吞POT 雞煲火鍋.住家菜 (已結業)

今日想食雞煲，揀左呢間雞煲專門店，我地5點半就去到，好好彩可以坐到窗邊位，睇住城市景，都坐得好闊落。呢間有辣雞煲同埋滋補雞煲揀，我地之前通常食辣既，今次試左滋補螺片花膠雞煲，有驚喜✨滋補螺片花膠雞煲 （半隻） $228雞煲分量十足，入面有好多螺片、花膠同雞肉。我地試左個湯先，花膠雞湯湯底味道清甜濃郁，螺片亦能提升鮮味，呢個湯好飲。雞肉口感嫩滑，有咬感，雞味都好濃郁。花膠口感較軟，size好大件，煮到好淋。螺片口感滑溜有彈性，都有d菇做配料，總括真係真材實料，滋補養顔✨自創爆芝響鈴（3件）原價$45，半價 $22第一次見咁大件既響鈴，都係第一次食響鈴入面包住芝士，原來呢個搭配都唔錯淥左大概5秒，口感仲幾脆，咬到中間會有芝士爆出來，好特別✨大檸樂 $36✨醬料（每位$12）店員係入座既時候會拿醬料過來，有成9種，拿完會收走，想要再加湯/醬料都可以同店員講大檸樂味道正常，夏天打邊爐配凍飲，正早鳥優惠-19:30前埋單火鍋配料及小食半價宵夜時段21:30後入座即享所有火鍋配料及小食半價…查看更多

☀️吞Pot雞煲☀️位於旺角樓上鋪☀️食雞煲亦可睇景🏙🐔滋補螺片花膠雞煲 💵208🍀🍀🍀🍀🍀🍀🍀🍀🍀🍀我同朋友見到menu 上花膠雞煲有👍🏻👍🏻就試試佢🤣同埋覺得花膠雞煲唔係到到都食到～我地2個人就嗌左半隻雞🐔入面湯底由鮮雞🐔、花膠、秀珍菇🍄、螺片而熬成～雞肉又滑又多肉😆花膠又勁大舊，而且又彈牙又腍👍🏻 湯底勁入味可以就咁飲，不過啲雞煲耐左會有層雞油，需要𢳂走啲油先～🦐蟹籽蝦滑💵88🍀🍀🍀🍀🍀🍀🍀🍀🍀🍀勁大份，面頭上用蟹籽黎裝飾👍🏻食落勁有蝦味，而且好彈牙，就算飽都要食多幾舊😂🧀自創爆芝響鈴💵45🍀🍀🍀🍀🍀🍀🍀🍀🍀🍀為左唔好浪費食物，我地只嗌左3件芝士響鈴試試先🤪點知真係好大件同好飽😂😂 外面脆卜卜，入面啲芝士同響鈴真係好夾～☀️Ps:唔好浸太耐，入面啲芝士會溶晒落雞煲到～🥬菜菜藍💵70🍀🍀🍀🍀🍀🍀🍀🍀🍀🍀菜菜藍入面有冬菇🍄、秀珍菇🍄、金針菇🍄、生菜🥬同埋白菜仔🥬雖然我地以為有粟米🌽同番茄🍅反而啲菇菇🍄好多～☀️整體而言，食物質素都不錯，尤其係花膠雞煲好滋補又入味，食物份量又多，個人認為芝士響鈴必食🤤真係有驚喜～…查看更多

同飯婦人慶生，佢話想食雞煲，而我就好想打邊爐，於是就靈機一觸諗起呢間喺旺角嘅吞pot，啱晒我哋放工聚一聚。食品選擇都算多，起碼我哋想食嘅都有。調味盤排列整齊，選擇又多，有辣有唔辣，任君選擇。作為兩位中女，梗係要食得知音養顏啦，所以就揀咗滋補螺片花膠雞煲。雞湯呈奶白色，味道非常濃郁而鮮甜，花膠份量俾得相當大方，煮得夠淋且入味，雞件非常鮮嫩，就算係雞胸都非常之滑。我哋每人起碼飲咗兩碗湯，即刻覺得自己皮膚都Q彈咗！牛三郎即係有三款牛肉，分別有雪花肥牛、牛肋片和牛柳粒，個人口味就比較鍾意雪花肥牛多啲，貪佢肉味夠重又有油香。自家製響鈴係即叫即炸，上枱嘅時候仲熱辣辣，店員仲提醒客人小心燙手，入口香脆無比。紅薯粉份量夠兩個人食，我哋結果都食唔晒。娃娃菜排列整齊，感覺乾淨衛生，唔會俾啲爛菜客人食。離開嘅時候見到門口有個lunch Menu，原來呢度午市時間係會做午餐嘅，而且價錢都唔貴，附近返工嘅朋友可以試吓啊！…查看更多

