倫哥尚品火鍋私房菜

好耐冇食過雞煲而且近排天氣又轉涼見到倫哥有雞煲火鍋連任食火鍋有朋友試過話抵食一於就試吓啦$198 已經有齊雞煲邊爐海鮮依度係先食雞煲再打邊爐食完雞煲可以即刻加雞再食但轉左邊爐想再食雞煲就要加錢雞煲就揀咗BB辣職員都好細心每2分鐘就會行過嚟幫你炒一炒炒咗大概四次 雞煲就食得啦雞肉食落都幾滑身 醬汁落咗好多香料所以好香份量亦都好多食完雞煲就揀咗蕃茄湯底打邊爐雞煲會連住一個海鮮拼盤有鮑魚、青口、帶子、蝦、蜆肉、魚最好食嘅係帶子 好鮮甜旁邊仲有好多任食火鍋嘅材料同飲品值得一讚係芝心牛丸D芝士係流出嚟架食完仲會有一碗黑糖冰粉可以降下火都幾唔錯今餐食到好飽整體食物質素唔錯座位同環境都幾闊落侍應態度幾好又細心值得一試…Read More

天氣開始涼左dd，邊爐癮又起，朋友話想食雞煲，咁一於去倫哥食啫啫海陸空雞煲火鍋放題，有得食雞煲，又有得打邊爐，最正係仲要無限時，唔洗食到趕頭趕命咁，可以安心一邊傾計，一邊享用美食。雞煲我地叫左微辣，呢個辣度啱啱好，好適合唔太食得辣但又想有少少辣惹味啲既人，啲雞好滑嫩，醃得好好味，又唔會太鹹，有少少辣係香好多。倫哥既雞煲一向好多雞件，兩個人係食唔到咁多，好彩我醒目，叫侍應比少啲雞我地，唔係食完啲雞就打唔到邊爐喇。食完啲雞，叫侍應加湯打邊爐，我選了蕃茄湯底。海鮮拼盤有鮑魚、帶子、蠔、蜆、青口、蝦🦐同埋魚片。鮑魚好大隻😍😍😍，仲要好易咬到。帶子好厚身，碌一碌就食得，好甜。蠔好飽滿，入口好滑🤤。啲蜆都係好甜，如果多啲就好啦🤪。倫哥啲自家製餃子全部都好足料，啲餡多到呢....其實食餃子都好飽。啲肥牛同埋豬肉片都好靚。除左佢拎黎既野食，仲有自助區可以自己拎菜類，菇類、丸類食物。有好多不同款的丸，我覺得牛肉芝士丸同埋芋泥包心貢丸最值得一試，好特別。呢度飲品選擇都好多！咩都食啲，加加埋埋好飽😂，捧住個大肚腩離開，好滿足☺️…Read More

今晚約好和朋友相聚，又揀左我地既最愛，食雞煲火鍋好彩預早book定位，去到就唔駛等～坐低睇吓餐牌先～分別有任食配料同埋追加收費配料～嗌定個雞煲等佢慢慢煮下先～店員放低雞煲既時候有提醒過，煮緊既途中要開蓋炒炒佢，味道均勻啲又唔會黐底，但我地掛住傾計無左回事，好彩店員一直留意住行過黎幫手食得啦～個樣係相當唔錯，件件雞都大大件好好肉地，雞煲既雞件都係任食架好惹味，但BB辣真係唔太辣，下次會醒目嗌辣啲～～另外仲包左碟炸鮑魚同刺身拼盤，兩碟都好味，有點驚喜食完雞煲就黎到火鍋既環節原來呢度唔係加湯落食完既雞煲度，係另外上一個湯底！太好啦無咁油呀～嗌左最經典既芫荽皮蛋湯～湯底味道略嫌淡味左少少～呢度見到咁多餸全部都係套餐包埋架（仲有啲前菜配菜唔記得影sorly）～肉類同海鮮全部都相當正路有水準，兩個蝦滑墨魚滑好新鮮彈牙要追加添呀！* * *總括而言，套餐包左嘅份量已經相當足夠，仲要可以任飲，食材亦都好新鮮，大滿足呀～唯一有個地方想講下係啲枱擺得太近啦，實在有啲迫夾～我係會encore架！…Read More

