松

北海道黃馬糞海膽配水雲巨型鮮帶子近日炒幣發左達既一位朋友約我去柯士甸道"松"食晏,佢訂左師傅席前,坐低後朋友先話黎唔到,佢叫我照食,單佢埋,正當我想起身離開又覺得尷尬之時,店員送上一壺日本酒:哩隻係三粒米純米大吟釀,試下吖.再遞上菜單:你朋友已經比左錢架啦,安排左18品既omakase比你.既然有人比左錢,我就唔客氣啦.嘿嘿.前菜北海道黃馬糞海膽配水雲相當醒胃既前菜,一酸一甜,質感一薄一厚,強烈喚醒味蕾.三文魚子伴瀨尿蝦及蟹膏豆腐三文魚子豐腴甘香,瀨尿蝦甜美,同淡淡蟹膏味既豆腐好夾.雖然我都係鍾意白焯自己剝果種食法多d.紅酒慢煮鮟鱇魚肝魚肝用牛奶浸過,再以紅酒慢煮,質感幼滑綿密,入口慢慢溶融化,味道濃厚而不腥.而伴碟既雞冠藻同青藻,正好幫我清清口腔,(我係海藻控XD)刺身師傅將塊已抹上青檸汁既岩鹽板放係我面前,放係鹽板上既刺身係唔洗再點醬油山葵食架啦.首先係石垣貝師傅拍打貝肉,放上鹽板,貝肉立即卷起,海水味中帶清甜,肉質緊實爽口,感覺清爽.巨型鮮帶子軟嫩鮮甜又帶d彈性,雪白飽滿,肥大肉厚XD絕對係啖啖肉.岩手米崎蠔連殼有我手掌咁長,蠔身雪白飽滿,肉質肥美鮮甜,帶海水味得黎又creamy ,裙邊爽脆.烏魚白子配酸汁冬季肥美既烏魚白子,顏色白中帶粉,柔軟綿滑,比之前食過既鱈魚白子溫和淡口,配以酸汁食更鮮味.跟住...師傅即場用煙燻機將蘋果木燻煙,注入放有黑鯥同銀鱈魚既圓型玻璃缸內,再將盛有牡丹蝦刺身既碟放上缸頂,等魚係缸入面進行煙燻.邊食牡丹蝦,邊睇住d煙係缸入面郁郁下,超級有趣,食完牡丹蝦,魚就燻好啦.拎開玻璃碟,燻煙係玻璃缸徐徐散開,燻好既魚慢慢呈現眼前,仿如一場魔法表演...牡丹蝦刺身蝦肉充滿彈性,爽脆鮮甜,蝦甜味係口入面逐漸散開,蝦頭炸得蘇脆不油膩,用大葉包住食,鹹香中多添一點點清新.煙燻黑鯥,銀鱈魚黑鯥魚肉質鮮甜,微炙魚皮,逼出魚油脂香,口感更細滑,層次更豐富.銀鱈魚油豐富,炙後更係油香滿口,燻過脂香四溢但不膩.煙燻過既魚仲會係鼻腔留下一絲雪茄般既香氣.大,中拖羅灑上竹炭鹽後以紫菜包住食,滿口拖羅特有既魚香,非常滿足.不過我會想分開食多d,分開食就可以清楚感受到兩種唔同既魚脂質感啦.茶碗蒸打開碗蓋超有驚喜,賣相精緻,淡黃蒸蛋配以橙紅三文魚子同紅色食用花,婉如一幅日落風景畫.滑滑蒸蛋入面有冬菇,雞肉,白果,與魚子同食,鮮味倍增.壽司深海池魚熟成過既池魚甘香濃郁,魚味更重,如果同時有未熟成既池魚作對比,應該幾有趣.壽司飯用既唔同既赤醋調配而成,調配得宜,溫馴唔搶味.鰈魚海膽灑上七彩芝麻既鰈魚清淡彈脆,海膽濃郁柔軟,兩者平衡,香口既七彩芝麻雖然食唔出佢唔同顏色既味道,但視覺效果都唔錯吖.金線鯛日本紅衫魚XD,清淡既金線鯛經火炙魚皮迫出油脂後,魚味倍升.梭子竹簽魚,魚肉少油,但魚皮油脂豐富,火炙後更強大,配合喜之次肝醬,非常濃厚.赤身醬油漬赤身,帶有鰹魚及紫蘇香氣,突出吞拿魚特有既魚味同甜味.哩款係我今日最歡既一款壽司.