邊敘邊醉

火鍋店樓高2層，旁邊有一小型停車場，店舖擁高樓底間隔，空間感十足，店內裝修玩味氣氛感重，場內處處都係打卡位，包括洗手間都有打卡位👍👍店員服務周到貼心，介紹每款食物最佳煮食時間，仲會提供埋timer計時煮餃子，確保食用時係最佳質素，唔會煮過了頭😋⭐️仲有仲有，必定必定必定要食佢地自家製嘅XO醬，真係好惹味🤗🤗我添加左幾次，仲用黎撈淮山麵食，真係滋味無窮！一坐低每人有一杯Welcome drinks。酸梅湯酸梅湯係自家製的☺️味道酸甜，而且生津解渴，好開胃。湯底滋潤花膠螺片鮮雞鍋標榜無味精，用料上乘，雞件滾左一陣肉質仲好嫰滑，濃郁雞湯加上花膠同螺片，湯底溫潤鮮甜，更充滿豐富膠質，一人飲左一碗雞湯先開始加湯打邊爐。手切靚牛肉牛頸脊 | 封門柳牛頸脊肉質偏瘦有彈性，肉味濃厚和嫩滑；封門柳肉色較深，肉質好柔軟，肉味濃郁，兩款牛肉輕輕一淥就可以食啦！餃子拼盤自創花雕醉雞餃 | 黑松露鮑魚餃 | 鮮蝦雲吞 | 黑豚肉韭菜餃花雕醉雞餃同黑松露鮑魚餃好創新同好有驚喜，味道好突出，而且全部都係手工製作，每一隻都包得好飽滿，皮薄餡靚，味道豐富，每款2粒唔夠喉😂😂新鮮蔬菜拼盤有唐生菜、茼蒿、娃娃菜、粟米、金菇、冬菇，份量十足，每款都新鮮鮮甜。自製脆炸響鈴即叫即炸，將響鈴放落鍋到滾大約3秒就可以食啦，既香脆又滲左少少湯汁，非常惹味~淮山麵以淮山磨粉做麵，口感爽滑彈牙，用火鍋醬料之一XO醬撈勻食，非常惹味！小食麻辣青瓜拌木耳 | 醉牛𦟌青瓜雲耳口感清甜爽脆，麻辣味道刺激，相當惹味。平時食嘅都係醉雞，第一次食醉牛展，酒香濃濃，浸住牛展同牛筋，牛展恰到好處的有軟嫰又有嚼口；牛筋煮得剛好，可以輕鬆咬開但無黏答答，骨膠軟滿滿。雪燕椰汁奶凍玫瑰花造型，非常精緻，係面頭鋪上雪燕，賣相相當吸引，椰汁味香濃，又唔係太甜👍讚竹蔗茅根雪梨水餐廳自家製的竹蔗茅根雪梨水，味道清甜容易入口，可以清內熱、潤燥生津。…查看更多

邊敘邊醉🍲🍻麻辣青瓜拌木耳🥒青瓜新鮮爽脆，麻辣唔會太強，作為前菜，惹味又開胃！💓醉牛𦟌🐮牛𦟌結實，唔會煮到散晒✅牛筋都煮到剛好，爽口彈牙，酒咪香濃，食幾多都唔會覺得油膩😍滋潤花膠螺片鮮雞鍋🍲母親節請母親食就岩晒👸🏼個湯底非常濃郁，我飲左三碗，食埋煲到化晒既花膠先加湯開始打邊爐💓💓牛頸脊 & 封門柳🐂牛頸脊新鮮手切，油膩分佈好平均，入口嫩滑充滿油香！✨封門柳唔會有油脂，但肉腍味香😋😋雖然小小一片，入口就味道就好似一頭牛衝入喉嚨💓💓💯餃子拼盤🥟入面有四款唔同嘅餃子1️⃣黑松露鮑魚餃，真鮑魚餡料，咬開黑松露味直頭傳到對面枱😆😆2️⃣自創花雕醉雞餃🐔入面有啖醉雞湯，咬開要小心，酒味濃郁，放心，唔會食到人醉～3️⃣黑豚肉韭菜餃🐷菜同肉比例平均，加上皮薄餡靚，小心煮爛個皮4️⃣鮮蝦雲吞🦐原隻蝦仁，鮮味十足，絕對唔會輸比雲吞店！✅✅新鮮蔬菜拼盤🥗大大份非常足料，仲有所有蔬菜都非常新鮮添！✨自製脆炸響玲🥠即叫即整，黎到時仲出緊煙，即整真係唔會成油林林，而且係突別吸汁💓💓💓淮山麵🍜係相對比較健康既澱粉質，快熟細滑，食半個都唔會太飽～雪燕椰汁奶凍🍨外貌非常精緻，椰汁香濃，奶凍夠滑，甜味清新，加上雪燕，真係想像唔到係跟餐甜品😆😆💯竹蔗茅根雪梨水🍐食咗咁多熱氣嘢，當然唔少得飲返個竹蔗茅根雪梨，清清熱氣啦！…查看更多