無論你是香港或內地人或台灣人，無論現在是春夏或秋冬。火鍋已經成為我們不可或缺的一部分，呢個講法就好像小孩天生要喝奶、女人天生愛shopping。上一代人對我們說，他們吃鹽比我們吃米多；現今的一代卻回應，我們吃火鍋比你們吃鹽多。.相信大家不時都會相約三五知己在火鍋桌上把酒當歌。今日就決定實行任飲任食打邊爐, 食完雞煲、再食海鮮，黎個無限時慢慢傾，慢慢食！！.約左朋友晚上7時多係觀塘店既【倫哥私房菜】既門口等，門面有五光十色既燈睇落好Sharp醒..入面餐廳內已經座無虛席，人氣比想像中旺，可能係由於無限時既關係所以最好都係預先book位, 因為walk-in的話真的是無了期等位都未知幾時可以入座喔。眼見除咗有幾間套房，呢度亦有多張卡位，一班朋友圍住打邊爐傾偈，私隱度夠晒高。坐低後侍應先送上前菜、混醬配料(每位價錢已包醬油費)，慢慢調制心水配料。嚐鮮十二式$323連埋加一就可以食到高質食物另外先上四樣可以即刻食既前菜，奉上刺身拼盤、蠔皇鮑魚花膠、蒜蓉粉絲蟶子、麻醬凍豆腐。.🔹蠔皇鮑魚花膠，鮑魚彈牙又入味，花膠亦夠爽口，分量夠晒兩個人食。🔹另外既刺身拼盤包括新鮮三文魚、北寄貝、帶子、八瓜魚、特大刺身蝦等。三文魚同特大刺身，它們的肉真的很美味喔，蘸點芥末，吃在嘴里又嫩又滑又鮮！不錯。🔹蒜蓉粉絲蟶子，呢個一人一隻，每一隻呢都好多汁，蟶子的鮮味，全部融入到粉絲到，而蒜蓉味道滲入蟶子之中好好食。🔹麻醬凍豆腐，吃起來就像是凍豆腐的口感啦~~ 還不錯啦，作為前菜小食，味道上絕對合格，不過麻醬可以再多少少。🔹重頭戲，任添香濃雞煲平時食雞煲都係自己亂咁嚟多，但倫哥呢度就畀埋個step你，加埋員工嘅溫馨小提示，包你第一啖入口就可以食到熟透又濃味嘅雞肉！重點係雞煲需要前後炒4次，每2分鐘降一格火再炒1次，不可馬虎，但有店員幫幫手都唔大問題既。叫左中辣，辣度剛剛好，是我們喜歡既醬汁。好惹味但又唔太辣，食得到入面雞既鮮味，每件雞件同大大舊又多肉，我地食完都覺得幾高質但係想食其他野既話就唔會Encore第醒碟啦。🔹店員仲放低左碟牛柏葉同豬皮比我地落埋落去，兩者索埋D汁，好邪惡，好肥啊！但我朋友就話好正好夾呢D味。食到真係差唔多啦，都已經有一半飽肚感了，雞煲仲有後續，轉湯底打邊爐，仲有多款配料畀你任叫任食！辣上癮，所以點了地要左麻辣湯底，麻辣湯底都好夠麻味，值得Try Try。🔹好彩每枱都會放底一壺足料既檸檬蕙米水，好讓食完雞煲下一下火，亦都為麻辣湯底做好準備呢。好飲又有益！配料實在係花多眼亂，好似有每枱一碟肉質嫰滑的牛頸脊之外，其他配料就有雲吞水餃、響鈴魚皮、倫嫂四寶丸、響鈴、魚皮、各式蔬菜、墨魚滑同蝦滑，全部任叫任食。飲野都係架，自家製涼茶及汽水任飲，食到呢個moment就好滿足了。瞬刻枱面放滿不同種類食物，睇見都好開心！但另一方面就覺得都好飽呢....🔹無與倫比牛頸脊即係本地手切牛頸脊，唔係任食架但份量夠晒兩個人食，每一片都幼嫩軟腍，雪花平均分布，做到入口即溶，仲要係牛味100分，真心都係有質素的。唔洗任何調味已經好好食。如果追加就要額外加錢 (追加的為中size)！🔹海鮮拼盤入面有有貴妃蚌，龍躉片，半隻膏蟹，海蝦，蟶子等等，全部都超級新鮮。我最欣賞就係貴妃蚌，龍躉片。龍躉片肉好厚身，魚類都已被去骨, 啖啖肉,灼熟後肉質結實有彈性，而且佢既鮮活味道難以形容，貴妃蚌肉厚亦都夠鮮美配上麻辣味一流呀！整盤海鮮都沒有沙喔！以下火鍋配料都可以免費無限追加,.🔹魚皮同響鈴好似話係元朗出品自家炸魚皮、響鈴，低鹽少油，所以食多幾件都唔會太有罪咎感。但唔係好夠脆呢。🔹另外我大大推介就係手打既墨魚滑同蝦滑！我見有D人都話好好食，但真係好有驚喜，手打可以食到個彈性，手打蝦滑跟手打墨魚滑當中更有蝦肉粒同埋墨魚粒，滿足口感，墨汁同蝦的味道亦非常出，不得了！🔹手打四寶丸（墨汁墨丸、墨魚丸、蝦丸、潮州魚蛋），阿媽雲吞水餃，同埋各款丸類見到佢寫話全部每日新鮮手打製作，味道又真係充滿自家風味。係公仔麵同午餐肉就普普通通啦。！🔹新鮮雜菜盤精選時令蔬菜親自選購，同樣可以無限添加。食多點也無防。🔹冰粉最後還有甜品做完美句號。估唔到冰粉做甜品，食完飽到上心口，但好爽啊。一星期又到了中段的時候，心情總是帶點鬱悶，所以吃了頓豐富的，就可以以阻隔那憂鬱的情緒最好不過。去了【倫哥私房菜】打邊爐後，感覺不錯，***無限時***任飲任食放題確實難得，服務上眼見侍應都會盡力照顧每檯食客，食物質素又高，令到我地食到餐豐富滿足既雞煲+火鍋喔。 …Read More

