同樣新鮮，油甘魚入口回甘，唔錯！茶碗蒸用鐵板蒸出來既蒸蛋真係第一次食，估唔到可以整到同蒸蘆既一樣，整得超滑！蒸蛋上放左啲菇，菇既汁在蒸既過程中同蛋溶合，超好味！法國產鵝肝口感creamy，咬落去軟綿綿咁，外脆內軟，配埋香桃一齊食，感覺更fresh！南非鮑魚鮑魚鮮甜富鮮味，口感爽口彈牙，配埋師傅煮既汁好好味！澳洲和牛胸內膜牛肉味明顯地比普通的濃郁好多，肉質鮮嫩，入口即溶，軟綿綿咁，十分美味炒野菜食左咁多肉，係時候食返啲菜中和下蒜蓉炒飯賣相好特別，尤其係果塊米餅，又香又脆廚師將部份既飯壓碎而成，真係大開張界！炒飯內有紫菜、芝麻同埋酸菜粒，簡簡單單既一個炒飯，但食落幾惹味！甜品最後以美味既凍餅做結尾，好滿足！P.S. 餐廳環境氣氛都好好，廚師亦會關心客人，會問客人意見，所以我鐘意食鐵板燒，可以一邊食野，一邊傾計，又可以望住廚師表演…查看更多

喺銅鑼灣利園商場呢邊行左陣覺得肚餓, 就過左對面開平道1號呢棟Cubus, 友人想食肉, 就揀左8樓呢間鐵板燒雪舟有多款午餐set 比你揀, 有平有貴睇你自己budget好cute 既筷子座😻😻南瓜蓉個午餐包左既南瓜蓉, 冷盤黎講算唔錯, 凍凍地甜甜地啱晒夏天食😋刺身友人點果個餐就有刺身兩款, 三文魚&油甘魚, 都係新鮮既, 預期之內👍呢個脆脆入面係洋蔥同埋南瓜粟米粒, 新鮮炸起好香口茶碗蒸茶碗蒸個蛋好香好滑, 不過就要小心唔好燙親咀🙈帶子&大蝦師傅終於開爐預熱個鐵板, 第一樣燒既係呢個帶子&大蝦, 喺你面前即煎即上即食, 感覺親切😂而且可以同師傅交流意見美國高級牛柳 - $318主角黎喇, 5成熟既牛柳, 師傅拎出黎果陣已經完全解凍, 所以燒既時候絕對係keep 到d 肉汁喺入面, 一口一粒, 配幾粒鹽黎食已經足夠👍澳洲和牛胸內膜 - $338友人點呢款胸內膜, 都係5成熟, 牛既香濃味道明顯比牛柳更濃更香牛味, 不過有d 人反而唔鍾意咁重味架嘛😂滑度都係胸內膜比較滑👍炒野菜食完咁多肉, 係時候食番d 菜中和下😂可能頭先燒完牛肉, 炒野菜都有d 牛肉味😂蒜蓉炒飯個炒飯師傅做得好有心思, 特登留番d 飯喺個板度壓平掃開, 就變左插喺飯頂果塊燒米餅👍👍飯香好濃而且脆口唔油膩🤤…查看更多

天氣寒冷又想食日本菜，所以選擇了食鐵板燒，煮熟後立即放到眼前，新鮮午市價格比晚市便宜，餐牌選擇分為商務午餐或雪舟燒板燒午餐當日點了一份雪舟燒板燒午餐$318沙律有蕃茄生菜配酸醋汁好醒胃，蕃茄新鮮小鉢是菠菜配櫻花蝦，味道夠清剛好當日餐店有沖繩美食展，填完問卷，除了小禮品外，還送上沖繩吞拿魚刺生茶碗蒸，廚師會在鐵板上煮熟，未吃前廚師說味道會更外面吃的不同，果然，蒸蛋好滑好輕身 ，豆腐般，面層還加了日本菇醬汁，確是值得一讚帶子·大蝦廚師將蝦頭及蝦身分開，前者蝦頭慢慢煎香，甚至壓平，如薄脆一樣，入口卜卜聲日本菜講求精美，眼見廚師將蝦尾如扇子般散開，蝦肉爽口有蝦味，蝦頭部分蝦膏爆滿帶子非常厚肉，雖然帶子熟至全熟，但入口一點也不鞋口、伴碟的醬油是加入wasibi粉，酸酸地，由日本廚師調製主菜六選一，有豬牛雞及魚，最後選了澳洲和牛胸內膜廚師會先問要熟幾成熟，慢慢煎香再切開，入口後非常Juicy，好柔軟帶少少牛油香，5成的熟度煮等剛剛好，絕對要點胸內膜隨後有炒野菜，全部材料由日本椰菜同蘿白，帶有胡香味廚師開始前已問要米白飯還是蒜蓉炒飯，炒飯加入雪菜及炸蒜，出奇地沒有加入雞蛋炒，廚師更在鐵板上整飯焦 夠特別套餐內還有漬身及味噌湯，夠飽肚甜品時間，有自家製焦糖布甸，一小條如冰條般，入口即溶，好美味…查看更多

商務午膳是一個很有神秘感的名稱，但絶對可以探索，今日來到「鐵板燒雪舟」打開我心中這個謎。實木椅桌配牆壁畫，裝璜雅緻。 我的選擇........ 商務午膳的前菜，咖喱牛肉丸和赤鮭刺身。 外脆內滑肉味濃郁，享受非一般的牛肉丸的滋味。 雖然刺身不是我的至愛， 但絶對要品質優良我才會放進口腔裏， 沾上廚師精制醬汁更加美味！ 正當我慢慢品嚐美味前菜， 我看見在我跟前的大廚已經在鐵板上， 為我煮茶碗蒸，煮好的茶碗蒸加入滑子菇， 小巧的滑子菇是一種冬、春季發生的菌蓋粘滑的木腐菌， 因它的表面附有一層粘液，食用時滑潤可口而得名。 享受著嫩滑又熱騰騰茶碗蒸的同時間， 大廚已經在鐵板上烹煎法國鵝肝。 煎好的法國鵝肝淋下帶有香醋的醬汁。 配合香醋醬汁的法國鵝肝， 外脆內酥吃得滿口甘香，而且一點都不覺油膩， 我從來未吃過如此美味的鵝肝。 輪到我的至愛出出場了！ 130g南非鮑魚和配菜已經凖備就緒...... 我繼續欣賞大廚精湛廚藝..... 鮮美又爽脆彈牙的南非鮑魚一吃難忘， 配埋用滑子菇磨成粉調製的醬汁， W0W，如此精緻怎不令我垂涎！ 今天好運，入座後女待應告訴我， 今天來了鹿兒島和牛，可以免費提升級。 鐵板燒鹿兒島和牛（上） 鐵板燒鹿兒島和牛（下） 鐵板燒鹿兒島和牛伴岩鹽和蔬菜汁， 沒有血水沁出的嫩滑和牛很合心意， 我喜歡蔬菜汁，沒有搶走肉味，配合得宜。 吃過豐富的主菜，吃的滋味和心情會從高峰下滑嗎？！ 絶對不會！大廚用新鮮日本米飯、高菜和香蒜蓉炒飯， 質脆、味鮮的高菜樣子類似雪菜，但沒有雪菜的酸味， 是從日本引進的"十字"花科鹽漬蔬菜。 片刻，大廚用小量的炒飯在鐵板上反覆壓扁平， 造成薄脆，利用鏟子整理造型待用，同時開始炒野菜。 蒜香撲鼻而來的炒野菜，將我的食慾又再度提升！ 就憑大廚一雙的魔術手， 簡單炒飯成就美妙的藝術作品。 此際女待應從廚房端來味噌湯和漬物， 當我喝過味噌湯，也是午膳的尾聲， 但我依照留戀著鐵板上為我帶來的美味！ 不過，原來驚喜一浪接一浪， 冰凍的小布甸清甜可口，太棒了！ 女待應向我推介的熱咖啡，香濃幼滑， 用餐中，女待應也多次替我添熱茶，服務週到！ 接近700元的商務午膳值得嗎？！ 那就見仁見智，我覺得物有所值， 我想起我三年前在北海道吃過一隻網燒鮑魚， 已經600元了！相對這頓商務午膳是超値了！ 借此也很多謝廚師為我烹調如此美味鐵板燒， 而享受箇中吃的樂趣，廚師也分享給我材料的認識！ …查看更多

