滾得囍宮廷火鍋小炒

太后生日，為咗令佢有帝皇級嘅享受，我就帶咗佢嚟呢間富有宮廷特色嘅滾得囍火鍋小炒。太后見到門口嗰張龍椅已經笑到合唔埋口，影過相後，就入去接聖旨。呢度嘅食物名稱好多都包含咗歷代皇帝嘅寶號，甚有特色。每枱都會放置調味盤，呢個安排非常好，食到一半隨時可以自己添加醬料，非常方便。與此同時，店員亦奉上餐前小食，開一開胃口。呢度嘅湯底選擇繁多，而最特別嘅就係有順治特色卜卜蜆鍋，入面嘅蜆真係鋪滿一整鍋，簡直係有數之不盡嘅蜆，我同太后最後都未能清晒所有卜卜蜆。湯底已經夠晒豐富，所以我哋揀選嘅火鍋配料都主張貴精不貴多。打邊爐當然要食牛肉，我哋就選擇咗本地牛頸脊，雖然係細分，但份量一啲都唔少，牛頸脊肥瘦適中，肉質比較嫩滑，牛味相對就冇咁重，我個人就非常喜歡。然後就揀選咗幾款拼盤，貪佢樣樣有啲，可以試晒唔同味道。滾得囍宮廷拼盤其實係丸類拼盤，入面包括有—🌖手打芝心牛肉丸➡️入面嘅芝士呈半溶狀態，配合鮮製嘅牛肉丸味道匹配。🌗手打紫甘藍豬肉丸➡️個人就認為呢個相對比較遜色，味道唔夠突出。🌕手打黑松露野菌鮮蝦丸➡️真正用蝦滑打成，而且亦帶點點嘅松露香。🌖手打珍珠帶子墨魚丸➡️入面藏有原粒珍珠帶子，口感豐富。🌕手打墨汁墨魚丸➡️咁多粒丸入邊最爽口彈牙，入面仲有粒粒墨魚，呢個一定係必食。然後滾得囍餃子拼盤包括有—🌖和牛芝士一口餃➡️感覺有啲似食緊漢堡包，非常創新。🌖新鮮菜苗帶子餃➡️入面有粒粒帶子，真材實料。🌗韭菜豬肉餃➡️相對地冇太多特色，味道仍然係正常發揮。🌗黑松露野菌餃➡️鍾意食菇菌嘅朋友就絕對唔可以錯過。🌕芋泥豬肉餃➡️係最有驚喜嘅餃子，滑滑嘅芋泥混合少量豬肉，味道出奇地夾，包入餃子皮內好好味。最後當然要食吓蔬菜類啦，滾得囍蔬菜拼盤堆砌得好似一個園藝盆景咁靚，入面都有五六款唔同嘅蔬菜，配合湯底令蔬菜更美味。打邊爐就想叫啲清熱飲品，所以我哋叫咗足料竹蔗茅根，一大渣非常抵飲。最後仲會送甜品，是日糖水係木瓜燉雪耳，非常清潤養顏，啱晒太后品嚐。…查看更多

🥚🥚🐷高檔宮廷風火鍋✨性價比：5.5/10🍳食物：6/10🌏環境：7/10🕺🏻服務：7.5/10💰是次消費：人均 $ 432#蛋蛋豬 🏝地點分類: #蛋蛋豬在北角🍰食物分類: #蛋蛋豬吃火鍋————————北角滙附近有間火鍋專門店，走高檔單點路線，華麗宮廷風裝修，內裡的一事一物都和皇宮朝代有關，享受「聖旨到」的氣派。韋小寶特濃沙嗲湯鍋 配雞湯 ($198)盛載濃湯的鐵鍋有兩條龍作把手，高尚設計。湯底內雖然一點湯料都沒有，不過沙嗲湯果然特濃，煮多久，加湯多次都不影響味道，而且愈煮愈濃味，單靠湯底不用點醬都可以。手切頂級安格斯牛肉 ($368/大)牛肉有一盤冰墊著保鮮，肥瘦均勻，有牛味，牛肉細切快熟，一下鍋搖兩搖就可以吃。鹿兒島日本黑豚肉 ($168)像衣架般掛起了所有豚肉，十分吸引。油脂分層明顯，脂肪部分較多，入口綿密。滾得囍宮廷手打丸拼盤 ($138)拼盤中有五款丸子，包括黑松露野菌鮮蝦丸、珍珠帶子墨魚丸、菠菜豬肉丸、墨汁墨魚丸和芝心牛肉丸，賣相吸引，手打丸口感彈牙，芝士流心，味道稍為被濃湯蓋過。御膳房秘製滑雙併 ($128)雙併我們選了黑松露墨魚滑及墨汁瑤柱滑，爽口彈牙，滾得囍蔬菜拼盤 ($78)好大的一盤蔬菜，拼砌得很美，有最想吃的唐生菜、娃娃菜、油麥菜、菜心甚至沙律菜，混入沙嗲湯底浸透入味。薯粉 ($38)足料竹蔗茅根 ($68)和朋友同飲一渣，份量剛剛好，在熱辣辣的火鍋中同時解渴。要讚的是：裝修優雅，流露古典美。食物選擇多，湯底選擇更加多得令人不知所措，選擇困難症全晚發作。滾得囍宮廷火鍋小炒 Big Boils Club🚦北角馬寶道33號寶馬花園1樓116-125號舖(北角站 A2 出口, 步行約2分鐘)🕰營業時間：12:00 – 22:00…查看更多