朋友係觀塘區返工 所以今次係返觀塘區搵食 方便大家收工過黎集合入座時間大約6點半, 去到都仲未有好多人坐底冇耐就上左前菜小食(?) , 鮑魚花膠仲有刺身拼盤去到掛住食同傾計前半段完全唔記得影相當日刺身款式有三文魚, 帶子, 甜蝦, 八爪魚之後仲有個蒸蟶子跟住上左個小辣雞煲期間店員仲好好服務幫我地計時,炒雞煲, 提我地幾時食得食完雞煲再揀左個北海道牛乳豬骨鍋上左海鮮拼盤, 都係一樣好豐富有龍蝦, 有幾款貝類, 有幾款魚類特別一提, 魚類同某一樣貝類係可以refill唔洗加錢當晚食左龍躉真心覺得好正, 我地係咁叫店員哥仔幫我地落多幾份而肉類方面, 牛肉都算高質, 不過就冇得refill 要食就要加錢再嗌所以我地成晚就主攻龍躉🤪同場加映, 覺得有驚喜仲有個蝦滑同個墨魚滑蝦滑係真係有原隻蝦係入面個墨魚滑我個人覺得幾好食火鍋配料 仲有其他一般常見種類 菜, 丸, 午餐肉, 炸魚皮, 響鈴 仲有出前一丁 都係可以refill 唔需要加錢好驚喜 估唔到有咁多野食本來仲以為只係單純雞煲打邊爐 (即係食完雞煲直接加湯打邊爐個種)點知原來係有刺身, 有雞煲 仲有打邊爐呀一次滿足你三個願望雖然每人都要三百幾蚊, 唔算平 不過令我有種物有所值既感覺…Read More