揸車深水埗搵食，離遠已經見到橙紅色門面好搶眼，餐廳仲設有免費車位好吸引，唔使周圍搵位，直接泊入去。「邊敘邊醉」主打高質火鍋，樓高兩層，有專用電梯直達，門口無梯級，設有特大洗手間，係無障礙餐廳。裝修以鮮橙色撞綠色為主，門口有酒樽形「我無醉」千層鏡裝飾，連洗手間都有過癮標語，設計充滿玩味，非常打卡able。設有VIP房，獨立梳化卡座坐得舒服，店員細心有禮。ღ welcome drink⊛酸梅湯一坐低，餐廳便為每一位光臨嘅客人送上一杯welcome drink，好窩心，係冰凍酸梅湯，酸酸的又唔太甜，好開胃。ღ餐前小食⊛麻辣青瓜拌木耳麻辣汁夠麻又夠辣，但又唔會辣到食唔到，新鮮青瓜同木耳清爽配合，加埋脆花生爽口又惹味。⊛醉牛𦟌、醉牛筋花雕酒味香濃，牛𦟌浸得入味有嚼勁，切成條狀嘅牛筋口感黏軟Q彈。ღ湯底⊛滋潤花膠螺片鮮雞鍋 $438 (原價$668)呢款湯底係母親節期間限定，用上半隻雞、花膠、螺片、雪耳、杞子熬製，真材實料，都好大鍋。打邊爐前一定要先嘆一碗湯，一入口滋潤順喉，啖啖精華，呢個湯底真係無得輸，仲要螺片同花膠都唔細件，啱晒帶媽媽嚟食，我覺得飲一碗係唔夠喉嘅。嘆完靚湯之後，店員為我哋加湯開始打邊爐。餐廳平時主打嘅四款湯底，都有用唔同嘅酒入饌，襯返店名「邊敘邊醉」主題幾有特色，我已經諗緊下次嚟試邊款。ღ手切靚牛肉⊛ 牛頸脊手切牛頸脊新鮮，油花比例適中，色澤紅潤，唔好淥太耐，口感軟嫩有嚼勁，牛味濃郁。⊛ 封門柳肉質軟腍，入口牛味極為濃郁豐富，涮一涮就最好味，啱晒牛魔王。ღ手工餃手工餃子都係餐廳自家製，每日新鮮包，為咗掌握烹調時間，店員細心俾個計時器我哋，水滾計淥五分鐘，就可以品嚐到最佳嘅味道，最好就跟埋次序食啦。⊛餃子併盤 (8隻)⊙自創花雕醉雞餃皮薄餡多，咬開充滿湯汁，好香花雕酒味，有點似灌湯小籠包，必食推介。⊙黑松露鮑魚餃入口充滿黑松露香氣，咬開真係明顯見到鮑魚粒，真材實料，值得試吓。⊙鮮蝦雲吞滿滿餡料，大隻蝦肉，爽口彈牙。⊙黑豚肉韮菜餃呢款經典配搭，餃子控一定要試吓，餐廳選用黑豚肉製作，加上韮菜獨特香氣濃郁，建議最後先食。ღ邊爐配料 ⊛自製脆炸響鈴打邊爐必點，新鮮即炸，都大件，熱辣辣非常脆。⊛新鮮蔬菜拼盤有金菇、冬菇、生菜、皇帝菜，娃娃菜，仲有粟米好甜。⊛淮山麵打邊爐尾聲梗係淥返個麵，淮山麵感覺比較健康，幼身，口感爽滑。自己鍾意打邊爐淥麵要煮得腍啲，索晒啲湯汁食好滋味。ღ甜品⊛雪燕椰汁奶凍粉紅色玫瑰花造型，頂上放雪燕，襯晒母親節。椰汁奶凍香滑低甜，雪燕養顏媽媽實鍾意，跟母親節期間限定鍋底贈送。ღ飲品⊛ 竹蔗茅根雪梨水味道感覺足料又唔太甜，清熱潤喉解渴，打邊爐最啱。愉快滿足的一餐，必定再次回訪，望到餐牌仲有刺身同海鮮都幾抵食，下次一定嚟試吓。呢度環境、服務、食物都高質，怪不得經常爆滿，就嚟母親節，想同屋企人慶祝真係要預早book位。#邊敘邊醉地址：深水埗海壇街205號地下A號舖及1樓…查看更多