滾得囍宮廷火鍋小炒

武漢肺炎之後都會盡量避免一D 不必要既飯局, 但係有D 飯都係要食既~ 我地首選緊係打邊爐啦~ 我地本來揀咗呢間, 但係佢FULL 咗, 冇得食, 我地已經諗定PLAN B.... 點知surprisingly 食嗰日打黎, 話有位~ YEAH!!!! 我地可以食返PLAN A 喇!  呢間都係FRIEND 介紹, 佢話食過好好食, 尤其是佢個響鈴~我地去到, 見到佢裝修都幾特別, 好宮廷FEEL, 我地坐卡位, 都夠位, 幾舒服~ 我地叫咗佢個椰子藏雞濃湯鍋, 上枱既時候, 真係好啱打卡, 好似有乾冰咁既效果, 好正~ 影相一流~   我地仲叫咗好多嘢食, 當然唔少得FRIEND 推介既黃金響鈴啦~ 我地仲叫咗黃金炸魚皮, 細既手切頂級安格斯牛肉, 鹿兒島日本黑豚肉, 黃沙靚豬潤, 手打珍珠帶子墨魚丸,  新鮮手打鳳尾鮮蝦丸, 日本廣島蠔, 脆肉鯇魚, 海鮮拼盤, 蓮藕片, 竹笙, 鮮淮山, 南京鴨血, 皇帝菜~ 真係好多嘢食..... 難得出黎打邊爐, 緊係想食乜就叫乜啦~佢個海鮮拼盤真係好抵食, 398 都有幾多海鮮, 又好新鮮喎, 佢個黃金炸魚皮超級好食~ 其實佢全部嘢都好好食, 真係正~ 個FRIEND 冇介紹錯~佢仲有得JOIN 埋MEMBER, SCAN QR CODE 入資料, 好簡單, 咁就有85折, 仲有個黃金響鈴送, 真係正~ 佢唔係好平既打邊爐, 但係論食材黎講, 佢真係高質, 有85 折, 都慳唔少~ 下次BOOK 到都可以再黎~ …查看更多

這個星期日中午，我們一家四口去左北角滾得囍打邊爐。入到去，餐廳環境偏暗，另外裝修都好中國特色，坐位的擺放，就好似入左中國既古老大屋咁，似番左大陸食飯。😂食物方面，我們點左海鮮拼盤，有蝦、帶子、青口、蜆、聖子，海鮮食材都好新鮮，食落都好鮮甜。😋😋手打芝心牛肉丸好正，牛肉係新鮮牛肉，爽口彈牙，肉丸中心芝士將整體牛肉丸味道提升，唯一不足嘅係份量太少，四個人只可以每人一粒。🙂雞肉就普普通通，半隻雞既份量又是比較少，花膠就比較薄，沒什麼特色。😅我們仲有食咗薯粉、雜菇拼盤菜苗帶子餃同埋黑松露野菌餃，都是正常發揮。😆餐廳最後還送我地一客朱古力奶凍甜品，食落唔會太甜，都恰到好處。在中式餐廳食了個西式甜品係幾特別。因為有折，四個人最後埋單食咗近$1000，人均大約消費$240 ，我們都食到好飽。不過個人覺得還是偏貴。…查看更多

今日去了 北角 一間餐樓上餐廳「滾得囍宮廷火鍋小炒」食火鍋🍲，餐廳依家有一個68折優惠 (優惠時間為中午12:00至下午5:00)，最後我哋叫了：1️⃣ 順治特色卜卜蜆鍋 $1982️⃣ 海鮮拼盤 $3983️⃣ 鹿兒島日本黑豚肉 $1684️⃣ 滾得囍宮延丸拼盤 $1385️⃣ 萵筍 $426️⃣ 醬介 (2 x $28) $56整體來講：用料新鮮，味道唔錯價格💰：$798 ($1,000 + 優惠 -$302 + 加一服務費$100)味道😋：OK…查看更多

