立体派拉麵 (威靈頓街)

連po兩個日式甜品，決定繼續po日本嘢。某日心血來潮想食拉麵，發現原來自己上一碗拉麵係舊年十二月喺大阪食嘅一蘭🍜，於是喺app搵到呢間位於中環、由大阪著名冠軍級拉麵大師林隆臣主理嘅拉麵店，一解我對日本嘅思念，我覺得質素不俗！ramen cubism特級白湯 （小）$88呢碗湯底用雞骨、雞肉、雞腳熬製超過八個鐘而成嘅拉麵係呢度嘅招牌🐔，一上檯我心諗吓我啱係叫細㗎咩，咁大碗嘅？！anw膚淺嘅我對拉麵嘅評價只限於個湯同個麵，而呢個奶白色嘅雞湯非常得我心，雞味濃得嚟唔會好油，拉麵我會話偏硬身，亦做到掛湯嘅效果，水準之作。至於塊肉，我係。。。唔識評價嘅，都幾厚幾大塊囉（廢話）。海體醬油湯 $88呢個湯係用九種唔同嘅醬油調製而成，比白湯清淡，不過隨麵附送一大碟油脂極為豐富嘅厚切叉燒aka肥肉，我本身仲以為佢嚟錯咗，入口即溶，極為邪惡！自家製餃子 $60皮薄陷靚，外皮香脆肉汁夠多，無得輸。•用app book有折，當日半價，抵食！•門口有啲隱蔽，係日式小店嗰種簡約低調嘅風格，所以要轉落條巷仔落樓梯，唔好miss咗呀～…查看更多

📍 立体派拉麵中環威靈頓街27-29號元益大廈地庫.🤤海體醬油湯 The Sea Bird - Soy Broth💰$88.🤤溏心蛋 Boled Egg (1pc)💰$12.今次有胃口了但依然無揀大嘅雞白湯因為座銀世界第一超越唔到.本來想試佢啲期間限定menu但佢做緊芫茜系列🤢mediu今次一於試試佢個regular menu醬油湯嗯 好食嘅 唔會過鹹 但仍然好香最驚豔嘅係舊肉 不得了 勁好食火侯控制得好好 feel到佢再煮多陣就會老覺得有啲似東圾肉薄皮>肥膏>肉又香又蜜又邪惡…查看更多

⌇r a m e n c u b i s m係數一數二覺得念念不忘 食幾多次都覺得好impressive既拉麵😍 試過既三款拉麵都真係好出色 拉麵爽口彈牙 份量非常足夠🤤“ 🍜 “ 特級白湯( 大 $ 1 1 8 ) ( 小 $ 8 8 ) 大大塊嘅薄切叉燒 同雞白湯濃得尼吾會膩 食每一啖麵都會不一大羹湯一齊食 食完仲會想繼續飲晒啲湯嘅衝動🤤“ 🦐 “ 鯖魚湯香菇野菜海蝦拉麵 ( $ 1 0 8 )海蝦拉麵既湯底相對之下較清甜 加上大量配菜 冬菇金菇昆布椰菜同芽菜等等 食落感覺好健康 🙌🏻 三隻海蝦都好大隻 用酒醃製過 蝦肉鮮甜得尼仲有酒香!🍺“ 🥘 “ 海體醬油湯 ( $ 8 8 )最後介紹嘅呢碗拉麵 重點就係喺呢舊超邪惡嘅厚切叉燒🐷 叉燒半肥瘦 炆到好淋 豬腩肉真係入口即溶 肥得尼又吾會覺得油膩 不過成份自己食晒份量確實係有啲大 同朋友子share一齊食就啱啱好又吾怕肥喇呵呵😆立体派拉麵🧊中環威靈頓街27-29號元益大廈地庫…查看更多

