金坊泰國美食

今日（5/7/2020）來到荃灣，見這餐廳有多人等位及外賣，便試下來個下午茶。點了冬蔭公豬扒河，唔夠辣及唔夠熱，份量足酸辣粉絲蝦沙律，好味，夠酸夠辣，有四隻中蝦。朋友唔食雞，但沙律內有一件無骨鳳爪，估計應是制作酸辣鳳爪沙律剩下，因酸辣粉絲蝦沙律與酸辣鳳爪沙律的調味是一樣。海南雞飯，油飯香口，不油膩，雞肉亦很滑，好味。惠顧下午茶餐，可以加$8加點一客小食，點了酸辣鳳爪沙律，夠酸夠辣，好味。埋單$134，都抵食。…查看更多

哩間泰國菜館喺荃灣都好出名！我今日先第一次去食！😆上去都幾麻煩，要等𨋢搭𨋢去3樓！下面係幼稚園同公司，幾搞鬼！每日都有不同的lunch set，有14款，好多選擇！ 每個$44 仲有野飲，好抵食啊！我叫左個海南雞飯 再加$6 轉飲龍眼冰！飯粒粒粒分明、爽口！雞件幾滑嫩～重點係個汁醬！我幾乎用晒成兜汁去撈飯食啊！龍眼冰就過甜🤔下次都係飲返普通檸茶檸水！食泰國菜始終都係晚餐食比較好，可以叫好多餸、慢慢嘆！一定要再來試晚餐！…查看更多

一早約左舊同事去食飯揀左泰國菜，book左荃灣金坊食！呢間野之前都食過，味道的確唔錯！Book左，準時去到都要等！咁其實walk in 都得啦！係點菜期間，我地想叫條燒魚！但對魚類唔太熟所以一直都唔知叫鱸魚好定鰂魚好！我地又唔想阻侍應就話鱸魚！但無一分鐘朋友話想轉鰂魚！我地同侍應講！侍應係黑面話！''睇下廚房整左未先！咁你要鰂魚定鱸魚呀''？我同佢講，落左一分鐘都無喎？然後佢先唔情願幫我轉！最後條魚都要差唔到40分鐘先到！…查看更多

呢間分店新開店時，有少少係用嚟分流路德圍總店嘅客，當時路德圍嘅接待哥哥會叫我哋呢啲荃灣友識路嘅去新店，唔使等又有折。當時真係無咩客。我哋仲喺半年前左右收到新店郵寄嚟嘅送芒果糯米飯嘅優惠券，於是直覺覺得新店生意應該唔會太旺，於是無訂位walk in, 點知星期日晚超多人，等咗成個鐘先有位，啲等唔慣位嘅長輩級家庭成員黑哂面。不過留意返繁忙日子訂位都要預早，即晚都無得訂。其實身為荃灣友之前已經食過好多次，早前入院又剛好與金坊嘅開山泰籍女大廚住同一間房，大廚嘅友善同見到佢兩位年青老闆當佢家人一般嘅尊重同關心，出錢出力，令我對金坊大大加分。芝心蝦丸，雖然個價錢$88可以點到碟咖喱，但仍然係我每次必點之選。有次去路德圍唔想等試咗另一間泰菜但無呢味餸，朋友仔極度失望。我要求原粒上，想要爆醬效果，但最後都係開咗邊，可能驚啲食客辣親嘴。蝦膠彈牙，外層一層薄薄脆皮，大量芝士。今次啲芝士凍咗少少，而且上菜次序好隨意，今次係上哂所有主菜主食先上。建議唔洗點雞醬，會搶咗啲芝士味。柚子沙律，好幾辣，記得以前係無咁辣。大量脆花生同蝦米，啖啖咸香。柚子嘅甜中和咗少少辣味。燒大鱔，金坊燒物一向出名，路德圍店仲有個大燒烤爐喺店門，即叫即燒。連著魚皮嘅大鱔好新鮮好肥美油潤，肉質爽口彈牙。咖喱扇貝，係加咗蛋嘅泰式咖喱，唔辣，好香濃。扇貝殼似裝飾多啲，因為全部扇貝肉都離哂殼。有六粒扇貝肉，size都大，連群邊，不過似急凍貨，無咩味。大蝦炒金邊粉，份量好大，啲蝦的確幾大隻，有大量蔥段芽菜蛋絲同豆卜，調味一流又唔油，熱辣辣上枱，好好味，但凍咗啲豆卜有少少唔新鮮嘅味道，所以一定要趁熱食。海南雞飯好抵食，$51，好似啲男人燒味飯咁大碟油飯，飯中間有幾粒少少乾水，但自己偏好粒粒分明乾身嘅飯，而且油飯調味適宜，主食飽肚之選。海南雞飯送嗰個冬瓜湯仲送多隻雞腳。樓面人太少，令服務未盡完美。我哋係唸住用咗張月尾到期嘅優惠劵芒果糯米飯優惠券先尊登幫襯，我哋落單時出示就叫我哋食完正餐埋單時先用。到埋單又話今日好多客唔用得，一時又話無哂(雖然我唔係好信)，叫我哋袋好張劵下次先用，之後仲賴神秘細細話送多啲原本枱枱都送嘅大菜榚俾我哋，但我話我唔鍾意食，唔使。落樓後，家父仍對接待姐姐念念有詞咁話等返好耐，姐姐後來主動俾咗張9折卡我哋，最終算有少少收穫啦。免加一，食物樣樣都有一定水準，所以仲會繼續支持，不過會選擇閒日。…查看更多

J先生睡醒, 已是三時多了; 到荃灣食下午茶 - 金坊泰國美食泰式凍飲 + $6 龍眼冰龍眼肉清甜+ $6 青檸梳打J先生飲了一啖, 好難飲冬瓜湯湯比較油腻海南雞飯 $40雞肉算滑; 飯又有油香味鴨肉湯河 (細) $30鴨肉鹵得入味, 湯好香濃; 唯一湯粉過粗, 比寬條麵更寬印度薄餅 配 佰靚雞肉咖喱 $30咖喱有椰香味, 雞肉又嫩之後另叫了 + $6 三色冰J先生話: 幾好飲金坊泰國 總結: 值得一試!…查看更多

店名：金坊泰國美食 Golden Thai地點：荃灣兆和街38-40號荃灣美食城3樓全層(1) 海南雞飯 $38；(2) 馬拉盞炒河粉 $50餘元；(3) 雜果扎肉沙律 (隨午餐加$20元)(4) 磨菇椰奶湯 (隨午餐奉送)(5) 龍眼冰(隨午餐每杯只加$6元)食物的色香味如何：各款食物很惹味，海南雞飯的製作水準比起一般提供這項食品的餐廳更好；只是馬拉盞炒河粉欠缺馬拉盞味。磨菇椰奶湯在其他餐廳較少提供，賣相跟西餐的忌廉磨菇湯極之相似，椰奶味、酸甜的香茅味十足。值得讚揚的是午餐設有奉送或加費即可享有多款小食及飲品。環境：比較暗，但算是清潔整齊。服務：很差，因為：今天遇上一名服務質素奇劣的女侍應（用圈圈起來的那個），令我們深感不快。事緣我家人叫她拿兩杯清水過來（宏觀其他客人，也有人拿清水給他們），她說﹕人人都叫我拿清水，我不知道回應誰。之後，她雖然拿了水過來，但態度實在令人咋舌。她說一間店舖幾十萬租，拿杯清水給你們最少也要3元一杯吧﹗我們相信該店其他職員服務也相當不錯，唯獨這名服務員用這麼難聽的話給客人聽。衛生：不錯。抵食：算是大眾化。…查看更多