紐約客 (已結業)

今日夜晚嚟咗呢間新開喺銅鑼灣嘅紐約客，試一試呢間美國菜好唔好食。餐牌選擇唔算特別多，但已經花多眼亂。海洋梳打$38一開始點你個海洋梳打嗰陣，侍應已經講咗影相呢個會比較靚，但係就味道。飲落去好陣好假嘅色素味，但可以接受。飲品入邊放左兩條鯊魚軟糖，添加趣味。同行朋友叫咗呢個草莓柚子沙冰，味道就唔知，但到我哋食完餐飯個沙冰仍然係唔溶嘅都幾勁！友人說味道正常，不算差。叫咗呢個雙層芝士牛肉漢堡，分量唔算太大，適合兩個女仔食用。反而薯條份量一啲都唔少，新鮮炸起。牛肉塊都算厚，而且幾juicy。芝士焗波士頓龍蝦只有半隻，唔會太un。反觀炒飯內的龍蝦肉好老，完全唔新鮮，只有一碗左右份量。另外，薯角太燶，味道一般。總結，價錢同質量不成正比，沒有下次。…查看更多

芝士焗波士頓龍蝦 + 龍蝦肉炒飯 ($198)New York Diner係銅鑼灣開左第3間新分店!!! $200有找食到半隻龍蝦加炒飯同薯角真係好抵食!!! 而且份量都唔少!!! 半邊龍蝦輕易拆開就食到，上面舖上芝士焗，龍蝦肉算鮮甜彈牙!!! 但略嫌芝士味不夠濃郁，龍蝦肉炒飯配有蛋絲，炒得乾身，但味道較淡!!! 薯角炸得香脆可口!!!總統雙層芝士牛肉漢堡 ($118) 呢個漢堡有兩塊厚厚既牛肉，牛肉夠哂入味又juicy，上面舖上芝士，如果芝士味再濃啲就更加好!!! 薯角炸得香脆可口，食完超飽，適合二人分享!!!海洋梳打 ($38)外表好吸引!!! 中間有兩條海豚橡皮糖，味道似波子汽水，飲落幾特別!!!Ig: e.for.eat…查看更多

銅鑼灣好多餐廳都滿座或要排長龍，可能係新開無耐嘅關係，澳門逸園中心嘅New York Diner就無乜人，不過坐低無耐都有六、七成滿。裝修係比較摩登嘅感覺。我覺得呢個高身檯係整間餐廳中最有特色嘅，天花板上仲掛咗倒轉嘅樓宇模型。呢度嘅美國菜以漢堡包同扒類等偏向多肉類嘅菜式為主，我哋最後叫咗$428（未計加一）嘅二人晚餐嚟試試。是日餐湯係雜菌忌廉湯，質感非常濃稠，雜菌碎比例唔多，不過都夠味。脆炸魷魚圈，就咁睇餐牌以為純粹只有魷魚圈，實際仲有魷魚鬚。表層炸漿唔平均，不過魷魚肉彈牙。另外兩種醬，白色嗰款幾酸香討好。太平洋海鮮薄餅，配料有蝦肉、墨魚仔、魷魚圈、青口、雜菌、車厘茄同豆苗，芝士適中，菇菌味較濃，番茄醬味似被完全蓋過。批底方面就較鬆，我哋比較偏好薄身脆口嗰種質感。紐約客烤肉眼扒，我哋揀咗五成熟。肉眼扒厚身，外層焦脆度唔強，本身調味唔算濃，但肉質鬆化，可以點少少燒汁嚟食。底下就有意大利青黃瓜（西式版翠玉瓜）、烤番茄同炸薯角配茄汁，食得太多肉類，絕對需要蔬菜嚟中和一下。海洋梳打，嗰兩條鯨魚（其實係軟糖）似晌海洋暢泳緊咁，非常吸睛。入面仲有鮮藍莓、檸檬片同椰果，係偏甜嘅梳打特飲嚟。草莓柚子沙冰，用咗鮮士多啤梨、薄荷葉同檸檬片點綴，賣相好靚，威化紙蝴蝶仲有錦上添花嘅作用。沙冰打得幼細，柚子味比士多啤梨味更突出，非常非常非常消滯，佢完全可以減輕肉類帶嚟嘅膩感。是日甜品。餐廳嘅食物份量適中，多數以肉類為主，配菜嘅薯角佔隻碟一半，滿滿嘅澱粉質，食完其實幾飽。…查看更多

2016.10.01來到週六週末，女仔就梗係鐘意行下Shopping一下😍當你行到岩岩挑起條引，仲未進入直路時通常係啲個時候身邊總係會個唔識相的男朋友嗌肚子餓🙋就會好似一把火被冷水淋落黎咁….好在發現左啲間餐廳位置就係SOGO隔離😎可以食飽飽後再血併多round餐廳位於樓上鋪，環境舒適卡位配上大玻璃，面向著希慎食tea，寫意岩曬小情侶撐枱腳、朋友聚會…全店以美國風為主題，牆上還印上美國隊長😮看來是主打年輕一輩的市場香濃蘑菇湯 n 沙律店員話由於新店開張，所以兩款都有跟餐送這個蘑菇湯是我的最愛😋又香又濃，真材實料沙律好fresh🌱小車厘茄好juciy 紐約客烤西冷配薯角 $138西冷扒厚度十足，十分足秤可惜火候控制小失手，不太均衡薯角烤到剛好，配上用心煮過的茄汁，誠意加分🍎北冰洋漁夫烤魚薯條 $88 店員介紹啲道菜是廚師推介，當然要試試佢一上菜，我地都呆左了…半臂長的魚柳就在面前🐟比較起我們平日食開的大上兩三倍呢金黃色的外表，酥酥脆脆，很漂亮味道普通同朋友分享份量剛好另外，小妹有個私心推介:薯條配上西冷微溫的黑椒燒汁食完返唔到轉頭🤔海洋梳打 $38餐廳除左食物有驚喜外，連飲品都好有創意今次就黎個大膽嘗試，叫左杯藍色的飲料外觀好可愛，完全切合到佢的主題大海杯子上仲有2條可愛的魚兒在暢泳，是小美人魚嗎?🐬就好似一盆盆景咁欣賞可以話係女士們必影呃LIKE之選🍹如果加入少少酒精變成Cocktail就正啦芥末柚子梳打 $42原本以為啲杯野穩穩陣陣，酸酸甜甜開胃實冇死點知飲落有啲Wasabi粉好刺激，又好鬼正不仿一試🎆紐約客 💌 銅鑼灣澳門逸園中心2樓Mon-Sun: 1200-2200 (試食🎈)…查看更多