今日約了客人在銅鑼灣會面，他提議不如食鐵板燒。來到銅鑼灣近利園的附近，有一座有很多餐廳的。*雪舟鐵板燒午餐 ($318)午餐包了前菜-沙律.小鉢今日的沙律是提子甘荀沙律；提子浸了醋，所以甜中帶點酸白菇的天婦羅，香脆又不會太油。-茶碗蒸蛋很滑，上面有汁，但一點都不會過咸。-帶子.大蝦帶子很大隻，超彈牙的；蝦都是很爽口彈牙，超厚肉和鮮甜；旁邊的是wasabi 醬伴醋，可以吊一吊起海鮮的鮮味。-美國西冷薄燒牛肉味濃，不是太重油脂味；中間包了野菜絲，減少了一點肥膩。-炒野菜野菜沒有煮得太熟，仍然保持脆口。-蒜蓉炒飯這個蒜蓉炒飯很香蒜味；特別在，師傅會用少少飯壓成平的，燒做一片片飯焦；吃落味道有點似米餅睇得又食得。-味噌湯味噌湯不會太咸，不過不失。-鮮奶布甸這個自家製的鮮奶布甸的真不得了！超滑、超濃！形態是固體偏液體，所以很滑；而且應該是用了很濃的牛乳，所以很香滑。-餐茶…查看更多

自從上次試過鐵板燒之後對鐵板燒念念不忘，朋友知道我愛上鐵板燒都紛紛向我作出推介，我同老公研究後決定去試位於銅鑼灣開平道Cubus 8樓的鐵板燒雪舟。我地十二點到達當時剛開始營業，門面有大吊燈又有聖誕樹，已經好有聖誕氣喇，店內的裝修以時尚雅致為主，除了一排長長的鐵板可供幾位師父同時獻技外，也有一些餐桌及房是供家庭客或一班朋友圍埋一齊進餐。午市餐牌都好多選擇，有鐵板燒及壽司餐，老公選咗一份商務午膳($628)，而我就選了一份雪舟鐵板燒午餐($318)，同好多高級餐廳一樣，午市價錢比晚市親民。每組食客的食材都由一位師父負責主理，我選的雪舟鐵板午餐有: 沙律•小鉢~茶碗蒸~帶子•大蝦~日本黑豚扒~炒野菜~味噌湯~蒜蓉抄飯~漬物~甜品~咖啡/茶沙律•小鉢沙律是提子乾和紅蘿蔔絲拌勻，甜甜的好特別。小鉢是金菇天婦羅，粉漿炸得鬆脆好似一把扇咁，外乾內軟，金菇仍保留著水份。師父喺我地享受緊第一道菜時已經開始準備茶碗蒸，好快已經有熱騰騰嘅茶碗蒸品嚐。茶碗蒸純粹以蛋為主，在蛋內沒有添加其他配料，蛋蒸得好滑，比豆腐還要滑，蛋的表面鋪了一層汁，鹹鹹的增加茶碗蒸的味道，簡單好味嘅茶碗蒸。帶子•大蝦師父預備帶子和大蝦，他先把蝦用鏟子把蝦分解去殼，蝦頭和抓留下，一邊看著蝦變色一邊聞到陣陣撲鼻的香味，最後師父淋上了芥末鼓油就可以吃了。先說大蝦，蝦肉彈牙之外最特別是蝦抓，師父將蝦抓煎得非常香脆，若閉上眼吃你並不會估到是在吃蝦抓。帶子並不是全熟，外面煎香內裡仍保留著帶子的鮮甜味，入口軟腍有陣陣海水味，沾上芥末鼓油吃有點點辣是另一番感受。日本黑豚扒黑豚扒有150g份量不小，師父用鹽和楜椒調味，把黑豚扒二面煎香再細切，伴上特制的蘿蔔蓉便完成了。看似步驟簡單但若火喉控制不好便很容易會使黑豚扒變老變韌，浪費食材。