捌加廿陸天婦羅居酒屋

第二次來這家日式居酒屋。這次錯開晚市高峰，吧台有位。紅白燈籠掛在頭頂，牆上貼滿海報，氣氛熱鬧但不擁擠。面前就是炸爐，看師傅起鍋落網，油聲不斷，很治癒。店員反應快，茶水添得勤，說話直接有禮。這裡主打天婦羅。即點即炸，衣薄脆，落口不油。我們照舊先要炸物拼盤：雞鎚、魷魚、雞軟骨。外層酥，裡面嫩。另再來一份炸魷魚，加深滿足。主角是海老穴子天丼。碗裡堆成小山：蝦、穴子、蟹棒與本菇、四季豆、南瓜等時蔬，疊成小山。甜鹹醬汁滲進米飯，不死鹹，飯粒保持乾爽。配的龍蝦味噌湯鮮味突出，熱氣撲面，很舒服。甜品也有心思。必點炸菠蘿配海鹽雪糕，熱冷相遇，菠蘿酸甜，冰淇淋把油氣收走。另點豆腐冰淇淋配紅豆泥與天婦羅小甜薯，豆腐味濃，甜度克制。兩個人分著吃，份量足。高峰時段要排隊；若不介意等，想在燈籠下聽著油泡聲，吃一碗滿載的天丼，這裡值得坐一回。…查看更多

今次介紹呢間位於旺角嘅天婦羅店，佢哋主打招牌天婦羅丼飯，真係好多人專程嚟排隊食！特盛海鮮天丼，料多味鮮，入面有兩隻黑虎蝦、那歌魚、帆立貝、鱈魚、四季豆同金菇，炸得香脆又唔油膩，虎蝦同貝殼嘅味道保留得好好，海鮮鮮味十足，每一啖都好滿足，絕對係海鮮控嘅至愛。海老穴子天丼，同樣份量十足，有穴子、黑虎蝦、皇帝蟹柳、南瓜、本菇、紫菜同四季豆，炸得外脆內嫩，味道層次豐富，好啱鐘意炸物嘅朋友。尤其係穴子天婦羅，炸得外脆內嫩，配埋天婦羅醬汁，食落超正！另外，佢哋嘅芝士吉列豬扒都好受歡迎，豬扒肥嫩多汁，芝士味濃仲拉晒絲，入口溶，好正。飲返枝波子汽水解膩，開心。佢餐有跟沙律同湯，另外仲有熱茶飲唔驚怕熱氣呀！因為味道實在吸引，好多人都會嚟排隊試，人氣爆燈，呢個價錢同質素絕對值得一試，係旺角食天婦羅丼飯嘅好選擇。想食記得預早去排隊，唔好錯過！ …查看更多

平日夜晚七點經過餐廳門外已經有十個人左右喺度排隊，大約排左十五分鐘就有位，餐廳有上下層，下層全部係吧枱，氣氛幾好。🍽️原隻軟殼蟹天婦羅 $48軟殼蟹幾大隻，咬落唔會成口炸粉，幾香幾多肉，配上飛魚籽同紫菜食好好味，價錢公道。🍽️煎鵝肝配蘋果 $58鵝肝味道濃郁細膩，口感柔軟，入口似奶油咁喺口中融化。鵝肝同蘋果一齊食，爽脆嘅口感中和咗鵝肝肥膩嘅感覺，幾夾。🍽️自選天婦羅定食 $30起定食除咗飯，仲可以揀凍或熱嘅烏冬、蕎麥麵，亦跟埋湯同沙律。我哋叫咗冷酢橘蕎麥麵 (+$8)，湯底酸酸甜甜幾清爽開胃。天婦羅方面叫咗鮮帶子 (+$18)、帆立貝 (+$12)同紫菜蝦膠 (+$12)。帶子同帆立貝都幾鮮甜，中心部份仲好濕潤；紫菜蝦膠味道好夾，唔錯。🍽️海老穴子天丼 $108天丼賣相非常吸引，金黃色嘅天婦羅鋪滿成個碗面！呢個丼好啱我呢啲選擇困難症心大心細咩都想試吓嘅人～天婦羅有穴子、黑虎蝦、蟹柳、南瓜、本菇、紫菜同四季豆，每款都炸到金黃色，炸粉均勻唔會好厚，食落外脆內軟而唔油膩。米飯上充滿特製醬汁，結合咗酥脆同鮮味，好好味。穴子味道清淡爽口，肉質細膩；黑虎蝦肉口感爽口彈牙而且鮮甜，整體唔錯有日本嘅質素。🍨炸菠蘿雪糕(海鹽雪糕) $28炸菠蘿片連雪糕一齊食一凍一熱幾得意！食完炸物食返啲酸酸甜甜嘅甜品好清爽！整體唔錯，難怪平日都咁多人排隊！…查看更多

