泰王海南雞 (已易手)

傍晚在家維邨附近食左個去骨海南雞飯，呢間泰王海南雞係在紅磡廣場既地鋪。既然係一人晚餐就早d食，所以食果時都係5點半，天仲未黑。佢地點餐紙一目了然，有飯、有粉麵。我就點左泰王去骨海南雞配油飯，雖然跟餐套餐配一樣野飲，我就叫左可樂。老闆好人送多個例湯-雞湯比我飲（唔知係咪可憐我一人晚餐😂），入面有D煲到好林既雞腳，輕輕一吮就食到，無牙阿婆👵🏻都無問題。😹可能星期日啦，呢頭靜d，不過在我食既其間都有三單外賣拎走。👀👀呢個海南雞飯有d似我以前在新加坡🇸🇬hawker center食既感覺，全部雞都係無骨既，所以又叫去骨，有薑蓉、酸辣檸檬汁，係欠左黑醬油。雞有透明啫喱，而飯就係雞油飯，一人晚餐算係咁啦。😃…查看更多

呢日要去紅磡睇醫生，但好鬼趕時間，都唔得閒約舊同事食😣，於是我就嗱嗱臨喺紅磡廣場搵嘢食算。喺巷仔見到有間「泰王海南雞」，咁即係有雞飯食啦，OK！小店無室內座位，似街邊排檔，主打外賣。環境除咗嘈啲同熱啲外(因為隔離係地盤)，我覺得都算坐得自在嘅，而且旁邊仲擺放咗唔少盆栽作點綴呢🪴。比少少想像力，有啲文青Cafe都係差唔多㗎咋🤣。泰王去骨海南雞配油飯($46)，餐廳無特別提供午市套餐，因為有一系列嘅食物都係全日供應，送埋飲品。除咗飯之外，佢亦有賣叻沙湯麵🍜。海南雞可以加$8轉脾🐔，但我認為唔加都得，皆因雞胸白𠽌𠽌好靚，肉質嫩滑，而且去骨去得好乾淨。我唔食雞皮，但都留意到佢冇乜殘留雞毛。油飯呈淡黃色，幾香幾入味🍚，唔會乾噌噌。如有需要，可要求多飯或少飯。伴旁有幾條豆角，但白烚就好淡。醬汁雖然無傳統三色醬，但都有薑蓉同泰式酸辣汁，後者辣辣哋，好惹味，我要多咗一碟添🤤。飲品我嗌咗泰式龍眼冰🥤，味道唔太甜，又有少少似台式冬瓜茶，幾清新。總括嚟講，呢間位於巷仔嘅小店毫不起眼，但出品一啲都唔馬虎👍，佢嘅海南雞同油飯都好食。如果我仲喺附近返工，一定會成日嚟幫襯。題外話，店內嘅嗰位年輕女店員幾好禮貌啊。…查看更多

好想食海南雞飯，但呢個時候大胃去唔到海南島食，點算好呢？近近地喺紅磡都有間嘅，上網話呢間喺紅磡廣場，但兜咗好耐都搵唔到呢間店，原來佢係開咗喺街外面:)雖然呢間係坐喺室外食幾熱吓，但勝在夠風味，齋溫度都好似去咗海南島⋯下面嘅東南亞咁價錢相當實惠，$50都唔使，包埋嘢飲份量亦冇揸流攤，油飯多，雞肉份量相應咁多，送飯係啱啱好，唔會是但一樣被落單儘管唔係雞髀位，依然煮得好嫩，去骨好俐落，一啲碎骨都冇，老細話自己去骨去咗好多年，當然功力深厚啦隨餐送埋山楂冰，同泰國嘢飲唔同嘅係，佢唔會死甜，係好自然由山楂帶嚟嘅酸甜…查看更多

餐廳係紅磡廣場地下外既鋪頭，可以堂食/外賣。當日堂食好有大排檔feel，食得好滋味。價錢親民，外賣仲有優惠。叫左泰王去骨海南雞配油飯($46)，泰王去骨元蹄金邊粉($46)，跟餐有飲品附送。雞肉滑嫩，重點係雞皮爽，每件既肉及皮都相連，唔會散開。配埋薑蔥蓉/泰式醬料更惹味。油飯粒粒都沾滿油香，唔乾。仲有豆角伴碟夠健康。元蹄同湯麵分開上，好貼心。鹵水味濃郁，帶甜，元蹄肉嫩軟，炆到個皮好軟糯好黏，好入味。而且意想不到既大份。金邊粉湯底微辣，一大碗份量好多，麵條唔會一夾就爛。泰式龍眼冰清甜，難得跟餐可以免費提供唔駛加錢。每杯直接放入雪櫃雪凍，仲有龍眼肉可以食添。糖水西米露啖啖椰香，唔算好甜，飯後食一碗好滿足。而冬瓜湯清新，仲有幾件大冬瓜，食油飯配湯一流。整體，好少餐廳仲有露天feel，所以今次好有地道感覺。而且小店好親切，侍應仲好有心服務好。抵食兼足料呀。…查看更多

咁啱今日WFH，做嘢做到有啲攰就求其落街買啲嘢食😂雖然住咗喺呢頭咁多年，但係都好少去紅磡廣場嗰邊食飯，今日就趁機會試吓👻.行行吓見到一間貌似新開嘅泰式餐廳，入口位有啲僻，我都係行行吓先見到👻諗咗好耐決定買外賣返去一路食一路做，外賣自取嘅話仲平啲添！泰王去骨海南雞配油飯($46)(外賣自取 $44)泰菜必備海南雞🐓份量比想像中多，不論雞定係油飯，仲有啲豆添！超足料！🤤雞肉好嫩滑，不過由於自己有少少鼻塞所以唔太食得出雞嘅味道🤦🏻‍♀️🤦🏻‍♂️好彩，隨飯附上嘅自家製泰式酸辣醬同埋海南雞必備嘅薑蔥蓉！尤其中意酸辣醬酸酸地嘅味道，超開胃亦都平衡到油飯嘅油膩👍🏻泰式龍眼冰 (隨餐免費附上)嚴格啲來講係龍眼汁/水？😂一杯起碼有七八粒龍眼，超足料！啱啱喺雪櫃攞出嚟，飲落去冰涼甜甜地，超解渴！臨走前，老闆同埋老闆娘好貼心咁提我要趁熱食先食到最嫩滑嘅海南雞🥺係好有人情味嘅小店！…查看更多