新肥泉海鮮大排檔

新肥泉海鮮大排檔，出名有得食小菜放題🤩款式都算好多，價錢又唔貴，係佐敦嘅官涌熟食中心，地鐵站行過嚟都近👍🏻未坐低已經見到廚師炒到着晒火🔥鑊氣應該信心保證，小菜放題加任飲啤酒，正到爆🍺椒鹽鴨舌🪿好大碟，新鮮炸起又香口又吸引，食落椒鹽味濃又脆身，送酒一流🤗 炸子雞半隻，雞皮都幾脆，肉相當嫩滑，雞唔油幾濃味😛海鹽香煎雪花和牛粒(大)，上菜超有牛油香，一口size，爆牛汁，又嫩滑👍🏻黑椒薯仔牛柳粒，好香😎非常惹味，薯仔都味道好好，份量好大碟✨XO醬爆牛柏葉，好大煲，XO醬好香炒到連西芹都掛晒汁🫨牛柏葉爽身連XO醬好夾好惹味，正👍🏻沙爹金菇肥牛粉絲煲，肥牛多到痴晒線🤣好入味好正，粉絲同金菇掛晒沙爹汁必食🤤#鑊氣小菜，大碟又高質，呢個價錢任食性價比真爆燈💡聚會必然之選🫶🏻…查看更多

新肥泉海鮮大排檔，位於佐敦嘅官涌熟食中心，地點都算方便，喺地鐵站行過嚟唔算遠💪🏻今次嚟食小菜放題，價錢唔算貴，望住廚師炒到着晒火🤩見到都流口水，小菜放題仲要任飲啤酒🍻居然係青島，消消暑就開餐😌海鹽香煎雪花和牛粒(大)，上菜超快，有牛油香，一口size，一咬爆牛汁😋幾嫩滑，海鹽煎都幾惹味👍🏻鹹魚雞粒豆腐煲，超大份，雞肉好正，煎咗好有鹹魚香，好味😎豆腐都幾滑，高質嘅調味，整體幾唔錯老乾媽炒四季豆，老乾媽好惹味，加埋菜甫成個餸辣辣地送酒一流😍味道好好，當紅炸子雞半隻，蝦片冚住啲雞一揭開個皮都幾脆😳雞唔油幾滑幾濃味👍🏻放題食晒四個仲可以再嗌，但個份量真係多到食唔落，最後只係追加咗一個XO醬爆牛柏葉，好大煲，XO醬好香炒到連西芹都掛晒汁😘牛柏葉爽身連XO醬好夾好惹味💟咁有鑊氣嘅小菜，又夠晒大碟，呢個價錢任食有呢個質素都真係相當抵🥳鍾意小炒嘅你要嚟試吓啦🙌🏻🙌🏻…查看更多

日式放題大家都食得多呢幾年點心放題都唔少但小炒放題你又食過未真係唔講都唔會有人知二百八十八就可以任食加一百包火鍋二百海鮮基本大排檔應有嘅菜式呢度都一定可以食到😮當日叫左啲比較少會食和牛粒雞翼小炒王菜煲全部都唔會話將貨就價會俾番本身應有嘅份量所以越多人就會越抵食同埋上檯都好快唔拖單不過要清碟先可以再叫免得大家叫太多會浪費當日比較出色係小炒王另外生菜同白菜都好食小炒王好惹味又夠鑊氣韭菜花爽脆、魷魚鮮味生菜煲同樣都好夠味👍🏻保留到生菜嘅脆度嫩綠至於浸白菜最愛個上湯加入左當歸藥膳感滿滿個人推薦以上都係必試大家去大排檔少食菜呀—————————————————————🔸 小炒放題 $288海鹽香煎雪花和牛粒粟米魚肚雞粒羹當歸杞子浸白菜生啫唐生菜煲特色金沙雞翼肥泉小炒王…查看更多

好耐冇去過街市入面嘅熟食中心，今日同朋友去咗佐敦官涌街市入面嘅「新肥泉海鮮大排檔」，竟然發現有驚喜，平時日式放題就食得多，呢間大排檔推出咗小炒/煲仔小菜嘅任食放題，見到咁特別梗係要試一試。餐牌有$288/位嘅小炒加煲仔90分鐘任食，$388/位就可以嗌埋火鍋或麻辣水煮任食，$488/位就可以再嗌埋生猛海鮮任食。我哋揀咗$288/位嘅小炒加煲仔90分鐘任食，有超過100種小炒、砂鍋煲、雞肉、牛肉、豬肉、小食、湯羹、粥粉麵飯同飲品可以選擇，餐牌選擇眾多，簡直係眼花撩亂、琳瑯滿目。不過提提大家，餐廳對食客浪費食物嘅行為非常之重視，所以每人每次只可以嗌兩款食物，兩個人每次只可以嗌四款，要食晒四碟食物先可以再嗌下一碟！而且餐廳提供嘅份量係例牌，唔會因應客人數量而減少比例，所以如果得兩個人去食都唔係試到好多款，最好多d人一齊去食先可以試多唔同款。我哋嗌咗當紅炸子雞半隻、BB鴿一隻、海鹽香煎雪花和牛粒、欖菜肉鬆四季豆、沙嗲肥牛金菇粉絲煲同啫啫芥蘭煲。炸子雞嘅雞皮都算炸得香脆而雞肉嫰滑，唔係好多地方食到bb乳鴿，雪花和牛粒煎得夠香，四季豆用欖角炒好惹味，粉絲煲嘅沙嗲味重而肥牛嘅份量充足，芥蘭煲夠獲氣而芥蘭都好甜。不過溫馨提示大家，90分鐘時間唔算好多，加上小菜同煲仔炒出嚟都要時間，而且餐廳都嚴格執行90分鐘就要離座，如果每遲10分鐘就要收$50，所以大家落單同進食嘅時候記住要注意時間啊！📍佐敦寶靈街17號官涌市政大廈2樓熟食中心位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

其實麻甩佬都會怕熱，天氣熱嘅時候，就算有大牌檔美食，都會嫌太熱唔想出街。但天氣轉涼，就係食大排檔風味嘅好時候！今日我去咗「新肥泉大排檔」！我一次過叫咗三個風味小炒！海鹽香煎雪花和牛粒個牛肉煎得香脆，加埋海鹽嘅味道，好開胃！菠蘿咕嚕肉個菠蘿嘅酸甜同炸得酥脆嘅肉塊，一齊食好開心！薑蔥生蠔煲生蠔鮮甜多汁，同薑蔥嘅味道完美配合，真係好滋味！好多人成日介紹內地美食，好少會講「來香港消費」。但其實「新肥泉大排檔」喺好方便嘅位置，佐敦、西九龍高鐵站、柯士甸站都好近，幾分鐘就可以到！每個站都有明確指示去官涌街市，非常方便！總括而言，我對「新肥泉大排檔」嘅食物印象深刻！三個風味小炒各有特色，味道都好好！如果你想食正宗嘅大排檔美食，不妨試下呢間餐廳！…查看更多