泰王海南雞 (已易手)

打電話叫外賣 間餐廳叫我個20分鐘後去，去到點知佢原來整都未整，佢叫我等陣，點知一等要等成35分鐘 ， 前後用左成個鐘！！！大佬咁我打電話黎落單做咩？ 跟住都算啦 拎走 食既時間 打開一睇，哇，呢個係咩份量？雞少都算啦，再睇下飯..得果幾啖， 究竟係咪我食量大呢？ 中曬伏 食完好似無食過咁 味道又唔ok ，諗住隨便係openrice揀間海南雞食下姐，見到有d好評諗住試下 點知………我都想知道間野既好評係點樣得黎架😂😂😂😂😂誇張到 真係不可一不可再 ，要試既自己諗啦…查看更多

抵食之選🫶🏻❤️無骨海南雞飯雞肉係已經去左骨😁食落啖啖肉肉質幼嫩～配埋自家調製雞醬食跟餐配雞油飯～飯粒粒粒分明🍚泰式無骨鳳爪夏天最岩食酸辣野～呢款泰式無骨鳳爪醬汁食落酸酸辣辣好開胃跟餐加優惠配飲品有多款可以簡椰汁冰龍眼冰青檸梳打鹹檸梳打益力多梳打我叫左龍眼冰～甜度適中😄消暑解渴…查看更多

呢間泰國餐廳最出名就係佢嘅海南雞飯🤤雞肉新鮮嫩滑，而且全部都會起晒骨，啱哂我呢D懶人🤣個人超級建議加$8轉埋雞髀，啖啖肉，真係好正🥹個飯入面仲會有幾條勁好味既豆，唔知點解配菜咁好食😂本身討厭食菜既朋友都覺得好食，各位不妨一試。-同個飯最夾既仲有油飯同佢個汁，個汁簡直就係個飯既靈魂😳除左一個一般都會有嘅薑蓉，仲有個少少酸酸地嘅汁，超級開胃，餸飯都好正。Overall黎講，個飯入面所有既野都配撘得好好，頹餐得黎一D都吾劣食🤣而且就算加$8轉埋雞髀，個飯都只不過係$54，仲包埋野飲(豆腐/龍眼水)同湯/糖水(二選一)，真心性價比極高！…查看更多

今天天氣不錯，在openrice上搜到了附近這家餐廳，準備一試。後下午茶時間，只有老闆一個人，客客氣氣的。堂食區域都幾乾淨寬敞，印象不錯。點了半隻海南雞，老闆講沒有做咖哩牛腩飯，接受了推薦的豬手飯，賣相不錯，跟餐送了龍眼冰走冰。又是簡簡單單的一餐～海南雞比較滑身，肉質鮮嫩，達到泰式海南雞的標準，嶺南地區吃雞的文化真的名不虛傳。半隻份量都算ok，如果可以送埋湯就更加好了。豬手軟糯，雞油飯都幾香，配上少少菜，營養均衡。…查看更多

One of the best in HK. Chicken pieces are very tender and juicy. Love the soup that comes with it as well 👍🏻👍🏻👍🏻先叫左個海南雞飯送既雞腳冬瓜湯好大碗又清甜 仲有飲品 雞肉真係好滑又唔肥油飯剛剛好菜唔油好健康醬料好大份總之就好好味又食得好開❤️最後變咗叫左個二人餐豬頸肉好juicy 又入味好想試埋佢其他嘢露天既位置寬躺 就算疫情都唔驚👍🏻仲送左個紅豆沙好有人情味既小店 支持💪🏻…查看更多

聖誕節約咗朋友去酒吧慶祝，正日食嘢又貴又多人，原本諗住喺屋企食完晚飯再出嚟。其中一個朋友話酒吧附近有間評價唔錯又平嘅後巷餐廳，提意喺酒吧附近食埋晚餐上去。我哋穿過一個商場去到一條巷，幾把太陽遮下有幾張枱，的確有少少簡陋，嗰陣大概7:30，老闆話某啲已沽清，最後我哋揀咗個二人餐再加一個飯餐。好快就遞上熱湯，飯，餸菜，熱飲，我哋三個都覺得好味。雖然環境一般，但係大家都好滿足。每人一碗熱湯。二人餐：泰王去骨海南雞(半隻)，滑仲有雞味，好味呀。其他主菜賣晒，最後揀咗燒豬頸肉，食落唔會乾但又唔會太重油感，唔錯:)。老闆炒咗呢個豆代替白灼時菜，唔食菜嘅我食得最多。油飯大大碗。叉燒滑蛋飯。咁凍當然飲熱飲啦。…查看更多

