CHEF STAGE de Eddy Chu

老公無啦啦同我講話訂咗枱同我食西餐，去到發現個環境一流。記得要電話訂座，因為有磯煮鮑魚食😍😍🤩🤩個鮑魚煮得好甜好入味，襯埋個冬陰功醬開胃又醒神。😋😋老公知我最鍾意食海鮮，叫咗呢個海鮮拼盤，生蠔肥美鮮甜，凍蝦食得出好新鮮，啲肉好實淨有咬口，青口正常發揮，兩隻鮑魚鮮甜入味，帶子新鮮爽口唔會淋哂！果兩個醬襯海鮮一流，食完回味😍😍個煙三文魚芒果沙律我冇食到啲煙三文魚，芒果好甜啲沙律菜係新鮮嘅。老公食晒啲煙三文魚，佢話親埋啲沙律菜好好食。😌😌😊😊呢個黑松露蘑菇湯真係好濃郁，推介鍾意蘑菇味或者鍾意黑松露嘅朋友一定要叫🥰🥰😘😘老公唔鍾意黑松露，佢叫咗呢個冬陰功海鮮湯，個湯一嚟到佢就嘩咗一聲，飲完之後話返唔到轉頭，叫我返去學下整😅😅🤣🤣黑毛豬鞍，整得剛剛好，肉質軟熟唔會硬，冇豬腥味，最重要係加埋新鮮菠蘿成件事唔會話好油膩，我哋可以食晒😍😍😎😎呢個海膽聖子白汁意粉推介鍾意海膽嘅朋友，可以每啖意粉都有海膽，呢個海膽另上嘅做法真係好好👍🏾👍🏾🤗🤗🥳🥳最後叫咗呢個紅桑子士多啤梨Tiramisu 係店員介紹，真係冇介紹錯，就算食飽飯食呢個一啲都唔會話好over，反而有種解膩嘅滿足感😋😋😘😘🤩🤩原來今晚老公剛剛收到上次一單工程嘅錢，所以老公就好豪氣咁請我食好嘢🥳🥳👏🏾👏🏾希望老公做多啲生意請我食多啲好嘢😻😻…查看更多

聽講呢間餐廳係好勁既廚師開既，就約左屋企人一齊去試下😍😍😍  😍海鮮拼盤😍 呢個拼盤好正，有鮑魚，帶子，青口同蝦，全部都好新鮮生蠔有清新海水味😍😍😍另外仲有d醬汁比你點黎食🥰  😋忌廉鮑魚冬陰海鮮湯😋 呢個好好飲，中意忌廉湯一定要試下，佢仲要係勁多料，有隻鮑魚，帶子同蝦，勁高級丫🥳🥳🥳  🤗海鮮肉骨茶🤗 呢個就好中式同養生，佢既配料同上面一樣，再加多件魚，個魚都整得好好食，好驚喜💓💓💓  🤩黑毛豬梅頭肉🤩 呢個真係全晚最驚喜，本身睇個名就唔係特別吸引，但食左先知原來豬肉都可以咁好食佢係肥瘦勻淨，好滋味好juicy,調味剛剛好，配埋菠蘿食會帶出豬肉既鮮味😋😋😋  😉海膽配聖子扁意粉😉 海膽就有些少唔新鮮既感覺,係全晚唯有美中不足既一點 但好在意粉份量都幾多，佢既醬汁係做得偏水狀，唔會乾都唔會膩，面頭加左魚子增加口感，都幾好食🤗  😚焦糖朱古力脆脆😚 呢個賣相勁令丫，因為用左焦糖，會偏甜少少，但佢有三層朱古力中和翻，所以整體食落都幾有層次唔會過甜過膩🤗🤗  🥰法國心太軟🥰 甜品必叫呢個丫，佢比起上面個個冇咁甜外層係好暖好脆身，包住入面既軟身朱古力真係好正丫😍😍😍  埋單人均$570，如果係高級餐廳食應該要再貴d,但呢度有靚境，靚料，同出色既廚藝都係五百幾食到咁多野，係絕對值得黎試下😚😚 …查看更多