呢間邊爐舖專食雞煲，有一d比較平既湯底，但想食真d都建議食雞煲，講完你就明點解！一坐低打開張食材紙，心諗：有d貴wor. 食完先知道真係值呢個價！食到飽一飽都係同放題邊爐差唔多價，仲要好食唔少！會令我一定再黎帶朋友家人試既係個滋補螺片花膠雞煲。全場性價比爆曬既一定係呢個煲！！佢非常足料，鮮滑雞件，一食就知係高級螺片，同埋滑一滑既花膠魚肚都未係最重點，最重點係佢淆左好耐非常好味既雞湯！！佢一上個煲。。。sorry, 我已經就咁筆起左兩大碗黎飲。。。超好味！！我已經宜家想番去再飲有好味既湯底，自然咩食材放落去都好好食~~特別建議大家要叫一d會吸味，例如響鈴，油墨菜既食材，絕對會吸收曬個湯既精華，提升另一層次！除左爆燈既湯底之外，呢到既食材都係行高級or特別路線，所以價錢都唔平。有手打同埋特色既丸(十全大寶丸有黑松露，芝士牛丸等等高級組合), 肉同海鮮都強調係高級頂級。特別推薦黑豚肉同桂花蚌，非常好食！…查看更多

天氣乍暖還寒， 但係仍然無阻香港人熱愛打邊爐嘅程度， 今日就去咗旺角 吞Pot食雞煲。重頭戲雞煲就叫咗一個滋補螺片花膠雞煲 $298，一上嚟 ，用殼一筆，就已經有滿滿嘅雞件。我急不及待要試下個湯先 ，飲得出質感好濃好厚， 有淡淡嘅豆味， 我估可能加咗椰奶或者牛奶 ，所以我湯好滑， 啲雞件我哋食到最尾都係食唔曬， 個湯仲有好多花膠同螺片 ，花膠煮到好冧，螺片仲依然好有咬口 ，個人嚟講十分推介呢個湯， 即使我哋加咗兩轉湯底個湯都冇太走味。另一個要推介嘅就係自製爆芝響鈴 $75有六件， 大大件放入湯淥三至五秒就食得。 頭一啖食落冇咩芝士， 以為中咗伏， 但係咬到落中間，啲芝士吧吧真係爆出嚟。雪花牛腩片$198 有十片，厚薄適中 ，擺落湯底拖幾拖就食得 ，牛肉味濃，齒頰留香。另外值得推介嘅就係 菜菜籃 ，啲菜好新鮮翠綠 ，$70蚊一籃有曬金菇，雜菇， 生菜同白菜仔 ，性價比十足。順便一提嘅就係餐廳做緊優惠，7七點半前埋單或者九點半後入座所有火鍋配料小食可享有半價。…查看更多

由於今日落雨，天氣好差，喺旺角想暖笠笠嘅嘢，就同朋友決定咗去食雞煲！佢係旺角天橋一落就係，地點好易搵，一入到去唔會有雞煲火鍋嗰種油膩同煙味，反而環境清靜寬敞，坐得好舒服，我地個景係望住成個旺角嘅大嘅落地玻璃窗！令到我同朋友都堅持兩個坐埋同一邊一齊睇風景，食住野睇住風景好chill ! 開揚一點都唔焗促～仲有個魚缸睇魚！一來店員就比一盤9宮格醬料自己調配，生蒜加炸蒜最正！由於兩個都想食啲養生鍋，係花雕雞煲同埋花膠雞煲中決定飲完成個身都會暖笠笠嘅滋補螺片花膠雞煲（半隻）$208。一等鍋滾起，勁濃郁的濃稠感，但係味道又唔會好似落咗好多香料味精嘅重口味，係清淡舒服嘅湯，唔會好似出面雞煲用過多調味料搞到好鹹好口渴。雞湯亦都唔會太肥好啱女仔飲。份量非常之多，係我哋兩個掛住飲湯食雞都食到飽，所以最後尾都冇加其他配料，下次要留肚試配料！佢全部都新鮮製，十全大寶丸勁特別，好想試！仲有芝士響鈴，都係好獨家，出面未食過，下次真係要試吓！滋補雞鍋滾起撈走表面白泡同油就食得啦～材料方面，我最驚喜嘅係雞肉，仍然非常之嫩滑，因為通常煲嘅雞湯雞肉都會相對比較鞋，但佢口感都好好，唔會有雪味，雞肉好食！花膠呢啲對皮膚咁好嘅養生品當然一定正啦，一塊夾起都給有大概半個手掌咁大塊，滑溜滑溜，充滿骨膠原！螺片相對就比較細，但口感唔會韌，有好香嘅螺片味！就咁食花膠、雞肉同螺片都非常之飽，仲要超健康，我同朋友都覺得今日好養生！佢平時730前埋單/930後入坐仲有半價材料，下次趁半價，搵多幾個朋友一齊食配料同想再試胡椒豬肚鍋同花鵰雞鍋！…查看更多