黑豚扒入口有彈性，肉質軟腍嫩滑，肉味甘香，可能是六成熟的關係，肉汁仍鎖在肉裡每口都很juicy，不用沾上醬汁都已經很好味了。蒜蓉炒飯這個炒飯非常特別，除了用蒜蓉雪菜特調味外，師父會預留部份飯來泡製一張薄薄的米紙! 看著飯粒變成米紙真的好驚喜，米紙好脆又有帶有點點鹹香，和飯一起吃有雙重口感，讚!炒野菜日本野菜好爽甜味噌湯•漬物味噌湯有很多白蘿蔔等配料，味道不會很鹹，清清地入口很舒服。咖啡咖啡沒有苦澀和酸味，很不錯!冰條焦糖布甸自家甜品很特別，焦糖布甸就吃過但製成冰條來吃便是首次。表層的焦糖已經冰得有點磨砂狀，入口好似在吃雪糕，口感較雪糕結實而且帶點焦糖味，很特別!師父每道菜除了解釋之外還會主動和我們交談，感覺好好，最後還送上飛驒手信給我們，真的好窩心。我地邊吃邊傾好快就渡過了一個美好嘅午宴。…查看更多

雖則吃鐵板燒的數次不多, 但每次都總令我大開眼界, 望着師傅們每一個舉動, 功架十足, 令我目不暇給, 真是不單止食得開心, 亦睇得興奮。今日心血來潮, 突然很想來一頓鐵板燒, 一於重拾它的美味。一出升降機會便看到介紹飛驒牛的文章和一些證書, 當然不少得店名招牌。走進內裏, 地方不算大, 但空間感十足, 分為兩邊, 一邊是一排圍着長長鐵板燒枱的單人座, 而另一邊分了三個獨立空間, 每個空間都有一張鐵板枱和設有一張四至六枱。我一人到訪當然坐在單人座那邊, 馬上看看餐牌, 共有兩本, 一是剛推出的飛驒牛精選套餐, 另一是多款的午餐, 分別有商務午膳、雪舟鐵板燒午餐、日本和牛鐵板燒午餐、牛扒鐵板燒午餐和鐵板燒午餐。除鐵板燒外, 還有其他午餐、刺身壽司和一品料理, 都幾多選擇。我今次就揀了雪舟鐵板燒午餐 Sessyu Teppanyaki Set ($318), 主要有七道菜, 而主菜就六選一, 亦可加錢轉更高級的食材。******************************先上沙律•小鉢 Salad•Seasonal Small Dish, 是日沙律為烤牛肉沙律, 清爽的沙律菜 和洋蔥絲 上放了兩件薄切牛肉, 別以為它是一般貨色的牛肉, 而是選用飛驒牛肉, 既有咬口, 牛味亦很香濃, 單單第一道沙律已令人很滿意!小鉢是伴上蝦乾子、蔥花 和脆米 的茄子, 茄子腍嫩入味, 帶有蝦乾的鹹鮮和蔥花的青香, 味道不會太濃, 吃起來幾清新, 簡單的美味。******************************茶碗蒸 Steamed Egg Custard是第一道驚喜之作, 別以為它是由廚房蒸爐蒸出來, 而是由師傅慢慢在鐵板上蒸弄而成, 又加水又蓋上蓋子…..原來鐵板也可做出茶碗蒸, 真是大開眼界。熱辣辣送到我面前, 蒸蛋 上放有爽口日本菇、清甜的甘荀絲 和洋蔥絲, 用料雖不算豐富, 但配搭美味。蒸蛋 蒸弄時間掌握得剛好, 極之滑溜, 調味亦恰當, 沒有蓋過蛋香, 伴着甘荀絲和洋蔥絲, 添上清甜的味道, 不錯!