今日約咗好耐冇見嘅朋友，相識左十年啦。諗住食好啲慶祝吓，於是揀咗尖沙咀一間可以望到好靚海景的餐廳 fine dining。餐廳入邊張張枱都係窗口位，個景靚到隔離枱好多人慶祝生日同週年紀念日。/海鮮拼盤🌟個海鮮拼盤好豐富，愛爾蘭生蠔好新鮮鮮甜，日本帶子連埋白麵豉醬食，除咗帶子的鮮甜，仲有少少蜜糖嘅甜味。仲有鮑魚、青口同鮮蝦都好新鮮，點青醬就酸酸地更突出鮮味，而冬陰功醬少少辣得黎好開胃。/油酥餅配紅咖喱蟹肉醬🌟油酥餅比起naan，更加似台灣酥餅好鬆化。咖喱裏面的蟹肉同配料好多，比起醬汁更加似餸，唔算好辣好好食，忍唔住夾左好多落酥餅到，最後差唔多清晒啲醬。/黑松露蘑菇湯🌟入面有好多蘑菇粒，好香蘑菇味而且一啲都唔鹹。/忌廉鮑魚冬陰海鮮湯🌟睇落似就咁忌廉湯，但飲落有少少冬陰味，辣辣地幾開胃，入面仲有鮑魚、帶子、蝦，好足料。/西班牙黑毛豬肋條肉🌟一份有好多條肋條肉，係ribs的無骨版，啱晒我呢啲懶人。食完肉再食一粒菠蘿同香葉，即刻中和左黑毛豬的油香味，唔會話淨係食肉好油膩，有別一般西餐，佢用芋頭蓉取代薯蓉，有芋頭粒更香更有口感。/麻辣蘑菇雞肉扁意粉🌟一放低已經離遠聞到香辣味，但食落去冇乜辣味。有好多雞肉，肉質好嫩滑而且去哂脂肪，好啱怕肥的女士。/朱古力心太軟配雲呢拿雪糕🌟特別要讚舊雪糕，有奶香仲要有杏仁碎粒，相信係自家製喺出邊都食唔到，個心太軟都好水準，入面流心，食完都唔會覺得好甜膩。…查看更多

早聞店長是名廚，到達店門外看見一些他的獎狀。食店在高層的優勢可飽覽維港景色。午市餐單從頭盤到茶飲一共五道菜，我和太座食足個半小時。田園沙律配意大利油醋汁，菜蔬脆口而油醋汁不酸不膩。店經理殷勤招待及推薦，加試了海鮮拼盤，最欣賞是小杯内放的蜜桃帶子。我太太最喜爱湯上桌時熱氣騰騰。主菜選了鮮帶子海鮮大會配蟹肉咖哩，咖哩味有一種香而辣的味道，及西班牙黑毛豬肉爽配以烤汁味更鮮。甜品是意大利tiramisu，口味清新。再來一杯茶飲，極滿意地享受了這午膳。…查看更多

前一陣子生日，大木博士帶了我到這間餐廳吃飯。在門口已經發現有很多雜誌訪問展示，心想這餐廳一定很厲害。最深刻印象是，店內有一個外國人店員非常好笑容😊，他會主動跟客人打招呼，見到他就很開心。雜菜呠酒燴紐西蘭羊膝 $158午餐的選擇也非常豐富，套餐價錢已包沙律、餐湯、飲料和甜點。至於我點的這個主菜羊膝，肉質鮮嫩、一咬就開、還帶點入口即溶的感覺，加上醬汁濃郁，散發淡淡酒味，很好吃！伴碟的紫薯蓉少少甜，不會太膩，比平日常吃的薯蓉清新。馳名西班牙黑毛豬 $168大木博士點的黑毛豬我也有試了一少塊，醬汁和豬很夾，而且很有咬口，但略嫌有一點韌。海鮮拼盤 $88加$88的拼盤份量雖不多，但都算驚喜和性價比高🥳。海鮮新鮮，最喜歡生蠔🦪，配上微酸的青醬，沒選錯！套餐附送的甜品是Tiramisu蛋糕，還可以預先叫店員寫上生日／特別字句，當天下午好像有數枱人在慶祝生日。碰巧見到旁邊的人也有生日蛋糕，我就八卦一問：你也生日嗎，對方笑了笑並沒有回答，咦？尖沙咀這個價錢有這個質素，真的很不錯。下次有機會也想試試晚餐啊。…查看更多