海膽滿滿既北海道黃馬糞海膽多到爆出飯外,上面鋪左一片片雪花般既鹽,哩種鹽名為淡雪,味道清雅,用特殊方法製成,將壽司放入口,甜美濃郁既海膽就同淡雪鹽一同係口入面融化...大拖羅.火炙過既肥美既大拖羅,配以大葉絲(因為我唔食蔥)同赤醋飯,以紫菜包住,甘甜魚味中帶大葉香氣,齒頰留香而且唔油膩.湯物鮮青海苔味噌湯,第一次飲新鮮青海苔煮既湯,質感柔軟細嫩,帶淡淡海水味同鮮味,白味噌溫和帶甜味,加埋滑滑豆腐真係鮮中帶甜,感覺幸福.甜食有柚子,海鹽,同開心果雪糕可以揀,我揀左海鹽雪糕,鹹鹹甜甜好味.至於一開始令我坐返低既日本酒,三粒米,大家咁叫佢係因為酒樽印左三粒米,味道甜甜地,略帶微微蜜瓜甜味,應該好受女仔歡迎.哩間餐廳裝修時尚,店面以黑色為主,師傅同店員都比較年輕,師傅好細心,一開始會問我有冇野唔食,之後以大葉切絲代替蔥,店員亦有密密加茶,菜式方面亦加入左d新意念,或者新既表現方法,可能鍾情傳統風味既人會覺得有d怪,但人總係需要一d新衝擊既.哩度同過往食過既居酒屋風鮨正,同傳統風既八寸料亭完全唔同風味.多謝甩底朋友請我食哩餐.…查看更多

話明係boxing day 聖誕假期最後一日衝刺 訂咗松去試下佢嘅日本菜有圖有真相， 睇圖片我普通嘅攝影技術，都影得好新鮮真係食咗幾多度菜都唔記得 只係知道越食越飽刺身拼盤帶子甜，甜蝦更甜，油甘魚 夠厚夠油香 三文魚唔需要多介紹海膽聽左口裙邊壽司 海膽我最愛唔使講 左口裙邊滑嘟嘟黑松露龍蝦球。。 啖啖肉有微微嘅黑松露味道，又唔會蓋過龍蝦嘅鮮味出色( 張相唔知點解上載唔到)外脆內嫩鯛魚， 師父實在好功夫 皮同魚鱗炸到金脆， 魚肉用湯汁煮保持嫩滑， 一件魚塊兩種口感特別推介蟹王麵 啖啖嘅蟹王， 帶點微辣， 製作非常之認真 亦都非常之可口三五知己想食啲精緻嘅嘢 松絕對係一個好選擇…查看更多

今晚約了朋友去食日本料理，地點是柯士甸路，真被考起，去了柯士甸道大遲到，原來這條小街有不少食肆。行入店，朋友已經坐在壽司吧，正在與壽司長傾談，我們運氣真好，原來早兩天才推出大割引，$1180的廚師發辦現在只要$680，無需考慮了。先來幾客刺身非常特別，分別交蝶、寒獅、剝皮魚、針魚等，並非大路的三文或呑拿，有新鮮感，尤其剝皮魚包住魚肝的一款，組合互補互利，雙贏局面，爽口肥美。跟著一條燒雷魚，十分香口，連骨都可以食埋。跟著來有壽司，米飯做得扎實，最欣賞牡丹蝦配上黑魚子，新口味的組合，又能吊出魚味，亦喜歡北寄貝超爽，金目綢肥美，鰹魚之香；最後的海膽飯更加無得頂一般做法，熱湯埋尾，日本水果作完結。最後餘興係與馬德鐘拍合照，佢非常高大，真是頓覺矮小！新鮮有水準，食飯又多了個好去處。…查看更多