餐廳主打由日本師傅特別研製既各款濃都拉麵湯底，配口感硬身既拉麵，食過番尋味。餐廳環境舒服整潔，食物上菜速度快。晚市8點到，已經好多人食緊，可以提前book位。叫左特級白湯(小$88)，海體醬油湯($88)，香炸雞軟骨餃子($48)，麵豉香蔥黑豚腩肉($38)，綠茶($28)，可樂($15)。白湯湯底有啖啖濃烈既雞香味，而且真係好奶白色咁。湯底唔會過鹹，飲完唔會不斷要飲水。配以長長既豚肉片，吸哂d湯既味道，但又唔會遮蓋豚肉味。大量香蔥配搭一齊食，更fresh。麵量屬多，而麵身屬硬，所以麵條食到最後都冇變"冧"，good。海體醬油湯由9種秘製醬油調製而成，醬油味唔算係鹹，係淡淡地既醬油味，口感清爽。睇menu見到個麵會配搭一碟野，初時唔知圖中顯示既係咩，原來係好好好厚切既叉燒。重點係，個叉燒煮得好"冧"，肥瘦肉一層層，人口帶甜，非常出色，高水準。餐廳就連小食都好有心思咁製作，第一次食用雞軟骨做餡料既餃子。餃子炸完非常脆，再咬之後，就食到另一種既脆，就係雞軟骨爽爽地既脆，雙重口感，必食。另一款小食黑豚腩肉用炭火(?)燒過，食到陣陣炭燒既香味。腩肉帶少少肥肉，配埋香蔥一齊食，就冇咁油膩。腩肉切得厚，而且肉質嫩，好juicy。一碟有大約8件，抵食又高質。夏天天氣熱，最好飲d清爽飲品消暑。冇諗過會係樽裝綠茶，飲唔哂就可以方便拎走，綠茶清淡唔甜。整體，食物質素非常高，有心思及將食材發揮得好，而且可以好好享受高質拉麵。…查看更多

疫情擾攘咗差唔多半年都仲未過去，想去日本避暑都凍過水，冇飛機搭咪地鐵囉，一樣去到日本嘅⋯⋯餐廳入面裝修咁有mood，同去轉日本冇咩分別啫用檸檬吊一吊味，再點吓沙律醬，炸雞即刻再進化，變成更美味嘅炸雞用雞腳雞骨熬製嘅白湯，清得嚟又濃味，溏心蛋又嫩滑，大胃不行了叉燒奇滑無比，同湯底渾然一體海體湯亦係極之不得了，唔係鹹，而係鮮，係海洋歷練嘅味道麵都唔會太腍，夠爽大胃嚴正警告胃民唔准拋棄肥肉，一定要食埋佢，唔食包你後悔雞軟骨餃子都相當有趣第一次拉麵送可樂記得落一落樓梯先到門口呀…查看更多

卡比系沖住「立体派」一冷一熱既雙．禁果之鹽拉麵而慕名黎到中環，一黎到就比店鋪外既牆壁吸引左，不禁都打一打卡先再入去食，無論店內店外都好有藝術氣息而且個感覺好舒服，座位亦比好多日本餐廳寬敞。仲有成個進食過程都感受到經理同店員既細心及好客，將成個日本服務文化帶到去中環咁。🔷雙．禁果之鹽（雙．鹽味拉麵）💰158 💙78/100用左「8字碗」既雙子拉麵以鹽味為湯底但一邊系冷湯另一邊系熱湯，認真特別。首先試左冷湯，充滿魚貝味同醬油味既湯底，面上放左好豐盛既配料，魚子、白飯魚、蔥荀等全部都系來自日本，而拉麵口感吾洗講都feel到真系超級inum爽口，拉麵偏為粗身彈牙，岩哂卡比個喜好。到熱湯，熱湯較冷湯海鮮鹽味重D，湯底用左多種甲殻類既精華製成，加上面上有幾塊薄切肉，不輸冷湯。而無論冷定熱湯，個份量都放左一碗拉麵既麵量。🔷海體醬油湯 💰88 💙90/100卡比對呢款海體醬油湯拉麵好喜出望外，餐牌上已經提到用左9種特級醬油調製，而食落個味完全吾會覺得咸，湯底配上拉麵一拼食簡直一流，海體好大舊但製作得淋而且入味，肥瘦分怖方面吾會覺得脂肪多到吾想食果個水評，岩哂中意食啖啖肉既朋友仔。🔷自家製隆臣餃子 💰48 💙78/100餃子要一口食落肚，因為肉汁多，餃子皮個底煎得金黃而有咬口。點餃子個醬汁都有特別位，留意到有一邊有小蝦乾但食落又吾算辣。🔷名古屋風雞翼 💰38 💙78/100雞翼系屬於甜甜地果種而且系雞全翼，但外皮可以整得好脆口，味道均衡。怕麻煩既朋友亦都吾洗擔心，店家有好細心咁提供埋手套。Drinks🔷烏龍茶 💰28🔷COEDO・白 Shiro       💰58卡比吾系飲酒專家，但店鋪既COEDO啤酒都想讚一讚，冰涼易入口，岩哂食緊碗熱騰騰麵既食客。…查看更多