放假時間遇啱陽光普照， 搵咗間喺尖沙咀樓上的西餐廳， 景觀開揚， 靜靜地非繁忙時間食個午餐特別悠閒舒暢。😎餐廳主理人大有來頭， 印象深刻係運用酒店級食材做出平民化西餐👍👍😋 顧客有口福了！打開餐牌， 午餐包括沙律，餐湯，蒜蓉包，主菜，飲品， 甜品嘅set lunch最貴的都唔過$200， 果然價格相當貼地～👍 難怪平日下午都差不多滿座！沙律菜爽脆， 顏色鮮艷令人好醒神！是日餐湯：周打蠔湯有蠔嘅鮮味， 好夠熱，好似係即叫即打，因為都等了一些時間。 蒜蓉包焗得好香， 跟蠔湯是絕配！！加$88 海鮮拼盤，生蠔，鮑魚，日本帶子，鮮蝦，蜆。冇咩期望以為一般海鮮冷盤， 估唔到都幾鲜味，生蠔有陣陣海水味👍日本帶子堅甜，那小杯白味噌更俱日式風味， 有心思，美味！ 巨型蜆肉很厚，以為會韌但竟又爽又甜！ 鮮蝦也有沒有雪味， 整體質素有驚喜！紐西蘭羊鞍$188火喉準確， 就是啱啱好七成熟 medium well😋羊鞍肉呈粉紅色 ，切落都 feel 到很嫩滑軟腍，有肉汁，完全冇羶味，又夠厚，吃得好滿足！伴菜也絕對認真， 少有嘅紫薯蓉取代馬鈴薯蓉， 甜甜地好特別。 幾塊羽衣甘藍， 賣相更精緻！美國牛肉漢堡配蝦肉蘑菇汁$158 非一般牛肉漢堡， 肉味好濃郁，juicy, 一啲都唔乾。 特別調配嘅蘑菇汁也是香濃惹味， 又唔會搶去牛肉漢堡本身的味道， 蘑菇和鮮蝦更是出色配菜， 味道豐富！甜品也是賣相精緻， 雖然份量微細， 但真是啱啱好因為幾道菜過後已經好飽足。熱咖啡味道香濃， 飯後甜品來一杯成個人都滿足曬❣️❣️…查看更多

今晚閏蜜請我到這間餐廳食飯慶生餐廳面積不算大，但景觀尚算開揚!套餐有自選五道菜或二人餐，也有散點菜式。我們最後揀了2人套餐$1488，豪一豪套餐包：海鮮拼盤 - 有四隻生蠔(新鮮爽口)，凍蝦(彈牙)，2隻磯燒鮑魚(味道oK)，帶子(個汁麻麻地)，大蜆(冇沙)香蒜包 - 剛焗好，包身鬆化，蒜味香，好食冬陰蝦湯 - 好大驚喜冬陰味香，湯質感滑，有蝦同蘑菇，辣辣地好飲開胃蘑菇湯 - 每啖湯都食到蘑菇粒，菇味香濃，好飲焗法國田螺 - 每人一碟新鮮出爐的焗田螺，薯蓉焗得好香好creamy，食落有薯仔粒。田螺外層脆皮，配上香草醬，一啖一口，口感豐富，好好味清酒蟹肉年糕 - 每人一碟熱辣辣的年糕，煙煙韌韌，個醬就蟹味鮮甜，有啖啖蟹肉，超好食主菜任選2款：慢燒美國牛肉眼 - 牛肉燒得剛好，肉質不鞋口無渣，牛肉邊位燒得脆脆的，好食配菜每款都烤過，味道都好出色，而最特別拌菜是芋頭泥，本人第一次食，覺得好特別，不錯橡果黑毛豬 - 黑毛豬厚身肥美肉嫩，配上清甜菠蘿加巴西葉食，可減去油膩感甜品 - 也是每人一碟，但已經食到好飽，所以覺得普通了點另外包每人一杯飲品(可含酒精飲品)，有加一收費。埋單後有$100Coupon，下次惠顧可使用!值得讚賞是每道菜隻碟都是熱的，可保存食物熱度，好有heart…查看更多

