厚興瑜記手撕雞 (卓爾廣場)

這家手撕雞專門店應該見慣見熟這次在屯門卓爾廣場新開了堂食店除了手撕雞更多了小食選擇今天晚餐就點了二人優惠套餐手撕雞有招牌和清遠兩款選擇清遠雞雞味較濃郁肉質較實在招牌手撕雞則肉味較清寡但肉質嫩滑是次點了清遠雞的確味濃調味也適中小食則點了醬油春筍和雞腳兩款小食份量也頗多筍味香濃雞腳調味適宜吃得非常過癮套餐也包括白飯青菜和餐湯餐湯是冬瓜湯有住家的味道時菜是上湯浸黃牙白份量也不少是次晚餐吃的非常滿意會再encore…Read More

朋友喜愛食雞肉，今日到屯門探朋友，路經卓爾居廣場，見到有間新開嘅手撕雞店，原來係厚興瑜記，即是外賣上朋友屋企一齊享用😌手撕雞二人餐 有招牌手撕雞半隻，雙拼小食，灼時蔬，是日例湯白飯，好抵食手撕雞選咗清遠手撕雞，手撕雞雞味濃郁，雞肉柔嫩彈牙，唔靭，老闆果然冇介紹錯，另外揀咗半隻招牌手撕雞，雞肉入口幼嫩滑溜，而且起哂骨，方便進食，醬汁有5 款，揀咗薑蓉醬，川味麻辣醬及日式胡麻醬，本人喜歡川味麻辣醬，十分惹味又唔辣，食到停唔到口上湯娃娃菜，菜入口淋身並且吸晒上湯味道，相當鮮甜雙拼小食：海蜇雞腎，海蜇爽口彈牙，雞腎處理得好好，完全冇腥味，配埋芝麻香，作為前菜，好夾金桔奇亞籽水晶蜜，金桔味道清新，正好清一清味蕾樽子咖啡，咖啡味道香濃又唔甜，非常解渴…Read More

今次叫左二人套餐 $128包括手撕雞半隻、自選小吃拼盤、時菜、湯同埋飯。問咗老闆清遠手撕雞同招牌雞有咩分別，原來清遠手撕雞係養得比較耐嘅雞所以肉質比較厚實，而相反招牌雞就係後生啲，所以會柔嫩啲。最後我揀咗清遠手撕雞，配姜茸同埋口水醬。小食拼盤我揀咗雞腎同埋麻辣豬耳。份量都多嘅，麻辣豬耳對於我呢個唔食辣嘅人來講都幾辣，但係未去到接受唔到，如果鍾意食辣嘅朋友可能就未必夠辣。今日嘅靚湯係紅蘿蔔青蘿蔔雞腳湯，好足料俾咗好多蘿蔔同三隻雞腳。菜就係高湯娃娃菜，正常叫做為呢一餐添加啲纖維。最後我仲叫咗一個3.6牛乳水晶華田呢個個二人餐唔包嘅要額外加$16，華田味唔會好似平時茶餐廳飲好重，但夾雜着奶香，好飲得黎又唔會過分地甜，奶凍口感QQ，我都幾推介呢個飲品。…Read More

數數手指，以前有不少於九年嘅時間經常喺卓爾居出沒，一排冇去，發覺2樓多咗新餐廳。一於就外賣手撕雞返屋企食。雞都有兩款，一個係正常手撕雞，另一個就採用清遠雞。清遠雞由於成長日子較耐，肉質比較結實，有咬口，雞味較濃。就咁睇相，清遠手撕雞比較深色。手撕雞真係好適合懶人，啖啖肉。非雞髀位肉質都嫩滑。雞有雞味，聽起上嚟好似廢，相比出面食嘅雪藏味手撕雞實在出色得多，唔需要多加調味。和味口水醬係麻醬同辣醬嘅混合體，第一次食咁嘅醬，長知識，遲啲喺屋企都自家製先。由於雞本身有雞味，所以唔需要多點醬。醬都係留返日後食。另外一個小驚喜係蔥油做得好出色，啲蔥同埋姜切得比較大粒，係食到啲蔥，唔會只係得油。蔥油真係好香，拌飯一流。雙拼小食選擇多，唔辣嘅有海蜇、鳳爪、豬肚、豬耳、雞腎，仲有啲比較少見嘅例如，小冬菇同醬油冬筍。最後選擇麻辣豬肚，鳳爪。呢度嘅麻辣比較易入口，似小辣嘅程度，辣味好香，相對唔係太麻。食外賣都要食得健康，二人餐有紹菜同靚湯。是日靚湯係家庭feel豬骨粉葛湯，冇味精。飲品方面，金桔奇亞籽水晶蜜好清新，有淡淡柚子味。水晶蜜好似蘆薈嘅口感。樽仔奶茶有驚喜！茶味濃而唔澀，口感絲滑。外賣當日係星期四，都見到唔少人嚟買。喺仲未有得食晚市堂食嘅時候，買返去加餸定係買二人餐都係唔錯嘅選擇。不過溫馨提示：二人餐實在太豐富啦，兩大袋嘢食，好重。…Read More