放工同閨蜜去咗朗豪坊補給護膚品，佢就帶我嚟呢度食雞煲～呢間鋪位於高層，但估唔到佢係可以望到一個咁靚嘅夜景。Lady食嘢係仲質不重量，今晚兩個女仔望住夜景，一邊傾計，一邊嘆住滋潤雞煲，真係好happy ！多款醬料整整齊齊乾乾淨淨任選。滋補螺片花膠雞煲 - 真材實料，店員第一時間叫我地飲兩碗湯先，我地兩個都覺得幾好味道。煲裡面係比較靚嘅花膠，冇腥味，有咬口；螺片唔係罐頭貨，亦唔係乾貨，絕對係新鮮螺片；通常雞煲嘅雞，都會比較硬身同埋比較鞋，但呢個雞煲裏面嘅雞肉係滑嘅。芝士響鈴 - 即炸卜卜脆，落鍋度烚兩下，芝士熔熔地滲出黎，好飽好滿足！脆肉鯇 - 新鮮真正脆肉鯇，試問任食火鍋又點會食到呢啲質素。加埋個烏冬，就成為咗螺片花膠雞湯烏冬，聽個名都好夠哂滋潤。…查看更多

平時去開吞POT旺角總店食lunch，食物質素一向不錯，今晚就朋友嚟油麻地分店，試吓佢個雞煲同總店一樣，門口有個大魚缸環境寬敞舒適醬料每位$12，個人最喜歡麻辣醬King size飲品，一杯夠飲成餐飯由於朋友唔食得辣，於是點咗滋補螺片花膠雞煲半隻，未食之前先飲碗湯，味道濃郁，雞件嫩滑，跟住就食花膠，估唔到花膠都幾厚身，仲有唔少塊，呢個雞煲絕對足料，一路食一路飲湯，兩個人幾乎一滴不留，食完雞要加湯先打到邊爐推介自創爆芝響鈴，新鮮熱辣上枱，唔駛點醬，唔駛浸湯，原條食，真係好邪惡，但係好好味，必試我同朋友都係牛魔王，點咗呢碟頂級安格斯牛小排，油脂均勻，肉味適中象拔蚌片，快淥幾秒就食得最後加個菜，平衡一下兩個人可以試嘅款式有限，下次要再約三五知己嚟試埋其他嘢食，埋單先知原來滙豐卡有9折…查看更多

上次已經同friend嚟食過呢間火鍋 覺得好好味 今次就帶媽咪黎食 免得佢呷醋哦🙉🙉🙉 一坐低就叫左罐Mango mixed beer飲下先 因為外面真係太熱啦🙉🙉 又出奇地好飲wo😙淡淡嘅芒果香味 又唔會太甜！supermarket好似都無見過😙同媽咪食就梗係要食😝滋補螺片花膠雞煲啦😝 有邊個媽咪或者女人唔鍾意食花膠㗎！？😝 佢啲花膠雖然細細塊 但都幾厚幾黏！媽咪成日話花膠對皮膚好 可以養顏活血架！！我地食晒成煲 仲飲咗幾碗湯添啊😙😙😙 湯落咗螺片去煲 所以特別甜！！媽咪好中意❤️我哋仲襯未食肉前 煲湯無油嘅時候叫咗個油麥菜食！油麥菜好新鮮 一啲都唔會黃喎 吸收晒啲雞湯 油麥菜又特別甜☺️上次我同friend都有食過脆肉鯇腩 魚肉又脆夠大舊！今次照encore同媽咪一齊食☺️ 質素都同上次一樣☺️☺️ 不過部位有一舊就邊邊啲 冇上次咁啖啖肉今次我同媽咪仲試左新嘢 自家炸響鈴🔔送上枱嘅時候仲係熱辣辣架 職員話係自家新鮮炸嘅 小心熱！都幾貼心嘅服務☺️☺️ 一咬落去 真係好鬆脆阿！！！響鈴係會碎片咁樣鬆開 食得出真係自家新鮮炸架！一啲都冇油溢味😋 呢個都值得推介！😋😋埋單$400到 食到飽飽 食材又新鮮 都算抵食既！最重要係媽咪好滿意嘛😝…查看更多