兩年前黎過 覺得都唔錯 諗住再黎點知都幾失望 唔係食物問題係侍應態度差食物都唔錯 尤其係生蠔海水味好正主菜叫左肉眼同羊架個人喜好啦～羊架無咩騷味有啲失望肉眼覺得普普通通反而主菜嘅配菜唔錯係紫薯蓉 同紅蘿蔔都煮得好好食因為今次係慶生但係有位侍應 戴口罩都唔識戴 淨係戴到個口露左個鼻出黎 問咩都唔出聲 唔識應人都唔需要服務好好 基本溝通都唔識連上蛋糕果時 盤都未對岩人 點完蠟燭擺底就走 一句聲都唔出 搞到好尷尬 服務態度真係好差 應該無下次 …查看更多

難得星期六不用返工，今日朋友說帶我到尖沙嘴亞士厘道食好西，食個靚西餐，來到了17-19號的19樓，Salad：千島木瓜蝦沙律沙律菜新鮮爽脆，還配有大蝦。Soup & Bread：椰菜花雞湯、蒜蓉包椰菜花好夠蓉，味道香濃，配上蒜蓉包一同食用也十分不錯。加$55可獲海鮮拼盤及紅白餐酒每杯$35蠔、八爪魚(檸檬香草汁)、磯煮鮑魚、帶子(蜜糖麵豉汁)精緻的擺盤，每款海鮮都好新鮮，而且附帶两款特調的醬汁，檸檬香草汁和蜜糖麵豉汁同海鮮都好夾；磯煮鮑魚十分入味。紅酒 & 白酒Main Course 香燒原條鮮魚 $188用一個金色型格大鍋上，能保持熱度，驚喜的是魚很大條，魚外皮燒得香脆，肉質嫩滑又汁潤，一點不會乾，配上特調的蒜蓉香草醬，十分特別。雜扒拼海鮮：大蝦，魚柳，美國牛肉眼，黑毛豬面頰 $198好豐盛的樣子，好吸引，有大蝦、魚柳、美國牛肉眼和黑毛豬面頰，大蝦爽彈；魚柳香煎，魚香脆肉嫩；牛輕切開色澤粉嫩，牛味香濃；豬面頰十分腍嫩入味。是日甜品作結，甜度適中，Creamy軟滑，滿足。Coffee/Tea…查看更多

今日約左朋友到尖沙咀shopping, 先食個到chef stage debut Eddy Chu度食lunch。每人一個餐，燒美國牛肉眼同香燒原條鮮魚。前菜沙律係日式青瓜蟹子沙律:菜都好新鮮好味道，醬汁混入蟹子更加好味道。蒜蓉飽:香口有牛油同蒜蓉味。餐湯:南瓜雞肉湯好香南瓜味道加上忌廉同雞肉更加好飲。加左個海鮮拼盤:生蠔有好正海水味，新鮮。鮑魚爽口彈牙個醬汁都好香。日本帶子鮮味十足。鮮蝦肉質好好又鮮味八爪魚肉質同味道都好優良。燒美國牛肉眼：肉質好好，肉汁都好多，外面脆入面多汁，好好味道。仲有紫薯好香好味道，雨衣甘藍同蘿蔔都ok。香燒原條鮮魚:成條大倉魚，真係好大條魚。魚入面仲鎖住好多汁，魚肉嫩滑。同樣有雨衣甘藍，紫薯，蘿蔔。凍咖啡都幾香濃。熱檸水正常。甜品：甜甜地好味道。…查看更多