越多吃拉麵，越發現自己最喜歡的是雞白湯拉麵。湯底醇厚，有油甘香得來不會油膩，比豬骨多了份清新感。 在京都吃過雞白湯.鶴一直無法忘懷，回到香港，賣雞白湯拉麵的地方真的不多，金田家令我最為失望，油膩而呈黃油（雖然那裡的豬骨湯底我還是會encore的）；最像樣的要數是座銀，專賣雞白湯拉麵和沾麵，小食也沒有。不過始終價錢較昂貴，總沒法常常來。看見這家新開的拉麵店也是打著雞白湯的旗號，regular size只要$88！ 在中環這地方價錢真的十分親民，難怪我們平日晚上八時來吃仍然滿座。地點其實不太好找，雖是座落於威靈頓街這條中環食街，但在大廈的地庫，其實就是在大廈旁邊的樓梯走下去（不用進入大廈裡）。但拾級而下才發現轉角是個截然不同的風景，雪白的牆壁上有人像的塗鴉，仔細看看貼在店外的剪報才發現這些人像都是拉麵店的兩位老闆手捧著拉麵的樣子，畫得很有神髓。店內以材和日本陶瓷為主調，配上柔和的電燈泡，裝潢簡約得來帶點日本家居的親切感。這裡主打雞白湯和醬油湯兩款，雞白湯分大和小外，還有加入咖哩變奏的辣味濃厚白湯；而醬油湯則分清湯以及用九種特級醬油調製的海體醬油湯。在店員的介紹下我們二人要了特級白湯和海體醬油湯，再加了一碟松林餃子和兩款茶，份量非常足夠。餃子皮十分薄，底部煎至香脆金黃。內裡豬肉餡塞至飽滿，味道鮮而軟腍多汁。 餃子醬汁也有兩款，一款是餃子醋，另一款則以油為主，兩個一起蘸不會膩。自己加的溏心蛋是分開上的，對拉麵很有要求的朋友說這個方法才是正宗的，這樣便不會讓雞蛋在熱湯裡繼續浸熟，現在才能保持原有的流心度。蛋黃軟而半流心，蛋白全熟，時間掌握得非常恰當。浸雞蛋的鰹魚醬油鮮而不過鹹，味道也剛剛好。先來海體醬油湯，配的汁燒厚切叉燒也是另上的。先呷一口醬油湯，第一感覺是黑蒜油的香、再來是鹹味、跟著是海鮮味道，整個醬油湯雖然較濃味，但不死鹹，反而是很有層次的將味道舖陳出來，想必是用九種不同的日式醬油調製所致，之間的份量也一定調校了很久才能做到現在的味道，心意可加。拉麵是較粗和曲的鹼水麵，老實說我平時較喜歡白麵，但這裡的鹼水麵絕對是有驚喜。麵條真的十分爽口彈牙，沒有兩條是糊在一起的。即使吃到最後，麵條在熱湯浸了良久，也不會變得太腍，實在很厲害！ 而且粗的麵條掛湯和吸湯的能力很強，在醬油湯裡的麵條每口都有醬油味道，十分濃郁。拉麵的配料有筍乾和生的京蔥絲，較為重口味。筍乾用甜醬油醃得濃味，但跟醬油湯的味道又是不同，很有層次感；而且沒有醃太久所致的「油益味」，香甜爽口沒渣滓。朋友說看她對一碗拉麵的評價就是要看看她有沒有吃光那些筍乾，她在這裡是把筍乾吃光光呢。汁燒厚切叉燒有一吋厚，肉質很是軟腍，瘦肉部分一點也不柴，肥膏部分更是甘香。叉燒的汁比醬油湯更為濃郁，整個配搭比較鹹，要配點飲料才行。萬眾期待的雞白湯終於來了，特級白湯比濃厚白湯的分別在於前者多了兩大片叉燒和半隻溏心蛋，胃口不太小的話點前者會更抵吃。雞白湯呈正宗的奶白色，口感香滑不油膩，雞湯濃郁，喝得出雞湯的精華，絕對提醒了我京都喝到的味道！低溫慢煮叉燒十分薄切，但卷起來吃很有味道，不會覺得只吃了一陣風。而且口感非常滑溜，一點也不會柴口，偏肥的叉燒慢煮過後不會吃得滿口是油，反而帶點甘香。拉麵麵質一樣，這次吸收的是雞白湯，這裡不多重覆了。日本人吃拉麵總是喜歡喝冷飲，無論夏天還是冬天都一樣。就算點了綠茶和烏龍茶，也是一樣冷冷的，跟熱湯一起喝很爽。我們把雞白湯都喝光光，實在跟京都吃到的差不多一模一樣，十分正宗。 加上價錢相宜，肉的比例比麵還要多，性價比很高。…查看更多