上個月先與朋友到倫哥上品火鍋私房菜打邊爐， 今個月又嚟喇！ 食物水準依然保持得好， 但今次樓面人手不足， 上菜方面比較亂， 多數一坐低就會有兩碟少少的前菜， 之後刺身拼盤，鮑魚花膠，蟲草花雞腳燉湯， 魷魚豬皮，雞煲，食完雞煲之後店員會問我們加唔加雞， 如果唔加就轉火鍋，上火鍋的同時，多數都會一次過上火鍋配料和海鮮拼盤，牛肩脊。火鍋配料方面第一轉只到了蝦滑，墨魚滑， 炸魚皮響鈴， 讚岐烏冬， 雜菜盆。餃子，丸類都沒有送上， 海鮮拼盤也欠了花甲和蜆。 之後我們追加， 等了很久也沒有來， 店員跟我們說廚房已經冇貨了！ 因為平時我到倫哥打邊爐好少會追加食物，所以未遇過這個情況， 但今次我見到隔離枱和我一樣都有同樣遭遇， 差不多成張火鍋任食餐單的食物都說沒有貨， 對於這方面有一點失望！ 服務方面有一位樓面姐姐真是好熱心幫我們追單， 加湯， 清理枱面上的食物， 差不多每一樣功夫都是佢做的。 有時佢行開了，我們叫另一位樓面姐姐幫我們加湯， 她竟然說我沒有時間唔得閒， 咁都得？講番食物方面： 😊前菜 ~ 兩款都是惹味又健康的。😊刺身拼盤 ~ 三人份量， 啖啖肉好新鮮。😊鮑魚花膠 ~ 上枱的時候稍為比較凍。😊燉湯 ~ 每人一碗燉湯，足料又好味！呢排天氣咁凍，飲返碗暖笠笠嘅燉湯非常舒服。😊魷魚豬皮 ~ 食雞煲的配料， 但今次唔記得落在雞煲入面， 變了打邊爐配料。😊雞煲 ~ 我們點了小辣， 同之前食過一樣，保持水準！ 味道調教得剛剛好。😊墨魚滑和蝦滑 ~ 爽口和彈牙。😊打邊爐點少得炸魚皮和響鈴，響鈴放落火鍋，數兩三秒立即拎上嚟，吸咗火鍋湯的味道但又脆卜卜好好味！😊牛頸脊 ~ 上次兩個人的份量和今次三個人的份量感覺一樣， 多了一個人唔係應該份量多返一點嗎？😊海鮮拼盤 ~ 每樣海鮮都是三人份量， 但所有花甲，蜆類也漏了單。😊最後有涼粉甜品。食過幾次倫哥，今次漏單的情況很嚴重， 但佢的食物我還是欣賞的，同埋我最喜歡 冇限時打邊爐。…Read More

一次過滿足3個願望既晚餐🍣刺身🍖雞煲🍲打邊爐上次試過係佐敦分店食過，喜歡呢間觀塘店多啲, 呢間服務較好(店員好主動講介點炒雞,亦好主動幫我地炒埋,主動清理枱上啲雞骨,收碟)，座位較寬敞(都有少少迫,但比佐敦分店好好多,可能上次係坐系房入面所以顯得更迫), 食物質素好些(d雞滑好多)前菜有四季豆，雲耳，2款都有少少辣，少少酸，亦好好爽口開胃。今次6人行都係2個煲，一個用電磁爐，一個要用gas爐因爲有一個電磁爐壞左，但gas爐成個鐘都唔滾。一個煲揀BB辣，一個揀小辣。店員話雞煲先煮8分鐘，之後每2分鐘炒一次，今次店員一手包辦，幫我地炒左幾次雞。食到一半將豬皮，魷魚，牛柏葉放落去。龍蝦肉冇咩味，有點失望海鮮拼盤有龍𧄌魚片，鱔，脆鯇魚片，花甲，海蝦，蜆，蟶子。龍躉魚片好嫩好滑, 魚皮含豐富膠質今餐飯食得好開心，任食唔限時，可以同朋有慢慢傾。店鋪只收現金…Read More