今日天氣好好☀️藍天白雲，呢間餐廳起正19樓個view 真係唔錯，如果夜晚黎應該更加好feel.✨set lunch 包沙律，餐湯，蒜蓉包，仲有甜品送添，另外可以加$55追加海鮮盤或$35加紅白餐酒。✨蝦仔田園沙律： 隻蝦一d 都唔蝦仔喎😁，大大隻夠鮮味爽彈，仲有我最鍾意既薯仔紅蘿蔔沙律，如果d 沙律醬可以多d 就更good~✨海鮮拼盤：加$55真係抵食又豐富， 醬漬鮑魚大大隻幾入味，彈牙鮮味得黎又唔會太韌，佢個綠色香草汁點海鮮真係好正，辣辣地勁醒胃😙。✨南非鮑魚食落creamy 易入口，帶子入面個麵豉汁都好正好特別，好味得黎又唔會搶走帶子既鮮味。另外八爪魚同埋凍蝦都幾高質，食開呢個lunch 一定要加。✨蘭度豆湯幾得意，除左粒粒豆蓉仲有洋蔥同紅蘿蔔粒幾有口感。入面仲有一舊舊好腍既肉，有啲似煲湯嘅豬𦟌，呢個湯真係夠晒飽肚。✨蒜蓉包都好大件，外皮鬆脆蒜蓉味都好香。✨法國雞胸配蝦仔蘑菇汁($148): 賣相好吸引，蘑菇好大粒同多汁，個蝦加埋d 汁都好好味。 雞胸啖啖肉得黎唔會嚡口👍🏻配菜都份量十足。大大舊紫薯蓉，豆角，蕃茄同紅蔔蘿，真係超級飽肚。✨西班牙黑毛豬（$168): 居然有三大塊，真係嚇親😱.個豬好爽口而且肉味幾濃，上面加左d 黑椒碎點埋個汁幾惹味，食完真係飽到今晚都唔使食。✨最後仲有甜品，好彩係mini size. 個朱古力mousse cake 好滑，食落唔會太甜，今餐真係勁滿足，劃上完美既句號，無論環境同食物都好高分👍🏻…查看更多

尖沙咀向來頗多隱世食肆，其中亞士厘道算是當中集結地之一，但隨著市區發展汰弱圖強的情況下，這一帶近期好像又在改頭換面之中。最近筆者就來到其中商廈內的一間隱世好店，雖說是隱世，但其實大有來頭，從門外的獎項已可見一斑，而且還是由入廚達30年之久的5星酒店名廚Eddy Chu主理，味力非凡，人氣鼎盛。餐廳因應間隔，設計成左右兩邊的大廳，每邊均有落地玻璃可以一覽尖沙咀都市美景，開揚自在。店內地方雖不算闊落，座位也不太寬闊舒適，但柔和的燈光配上簡約清新的裝潢，氣氛仍算浪漫怡人，加上晚餐時段聘有一位歌手獻唱鄉村風歌謠，讓氛圍更顯輕鬆自在。店家提供的五道菜晚市套餐，選擇覆蓋甚廣，有齊前菜、沙律、湯品、主菜和甜品，價錢會因應主菜的不同而有所差別，豐儉由人。而客人亦可以$98加配海鮮拼盤，筆者當然亦不會錯過，實行一餐內盡享鮮味。Seafood Platter 率先登場，擺碟精緻款式多樣，有齊凍蝦、生蠔、八爪魚、日本帶子和磯煮鮑魚。端上來時店員先簡介了每款醬汁的特色和配搭，凍鮮蝦配上冬蔭功醬汁，爽彈酸甜，提鮮之餘更滲著泰式風味；生蠔選用了南非蠔種，蠔肉厚身，入口Creamy帶著淡淡的海水味，蠔味十足。八爪魚片帶嚼勁但不會韌，配上檸檬香草汁，鮮味彈牙；日本帶子以Shooter杯奉上，大廚秘調了蜜糖白麵豉醬搭上嫩彈的帶子，鮮甜爽嫩，蜜甜中帶著淡淡的麵豉香，醬汁很有特色，份外鮮美。磯煮鮑魚件頭十足，煮得軟腍入味，新鮮嫩彈，不蘸醬汁只啖原味已很鮮香。整道拼盤雖不是很矜貴的海鮮，但$98實在超級抵食，加上其價值所在是大廚的秘製醬汁，配搭出色誠意可嘉，有著畫龍點睛之效。接著到頭盤前菜，乳酪鮮蝦芒果沙律，鮮甜芒果配上新鮮大蝦，加上爽脆的沙律菜和乳酪汁，酸甜中滲著淡淡的夏日氣息，清新開胃。松露白汁免治豬及魚肉意大利雲吞，雲吞皮厚薄適中，包上豬肉和魚肉餡料，肉味香濃，入口帶點軟糯煙韌，配上充滿黑松露幽香的松露白汁，濃厚Creamy，完全提升了味道層次，實在好食到停不了口！而湯品亦有2道選擇，黑松露蘑菇湯，超級濃郁的蘑菇香，每一口均帶著蘑菇碎粒，口感豐富；黑松露的幽香更將菇香突出起來，香滑Creamy，那股香氣在口腔內縈繞不散，讓人喝完一啖接一啖，完全抵抗不了那醉人誘惑。冬蔭功忌廉湯，泰式冬蔭功湯就飲得多，冬蔭功忌廉湯還是第一次嘗到。平時飲冬蔭功多數偏濃厚酸辣，而且有很多不會吞嚥的配料如香茅和南薑，喝起來有點麻煩，影響口感。而這道忌廉湯口感幼滑，沒有多餘的配料，加上忌廉添上奶香之餘亦中和了冬蔭功的刺激，還放入了蝦仁增加彈牙嚼勁，層次多樣，富泰式風情亦有西色忌廉湯的幼滑，是一道很獨特的Fusion菜。慢燒美國牛肉眼，一端上來時賣相震撼，極大塊的牛肉眼呈現眼前，差不多有2隻手掌的大小，對於筆者這個牛魔王來說實在是極度誘惑，以慢燒的做法處理，3成熟火候控制得宜，肥瘦比例剛好，色澤粉嫩，肉質鬆軟，肉汁豐盈，牛味香濃，簡單加點岩鹽和胡椒已很美味，配上隨碟的燒汁更是搭配，啖啖都是極致滋味，是筆者近年品嚐過，近乎做得最好的一塊肉眼扒！而伴碟的紫薯泥也不馬虎，濃濃的紫薯香，幼滑中帶清甜，添上了不同的味道有中和濃膩之效。燒澳洲羊鞍，羊鞍同様做得出色，燒得外焦內嫩，肉質香軟多汁，羊羶味淡淡的不會過濃，美味的燒汁亦提昇了味道的層次，各方面都平衡得宜，只是之前那道慢煮牛肉眼實在太出色了，令到羊鞍有點點被比下去的感覺，但其實做得已很不錯。最後甜品是忌廉蛋糕卷跟朱古力泡芙，簡單中見心思，其中的朱古力泡芙酥軟滑溜中帶濃厚的朱古力香，雖不是很突出但仍算到位。縱觀整餐來說，由環境氣氛到店員招待均做得一絲不苟，還有專人獻唱攪氣氛實在是Bonus，在內用餐放鬆自在；加上菜式創新有心思，出品質素更是好得無話可說，中檔定價實算合理超值，難怪人氣長期高企，廣受歡迎，個人認為更是兩口子浪漫晚餐的不二之選！如此用心經營的高質餐廳，絕對值得向大家推介支持一下。…查看更多