******************************接着又出現第二道驚喜, 看着師傅在鐵板上燒帶子•大蝦 Scallop•King Prawn真是一點也不簡單, 巧妙地將蝦頭和近蝦頭的部位以近似炸的方式製作, 用上不少時間和心機, 而另一邊又在燒帶子, 真是要分身。製作用心, 擺放亦富心思, 再以芥末酸汁 畫上一圈, 單單賣相已很吸引。帶子 表面燒得金黃, 帶些焦色, 肉厚肥大, 彈牙鮮甜, 再蘸些酸咪咪的醬汁, 美味! 而大蝦 就更討我歡喜, 蝦肉極之爽彈, 味道鮮味, 正! 蝦頭和近蝦頭的部位則香脆得能吃掉, 而蝦頭亦藏有不少甘香的蝦膏, 非常好味!******************************六選一的菜式牛肉佔了三款, 而豬、雞和魚則各佔一款, 身為魚痴的我, 銀鱈魚 Cod Fish當然是囊中物, 哈! 見師傅一開始直接把銀鱈魚 放在鐵板上, 待一會便墊上葉子, 原來是想先將魚肉的表面燒至金黃香口, 而期後墊上葉子是以免燒得太耐而燶, 真是巧妙。時機一到, 師傅到放上牛油, 再弄一會便上碟, 散發着陣陣牛油香, 很誘人!銀鱈魚 大小中等, 但挺厚身, 表面焦黃香口, 而潔白的魚肉片片分明, 並不散爛, 肉質嫩滑帶爽, 亦嚐到甜甜地味道, 據師傅所說, 其實這道是西京燒銀鱈魚, 用了白麵豉醃了三天, 難怪如此入味, 而調味亦剛好, 不失魚的鮮香, 讚! 吃時亦可蘸些香草海鹽, 又吃出另一番美味, 但個人還是覺得不作添加最美味, 啖啖教人回味, 一件真的不夠喉。******************************來到炒野菜 Sautéed Vegetable, 師傅三兩下功夫便把它送上我面前, 厲害! 有椰菜、蒜心 和甘荀三款材料, 算不上很豐富, 但保持鮮嫩爽口, 而且不油膩亦不濃味, 正合我口味。******************************來到尾聲, 是蒜蓉炒飯•味噌湯•漬物 Fried Garlic Rice•Miso Soup•Pickles出場, 而驚喜又再次出現。還記得之前吃鐵板燒的炒飯只是簡簡單單加蛋加蔥, 調一調味, 炒一會便成, 但這餐廳的蒜蓉炒飯絕不簡單, 是用心之作, 亦是驚喜之作, 大家有沒有吃過鐵板飯焦? 煲仔飯飯焦就吃得多呢….米飯 加入日本雪菜 和炸蒜粒 炒, 待一會便見師傅撥出一些炒飯, 再用力壓平, 弄成一塊薄片在鐵板上燒至又薄又脆, 再分成數片放上已炒好的飯面上, 炒飯也有飯焦片, 夠晒特別。飯焦片 又薄又脆, 簡直是一塊脆片, 並不會像煲仔飯的飯焦那麼硬口, 好吃得多! 至於米飯 粒粒飽滿, 炒得乾身而不油膩, 味道不會太濃, 皆因炒時並沒有直接淋上醬油, 而是將醬油淋上鐵板, 再輕輕將飯蘸上, 味道剛剛好, 讚! 再加埋爽口鹹香的雪菜、滿有蒜香的炸蒜 和甘香的芝麻, 美味得連平時少吃飯的我也忍不住口。味噌湯 辣辣上枱, 散發陣陣麵豉香, 又有些不同, 它加入了不少蔬菜, 如蘿蔔、椰菜、海帶 等, 有助中和麵豉 的鹹味, 喝起來清新一點, 配搭合宜。