頑固壽司

剛開業的時候經常要排隊，現在Lunch time 一點去也有數張空枱呢！選擇坐卡位，私隱度較高，而且坐得較舒服。午市定食餐牌特別壽司定食12貫賣相非常吸引，打卡一流刺身食材新鮮，擺盤吸引海鮮丼定食味道不過不失，環境清靜，服務生有禮、主動。…Read More

去日本旅行都有食過哩間壽司，覺得唔錯，估唔到最近都係香港開左分店，當然黎再朝聖下，師傅都係由日本人主理。壽司12貫定食($288)，有十二款壽司，唔使講最吸引當然係大拖羅，顏色呈嫩粉紅色，油脂味濃入口即溶，其他魚生都好新鮮爽口，鰻魚燒到岩岩好表面有少少焦香，個醬汁亦夠味，玉子燒賣相特別，似海綿蛋糕。海鮮丼定食($198)，共7款食物，魚生切得好大片而且好肥美，絕對足料，海膽幼滑鮮甜，我覺得蒸蛋雖然係配角，但都一樣不容忽視，蒸蛋嫩滑，味道唔會太過淡或太濃味。…Read More

喺日本有名氣嘅頑固壽司終於係12月登陸香港，之前一直都有留意新開張期間都大排長龍，今日放假終於有機會去試一試香港嘅頑固壽司。午市定食餐牌，睇落款款都好吸引，所有選擇困難症都出黎呀。最後決定左要海鮮丼同壽司12貫。相比起日本店，價位算中上，但係店員指出所有刺身都係每日由飛機直送，而且喺尖沙咀黃金地段，難怪一分錢一分貨。現場仲有吧枱睇住3-4位師傅現場製作，而且所有壽司都係即叫即做，單係咁樣有真人表演睇都值回票價啦。等左唔使5分鐘，我叫嘅海鮮丼定食終於到啦，賣相好靚，顏色又豐富。海鮮丼有8種新鮮嘅魚生，分別有鯛魚，油甘魚，三文魚，吞拿魚，三文魚籽，海膽，牡丹蝦等等，真係數都數唔晒。全部魚生都係厚切，色澤光亮，非常新鮮，而且肉質鮮甜美味，貴少少果然係唔同食法。定食套餐仲跟左茶碗蒸，麵豉湯同埋小鉢，三款小食中最鍾意個茶碗蒸，要整得好食其實唔容易，而佢就蒸得啱啱好，嫩滑可口。另外，屋企人叫咗個壽司12貫定食，有大中拖羅，鯛魚，帶子，鰻魚，海膽甜蝦，三文魚籽，松蟹棒，玉子燒等等。屋企人分享左件粉紅色嘅拖羅比我都已經好滿足，肉質軟滑，有種入口即溶既感覺，魚味仲特別鮮甜，真係好好食😋！下次再去都要自己食一份壽司12貫先得喇。一間有服務同質素嘅壽司鋪，當然會繼續支持佢地帶多啲日本直送嘅美味魚生返嚟，等我哋唔使飛去日本都食得到啦！…Read More