旺角窩打老道有間燈火通明，門簾和燈箱充滿著日式風格的居酒屋 —「捌加廿陸天婦羅居酒屋」。敞開紅色鐵門，抬頭一看天花掛滿著暖色系列的日式紙燈籠，寫著「天婦羅」、「唐揚」、「丼飯」等美食字眼，儼如置身在日本居酒屋。居酒居分了地下和閣樓，地下有一張長長吧檯，約有十多個座位，可近距離地觀察廚師烹煮過程。上層閣樓，牆身貼上日本海報動漫，地面鋪上日式榻榻米，日式蒲團坐墊，四張二人檯座椅，空間雖不大，但舒適温馨，是與朋友一同聊天和打卡的小天地。蒲燒鰻魚丼：鰻魚肥美厚身，外皮彈牙，肉質軟嫩順滑，碳烤鰻魚塗上蒲燒醬，呈現誘人的焦糖色，Q彈日本米飯配上鹹甜醬汁，非常美味。朋友指定要點食。海老穴子天丼：有肉質軟嫩的穴子（又名星鰻）、彈牙的黑虎蝦、軟甜的皇帝蟹棒、軟綿的茄子、彈牙的本菇、香脆可口的紫菜、清爽淡口的四季豆。每款炸物外層麵衣輕薄，炸至香脆可口，點一個丼飯可以嘗到多款口味的天婦羅，好滿足。天婦羅配天婦羅沾汁，有「解熱氣」作用。原隻活龍蝦天婦羅：外層薄薄香脆麵衣包著新鮮龍蝦，龍蝦肉質彈牙嫩滑鮮甜，龍蝦尾炸至酥脆可口，龍蝦頭的蝦膏甘香美味，由頭至尾吃光光，不浪費。蒲燒鰻魚丼和海老穴子天丼定食均附送麵豉湯、前菜是青瓜，水果是甜橙。總括而言，作為自家製天婦羅專門店，不但充滿日式居酒屋氛圍，而且炸物出色多款，適合喜歡香口食物把酒言歡的食客。…查看更多

今日好好彩，我哋打算係食個late lunch，所以兩點嚟到係完全冇人排隊，一入到去就有位俾我哋坐低落單，真係好呀！係用QR code落單嘅，非常方便，而且餐單非常易體，我見自選天婦羅定食有好多款式可以自己砌，而且個煮食除咗揀飯之外，仲可以揀跟烏冬、或者跟蕎麥麵，仲可以揀冷食或暖食，非常好，所以我自己揀咗六個餸，好似嗌車仔麵咁，嗌咗好多餸件總數都唔過$100 ，非常超值！我揀咗六個餸，跟鰹魚湯烏冬（紫薯、杏鮑菇、鮮帶子、希靈魚、粟米芯、刻苦蝦）阿妹叫咗超人氣定食，就係「海老月子天丼」，材料有：穴子（係一種魚嚟嘅）、黑虎蝦、蟹柳、南瓜、本菇、紫菜、四季豆，佢選擇跟日本飯。呢度嘅天婦羅係非常新鮮，即叫即炸，而且食落一啲都唔覺得話好油，好熱氣，個脆漿厚薄啱啱好，不得不讚個杏鮑菇、同埋個鮮帶子，呢兩款係炸完都保存到水份，另外第一次食希靈天婦羅，口感好特別，好似食多春魚咁。再嚟粟米芯天婦羅，呢個都係非常特別，食落感覺似食緊迷你粟米仔嘅天婦羅。飲品方面，選擇都好多：啲汽水係玻璃樽裝㗎，所以我都叫咗支可口可樂樽裝，硬係覺得零舍特別好飲！阿妹就叫咗支波子汽水。最後，當然叫返個期間限定嘅甜品啦！ 眼花撩亂底下，最後揀咗個炸菠蘿天婦羅配海鹽雪糕。從未食過炸菠蘿嘅天婦羅係點樣嘅，點知出奇地同個雪糕好夾，塊菠蘿炸起上嚟仍然保持住水份，甜甜酸酸，配埋鹹鹹甜甜嘅海鹽雪糕，簡直Perfect ！呢度裝修都好有日本特色，而且樓底好高，所以望上去天花板會見到有日本燈籠掛喺度，好靚！ 服務員都好細心，枱面餐具齊全，醬料齊全，包枱上面亦都會喺兩個人兩個人之間擺一壺茶俾我哋自助去招呼自己，而且個甜品識得自動幫我哋設為後上，所以我哋食完個正餐set等咗一陣就上甜品啦，時間啱啱好，亦都唔會催人交枱，即使知道出邊有食客排緊隊，呢個加分！…查看更多