一小碗的漬物 有多款蔬菜, 包括白蘿蔔、甘荀、椰菜、青瓜 等, 入口冰涼, 口感爽脆, 味道酸酸甜甜, 挺開胃醒神。******************************驚喜真是一浪接一浪, 最後的自家製甜品•咖啡或茶Homemade Dessert•Coffee or Tea也很特別。揀了一杯熱檸茶, 以茶配甜品, 很適合, 而酸咪咪亦有助開胃消滯。 自家製甜品是焦糖布丁, 但跟平時的樣子和口感完全不同, 單看外表, 真是好似一件脆卜卜的乳豬, 哈! 焦糖布丁雪成冰條, 入口冰凍, 口感如雪糕般, 很特別! 啖啖蛋奶香, 加上面層的焦糖, 香甜美味! 將焦糖布丁變成焦糖布丁雪糕, 夠晒驚喜!------------------------------一心只是邊欣賞師傅的鐵板燒功架, 邊品嚐美食, 估不到還送多重驚喜, 有別於一般的鐵板燒技巧和製作, 鐵板上的茶碗蒸、鐵板上的香炸蝦頭, 還有鐵板上的飯焦, 今日鐵板燒上的驚喜真令我大開眼界, 既大飽口福, 大飽眼福, 真是非常滿足。…查看更多

最近在準備結婚的事情，已經較之前少了出街吃晚餐，更何況一年一度被生劏的情人節，加上男友當日要上班，協議了今年情人節「低調處理」。本在情人節前夕，兩口子已在家煮了一頓晚餐，咳咳，是男友為我煮了一頓晚餐，我只是在當監工加助手而已但在情人節後一個星期，請了半天假去處理結婚事宜前，他神神秘秘的約我到銅鑼灣吃午飯，地點沒有說清楚，吃什麼也沒有說，只約我於SOGO門前等，然後帶我過去。一進去，看到餐廳中間有隻很大的黑色牛!看上去餐廳很高級，而且坐滿了人。這個筷子托很可愛~跟男友點了兩個鐵板燒午餐($250)，我要了銀鱈魚，他點了美國西冷薄燒。先來的是沙律跟小鉢，這個魚仔甜甜的，挺開胃。然後是茶碗蒸，就是我很喜歡的蒸蛋，這個有點特別，上面加了一小片橙皮，整個蛋味道即刻提升了。令我想起另一次吃日本菜，帆立貝上加了大小剛好的青檸片，吃下去感覺清新百倍，至今一試難忘。這片橙皮有異曲同工之妙，蠻清新的感覺。再來是帶子跟大蝦，我看着師傅將先蝦頭煎香，再煎蝦身。蝦肉很新鮮爽口而且蝦膏很香，帶子很大隻肉很厚，煎得十分香口，配上牛油跟香草，更加好吃。我點的主菜 - 銀鱈魚，每隔一段時間我都會想吃銀鱈魚，早陣子在旺角突然想吃，找了一整半個旺角，也不是每間有。這裡的銀鱈魚味道跟平常的不太一樣，顏色也沒平常那麼雪白，是醃料的關係吧，但是煎得剛好，賣相不錯。咬下去很滑，有一點點酒香，咸咸的不錯。男友的西冷薄燒，用牛肉片包着蔥和蘿蔔絲，加上有香草的鹽，很香很清新。後來的就是炒野菜、日本米白飯、味噌湯、漬物。這個米白飯挺好吃，看着師父先把飯壓成薄薄一片，再煎硬像紙一樣，加上炒飯吃一軟一硬很特別。最後還有牛奶布甸，很滑很甜很濃的牛奶味，把這餐後補情人節餐畫上又甜又完美的句號!…查看更多