事隔多年再到訪！我諗上一次食都應該3,4年前，但一直都記住呢間店，因為湯底真材實料勁好味！火鍋料亦新鮮，因為為另一半係新界人，好少過到來北角食嘢咁遠，但係我哋立定決心要過來幫襯！環境位於補習商場入面，整座都係補習店，唯獨有伍一間火鍋店。店裡面以宮廷式設計好有feel。餐牌連食物名都有用皇帝名命名，仲有張聖旨比你打卡影相。康熙花膠雞湯鍋(半隻) $298 上次係食椰子雞，今次試下花膠雞，店員會先將湯鍋放上，另附上大片花膠及半隻雞。會幫客人先剪花膠落湯底，雞件本身已煮至七成熟，放入鍋中2-3分鐘食得。湯頭好鮮甜！無令我失望，一如既往咁高質，花膠令湯底因骨膠原變得濃郁，再加雞件，更鮮，雞肉亦好嫩滑，果然係招牌！本地牛頸脊騸牯牛肉(細) $318騸牯牛即係已閹割嘅牛，因為被閹割，佢哋嘅活動量無咁高，脂肪會比較多，牛味亦更濃，肉質亦有咬口。 滾得囍宮廷拼盤十粒 $138包括手打黑松露野菌鮮蝦丸、手打珍珠帶子墨魚丸、手打波菜豬肉丸、手打芝心牛肉丸及手打墨汁墨魚丸。必點，可以試到5款唔同嘅丸，記得上次都有嗌，每款都有餡料又彈牙。羊肉片 $148 我同另一半都鍾意食羊肉，記得以前食評都有講過點解有d羊肉咁羶，有d唔羶，呢到屬於唔太羶又有羊味，唔會食完股羊味久之不散，再帶少許肥膏，鍾意食羊嘅朋友仔啱哂滾得囍蔬菜拼盤 $78食滋補湯底當然要嗌蔬菜吸收湯底精華！甜品 Bailey布甸，酒味出，又唔會太重，好食！總括而言，少有非任食嘅火鍋店我係會remark！呢間就係寥寥可數嘅幾間，價錢方面都合理，下次再試其他湯底。…查看更多

「滾得囍宮廷火鍋小炒」可以稱得上係一間主題餐廳，全店裝修以至餐牌菜式設計均以宮廷為題，聖旨到💫。最近我終於搵到時間入宮🤣，大家記得喺網上訂定枱，因為有折㗎。店員們態度友善，並主動提供協助。🍽餐具會喺我哋面前用熱水高溫清潔，感覺注重衛生。環境方面，每枱之間都有間隔，私隱度高。湯底有成十五款選擇🍲，喺唔噒骨同唔食海鮮嘅情況下，剩返唔係好多嘢揀🙈，我哋要咗韋小寶特濃沙嗲湯鍋($198)。沙嗲湯看似冇乜料，平平無奇，但飲落發現味道超濃郁，勁正。茶記嗰啲沙嗲湯同佢無得比，可能因為呢鍋落咗🐔雞湯，所以好入味。沙嗲湯帶點點微辣，而整體亦唔會太過杰撻撻。手切頂級安格斯牛肉($288/細)，牛肉擺盤好有霸氣，啲乾冰先聲奪人，打卡一流😎。呢度有幾款牛肉揀，安格斯呢款算係較平，🐮不過牛肉味都好重，脂肪紋理分佈平均，但略嫌細塊咗啲，一次過食兩塊先夠喉。滾得囍宮廷手打丸拼盤($138)，🍢一客有五款，每款兩粒，款式包括墨汁墨魚丸、芝心牛肉丸、菠菜豬肉丸、珍珠帶子墨魚丸以及黑松露野菌鮮蝦丸，當中有幾款味道比較相似，但同樣食得出係真材實料，例如爽口墨魚同蝦肉🦐。滾得囍蔬菜拼盤($78)，佢應該叫蔬菜籃先至啱🥦，大大個籃放滿生菜、娃娃菜、油麥菜、菜心等。