上網見到呢間火鍋好有特色，就約左好友黎慶祝生日🎂餐廳裝修得非常有中國宮廷特色，比較少見檯面仲有聖旨，非常有gimmick小菜有四碟，有薯仔絲、鹹菜頭、青瓜同花生，味道都唔錯湯底方面我地叫左個順治特色卜卜蜆鍋，黎到既時候中間有煙霧噴出，非常浮誇重點係味道都好好，用左非常大量既卜卜蜆，湯底一定非常鮮甜啦！蜆肉隻隻都好新鮮飽滿，食到我地好滿足！我地叫左個海鮮拼盤，有蝦有聖子有鮑魚有帶子有青口有蜆肉，足足六款海鮮咁多！其中最好食係聖子，真係勁鮮甜大隻！！另外叫海鮮拼盤係會送4卷黃金響鈴架加左鹹蛋黃醬既黃金響鈴雖然邪惡但真係好好食，如何我地叫左麻辣湯底應該更正！最後仲叫左個滾得囍餃子併盤，總共有5種不同口味，有和牛芝士、黃金沙葛、菜苗帶子......款款都好美味同各據特色！！用和牛來做的餃子，真係特別juicy！加埋芝士更加特別菜苗帶子餃的菜苗很新鮮，打成蓉既帶子口感彈牙黃金沙葛餃內裡有鹹蛋和沙葛，鹹蛋非常香，沙葛的口感爽脆，係好新鮮既配搭韭菜餃子雖然好食但係不太特別…查看更多

天氣稍稍一凍， 女朋友(貴妃)就話要食火鍋。因為坊間太多劣食火鍋，決心尋找有d驚喜既地方。事關熱底，所以就打算叫個冬瓜鍋。呢個鍋叫做吳三桂冬瓜鍋，叫得吳三桂，唔通特別二五？!除左乾冰漂亮，一揭開個吳三蓋，都幾驚訝個冬瓜咁靚。餐廳咁有心機值得一讚。鬼馬油炸鬼，噫？油炸鬼係邊？原來收埋左響入面!好有趣既原創菜式。再黎爽口彈牙既魚肚！而全晚更勁既就係呢個海鮮拼盤！呢四隻唔係普通size既蝦。比起大人手掌都仲要長！而且好新鮮，蝦味濃郁，仲有海既鮮味，vely good.而一向重秤既聖子都有包埋， 抵食！拼盤當然有本皇成日食既鮑魚啦～而且清潔得好乾淨， 非常好。而叫海鮮拼盤係會送你4卷黃金響鈴。黃金響鈴唔係炸到黃金色，而係加左鹹蛋黃醬，太邪惡了。第一次食完火鍋有飽而不膩既感覺。由於餐廳裝修，食物，去到職員服務都好好。本皇覺得呢度算係世界級既火鍋店。不錯，請繼續努力。…查看更多

以價格用說食物質素一般，環境衛生及裝修好有特色，只不過服務態度甚差！說明營業時間到晚上1:00，11點幾未到12點就被要求離坐，即使食物未食完，最後只好拎住隻煮熟嘅蟹走，加 $1膠袋費，還有些蔬菜未煮所以無帶走。而店員解釋是商場收12點會關門，就算營業時間到1點都要12點走。可能我見識少，從未試過食物未食完就被離開，我要反省一下。自問有禮貌，被要離開時只是要求要食物外帶走，但員工面有難色，原本愉快晚餐變得好無奈。附上食物照片只有一部分，未有逐碟影。…查看更多

皇上～臣妾今天想吃火鍋🍲這家是走中國古代宮廷風的火鍋店，很特別。音樂非常出色。推薦：🌟康熙花膠雞湯鍋 $388一隻 $288半隻料足！花膠超級多！雞很嫩滑！當然是喝一碗熱呼呼的湯先啦！🌟牛肉宮廷拼盤 $488印象中有和牛、牛舌、牛肉粒、牛爽肉等等。在隨便單點一份牛都要$98-$3xx的情況下，這個拼盤就十分抵食啦！一次試曬7種牛肉～🥩🌟海鮮拼盤 $368 又是一個十分抵食的拼盤。有海中蝦（十分大），聖子皇，珊瑚蚌還是桂花蚌，沙白蜆共6種海鮮。還送迷你黃金響鈴（4件）喔！🌟黑松露墨魚滑 $78可以試下不點醬油吃，非常香的黑松露味～讚👍🏿🌟厚切午餐肉 $38不同於以往的午餐肉，外面炸了一圈可以直接吃也可以放進去煮。🌟黃金響鈴 $68十分推薦！又是和外面的火鍋店不一樣！外面包了一層鹹蛋黃！十分好味！❤️總結的說這是一家味覺，視覺和聽覺都得到享受的火鍋店👍🏿👍🏿…查看更多