喺旺角搵到間主打天婦羅嘅人氣居酒屋試下呢餐真係充滿驚喜同非常滿足!❤️海老穴子天丼大大塊新鮮海老同穴子炸得外酥內嫩 配上鬆脆嘅天婦羅衣每一啖都係鮮甜豐富嘅味道再配上微微咸嘅特製醬汁 令人回味無窮😋特盛海鮮天丼除左海老外 仲有其他各種獨特嘅海鮮 好似那歌魚、鱚魚、帆立貝目不暇給之外 一樣咁新觧惹味😚兩款天丼份量都好多每樣天婦羅都係大大塊無論係視覺定係味覺上都十分滿足😆幾值得欣賞嘅係佢地個天婦羅衣好鬆脆就不在話下 仲食到有蛋味又唔會有油益味 好好食啊!!🤩唐揚魷魚鬚呢個小食不過不失夠香脆 唔會炸得過耐魷魚依然有彈性👍🏻見到呢度有玻璃樽裝可樂同朋友就忍唔住一人叫左一支爽爽佢😆呢間居酒屋細細 但好多人排隊架如果想食嘅記得預返時間早D去排喇!…查看更多

平時食日式天丼都係配好一set set咁俾你，呢間捌加廿陸天婦羅居酒屋最吸引我既係佢既車仔麵式點菜🤩可以自己自選想要啲咩天婦羅、逐樣tick，鍾意食咩就揀咩，而且佢天婦羅既選擇都幾多！價錢又唔貴，一個set包麵豉湯、前菜（當日有醃蘿蔔同埋橙）、飯/麵，食曬都真係絕對夠飽。   1️⃣海老穴子天丼（$98） 朋友懶得自己揀，直接嗌佢地既set，呢款有穴子、黑虎蝦、蟹柳、南瓜、本菇、紫菜、四季豆。最正既係穴子！好長！我覺得好抵食！  2⃣️自選天婦羅丼（$30） 👉冷蕎麥麵 蕎麥麵配天婦羅感覺平衡翻個油膩感。蕎麥麵配上沾汁同wasabi，清爽可口。  👉廣島蠔（+$18） 勁大隻！呢個好好食！  👉鱚魚（+$18） 幾多肉，保留到魚肉既實淨感覺，同時唔會太乾。  👉鰻魚（+$18） 係蒲燒鰻魚配天婦羅做法，食到鰻魚肉帶甜甜地既蒲燒汁味道😋外面脆，脆脆外皮下係蒲燒鰻魚軟淋既質地，呢個都值得食。  👉黑虎蝦（+$12） 👉本菇（+$12） 👉帆立貝（+$12） 👉那哥魚（+$12） 有啲似魚片咁，幾彈牙既。  👉半熟蛋（+$12） 去食天丼一定要食半熟蛋😍天婦羅脆皮下係流心蛋黃！ 👉紫蘇蝦膠（+$12） 呢個幾特別，係紫蘇葉包住蝦膠。  3⃣️唐揚魷魚鬚（$38） 一粒粒咁，炸得脆身食落係有口感既。  4⃣️炸蘋果拌雪糕（$28） 呢個係我第一次食既甜品！兩片炸蘋果片，薄脆，食落帶甜味，配合海鹽雪糕微鹹，更加帶出蘋果甜味既清香🤤  …查看更多