如果佢可以放埋粟米同菇菇就更佳，唔使多，少少就夠。正宗日本稻庭烏冬($38)，我認為烏冬係繼牛肉以外必備嘅火鍋配料🍜，配合埋呢個咁出色嘅湯底，呢碗「沙嗲牛肉麵」簡直係冇得輸😋，滋味無窮。足料竹蔗茅根($68)，竹蔗茅根以渣上，份量好多，有凍有熱，不過我相信依個天時無人會嗌熱啩☀️。涼茶清熱解渴，但甜度稍為輕手啲就好。店員最後仲為我哋送上甜品仔：迷你奶凍🥛，佢好鬼的骰，重點係心意！奶凍口感細滑，牛奶味好香，為呢餐作結。留意返👀，宮廷醬介每人$28，有啲貴。總括嚟講，食物質素果然同價錢成正比，味道方面我好滿意，好彩訂咗枱中午食，有68折爭好遠呢😍。最後，我要再講多一次，佢個沙嗲湯底真係令人舔舔脷，值得一試。…查看更多

又到左打邊爐嘅時候喇😼朋友介紹咗呢間打邊爐店，提供好多新鮮又高質既食材🤤🤤一上枱店員已經好貼心咁提供濕紙巾，水同埋醬汁同配料，唔錯唔錯———————🐽 一嚟到梗係要試下啲海鮮！果然冇介紹錯，柱花蚌食得出十分新鮮，好有咬口，一啲都唔腥！騸牯牛出名大家都知，用黎打邊爐真係好小見！今次試咗呢個牛頸脊，果然同平時食開嘅肥牛差天共地，一食落口好嫩口！牛味適中，油花都十分均勻🤩🤩日本豚肉食落口比美國豚肉林身，煮耐左都唔會話好硬好鞋口，油脂分布啱啱好，食得多都唔會膩。和牛芝士餃又係一個驚喜，首先上枱見到餃子嘅size已經比普通嘅餃子大，而食落口d和牛味好重🥰配埋少少芝士喺裏面，味道好豐富😆有齊新鮮油麥菜、白菜、菜心、娃娃菜同埋生菜。睇得出蔬菜洗得好乾淨同埋好新鮮，食落都好鮮甜嫩口😊…查看更多

📍 滾得囍 🎗📍 北角 • 馬寶道33號馬寶學林1樓116-125號舖好像是每年都要來一次的《滾得囍》！！太太太掛念他們的花膠雞湯還有火鍋配料了，所以來訪第三次！嗯... 可是這次的服務跟衛生程度都是最不好的🙈第一次來的時候，店員耐心跟我們介紹湯底、點了的湯底該怎麼煮、哪個配料該何時放／何時吃... 這次應該實在是太多客人了，店員有點招呼不暇～地下也有點濕答答🙈不過！食物實在是太好吃，完全抹掉了我的不愉快💛還有！當客人慢慢離開，店員的服務就回復貼心了，原來是因為太忙了啦～聖旨到！！看菜單咯！康熙花膠雞湯鍋 ($298)「御膳房」準備的菜餚當然用料高貴又好吃，看看這「康熙花膠雞湯鍋」！份量很大：有半隻雞，還有厚厚的花膠。湯底都已經夠果腹啦～雞湯味道鮮甜又濃郁，吃火鍋前一定要先嚐嚐湯底！雞肉嫩滑；雪白色的花膠帶點膠質，非常滋補養顏🥰手切頂級安格斯牛肉 ($268) (細)出場時氣勢迫人，仙氣十足🌬牛肉油花均勻，色澤鮮紅，牛味很濃，很有咬口👍鹿兒島日本黑豚肉 ($148)賣相很漂亮，黑豚肉一片片的掛起來，還有兩片折成花型🌸油脂分佈平均，豬的味道濃郁，而且不會羶。黃金雙拼 ($88)黃金炸魚皮 | 黃金響鈴這個必點啊！！✨魚皮和響鈴，以鹹蛋黃包裹，即點即炸。看起來金黃的顏色十分吸引；吃上來熱呼呼又酥脆，每口都有鹹蛋黃的鹹香，非常好吃！滾得囍蔬菜拼盤 ($78)蔬菜拼盤份量一樣足夠，有多種蔬菜，每一種都很合我胃口🥬正宗日本稻庭烏冬 ($32)湯不夠時店員會主動過來幫你添～宮廷醬芥 ($28/位)這個價錢應該有更多醬料選擇啦～足料竹蔗茅根 ($68)-Menu:…查看更多