最近發現火鍋店真是越開越多，而且什麽形式都有，回想起來這個寒冬也不知道吃了多少頓火鍋了，有次還瘋狂到一天連吃兩間火鍋。吃火鍋沒什麽太大心得，主要是湯底夠濃鬱和材料新鮮便可。前陣子吃過幾間宮廷式的火鍋，華麗和別出心裁的擺碟和器皿確實豪華，但價錢相對偏貴。月尾荷包勒緊的那幾天，就得尋覓平民價錢的火鍋店了。因此，吞Pot成爲了最近的新寵。吞Pot在油麻地和旺角的兩間店都光顧過，餐廳采用落地玻璃，高處飽覽油尖旺繁華街道的景色，黃昏來的話，還能看到日落的落霞把半邊天染紅的美景，吃火鍋可以吃得這麽浪漫，可真少有。吞Pot主打鷄煲，吃完鷄加點湯就成火鍋。上一次去油麻地分店，吃的是辣花螺鷄煲，辣味層次豐富入味，很是不錯。這次換下口味，不吃辣，想吃得奢華一點，就來個滋補螺片花膠雞煲（半隻）。花膠一煲有大概4片，每片都挺大塊厚身，出乎意料地有爽口有嚼勁，索了濃鬱的雞汁湯料，所以吃起來帶少少鮮甜味。螺片爽口。鷄肉滑嫩。不知不覺已經吃了大半鍋。這時候讓店員加了點湯料。加入牛肉粒和羊肉片。牛肉粒新鮮油脂豐富；羊肉片厚身帶輕騷味。這時候，肉汁已經融入了湯汁裏面，非常鮮甜；加入生根，等圓圓小球把湯汁精華盡數吸收而萎縮成片後拿起品嘗，吹一吹熱氣、放涼，吃起來的味道就是鮮甜湯汁和生根微油炸過帶點香口的口感，我會說，這就是吃火鍋的精髓。吃肉獸的習慣就是會把蔬菜留到最後才吃，輕燙油麥菜大概2-3分鐘，大概軟身但依然青色綠油油就該拿上來，清爽祛膩。近年來火鍋變成了跨季節飲食習慣，不論天氣冷或熱，總有捧場客。如果喜歡港式火鍋，又比較貪心一點，想既能吃主菜海鮮或鷄肉，又能「十下十下」，還能觀賞美景，吞Pot應該是不錯的選擇。…查看更多

有外國朋友黎左hk玩 話想試吓雞煲hot pot！😸我特登帶咗佢嚟呢間比較好坐 可以睇到view既樓上雞煲hot pot店 有特色啲 又方便啲chat阿嘛😸😸😸因為我哋早嚟 員工特登安排我哋坐window side 23樓望落去個view 好空曠 又落地大玻璃 感覺都舒適😸我哋要咗個滋補螺片花膠雞煲 外國friend第一次食話覺得好好味 好special！佢最鍾意食個花膠😻😻話好sticky 我仲同佢講花膠特別養顏 好適合girls㗎😼😼😼 湯嘅味好濃縮 吸晒啲精華 我地飲左兩碗😼😼 雞嘅份量我哋叫咗半隻 有好多！半隻大概係一斤左右嘅雞 好足料！之後我哋仲叫咗個油麥菜 象拔蚌同埋手打墨魚丸😻😻😻 個墨魚丸好彈牙 我哋淥左好耐亦唔會好似出邊咁咁易發脹！仲keep到個texture！油麥菜索晒啲雞湯嘅精華 變到超甜😻😻同埋佢份量有好多好抵食！食完咁多雞最適合食返啲菜😽對女仔來講亦都冇咁肥！我哋好早食 走仲係七點半之前 hot pot料有半價！超抵😻😻😻…查看更多