年紀大了，生日已經不會再像兒時那麼雀躍興奮並大肆慶祝，但亦不妨為一個好理由去吃餐好。好友知道我酷愛日本菜，就選擇了這間新開的『松』和我吃個生日飯。先送上前菜白粟米一向喜歡吃白粟米刺身，想不到竟然有一小片作前菜，實在驚喜！不過這白粟米清甜程度略遜，而且有渣，有點失望。餐廳食物種類甚多，刺身，箱壽司，燒物，串燒，飯麵等應有盡有。雖然餐廳出名omakase，但這晚大家卻對餐牌許多款食物都深感興趣，故決定還是自己作主al la carte！壽司不得不點拖羅，即吞拿魚的魚腩位置，而大拖羅更是最肥美的下半段，一向深得我心。這晚早已預了豪食，當然要點！大吞拿魚腩($100)這大拖羅大橫間魚紋清晰奪目，魚油脂豐腴，入口全溶後都是天然魚油脂肪的甘香，回香久久不散。蛇腹($120)起初以為和蛇有關，原來也是拖羅的一種，只是坊間十分少見。師傅說大拖羅分為蛇腹和霜降，而蛇腹就是最最最肥美的一段，脂肪分布如雪花般，油分最豐富。果然一放入口，油香已席捲味蕾，比剛才的大吞拿魚腩魚油更加豐腴，幸福的滋味啊。特上刺身拼盤 松($440)一大班人最好還是點一個大拼盤分享，種類頗為多樣，有拖羅，帶子，鰹魚，牡丹蝦，牙帶魚等。每樣都是厚切，毫不吝嗇。我最喜歡牡丹蝦，大隻厚肉，蝦身爽彈，蝦頭還有滿滿的蝦膏，鮮味洋溢。帶子厚切亦給予圓滿的口感，來貨新鮮半身就已是最佳保證。鰹魚我比較少吃，這魚亦非池中物，肉質爽滑入口魚味濃郁，同樣滿足。我們亦點了幾款壽司（梅肉紫蘇卷，太卷，日本海膽壽司，和牛壽司），師傅用巧手替我們弄了一個大拼盤，擺放美輪美奐，賞心悅目。－梅肉紫蘇卷($40)不少日本人都愛的梅肉紫蘇卷，見到總要一試。梅子配上飯卷，酸甜有致，味道配合。－日本海膽壽司($95)壽司上層層鋪滿來自北海道的海膽，味道濃郁鮮甜，口感豐富CREAMY，幸福的感覺也！－和牛壽司和牛薄薄的一片，紋理清晰，油花多而均勻，和微暖的飯粒同吃，入口立即溶掉，迸發濃郁肉味，滲出油香。－太卷豐富的材料，包括：熟蝦，海鰻，葫蘆瓜，玉子，冬菇，幾乎撐爆整個卷物，單看賣相已覺吸引，而不同材料看似風馬牛不相及，卻又互相配合，有熟蝦的鮮，有玉子的甜，亦有冬菇的香，好吃！經理亦親切地推介了一些燒物，首推汁燒牛小排($168)牛小排燒得細緻，生熟度掌握恰到好處，毫無半點過火，不用蘸任何醬汁，因為牛小排肉味甚濃，直接吃已有持久不散的回韻。男友人提議來點邪惡之物，點了吉列廣島蠔($98)。沒想到竟有五塊之多！性價比甚高！廣島蠔炸漿薄身，炸至香脆可口，裡面卻多汁滑嫩，口感飽滿細緻。雖然好吃，但炸物始終飽滯，吃一隻已經令我肚子立即撐飽了。姜味雪糕($25)最後來一點甜作結，一人一杯姜味雪糕，姜味突出卻入口順滑，大愛。美食當然要配酒，這兒有三個大酒櫃，酒類頗多。我們這晚也點了兩支酒盡情一番。我一向愛喝梅酒。這款越の磯越前梅酒（500ml $280)入口清甜，梅香清幽，甜度較高，酒精度為 10 ％，不算太高。另一支是越之磯『一期一会』純米大吟釀（300ml $268)。味道方面，這款純米大吟釀每口都是芬芳的哈密瓜香氣，入口較甜，很易入口，酒質輕柔，亦有餘韻。酒精度 16 ％，和肥美的拖羅特別配合。『 一期一会』（いちごいちえ），這個名字確實有禪意，意思是人的一生僅有一次的相會，推而廣之，指當下的時光不會再來，須珍重之。今晚，我和友人懷著『 一期一会』的心境相待，專注品嚐此刻美好的時光。今年生日，過得快樂。…查看更多