JW咖啡室

朋友早在9月頭在網上搶到JW Cafe平日dinner buffet的優惠，連同服務費，人均大約$550。JW Cafe的位置好方便，從金鐘站去到太古廣場，便能搭lift直達，不用行地面的路。入座獲安排坐靠窗的梳化位，闊落舒適。可樂、七喜及啤酒可以任飲，但三者都會漲胃，如有果汁供應會比較好。先吃些刺身，有6-7款大路的選擇，三文魚、帆立貝及油甘魚肥美鮮甜，赤貝及象拔蚌普普通通，不夠甜。海鮮區的主打是蟹，加上10月份的主題是蟹宴，所以熟食也有幾款蟹類菜式供應，包括花雕雞油蒸蟹、湖南炒辣蟹及泰式咖喱炒蟹。冷盤的有加拿大蟹、加拿大雪蟹腳、麵包蟹、花蟹等，另外還有波士頓龍蝦，並備有多款醬料佐餐。蟹腳粗，蟹肉紮實，帶海水味。麵包蟹蓋很快便被取去，一見到有少量便要即取，蟹蓋多膏夠甜。龍蝦肉質爽口，朋友吃了不只一隻。熱葷方面，有炆煮得軟稔入味的花膠，香口爽彈的椒鹽鮑魚，還有焦香軟稔的叉燒。蒜蓉開邊蝦雖然惹味，但蝦肉不夠爽。咖喱炒蟹的咖喱不會太辣，帶點微甜。甜品的選擇最多，個人比較喜歡日式蕨餅，夠煙韌又不會太甜。迷你葡撻可一口享用，帶微微焦糖香。整體的食物選擇都算充足，味道也不錯，能把握到優惠來吃dinner buffet，性價比都高。…查看更多

今日慶祝老婆牛一,我們往金鐘JW食自助晚餐,餐廳有刺身,凍海鮮,熱食,水果和甜品,刺身有三文魚,吞拿魚,甜蝦,帶子和八爪魚,食落新鮮鮮甜,而且餐廳有即整手卷,我選了帶子手卷,手卷食落香脆,凍海鲜有龍蝦,凍蝦,面包蟹,蟹鉗和青口,食落鮮甜味美,沙律有薯仔沙律,泰式沙律和紅菜頭沙律,食落開胃,凍肉有沙樂美腸,意式肉腸和巴瑪火腿食落鹹度適中,熱食食物多款,有肉眼,羊扒和香腸肉味香濃,食落美味,燴花膠,燴海參鮑魚,燴龍躉,蝦仁,蒜蓉中蝦,菜心和豆腐,食物醬汁味濃,食落鮮甜高質,燒味片皮鴨,叉燒,乳鴿和海南雞食落肉質味美,蕃茄魚柳,燒雞扒和燴牛面肉食落口感十足,周打魚湯材料十足,温度十足,粉面檔有生菜,雲吞,魚蛋,魚腐和蟹籽丸,湯底香甜,食落彈牙,咖哩有咖哩牛和咖哩魚,辣度適中,甜品有豆腐花,芝蔴糊,提拉米蘇和面包布甸甜度適中,口感香滑,水果西瓜甜度十足,餐飲凍奶茶茶味香濃,最後酒店奉送生日朱古力蛋糕给老婆作結,餐廳食物美味有水準,座位舒適,老婆很滿意今日用餐安排…查看更多

今日扮孝順帶媽咪食呢間lunch buffet 用apps訂位就每人398唔駛加一，都貴貴地！同阿媽食就冇計既!入到去安排坐2人枱，隔離冇枱，坐得好舒服，又聽唔到後面枱既對話，又近攞食物既枱，唔錯！ 我開始攞左蘑菇湯，好濃味! 正！ 另外有雞腳同木瓜豬展湯，阿媽飲左其餘2個湯，佢都話唔錯! 海鮮就有蟹，螺，青口，蝦，麵包蟹，我覺得蝦係最好食，好大隻好彈牙！ 冇長腳蟹lor沙律好多款，有mixed，有自己整既，款款都新鮮!熟食唔多款，但每款都幾好食，特別有蒸柚皮！ 我可能唔慣個味，我阿媽話唔錯! 蒸蒜蓉大蝦好味！ 佢既蜜汁bbq pork真係好好食! 厚切唔肥，冇渣，軟身有啲係燒燶燶地唔錯！ 一定要食!甜品就chocolate mousse cake 好味r! cake 係有一層有橙味，冇甘濟！ 馬卡龍唔太甜，唔錯!服務生好主動收碟，又好主動幫我地影相！ …查看更多