朋友話北角有間打邊爐好正, 話帶我去見識下~初初都冇太大嘅期望, 但一上到去見到個門口有張龍椅, 真係好特別!侍應服務好好, 好有禮貌, 而且張Menu係聖旨, 同門口嘅龍椅互相呼應！我哋坐嘅張凳, 都好古色古香。未食嘢, 就已經比佢嘅裝修攝住! 唔好以為呢間鋪得個樣, 啲嘢比起佢嘅裝修更加冇得彈！康熙花膠雞湯鍋呢個湯底真係好鮮甜! 同屋企阿媽煲嘅有得fight! 花膠同雞係另上。睇住我個朋友將大大嚿嘅花膠同滑脫脫嘅雞放入個湯底度, 就已經流晒口水啦！真係估唔到, 打邊爐嘅湯底竟然有阿媽級靚湯嘅水準！黎都一定要飲咗啖靚湯, 先開始打邊爐！黑松露墨魚滑 +  瑤柱乾貝滑呢兩款滑, 好新鮮！鮮味十足！朋友都話黑松露墨魚滑好食啲, 但我就偏愛瑤柱乾杯滑！和牛一口餃非常特別的餃, 所以我地就叫左黎試, 但當淥的時候大家都一樣烚下烚下！唔記得左和牛唔需要咁長時間, 所以淥左一段時間！入口的牛味好濃烈, 亦好juicy, 相信如果我地時間控制得好的話, 味道會更好！豬頸肉 每次打邊爐必點豬頸肉,  今次又點少得呢！未食之前, 見到佢啲豬嘅紋理, 就已經流晒口水。豬頸肉真係有豬味, 仲非常爽口, 食極都唔膩！ 御前一品 手切牛肉拼盤 如果打邊爐唔叫牛肉, 都唔好話自己去過打邊爐。個牛肉拼盤成座山咁, 啲牛肉白色同紅色嘅紋路好引人入勝！食極都停唔到口, 一塊接一塊咁食！滾得囍蔬菜拼盤冇諗過佢會砌到咁靚、成個花咁, 打卡一流呀~有好多款菜, 連木耳都有, 不過款沙律菜淥完會苦苦地。去滾得囍打邊爐, 真係視覺同味覺嘅一大享受！…查看更多

在北角新光戲院附近，有一間隱藏在鋪滿補習社/學習中心的火鍋店。裝修中式典雅，猶如在宮廷中。適逢七夕，跟男友去間靚靚餐廳也不失為過。坐下即見聖旨在枱上，打開原來是需要兩天前預訂的鰵肚花膠雞湯底，非常矜貴。待應亦很快遞上四碟餐前小食 - 花生、酸菜、醃青瓜及雲耳。打開餐牌，有十幾款湯底選擇，因男友要戒海鮮和辣，最後選了羅宋牛骨鍋。食物方面，就點了極上手切牛肉宮廷拼盤、宮廷手打丸拼盤、黑松露墨魚滑、菜苗帶子餃和蔬菜拼盤；飲品則點了羅漢果菊花茶。湯底好快就到，看上去雖像蕃茄薯仔湯，不過蕃茄味非常非常非常之濃，我們加了五至六次上湯也還是吃到蕃茄味 (目測加湯的湯不是蕃茄湯)！真要令我說句，「點解既~~~?」湯料中的牛腩非常多又腍，完全沒想過湯料水準也這麼高！極上手切牛肉宮廷拼盤底有一杯乾冰以保持牛肉的鮮度，上枱時好像有種仙氣飄出來，盤上有塊牛骨(?)塾起一些牛肉，駕勢十足拼盤中有七款不同的牛或部位，每款也各有長處。印象中盤中有安格斯牛柳粒及牛肉片，牛味最濃，牛柳粒充滿，肉片則非常腍滑；牛肩胛相對較爽口；本地牛頸脊牛味也濃，與安格斯相比，是另一種風味；牛白肉第一次食，全片白色，只需幾秒燙一燙就能吃，爽夾滑；牛舌粒結實，有咬口。其他是那個部位已不太記得，不過全部牛味都好出。宮廷手打丸拼盤有五款手打丸，每款兩粒。有黑松露野菌鮮蝦丸、珍珠帶子墨魚丸、菠菜豬肉丸、芝心牛肉丸和鯪魚丸。全部都打得很鬆軟彈牙，而且所有也很出色亦很鮮味黑松露墨魚滑一客有兩筒，也是用乾冰保鮮，非常彈牙，神奇是放在湯久了也不會很影響其美味。菜苗帶子餃半客四隻，非常大隻及飽滿。外皮不會厚，又不會易爛。菜苗和帶子的組合感覺好新鮮，兩者也不會搶了各自的味道。蔬菜拼盤頗大盤，除了菜心有少許渣外，其他菜也很鮮甜。羅漢果菊花茶味道比坊間的較濃，清潤喉嚨，解熱氣一流！總括來說，雖然這間餐廳在價錢上的確較高，不過全部材料也是上上之選，廚房師傅刀功和技術一流，環境舒適，服務也周到（未點飲品前想要水給了一整壺），因此CP值還是很高。…查看更多