呢一日屋企人話好想食火鍋, 心諗熱辣辣食乜鬼火鍋~不過好, 我搵~ 俾我搵到呢間滾得囍~黎到八成滿到啦～估唔到都咁full, 香港人就係中意開大冷氣打邊爐~吹咩一入到去, 裝修又幾有心思, 古代裝修, 餐牌係聖旨黎, 又幾盞鬼😹😹打開邊爐一黎到, 梗係知道乜都唔好理, 嗌左湯底先, 我地揀左花膠雞鍋, 餐廳侍應哥哥係我地面前將兩塊面膜咁大既花膠慢慢剪落去。。, 叫我地滾左飲啖湯 食塊花膠 熱左身先轉入直路。佢岩, 花膠雞湯係正既, 濃濃湯底, 醒一醒神。劈頭黎既係~~~海鮮拼盤!!賣相非常吸引, 有鮑魚, 蜆, 青口, 元貝, 貴妃蚌海鮮乾唔乾淨 最睇到餐廳功夫有冇做足! 呢到非常好, 首先個殼洗得乾淨, 唔係都唔知擺唔擺落去好, 而且食落無沙。再講食落非常有鮮味非常好!跟住要上牛啦～~脂肪分布平均, 半肥瘦, 正啦, 無得彈。跟住黃金兩寶係有心思! 響鈴同炸魚皮都有沾左蛋黃醬, 皇上都大叫邪惡!跟住散叫左d 蔬菜類同墨魚滑。墨魚滑係有加黑松露係面頭, 估唔到兩者咁夾喎~蔬菜同雜菇拼盤都幾抵嗌, 一盤食齊晒咁多種類, 最岩揀飲擇食既香港人~~最後黎左碗雪耳雪梨糖水潤一潤, 4個人飽到滯。總結黎講, 火鍋配料一定要講究, 呢度食物唔錯, 新鮮乾淨都頗有心思。有機會再黎~…查看更多

陪完屋企人新光睇完大戲，轉個灣就黎呢左間宮廷式既火鍋餐廳，門口仲有龍椅俾你拎住聖旨影相打卡，仲可以印埋張相出黎架！湯底我地揀左麻油雞，黎到時，會灑上酒再燃點火，非常壯觀又有睇頭，最後再加入麻油湯，等10分鐘左右就可以起筷啦海鮮拼盤都好抵食$368 海鮮新鮮又靚，隻隻都大大隻架仲送左四件黃金響鈴，個響鈴第一口食真係食到我哇一聲係喊蛋黃既響鈴啊！仲要熱騰騰即食真係好好好好好食呀再黎個牛肉拼盤，一盤真係好多，牛有牛味鮮嫩多汁，牛肉就咁卓一卓就食得啦，唔洗滾好耐，有唔同部位有唔同既口感，我唔識分部位只覺得每一款都好食過出面既牛多多聲手打丸拼盤：賣相好靚，食落彈牙爽口，五款口味，芝士流心牛肉丸，係我既最愛鴨血打邊爐非常好食，佢仲要係厚切，厚切，厚切好有口感滾我耐仲好入味呀！半熟五花腩都係滾一陣就食得，唔太肥，爽口的！豬潤係我既至愛呀⋯⋯睇佢幾靚！流得乾淨無異味乾貝滑都好正，面頭鋪滿瑤柱，滾起浮面就食得，又彈牙又鮮味餃子拼盤十粒，亦都有五款口味，有黑松露口味，好特別，但我鐘意，每次拎上黎時，餃子內都充滿哂麻油雞既湯汁，等佢凍小小連埋湯汁一齊食，真係好刺激味蕾成餐食得好滿足好幸福啊餐廳成個氣氛都好好，環境中國風好吸晴，員工風趣又有禮，個個笑容滿面…查看更多

