復興行

黎大澳大家都一落車必經復興行， 好難唔俾佢掛出黎既大墨魚吸引過去。但今日我地冇見到以往1隻隻掛出黎既大墨魚， 疫情令遊客減少左好多， 都好少人幫襯墨魚。其實係咪咁好食？ 個滷水墨魚其實唔係咁入味， 但醒在夠厚肉。 每碗60蚊， 2個人食， 其實都最少每人10舊以上既。 個墨魚身每1件都最少1cm 厚， 個墨魚偏冧身， 唔係話好彈牙既口感。墨魚必食就唔係既， 不過黎到大澳大家都會食， 好似去長洲食芒果糯米糍一樣。抵唔抵就見人見志。…查看更多

見電視節目介紹大澳的巴士總站附近、位於街口的復興行滷水墨魚，一心唸住入黎試下大澳唯一一檔的滷水墨魚。雖然墨魚大隻厚肉，但一啲都唔韌，滷水汁比想像中淡口、偏甜，好味！但一份$50只得14粒，的確有啲貴。…查看更多

屯門碼頭出發搖足一小時渡輪終於到達，急急醫肚先！第一間小食而舖位顯眼真係著數好多，食左先講！咖哩大魚蛋，巨大咖哩魚蛋每粒 $18 蚊，索索聲好假又無魚味又無咖哩味，失望。滷水墨魚鮮甜可口，滷水味清香帶甜，肉質彈彈又嚥韌，魚身非常有咬口，魚鬚勁脆，好好味。菠蘿冰，鮮菠蘿雪到入雪，酸酸甜甜開胃有趣，作小食也不錯啊！紫貝天葵山渣水，還以為係洛神花茶添，淡淡甜味幾好飲，我最怕甜架喇。清新既味道，既解渴又健康。…查看更多