一年前嚟過滾得囍宮廷火鍋打邊爐，對佢仍然念念不忘，呢晚就帶咗個喺鰂魚涌返工嘅朋友嚟試多次～餐廳以具古代氣息嘅裝修、人手雕刻嘅清龍鍋爐、青花瓷器餐具、精緻嘅宮廷級佳餚令客人好似身處在古代宮廷享受美食咁又要接旨喇～宮廷醬芥 ($28/位)康熙花膠雞湯鍋 (半隻) ($298)雖然佢有成15個湯底可以揀，但我都係揀咗上次食嘅、對佢朝思暮想嘅康熙花膠雞湯鍋🤪雞湯好清好濃味，唔覺有咩味精～超級足料！個湯都會出幾多油，所以店員俾咗呢個容器我哋片油，好貼心♥️，而且好好用😛嗌到成枱嘢🤤黃金雙拼 ($88)黃金炸魚皮 黃金響鈴超級推薦呢個黃金雙拼！炸魚皮同響鈴用鹹蛋黃包住即炸，一上枱已經聞到好香，記得趁熱食！黃金炸魚皮超脆口👍🏽黃金響鈴好大舊，好多層，所以超鬆脆！不過呢碟嘢都幾heavy，好飽肚，兩個人未必食得晒🙍🏻‍♀️鹿兒島日本黑豚肉 ($98)記得上次食呢個啲肉有啲韌，今次有進步👍🏽 脂肪同肉嘅比例唔錯，唔會太肥，亦好有豬味🥰（嚟自日本應該唔怕有豬瘟掛哈哈哈🤣）滾得囍蔬菜拼盤 ($68)蔬菜拼盤有幾多種類嘅菜，生菜、菜心、娃娃菜、粟米、蓮藕，又新鮮，唔錯👍🏽黑松露墨魚滑 ($98)浸住乾冰上碟，好靚～墨魚滑好爽好彈牙手打黑松露野菌鮮蝦丸 ($68/半份)呢個鮮蝦丸嘅黑松露味比墨魚滑嘅重，不過就無咁彈牙，但都好味😜足料竹蔗茅根 ($58)打邊爐唔少得就係竹蔗茅根啦⭐️其他推薦菜式：半熟牛肋片 ($68)新鮮菜苗帶子餃 ($62/半份)新鮮粟米 ($40)山水滑豆腐 ($28)餐廳環境、食物質素、服務質素都十分出色，就算已經唔係第一次嚟，但仍然比到我想再嚟嘅衝動😍 大家都嚟試下🤘🏽Menu:…查看更多

雖然火鍋店開到，區區都有，但要突圍而出，都要花一點心思。這裏主打宮廷火鍋，更小炒作晚飯選擇都幾特別。宮廷風格為店鋪主題，不只裝修、碗筷，餐牌令客人有令一番體驗。難得約返舊同事叙一叙，相隔兩年再次返到令人懷念既北角站，基本上沒有太大改變，除了多了好多類型的新食肆。今次由舊同事介紹黎到呢間係於馬寶學林既【滾得囍宮廷火鍋小炒】估唔到係呢棟以教育中心、補習社為主既馬寶學林入面會有一間高質火鍋店而且離北角A2岀口行2分鐘就到達，非常方便就腳。整間餐廳以宮廷風格為但偏向感受到中國傳統精緻，大門前堂既呢張龍椅夠氣勢吧!金黃色既主色，造工精緻，唔自拍一張點對得住自己。帝王級享受啊入面裝潢以木材雕花鏤空設計爐餐具更用了景泰藍!!!!店員將我地帶到一張兩人小桌，每張坐椅上都有用紅色既絲綢坐墊包着，感覺古色古香之餘，仲好舒服添。檯面上面有一卷.....「聖旨」呢到可以選擇既湯底大大話有成15種咁多, 而且每款都係特色湯底, 最受女仕歡迎, 必定係花膠雞湯鍋!但我選擇了慈禧酒香香麻油雞鍋湯底。因為「酒香香麻油」這些字眼很特別呢！每張飯桌上都有一個小小既獨立調味架，包括紅椒、芫荽、蒜蓉、蔥，選擇不多，但已經好足夠。因為心想有好既湯底，調味品就變得不重要了。仲有前菜有成4款添！很快地, 湯底、火鍋食材都已經上檯了。