返工咁辛苦為咩？都係為左可以食好野。最近好想打邊爐，所以兩星期前已經約左朋友一齊打邊爐。朋友介紹「滾得囍宮廷火鍋小炒」，話服務好味道好，所以今次試下先。一入去真係有宮廷氣派，門口右邊有張金色龍椅，店內裝潢都有宮廷感覺。其中一張點餐紙都有特色，係一張聖旨哦！點了牛骨鍋，有幾條大大條既牛肋條呀。味道係濃濃既蕃茄牛肉味。一場黎到，當然要食最高級既飛驒牛。每片飛驒牛油脂分佈平均，而且擺放華麗。最特別係佢可以生食或者煮熟食架！個人認為生食口感不錯，不過牛味就無熟食咁濃，而半生熟都係一個好選擇！另一重頭戲係海鮮拼盤，蝦大大隻好彈牙。蜆亦都好鮮甜。青口就有待改進。原本想點蠔，以為海鮮拼盤會有，點知無呢⋯⋯不過海鮮已經好多，下次再點啦！點海鮮拼盤會送四卷響鈴，呢間響鈴好特別，係有鹹蛋碎在内架，所以好香口！之後仲點左手打丸同乾貝滑，都好彈牙呀！配埋啤酒就好滿足！仲要係手工啤，有少少薄荷味。…查看更多

今天跟家人到充滿帝皇氣派的餐廳打邊爐，一嚐豪華高級的火鍋美食﹗甫一走進餐廳，映入眼簾的是一張大大的皇帝坐位，餐廳的佈置亦很有古代氣氛。環境一流，不知食物又如何呢？餐牌食物選擇豐富，除了基本的食物，這裡連刺身都有。醬料及前菜一早奉上，任君挑選。我們先點了多爾袞羅宋牛骨鍋湯底，鍋中有多條大大條的牛腩/牛肋條，非常足料。手切頂級安格斯牛肉果然是頂級，看得出牛肉脂肪分佈均勻，一片片美美的放在噴出煙霧的盤上，華麗非常。除了好看，味道亦很好，牛味充足，咬落軟淋。鹿兒島日本黑豚肉又一美麗登場﹗一片片掛在特製的木架上，還有個黑豚肉小花在旁。長長的黑豚肉肥瘦適中，滾熟了一整片吃下去肉味十足，一點也不UN。牛柏葉很爽口，滾一會便可夾上來吃，不然會過老。餃子拼盤有10隻，每種都很足料，包到大大隻，而且吃得出很豐富，味道有層次。海鮮拼盤有多款海鮮，蟶子、蜆、蚌、蝦及青口。每款海鮮都很巨大，尤其是蟶子及蚌。我最喜歡的是蝦，很彈牙很新鮮。黃金響鈴大大卷響鈴炸得好看，濃厚的鹹蛋黃想不到跟響鈴如此相配，滾一滾便吃得，好吃﹗正宗日本稻庭烏冬最後吃個稻庭烏冬，跟湯底很襯呢﹗另外值得一讚是餐廳服務員很有禮貌，殷勤用心﹗…查看更多

今日朋友相約到北角相聚，大家都想揾個地方食下美食，近近地鐵站就大家方便啦同好友提意下食「吳三桂消暑冬瓜瑤柱脯鍋」貪其夠正氣Order 兩個小食滿足下我地個胃先，秘制川式蒜泥白肉，及泰式紫菜墨魚餅，蒜泥白肉味道濃郁，中間還夾雜筍絲，墨魚餅夠彈牙，醬汁有少少酸手切飛驒和牛，店員教我地試下食剌身，後再淥來食，Wa......，已溶化在我的口中鹿兒島日本黑豚肉，掛得井井有條，仿似向我招手，肉質嫩滑海鮮拼盤，款式多，新鮮取勝最後點左碟近排興起的「黃金魚皮」，新鮮即制，咸蛋黃沾滿炸魚皮的每一角落，無得輸個陣幾有氣勢樓下已經有個大招牌引領我地上去 1/F唔只火鍋，還有小菜食 tim …查看更多