每個人都想有自己發光發亮嘅舞台，不過，現實中，就唔喺個個人能夠做到，除了因為個人嘅才能、性格，有時際遇都會喺一個因素，但喺，常言道，有志者事竟成，可惜，呢句嘢就唔啱小弟，小弟做人都喺喜歡閒逸啲。然而，今晚嚟到「Chef Stage de Eddy Chu」，就當然喺一個讓主廚們發揮嘅舞台。餐廳位處19樓，對側邊一帶嘅建築物而言，已算喺居高臨下，加上餐廳幾邊都喺大玻璃窗，故此，雖然只喺樓景，但感覺開揚。而講到室內嘅環境，裝修簡約，卻就甚富情調，柔和嘅燈光，舒適嘅梳化櫈，加上有駐場嘅結他手，配以其磁性聲音，氣氛絕對一流。所以，慶祝生日、賀特別日子、求婚……等等，都喺個上佳嘅選擇。老陳皮燉檸檬正想細閱餐牌有咩好食，突然侍應送上「迎賓特飲」，細細杯，色澤深沉，入口涼快之餘，又有種醇厚感，有餘韻，之後慢慢滲出檸檬清香，喺一杯有層次嘅特飲。如果再想飲多杯，就要奉上$19.9喇。細閱餐牌，其實選擇都幾多，大類就分為冷熱前菜、湯品、主菜及甜品，單喺睇菜式名，都幾特別吓。如果想食得划算啲，就可以向套餐着手。套餐方面有兩大類，第1類喺「精選5道菜晚餐」，包括前菜2揀1、餐湯、主菜共8款選擇及甜品，定價視乎所揀嘅主菜（$468 - $568 + 10%），而每個套餐可額外另加$98配一客1人份嘅海鮮拼盤。而第2類喺「精選2人晚餐」（$1,488 + 10%），而內容非常豐富，包括蒜蓉包、紅白餐酒、海鮮拼盤、餐湯、2道前菜、主菜10揀2及甜品，由於量足份大，可以講喺3個人都夠晒食。飲品餐牌都順帶介紹一下，咖啡、茶、汽水、特飲、雞尾酒、啤酒，以及多款紅白餐酒。雖然我哋所揀嘅「精選2人晚餐」已包紅白餐酒，但店家都好貼心，如對餐酒不大興趣嘅朋友，亦可以轉飲其他特飲。檸檬蜂蜜特飲（Lemon Squash）、莎利譚寶（Shirley Temple）小弟要咗杯檸檬蜂蜜特飲，以檸檬、蜂蜜，加上梳打而成，感覺襯海鮮，以及稍後嘅肉類主菜都好唔錯，友人就揀莎利譚寶，以石榴糖水配梳打，夏日飲落令人感到冰涼清甜。海鮮拼盤晌餐牌度已清楚寫明包括有生蠔4隻、鮑魚２隻、日本刺身帶子2隻、鮮蝦4隻、八爪魚5片，一大盤擺晒出嚟，色澤光鮮，份外有睇頭，最特色喺仲配以3款特色汁醬供佐食，分別喺香草芫荽醬、冬陰公汁及蜜糖麵豉汁，可以講各具風味，各有個性。八爪魚啲八爪魚薄切而厚薄均一，所以，咬落口感一致，柔韌而具口咬口，小弟就揀咗配隻香草芫荽醬，更能襯托出八爪魚嘅鮮甜味。鮑魚大大隻磯燒鮑魚，雖然唔知來源地，但質素一啲都唔失禮，切落去有啜刀嘅感覺，而且，食落有鮮鮑味，小弟就試試配隻冬陰公汁，好有東南亞風，夠個性。日本刺身帶子睇見隻帶子雪白厚肉，就知喺靚貨，早早已浸晌小杯中嘅蜜糖麵豉汁，帶子質感鮮爽，配以蜜糖麵豉汁，有種和諧感，因為麵豉味經蜜糖滋潤吓，變得溫和。