本身自己中意食拉麵，知道中環最近有間新開冇耐既拉麵店，來頭不少，係由日本著名冠軍級拉麵大師林隆臣以及係日本擁有多間拉麵品牌既松村貴大合作創立，係一間創意拉麵品牌，命名為「立体派」，係香港首度登場！ 餐廳內外係斜路位置，有一條樓梯係巷仔，就會見到有啲好得意既塗鴉壁畫，上網一睇知，原來係呢間店特登請來俄羅斯藝術家Sergei Rozhnow係餐廳門外創作塗鴉壁畫，配合餐廳名字靈感「立体派」，而店內座位都足夠。食物選擇唔算多，主打「特級白湯」同「海體醬油湯」，另有「原味清湯」丶「濃厚白湯」及「辣味濃厚白湯」，只係叉燒份量以及辣/不辣既分別。特級白湯 $118由大主廚林隆臣推薦，拉麵碗十分之大，有三大片低溫慢煮日式叉燒及半隻流心蛋，配上以有機飼養京都丹波地雞、日本米鴨同埋籠目昆布熬製六小時而成既白湯湯底。湯底十分濃郁，完全不油膩，配料中既荀都帶清甜味，而低溫慢煮日式叉燒有咬口，拉麵麵質彈牙，果然係招牌拉麵。海體醬油湯 $88呢碗就係另一松村貴大推薦，用上九款日本醬油調味熬製而成既湯底，會另外附上3cm厚切慢燒叉燒。湯底十分清徹，同白湯完截然不同既拉麵，醬油味重而不咸，慢燒叉燒肥瘦均勻，醃得夠入味，肉質鬆化，清淡湯底配濃味叉燒中和味蕾。松林餃子 $35唔係連住果一款餃子，皮薄，不過餡料偏乾，較平庸。總括而言，我認為係一間清新啲既拉麵店，一反我地對拉麵覺得湯底好油膩既概念，呢度既湯底完全唔覺肥膩，食落去好舒服，特別係「海體醬油湯」，唔中意食唔油既朋友一家岩食，我自己就中意濃而不油既「特級白湯」，配合三大塊叉燒，雖然份量都唔多，男士未必食我飽，但有時候差少少夠喉就會成日令你諗返起佢既味道，等你翻轉頭食～…查看更多