身為火鍋控必定會四處尋食，而前排接男友收工，搵到滾得囍宮廷火鍋，兩個人滾完之後，真心覺得滾得盞！呢度係一間走華麗宮廷風嘅火鍋店，除咗火鍋之外，亦有好多小炒供選擇，而我地當然主功火鍋啦。一入門口就有張金碧輝煌嘅龍椅，店內裝修得好似以前嘅宮廷咁，連燈飾、座椅全都一絲不苟，著實係心底裡加咗分。好啦，一坐低餐桌上有道「聖旨」同「接旨」，原來係點餐紙同埋簡介，哈哈，真心覺得有心思。前菜同醬料方面都盡顯餐廳嘅誠意，前菜都幾好食，雖然我地只係兩個人，但係餐廳絕不欺場，依然提供四款前菜俾我地。特濃冰凍洛神花茶 HK$38 (推薦指數：4/5)味道香濃飲落無糖水味，好冰凍，飲落味道帶少少酸，所以打邊爐飲更加令人胃口大增。康熙花膠雞湯鍋(半隻) HK$288 (推薦指數：5/5)呢度嘅湯底實在太多選擇，而我地見到其他枱都有點康熙花膠雞湯鍋，所以被呢個花膠雞湯鍋吸引住，真係好正好有誠意！！湯底雞味濃郁，色澤金黃，而雞係另上嘅，養顏花膠大大片而且非常厚身。餐廳教我地可以先飲雞湯，我飲咗兩碗先停口，然後再放入花膠，而本身雞經已有7成熟，所以食幾多落幾多就唔怕會嚡口。放落湯底滾一滾就可以食，龍崗雞嘅雞肉非常嫩滑有雞味，食落絕對唔油膩，呢個湯底呢個配搭個人覺得超值，如果唔係太飽，呢個湯底絕對可以湯撈飯嚟食！！手切飛驒和牛(100g) HK$288 (推薦指數：3.5/5)老實說呢個牛就有點點失望，上枱賣相非常精緻，可惜油脂紋理分佈不算均衡漂亮，雖然店員話可以兩食，但係見到仲係好冰，難以當刺身。不過輕輕一涮之下，入口仍有入口即溶嘅感覺，牛味挺濃而且食落好軟腍，不過不失，可能打邊爐食返安格斯牛會比較合適，下次多人嚟會點手切牛肉拼盤三試。珍珠帶子墨魚丸(8粒) HK$78 (推薦指數：3.5/5)自家手打嘅肉丸值得一試，入口彈牙，絕對同平日街邊嘅肉丸口感完全兩回事。墨魚丸入面有粒細細粒嘅珍珠帶子，能增加口感同鮮味。海鮮拼盤 HK$368 (推薦指數：4/5)我係一個海鮮控所以打邊爐點都要有海鮮先夠滿足，不過兩個人打邊爐又真係好難嗌幾款海鮮，所以呢個海鮮拼盤確係好啱兩個人share食。拼盤入面有好多款海解，海蝦仲係新鮮到識郁㗎，份量都幾足，兩個人食海鮮都食到飽飽呀。特別一讚隻鮑魚好大隻又新鮮，入口彈牙爽口，實在非常好食呀！！窩荀 HK$32 (推薦指數：4/5)窩荀係我每次打邊爐must have item！呢度嘅窩荀好嫩口又唔老，好味道。菜心苗＆竹笙 前HK$28 後HK$58 (推薦指數：4/5)菜心苗好新鮮。而竹笙份量非常足夠，抵食，食落好爽口，加上又索哂雞湯，真係食得好爽。窩荀係我每次打邊爐must have item！呢度嘅窩荀好嫩口又唔老，好味道。原來呢度每日都會有唔同嘅糖水送俾客人，今日就有幸收到木瓜雪耳，煮得好好食，唔會太甜但又可以清下熱氣，而且雪耳仲仍然入口好爽呢。兩個人打就貴少少，每人6百蚊度，但係呢度所有嘢食都好好食，我肯定會係短時間再嚟過！！…查看更多