生蠔侍應介紹佢哋嘅生蠔都喺嚟自法國，視乎有咩靚貨就俾邊款，而佢哋開蠔時，無切埋柱位，以證明喺新鮮貨色，啲蠔好厚肉，口感屬綿滑型，有餘韻，侍應建議配冬陰公汁，味道又的確幾有趣。鮮蝦啲蝦夠鮮，基本上點整都唔差得去邊，而單單灼熟做凍蝦，質感爽彈，味道鮮甜，又配吓香草芫荽醬，又配吓冬陰公汁，喺味覺有趣嘅體驗。黑松露蘑菇湯食完一輪海鮮，都喺時候上個熱湯暖番個胃。呢一款就比較大路兼常見，但要做得好都唔容易，個湯啲蘑菇打得細碎，卻又保持一定嘅口感，味道濃郁，而且，帶有好幽香嘅黑松露香氣。忌廉冬陰蝦湯而我所揀嘅呢一款，絕對有驚喜，入口時味道跟泰式嘅冬陰功湯相差無幾，香料味令個湯好有層次，不過，口感非常之滑溜，如一般西式嘅忌廉湯，加上裡面仲有好多鮮蝦，用料十足，值得一試。焗法國連殼食田螺餐湯之後喺兩道前菜，初時，我睇餐牌喺以為個套餐所包嘅兩道前菜會喺兩個人一齊「些牙」，點知原來喺一人一份，雖然細細哋，食吓食吓都幾飽肚。先講遁田螺，起初都唔太明點樣「連殼食」，原來喺師傅用麵粉做咗個脆殼，故可以一口整粒連殼田螺放入口，個外殼堅脆，而田螺肉有韌勁，鋪滿香草醬，好食。松露白汁免治豬及魚肉雲吞另一遁前菜喺意式雲吞，但就釀入免治豬及魚肉，食起嚟口感有啲層次，而外皮亦有咬口，再添上松露白汁，綿滑幽香。慢燒美國牛肉眼諗住個套餐又有海鮮拼盤，又有兩道前菜，主菜嘅份量應該會精緻行先，點知份量勁勁勁十足，平常點啲晚餐，肉眼份量標準都喺俾8安士，但送到嚟眼前份肉眼，目測估計12-14安都有呀，仲伴有黃椒、法方豆、甘筍及蕃薯蓉，單喺只食呢道主菜都飽晒啦。由於件肉眼採用美國優質靚貨，燒為7乘熟（友人唔可以食得太生），切開肉質色澤粉嫩，唔會有血水滲出，一小件放入口，外層帶點焦脆，而裡面非常之軟腍，又極富肉香，果然甚具質素，沾少少芥辣，已十分之好食。橡果級黑毛豬肉另一道主菜要咗黑毛豬，一客俾咗成4件肉，睇見啲份量喺咪無講錯呢，成個餐真喺3個人都夠食。除蕃薯蓉及烤時菜外，較特別喺伴多一份羅勒配菠蘿，等客人食落覺得輕怡少少。啲黑毛豬肉都唔錯架，首先啲質肉就唔喺好嚡，仲有啲爽爽咃嘅口感，再佐以一小口新鮮菠蘿，令味道好平衡。歌劇院蛋糕最後，甜點登場，滿以為都喺啲慕絲蛋糕、芝士餅之類，但竟然喺歌劇院蛋糕，更配以一小杯芒果布甸，再擺設得好靚先上枱，賣相已經攞足分。件歌劇院蛋糕層次夠晒分明，入口充滿咖啡及朱古力香味，而蛋糕底更喺浸咗咖啡酒嘅版本，兼且少甜，至於杯芒果布甸嘅芒果味甚濃郁，落足料。檸檬蛋白批至於另一道甜品喺賣相清爽嘅檸檬蛋白批，批底覺得有少少厚，但仍然鬆化，而中間嘅軟漿做得好軟滑，清爽酸香；面層嘅蛋白個人就覺得削咗啲，無咗份綿密感。臨走，再經過門口，原來，主廚仲得過唔少獎項，可以講喺對出品有一定嘅保證。整體而言，除咗環境有氣氛、食物有質素之外，服務仲好熨貼，上菜又做到同步，真喺渡過稱心嘅一夜。…查看更多