天氣繼續嚴寒，繼續係打邊爐嘅日子搵到呢間吞pot 火鍋舖面唔太大，大概十張枱左右，今晚全院滿座， 但係都有足夠空間所以一D 都唔迫，餐廳full 哂。好在book 咗枱啫！安排咗窗邊位，有夜境伴食混醬時間～都係果d 必有嘅辣椒蔥蒜之類，不過要讚下個麻辣醬，香得黎又夠辣！二話不說，揀咗最愛嘅螺片花膠雞煲omg~勁勁勁足料，好多雞件，好嫩滑花膠塊塊都好厚身又大塊，螺肉鮮甜有咬口煲出黎嘅湯變咗奶黃色，超濃超鮮甜，連續追飲咗3大碗！點餸時間～肉類，海鮮，配料有好多選擇，打邊爐必備嘅牛肉都有好多款！另外餐廳仲有好多自製嘅獨家配料只怕你食唔哂而唔會驚點唔到嘢食！另外有D 小食，不過2個人食唔落lu牛肉揀咗韓國1++牛肉眼切得好均勻，厚薄適中。有超濃郁嘅牛味！份量其實足夠3-4人炸芋頭，新鮮炸起。唔落湯即食都好好食食材全部都好新鮮叫咗好多索湯嘅配料配個濃湯，好滿足！另外要推薦個雲吞。係蟹肉蟹粉雲吞～濃濃嘅蟹味，食落好驚喜～鍾意食蟹又懶得剝絕對要點呢個！珊瑚蚌舊舊都好大舊，熟咗都有手指公咁大件又爽口又鮮味價錢唔算係大眾化，但係食材全部都好新鮮，用料靚，環境又舒服。哪怕俾多小小對自己好D~…查看更多

天氣稍為涼涼地又即時挑起我條打邊爐根, 即刻去睇下附近有咩正野試下佢。滋補螺片花膠雞煲 - 第一啜飲落去錯覺好似好咸, 原來係非常入味先真。打完一埸邊爐竟然一點口乾都無,所以我相信係無味精O既 。螺片就切到細細塊, 花膠好厚身而且好有咬口,成個湯底都非常入味, 好好飲。問過老細佢話煲呢個連瘦肉都無, 淨係用雞去淆個湯,而螺片同花膠就差唔多煲好先落, 唔怪得咁好味啦。不過我得2個人去食,飲完兩碗之後根本無可能飲得曬, 所以我打包左一大碗返屋企。飲完就加返普通湯開始打邊爐,頓時覺得無曬味。叫左個頂級雪花肥牛–唔係此店最貴O既牛但都已經好好食, 有牛味, 唔肥而且鬆化的。自創爆芝響鈴(3件)$32- 新野可以一試, 不過我覺得鍾意食芝士的可以一試, 感覺係MATCH 但我喜歡原裝響鈴多D。 棉花魚肚- 呢個魚肚我們早早就O係雞湯時落曬去吸湯, 索曬D湯味之後大大啖咬落去精華度咁,真係好正…我覺得魚肚配呢個雞湯真係一絕, 推介!!脆肉鯇腩令我鐵定會ENCORE的配料, 因為我係超愛脆肉鯇, 呢個價錢看似係一般打邊爐配料的價錢但就非一般的份量 >首先非常新鮮爽口就不用多說, 二黎係佢真係比足5件厚切的鯇腩, 好多地方都只係比2-3件”簿”切然後又要搭埋骨位,魚頭, …出面一般我都要叫2碟先夠喉但呢度一碟O既價錢等如人地2碟, 如果好鍾意脆腩O既朋友一定明白我的感受!蒿荀片&油麥菜 都係翠綠新鮮O既蔬菜, 都幾良心價而且大大碟的。…查看更多

第一次黎甘高的地方食雞煲，感覺幾特別，真係好似搭lift返咗自己屋企咁.整醬料好方便，有人拎埋俾你。住家菜果然吾同d，花膠雞都有，湯底都幾清淡，又多花膠，同埋仲會另上多一碟俾你自己再加，甘樣補法，咩膠原蛋白都反哂黎，雞肉新鮮，嫩口，螺肉口感適中有d軟，容易咬口，另外仲加咗D秀珍菇入個雞煲,依個配搭都吾錯。雖然，係冰凍生蠔，但食落感覺都仲可以保留到蠔肉中的水分同蠔味。桂花蚌望落已經好新鮮，食落就更加無得口感爽爽的，好味道，又大片。有時，打邊壚雞煲會習慣性叫一個烏冬，今次食的鳥冬煮耐咗都依然係好彈口。生菜-好新鮮，淺綠色，一落即上，又爽口。…查看更多

今日又係姊妹gathering嘅時間啦，今次我哋揀咗旺角打邊爐，我地第一次嚟到呢座building， 原來全棟building都係餐廳嚟嘅！:)呢間餐廳响高層，所以景色好開揚，旺角嘅夜景又真係幾靚！雖然餐廳唔係十分大，但係枱與枱之間得都唔算迫！服務方面，每位侍應都有禮貌，話頭醒尾。啤酒嘅種類都幾多真係幾多特別嘅食物選擇個雞煲好夠味，仲有好多花膠同螺片肥牛油脂分布好平均，有牛味！平時少食豬嘅朋友都話幾好味…查看更多