慈禧酒香香麻油雞鍋湯底(半隻)  $188淨係聽個名已經夠高貴，雙龍頭湯鍋，簡直氣派逼人，雞件分開上而且已煮熟，雞既顏色澤鮮嫩, 不會肥膩, 雞肉已預先熟左8成左右, 稍為放入湯底滾一下就可以食得！店員將花雕加入麻油雞點火將雞肉燒香，視覺效果一流，由最初既酒香味慢滲岀陣陣既麻油香，香氣迫人。麻油雞湯底真係好吸引啊！之後再加入高湯慢慢煮熟就大功告成，由麻油湯鍋煮熟左既雞肉，滲岀點點既酒香麻油香！雞件也夠肉質幼滑，雞肉帶微微既鮮甜肉味，大讚👍先飲一啖湯試試,味道濃郁而且麻油酒味好重！正！火鍋配料方面更加係誇張有很多是自家出品，有超過100多款既選擇，簡直係皇帝式享受。我們旁邊有張Poster Promotion 既滾得囍海鮮拼盤...見佢平平地又幾吸引就深深忍唔住點了。滾得囍海鮮拼盤  $368拼盤由貴妃蚌、沙白蜆、聖子皇、新鮮海蝦、青口及扇貝組成，海鮮新鮮色擇靚，而且肉厚豐滿。尤其係聖子皇，外殼包住滿滿既聖子肉，望到是都流晒口水，最利害既係煮熟後依然多肉，天然鹹鹹地既海鮮味加上彈牙既口感，真係非同小可。另外新鮮海蝦都唔輸蝕，珍寶級既海蝦，肉厚新鮮，而且鮮甜，足夠塞滿整個口既蝦肉，感覺就是大滿足。沙白蜆肉細細，但加上醬油食下食下又幾過癮。其他既扇貝、貴妃蚌、青口當然同樣咁好食，整體黎講新鮮，清甜，爽滑彈牙。其實呢個海鮮拼盤$368真係好抵食！黃金響鈴另外海鮮拼盤仲送上一碟黃金響鈴，即叫即炸既響鈴上到枱仲熱辣辣，滿口鹹蛋黃鹹香，食到停唔到口！食過返尋味。店員說可以不用淥，就這樣直接吃一樣好味！除左海鮮之外，今晚焦點莫過於呢份手切飛驒和牛。手切飛驒和牛(180g)  $388飛驒和牛價錢唔平不過裝修別致但作為和牛絕對物超所值！花心思去令到呢樣日式點的肉類變為中式感覺加上伴碟既擺設既華麗又幽美，飛驒牛源自日本岐阜縣，係合乎標準既和牛種，而且可以生食，近兩年最為活躍，絕不輸比神户牛。我建議原味吃，不要蘸豉油或其他配料！牛肉既油花分佈平均，輕輕煮過6,7秒，和牛肉質柔軟，入口即溶，味道鮮甜，牛脂亦較多簡直係極品。牛味仍然可以係口中慢慢散發講究健康，所以我哋都有叫蔬菜拼盤，平衡一下滾得囍蔬菜拼盤  $68蔬菜有益健康，又可以消濟，清清口入面既油膩感，選擇多自然心多多！蔬菜拼盤最適合選擇困難既我，入面有齊所有既菜種，包括唐生菜、皇帝菜、油麥菜、娃娃菜、菜心苗，每種都新鮮又顏色夠鮮！食得招積，滾得出色啊！最後最後加埋呢兩碗起沙既紅豆沙同綠豆沙，甜甜蜜蜜既感覺為整個晚餐畫上一個完美句號。總結而言, 呢間係香港好少可有咁舒適又質素高既火鍋餐廳。店員話老闆係設計師所以好有個人諗法想客人吃得舒服點，呢間店既裝潢都是由他設計的！很棒啊！環境舒服、食物質素好、員工服務又到位、價錢比平時費點點，但款式外面又吃不到的！所以今餐令生活品格提昇了。…查看更多

香港人喜歡「打邊爐」，所以火鍋店越開越多。從前只在冬季才旺場的火鍋店，如今在炎夏也有捧場客。今次造訪的火鍋店「滾得囍宮廷火鍋小炒」，最大特色在於其復古的宮廷裝潢。近門口位置設有一張龍椅，食客可隨意試坐打咭。店內以灰磚作牆，雕花木架作間格。一排整齊排列的木餐枱，配上古雅的木椅。最後在椅面放上大紅椅墊，帶來「囍」氣洋洋的氣氛。 在每枱的枱面，早已留下一道「聖旨」，方便大家「行事 (點菜)」。 説時遲那時快，我們的精選「康熙花膠雞湯鍋」已經備妥。