📍旺角 𝙼𝚘𝚗𝚐 𝙺𝚘𝚔❝新開天婦羅專門店🍤😋抵食自選丼飯set!✨❞🦐海老穴子天丼 $98 (4/5)呢個係pre-set既丼😬有穴子, 黑虎蝦, 蟹柳, 南瓜, 本菇, 紫菜, 四季豆✨全部都好岩我食所以揀左呢個🤭❤️另外額外追加鮮帶子(+$18) & 半熟蛋(+$12)🍳天婦羅炸皮夠薄脆😋穴子, 虎蝦, 鮮帶子都好新鮮😜👍🏻半熟蛋流心撈飯一流! 蔬菜類都正 特別係南瓜 超腍又香甜🎃🍚自選天婦羅丼 $30起 朋友揀自選～可以逐款揀😍每款$8/ $12/ $22✨朋友揀左香蔥牛油飯 +$8 充滿牛油香+大量蔥 好食!!❤️另外廣島蠔都大讚新鮮好食! 雞肉就偏乾 食天婦羅果然都係要食海鮮類!👍🏻😆🍎炸蘋果伴雪糕 $28 (3.5/5)炸2片薄蘋果 夾住冰凍雪糕 口味可揀豆腐/岩鹽🍨蘋果好薄 同埋有皮 好難介開 要成塊咁食🫣如果佢係一件件既話 相信會更juicy/更有爽脆口感～食天婦羅當然要叫番杯啤酒飲啦😆🍻꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍捌加廿陸天婦羅居酒屋旺角窩打老道31-39號翠園大廈一期地下33A號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_旺角🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_日本菜…查看更多

捌加廿陸天婦羅居酒屋 ～ 顧名思義，主打天婦羅🍤。地下全是吧檯座位，即叫即炸，點餐後可以看到師傅即場表演😆，抽風系統不錯，沒感覺有油煙味👍朋友點了特盛海鮮天丼$108，包括了黑虎蝦兩隻、帆立貝、鱚魚、四季豆和金菇。我點的是海老穴子天丼$98，有穴子、黑虎蝦、蟹柳、南瓜、本菇、紫菜和四季豆，兩款份量都好足夠，粉漿又不會太厚，比較喜歡蟹柳和南瓜🎃芝士年糕$38，🧀芝士味道非常濃郁💯，芝士控一定要試😆炸蘋果伴雪糕$28，雪糕🍦可選豆腐或海鹽味道，賣相好靚，配搭好特別，第一次食，非常喜歡，而且價錢便宜，抵食又好食😋飲品是罐裝提子汽水$10和蘋果汁$10。餐廳門面色彩繽紛非常吸睛，內裡的裝飾亦毫不遜色，整幅牆壁都貼滿了日式海報，滿滿東洋味🎎，接近兩點仍然坐滿，價錢平選擇多，很不錯。…查看更多

日式料理食得多，但一直都好想食下天婦羅🍤專門店，經過一輪熱搜，最終鎖定呢間位於旺角既天婦羅居酒屋🏮大概6點半左右去到，門口已經開始有人龍，最終排左30分鐘左右。豬扒超大塊！表皮炸至金黃色，香氣撲鼻🤤豬排🥩被滑蛋包裹著，炸面雖然因此不脆，但吸收左蛋汁🥚同甜醬油既味道，令豬排肉質變得多汁鮮甜😋😋包括穴子、黑虎蝦、蟹柳、南瓜、本菇、紫菜及四季豆天婦羅🍤🌟穴子-星鰻，食落唔多骨，肉質順滑。🌟黑虎蝦大大隻，肉質鮮甜彈牙🦐包括帆立貝、那歌魚、黑虎蝦、蟹柳、南瓜、本菇、紫菜及秋葵天婦羅🍤🌟帆立貝超大粒，濕潤爽口，熟度💯🌟那歌魚-手打魚板，咸香彈牙，可以一試💣四季豆/秋葵都有渣店內分上下兩層，上層為日式塌塌米，下層亦是吧枱，兩層皆佈置了大量日本海報做裝飾。員工服務態度良好，落單同上菜速度快。提提大家，由於即叫即炸，所以都需要稍為等待⌛️唔建議趕時間黎食哦😉…查看更多