素有「鮑魚精」之稱嘅同事“小路寶”有日問我食過金鐘「萬豪酒店」嘅自助餐未？！天下間實在有太多美食了，仲排緊隊（美食list入面）呢！小路寶話每逢喜慶節日，例必去大擦一餐！當中新鮮味美嘅海味海產，供應量源源不絕，令人食過番尋味！聽到心郁郁，趁生日月，book定位去大開眼界先！是晚我倆準時6點到達酒店5樓，眼前出現左右兩排霸氣十足嘅大型透明玻璃酒櫃，當下心都被攝住了……進入裝潢時尚嘅餐廳用餐，就讓味覺與感觀同享精彩吧！口就話想食海味啫，但心繫海鮮，唔理三七廿一，我地第一時間向海鮮區進發。龍蝦 - 肉厚鮮甜，肉質爽口彈牙！我倆合共食咗6隻左右！我如果唔係有啲頭暈，可以食多兩隻呢！麵包蟹 - 嗜食蟹膏嘅我，專揀蟹蓋嚟食，啖啖膏，甘潤飽滿，我一口氣就食咗5個蟹蓋，相當滿足！略嫌無乜蟹黃囉！蟹肉方面，肉雖少但鮮甜，同埋唔係我杯茶！蟹鉗 - 今期無龍蝦蟹鉗食，只得麵包蟹鉗咋！好過無喇，蟹鉗肉質結實又鮮甜！長腳蟹 - 蟹肉鮮甜！凍蝦 - 鮮甜彈牙！凍青口 - 鮮味十足！我倆食足兩round海鮮區, 先捨得轉戰熱盤。蒜蓉蒸龍蝦 - 又係海鮮first, 好彈口，配蒜蓉一絕！花膠 - 終於捨得攞花膠，可能屋企成日煲花膠湯，所以我對其無乜特別興趣！花膠巧大件，炆得夠軟滑，不過較膩滞，食一件夠了！鮑魚:) - 今期嘅鮑魚炆得唔夠腍，好在不失爽脆！海叁 - 非常大件，口感十分爽滑入味！煎魚柳:) - 今期無龍躉食，得番魚柳，啖啖肉，口感滑溜！海鮮寬條麵 - Creamy好味！羊架 - 肉質色澤粉嫩，口感卻過韌！片皮鴨 - 有靚姐專責片鴨，再將鴨皮、鴨肉、大葱條、青瓜條、甜麵醬等等放上薄餅皮上，包捲後再畀你！大大件，口感皮脆肉軟，yummy！仲有巧多菜式未試勻，如牛扒、德國腸、牛仔骨、雞翼、乳鴿、燒味、湯、咖哩雞、牛、豬、炒飯麵、淥麵檔、沙律、煙三文魚等等……因為接住落嚟要食刺身了三文魚刺身:) - 色澤麻麻，口感唔夠鮮美爽滑，無魚油香！帶子刺身 - 唯一最嘅刺身，大大粒，鮮甜爽口！其他刺身如甜蝦、八爪魚、螺片、象拔蚌片等等，勁唔掂！壽司舊飯太實！今次只係留番些少quota食甜品咋，皆因仲有個迷你生日蛋糕未食呢！每款cake試一小片喇，估唔到非常有驚喜！大部份蛋糕質地十分鬆軟，軟滑好味！奶凍啫喱布甸亦唔錯添！蛋卷有綠茶味及原味，入口極其薄脆！搞到有些少後悔，無預留多啲位添！訂位講明慶祝生日，接線小姐話有mini cake送，可惜個蛋糕仔味道過甜，所以只切小小食算！不過靚女侍應巧貼心，主動幫我倆影相，連影几張，近、遠、橫、棟等影齊，非常專業，值得一讚！輪到食H記雪糕及生果，四款味道嘅雪糕，一次過食足三款味道：朱古力、雪呢拿及曲奇味，個人對咖啡味麻麻地，不食也罷！生果之中，菠蘿及火龍果較甜！最後梗係叫番兩杯熱檸檬水嚟消消滞+削削胃喇！今餐好豐富，回本之餘又滿足，Happy Birthday是也！…查看更多