湯鍋的設計同樣經過考究，甚有宮廷風味。另外，店員在出菜前先在湯鍋氣孔放入乾冰，營造輕煙四溢的視覺效果。 打開鍋蓋即見泛黃的雞湯... 奇怪... 花膠與鮮雞在那裏？！原來，湯料會分開送上，花膠選材厚身，份量極多，膠質感重；鮮雞早已被浸煮至七八成熟，吃前只需放湯多煮兩分鐘即成。相比花膠，小編覺得鮮雞更為出色，除了雞味鮮濃外，肉質亦十分細嫩。 在大量優質湯料的投放下，當然能做出一份美味的雞湯湯頭，小編不自覺也喝了兩碗，讚！ 先試海鮮生料，「澳洲帶子片」淡而無味，屬全晚唯一失準之作。 「魚肚」屬餐廳推介，雖然淥煮後與花膠有點相像，但食感完全不同，花膠黏口富骨膠原；魚肚則帶來爽彈享受。牛肉生料一向屬火鍋的重點美食之一，要一次過試勻不同款式，這客「滾手切牛肉宮廷拼盤」實在不容錯過。這個拼盤同時含有手切澳洲 M8 和牛、手切頂級安格斯牛肉、本地牛頸脊、牛舌、牛𦟌、牛胸油等，牛肉款式豐富。要數最濃味之選，應該是「本地牛頸脊」，味道既鮮濃，又富嚼勁。「手切澳洲 M8 和牛」亦屬不錯的選擇。M8 屬澳洲和牛的中上評級，雪花含量適中，能在肉味及甘香兩者取得平衡。 「手切頂級安格斯牛肉」也可口，但與本地牛頸脊比較肉味會輕一點；與和牛比較則軟嫩感稍遜一籌。同樣是頂級安格斯牛肉，薄片與厚切的安排能帶來不同的食感。小編較欣賞厚切牛肉粒，因為肉汁較多及肉味更濃。 「牛舌」向來不為小編所好，淺嚐了一件，口感沒預期中彈爽。「牛胸油」是甚少見的牛肉部份，是牛肋骨上一塊筋膜類的肌肉。雖然特別，但質感很韌，不懂欣賞。 要試一間火鍋店的烹調功夫，除湯底外，也可以參考一眾手打丸物的出品。這客「滾得囍宮廷拼盤」內含黑松露野菌鮮蝦丸、珍珠帶子墨魚丸、菠菜豬肉丸、手打芝心牛丸，以及手打鯪魚球五款丸物各兩粒，二人共享剛好。整體而言，各丸物的質素理想，亦富特色。黑松露野菌鮮蝦丸洋溢芳香的黑松露香氣。珍珠帶子墨魚丸既彈牙，內裡果真包著一小粒清甜的珍珠帶子。因含菜蓉的關係，菠菜豬肉丸的口感相對軟身，味道予人新鮮感。手打芝心牛丸及手打鯪魚球調味俱佳，充滿彈性。來到菜蔬豆品環節，「滾得囍蔬菜拼盤」的份量同樣能滿足二人需要。各綠葉菜普遍清甜，粟米更是當造甜美得過份。「鮮腐竹」豆香穩實，亦屬佳作。 要數全晚最邪惡的作品，必然是「黃金響鈴」，別無他選。在鬆化香脆的響鈴面上，外掛一層鹹蛋黃，絕對搶味。平日的響鈴可放湯輕炙三兩秒，這款響鈴則不建議這樣做，因會導致湯底過於油膩。 「滾得囍宮廷火鍋小炒」以宮廷裝潢作包裝，為食客帶來一系列新鮮可口的火鍋食材。由花膠雞湯底，到牛肉拼盤，以至手打丸物同樣出色，喜歡火鍋的朋友值得試試！ …查看更多

天氣又涼返 即刻好想打邊爐! *v*朋友係北角返工 今晚特登黎搵佢食飯呢~佢介紹左一間係呢區都幾出名的邊爐店 -- 滾得囍!少踏足北角既我..一早已經做好功課 知道呢度離地鐵站唔會好遠!果然! 係北角A2出口行唔夠5分鐘 已經黎到馬寶學林搭電梯上一層就到達了!有別於一般火鍋店, 呢度竟然係一間以華麗宮廷風做主題既火鍋店店鋪裝修充滿清朝皇室既貴氣仲不時見到"聖旨"出現~~非常有感覺的雕花間隔同燈罩, 加上店內播既係宮廷版本既流行曲(連lady gaga既bad romance都有, 但將佢加入左宮廷元素...)非常有趣同特別!! XDD先黎既係皇上既聖旨(!)