洪瑞珍 (朗豪坊) (已結業)

又想念台灣嘅三文治味道，又買返兩件洪瑞土珍食吓。呢次買咗滿漢同原味起司。據食過幾次嘅經驗，即使響台灣，果醬味道大多一般；第二最好買返傳統台灣有得賣嘅口味。首先食滿漢三文治。呢個係招牌火腿同原味起司嘅合體，火腿、蛋皮跟足，有埋芝士，麵包鬆軟，不過醬就略嫌未夠多。原味起司係我嘅至愛。撈埋芝士鹹中帶甜，響台北第一次食就已深深愛上。前嗰排呢個三文治個醬落得好少，完全唔係嗰回事，而家佢哋多返啲醬開始似返嗰個味道了，不過我覺得可以再落多啲。兩件三文治食完，仍然意猶未盡。整體上都復刻到台灣嘅口味，明白唔係所有原料都可以跟足，至少香港嘅水同台灣嘅水已經唔同，就算有八成已經收貨。香港店雖然無台灣咁齊，但主打嘅口味都有了。不過我想香港跟埋台灣出麥包款，多過開發嗰啲味道奇怪嘅香港限定囉。

洪瑞珍又開分店🤩終於有機會食香港版嘅😋覺得都keep得住台灣嘅水準, 今次第3間喺旺角朗豪坊開, 突然之間好回味以前去台灣旅行都一定會買洪瑞珍當手信送俾朋友🥲Follow @hoisumeat on instagram🤩✨滿漢三文治 💰22 💫評分: 8.5/10📝鬆軟嘅包, 連我唔鍾意食包嘅人都覺得幾好味, 同埋佢可以唔即日食擺喺雪櫃當第二日早餐咁都好正, 有啲人仲鍾意叮不過我就無🤣宜家先知原來入邊嗰醬係家族祖傳秘方嘅美奶滋配奶油🤣個三文治唔會話超多料不過食完超滿足, 當然要叫返佢嘅招牌滿漢味即係火腿芝士🤩我成日都覺得佢叫滿滿三文治🤣而家仲做緊優惠買滿 1 盒6 件三文治套裝會再送 1 件指定口味😎ℍ𝕦𝕟𝕘𝕣𝕦𝕚𝕔𝕙𝕖𝕟 洪瑞珍📍旺角亞皆老街8號朗豪坊B2樓1B號舖(旺角🚇 C3出口)❣️其他分店❣️📍荃灣大河道100號海之戀商場1樓1008號舖(荃灣西🚇 E1出口行1分鐘就到)📍屯門屯順街1號屯門市廣場一期1樓Kiosk 8(屯門🚇 B出口)#hungruichen #洪瑞珍 #洪瑞珍三文治 #三文治 #滿漢三文治 #旺角美食 #荃灣美食 #屯門美食 #香港美食