優點心

中環多fusion嘢😎估唔到連點心都可以fusion~巷仔嘅呢間點心絕對可以俾到驚喜你😏一坐低唔係問你飲普洱定壽眉~ 而係俾壼嘅玄米茶你🙄 fusion😙我都要配合下~要個薰衣草飲下先😎用支少女心😄嘅筆黎點野食先~皮薄透明睇到入面嘅餡料~個皮炸得好👍食厭咗奶黃流沙包~可以試下呢個阿華田流沙包😁放得耐都唔怕會乾爭爭~而且仲可以飲埋個湯添~咬開仲見到一隻隻🦐完全冇諗過呢個配搭~勁👍有心思既心形嘅蘿蔔糕❤加埋芝麻~香口~精緻就係點心😏…查看更多

抹茶醬爆多士本身食之前仲會怕有啲甜 會好漏 唔敢嗌多份點知唔會之如 仲好濃郁既抹茶味 好似食緊甜品咁阿華田竹炭流沙包平時阿華田飲就飲得多 第一次食好juicy既阿華田醬呀 配上竹炭感覺上無咁膩 唔錯!照燒鰻魚撈飯好大份量 鰻魚如果煮得熱啲就完美!醬汁唔錯 鰻魚撈飯總不會令你失望海膽燒賣平時燒賣成日都有得食黎到見到有海膽 於是好奇想試下幾新穎 大家都可以黎試試串燒嗌左雞軟骨 魷魚配上七味粉 入口較佳! 唔錯…查看更多

約左朋友出蘭桂坊飲野，接到傳單見到附近新開了一間點心店，便打算先打個底才去飲野。＊＊＊＊＊＊＊＊＊＊＊＊優點心店面不算大，枱和枱的距離都比較近。每張枱上都有各式調味料。點心是即叫即蒸，所以食客都需要多一點耐性。等點心期間發現廚房外貼了一張紙，寫著只要Like、打卡和分享點心店Facebook專頁並Tag三位好友，才會獲贈點心一份，由於怕麻煩所以我都是算了。海蜇皮蛋($28)海蜇夠爽口，味道則比較清淡，皮蛋估計足有兩隻，份量都算多，但蛋心略嫌實了一點。芝麻黃金蝦餅($29)黃金蝦餅非常香脆，蝦肉不特別結實，不過不失。海膽燒賣($55/2粒)燒賣夠大粒，豬肉餡夠結實，但個人覺得海膽還是生吃較為適合。人參小籠包($42)小籠包皮比較厚，包內亦沒有湯汁，幸好豬肉餡仍夠滑。總結，點心以蘭桂坊這個地點算抵食，但質素卻較為普通，對附近外國酒客可能吸引力較大，咀刁的香港人可能會有更好選擇。…查看更多

蘭桂坊點心店@中環和安里呢條小路可能入啲啦，入面啲餐廳價錢通常都無咁貴。而最近呢度就多咗間韓國嘢同點心店，落老蘭食點心又幾過癮，哈哈！食物種類幾多，先點咗個涼拌嘅海蜇皮蛋。海蜇好多條，皮蛋都切得大件，份量都幾多，芝士好香，個汁酸酸哋好消暑～個腸粉真係睇住師傅即整，雖然個皮唔係好透薄，但係非常滑呀，好味道！👍🏻牛肉都塞到好滿，好足料！抹茶流沙包淺綠嘅顏色好治癒呀，哈哈 😄 個包唔係好鬆軟，但係綠茶味好濃烈，仲有啲蛋黃粒，個味道好夾。鍾意食綠茶嘢嘅話，一定要試試～蝦餃皮薄餡多蝦，蝦肉算彈牙結實，而且有四件𠻹！用海膽整燒賣都幾新穎，海膽鋪得好滿，個樣好吸引～ 朋友話鍾意海膽刺身多啲，我就覺得都唔錯。朋友問點解點兩款燒賣，因為我想試新嘢又想食「正常版」燒賣（笑）。正常版燒賣嘅魚子好多，蝦肉同蝦餃一樣都係大大粒！拉絲芝士蒜香春卷入面係油炸鬼，成條都係芝士，每啖都食到～我同朋友夜晚嚟食，兩個人先食咗兩百幾蚊就食到咁多款點心同食到勁飽，真係抵食！😋…查看更多

早前，在3月尾，跟一位同名的姊妹，走到中環蘭桂坊食 Brunch，沿途有不少派傳單阿姐，我拿了單張一看，原來在附近的和安里，新開了個多月的一間點心店 <優點心>！一於找個星期六來幫襯吧！這是一間小店，左邊較入的位置是收銀處，另一邊是廚房，內裡放置不少蒸籠；其他位置則是用餐區！空間感不足！坐得迫狹！:(這裡不乏外籍食客，相信店外的招牌 Dim Sum 作招徠的最大功勞吧！供應點心、蒸飯...等，價位屬中價！衛生方面稍遜，影相期間，被冷氣機水迪到手！:(女店員為食客斟水！服務不錯！如果 Like 店子 Facebook，還要公開 Tag 3位朋友，便會免費一份點心！如果為咗自己利益，而出賣朋友，我絕對唔會咁做囉！(當然！我也有這類為咗個人利益而抓盡朋友著數及貪盡便宜嘅損友啦！)食物送上的次序：抹茶流沙包 > 拉絲芝士蒜香春卷 > 海膽燒賣依進食次序：海膽燒賣 $55 (2件)蒸熟後的海膽，就好像熟透的魚春，看起來粒粒分明，質感不再鮮滑，顯得硬實，:(幸好！店方的貨色不算過火，除了主角海膽之外，燒賣加入豬肉、冬菇、蝦等，鮮美多汁，略欠肥豬肉帶來的香滑口感，勝在真材實料！拉絲芝士蒜香春卷 $27未嚐已有芝士香及蒜香撲鼻！即叫即炸，春卷皮炸至金黃香脆，一咬開即四散！有芝士拉絲效果，混入富蒜香的炸蒜粒，與鹹香芝味融為一體！三大件，每件都幾粗，如果幼到好似蛋卷的粗度會更好！要趁熱食，食完三件堅餾呀！:(抹茶流沙包 $35 (3件)最先送上的抹茶流沙包，賣相最唔掂！包面[岩撍] 不平滑，而且個包比預期細，只有大約小籠包大些少的 size，溫熱鬆軟的包質，輕滲茶清香，可能我影完相，加上最後才食的關係吧！沒有流沙效果，抹茶滲進包身，整體茶味突出，甜度剛好！其實！我見其特色點心，充滿期望而來，食物賣相欠吸引力！味道還可以嘅！自己走來食無所謂，恐怕帶朋友來，會令對方失望啊！茶位 $5，不設加一服務費。三款點心及茶錢，共百多元！是否貴，則見仁見智嘞！我個人覺得價位不值！…查看更多