同前菜前菜有酸有辣, 非常開胃同惹味~~而聖旨...其實係湯底既介紹黎 : )想飲酒既 呢度有唔少矜貴既SAKE飲 : )醬料既配料就一早放左係每張枱上~有成16款火鍋湯底可以揀*0*另外火鍋料都有好多選擇~~牛肉,雞鵝,豬肉,手打丸,魚滑,海鮮,餃子,豆品,麵食,蔬菜,仲有刺身背頁就係火鍋以外的食物~~有好吸引的小菜! 如果下次多d人一齊黎既話都想試下呢!!我地揀既湯底::: 康熙花膠雞湯鍋(半隻)$288 全隻$388估唔到半隻雞已經咁大份量... 2個人黎講都幾多呢仲有勁多養顏花膠👩🏼👩🏼雞肉本身已經8-9成熟左~~ 放落湯底熬一熬個味就可以食雞肉幾嫩滑~~ 而個花膠雞湯湯底夠清甜!!先黎一個最邪惡又最難抗拒的::: 咸蛋黃炸魚皮$68😈呢個真係不可不叫!! 我的最愛!!💛首先佢份量估唔到有咁多, 大大碟..其實夠3-4人食魚皮炸得香脆, 每一part都沾滿咸蛋黃漿!!最正既食法當然係就咁空口食, 咸香配香脆::: 無得輸但我當晚仲係病緊.. 所以試完一塊最正的食法後, 就要乖乖將佢放落湯底浸到5成淋先可以食😣但估唔到d咸蛋黃既甘香仍然保持到呀! 很回味的小吃🤤手打芝心丸$78我特別想試的一款!咬落去要小心,,芝心丸會爆芝xddd芝士份量無想像中咁多, 未必滿足到芝士怪,, 但一定唔使驚會太膩黑松露墨魚滑$78有驚喜的一款, 大大pat黑松露鋪係墨魚滑面放落湯底滾完之後 仍然有好香的松露味呢 : >配埋墨魚既香味 兩者好夾! 食落去既口感係非常滑溜的感覺值得一試~~滾得囍蔬菜拼盤$682個女仔食野,, 當然要叫返d蔬菜黎減輕罪惡感😼😼滾得囍海鮮拼盤 HKD$368🦐🐚意想不到的大堆頭! 而且每一件都真係非常新鮮又大隻大蝦x4蟶子x2沙蜆x半斤青口x4鮑魚x2扇貝x2鮑魚算幾大隻, 有咬口, 味帶鮮甜得黎有少少海洋味而沙蜆 每一粒都漲卜卜好飽滿, 微微的鮮甜味唔使沾任何醬汁已經好好味 (其實成餐都唔係好使沾醬料...因為食材本身靚,食返本身既味道已經係最好😍)最難忘的海蝦 4隻都超大隻, 肉質厚實又鮮甜!!另一樣好鐘意的--扇貝超肥美厚身 鮮味好突出雖然我麻麻地食青口... 但係呢度既因為夠新鮮 所以我都有食到總結而言 三百幾蚊有咁多新鮮既海鮮食確係一個值得叫的拼盤😋手切飛驒和牛180g $388 (另有100g可選$288)🥩🐄已經好耐無試過呢種入口溶化既感覺🤤食之前已經望到好平均既油脂分佈食入口 果然係滿滿的油香!!🤩同埋完全無筋朋友覺得油脂感略嫌太重,,,所以沾返餐廳提供既柚子豉油做中和就岩岩好!而我就鐘意單獨食! 因為和牛切得非常薄..所以油脂感重d都唔覺膩~食完後仍然可以感受到油脂同牛香🤤特濃冰凍洛神花茶$38洛神花味真係超濃, 如果平時唔係飲開既朋友未必接受到但我地鐘意呢隻味既就覺得超正~總結呢餐係食得好開心既一餐😋😋😋男店員好細心又有禮貌, 成日主動幫我地調火勢,收碟同加水最後見我地食淨左炸魚皮又主動問我地轉唔轉外賣食物方面食材本身已經係高質素尤其當你試過差既火鍋店後...就會發現高質真係唔係必然...最後當然都要讚佢咁別出心裁既宮廷主題啦~不論係環境, 音樂同食物擺盤上都呼應到主題, 令食客係享受美食同時, 好似進入左一個古代國度咁😌係一個好好既用餐體驗 : )!!…查看更多