個晚是慶祝太太同自己生日，上網搵左20-30間法國餐，其實大路出名既我們也試過，今次是想試新地方。從網上大至說這餐廳廚師攞過獎，有現場live band，環境浪漫，有海景，完全合乎要求，訂枱。上到去一出lift門，我竟然見到一塊透明膠黎做入門簾，我即時望望我有冇去錯地方，冇錯。再行入去，吾L係ah，呢度叫環境浪漫？地方細不打緊，問題係佢枱與枱之間係勁貼，坐位係硬椅，窗簾竟然係用「百葉簾」，坐底未食，已夠伏。因為塞車，差吾多7點半先到，侍應說8:30交枱，我都心知賴野，怕吾夠時間食，話晒法國菜麻，點知呢個時候侍應送上兩杯水，但係用「宜家水杯」，我和太太眼都突埋，coco duck隻杯都好過佢，呢度搞咩？算，可能食物非凡，但仍是在心亂如麻下點了幾樣食物。食評睇圖，但白膠盤，金鳳汁，原隻春雞，微型甜品，太太已黑晒臉。問題係，你吾係法餐咪出聲，如果我以食金鳳，coco duck 既心態，其實今晚係ok。小插曲，叫了3杯酒，竟然間餐廳係得二三種法國酒！其他全是智利西班牙，埋單成兩千，最後，呢餐法國餐比我食金鳳還要快，汁時8:30交枱，吾好再催我。真心，浪漫、環境好，伏。食物賣相，再伏。服務質素，三伏。食物味道，算吧，整熟俾你就叫攞獎廚師？我太太假假地都藍帶畢業。多謝攞獎廚師今年將個生日飯搞到咁難忘。總結，不。推。介。打。手。食。評。餐。廳。…查看更多

放工第一件事是，肯定為咗驅趕滿滿的疲憊感來慰勞一下自己了，係openrice挖到呢間CHEF STAGE de Eddy Chu；海鮮拼盤：睇到就流曬口水，以秘製醬汁和新鮮取勝，生蠔又大又肥美，加上惹味青檸汁，味道好正。咕 一聲食落肚好正。 帶子浸在麵鼓醬內另有一番滋味。乳酪鮮蝦芒果沙律呢個沙律買相靚,清談健康食落都好FRESH, 好食!仲有餐飲都可以~總既黎講，呢間鋪頭絕對值四星評分，大家不妨可以嚟試試…查看更多