這家隱世小店位於馬頭圍道紅磡廣場的後街內，聽聞呢度嘅海南雞飯非常好食，而且價錢非常相宜，鍾意食海南雞飯既我，適逢今日放假，就去食個lunch試一試🐔😋店舖好有特色，好有泰國嘅街頭小店特色，店舖分內外，店內負責煮食，食客就坐在店外，就像像港式大排檔一樣，非常有風味。我大約兩點去到，仍然全場座無虛席，期間外賣不斷，亦不停有人堂食，我估質素應該相當唔錯。▪️🐔泰王去骨海南雞配油飯$46 （包飲品）仲要送湯或送糖水，老細究竟有冇錢賺🤔一上枱雞嘅外觀已經好靚，而且分量超多，雞食落去超級滑，而且雞味濃郁，其中有幾件雞雞皮雞肉中間仲有一層啫喱，超級正，另外師傅刀工好好，一啲骨都冇，油飯乾濕程度剛好，配泰式醬汁和薑蓉，大大碗好食又抵食👍🏻👍🏻▪️🥤龍眼冰 龍眼冰係自家製煲完之後再雪凍，完全冇冰，而且好清甜，底部仲有五六粒龍眼肉，好飲✨店舖除咗馳名海南雞飯，仲會有例如咖喱，去骨元蹄，豬頸肉，喇沙湯粉麵，仲有雞煲，價錢都非常相宜，下次一定要再試吓其他嘢食。…查看更多

由於當日剛好約了朋友在紅磡會合，所以我們順便在紅磡享用我們的晚餐，這次我來到了一間比較隱世的餐廳享用晚餐，該餐廳名為泰王海南雞，顧名思義便是吃海南雞為主題的餐廳，不過該餐廳還有提供其他美食。而當天我和朋友點了一個招牌海南雞飯，以及元蹄飯。首先我相當滿意的便是該餐廳不論是海南雞還是元蹄，也是幫我們去了骨，所以我們也吃得相當開心。此外該餐廳提供的是油飯，我覺得該餐廳的油飯相當香噴噴，很配合餐廳的肉類，海南雞的雞件相當嫩滑，而元蹄相當入味，而餐廳還有一些秘製的醬汁，配合起上來真的相當好吃。另外我們還點了兩杯套餐配的飲品，分別是山楂冰和龍眼冰，兩款飲品給我的感覺相當清新，誠意推介大家來這間餐廳享用一下。該餐廳的CP值相當高！…查看更多

是日去左紅磡搵好野食，朋友提議黎工廠大廈附近食平靚正海南雞。我同朋友各自點左海南雞飯同燒豬頸肉飯，再配龍眼冰同山楂冰。朋友話海南雞飯好正，唔會點食到有骨，啖啖肉，而且雞肉滑溜，配埋油飯好yummy。而我就點左燒豬頸肉飯，豬頸肉唔會燒到鞋拾拾，而且烘邊既口感同厚實肉質令到呢碗豬頸肉飯做得好出色，個人黎講，十分推介！雖然小店位於工業大廈後面，但係舖頭提供好多把強力風扇，同有簷蓬遮陰，所以就算依家大熱天時都唔會話好熱，另外衛生環境都做得好足！…查看更多

隱世高質海南雞飯店但係咖喱最好食？係紅磡依個咁多高質小店既地方，朋友話依間真係熟人先會知，我試左之後又真係覺得好正！講下先，佢舖仔細細但午飯時間係好多人要等好耐，所以我好醒咁下午茶時間先黎食，就唔洗等位。雖然佢舖頭主打海南雞，但係我朋友就話內行人，即係佢，哈哈，覺得咖喱牛腩仲好食！我半信半疑，叫咗一碟咖喱牛腩飯，點知我覺得真係幾好食，佢嘅咖喱一定係自己整嘅，同出面食嘅用咖喱粉溝埋寫一啲咖喱醬溝成嘅咖喱好唔同，，而且牛腩炆得好冧，每一啖都有牛味，所以我又覺得呢個價錢食到咁高質嘅咖喱飯又真係幾正，所以我下一次都會嚟試吓其他唔同嘅嘢食，仲會試吓佢嘅海南雞飯，話晒人哋都係主打海南雞，其實我見到隔離枱都話我海南雞超滑，下次下午茶之前一定係海南雞飯。…查看更多

今日去紅磡廣場呢邊整啲野，經過條巷見到呢間隱世小店，真係唔經過都唔會知道，作為海南雞fans咁有緣一於試下先，既然到海南雞專門店，當然要食佢嘅拿手菜。泰王去骨海南雞配油飯 $46送泰式龍眼冰海南雞嘅份量都夠足，大約有8件左右，肉身嫩滑，而且全部都無骨😋😋油飯唔會太油，不過我鍾意再黃再油啲嘅飯。龍眼冰唔會太甜，最底有幾粒龍眼肉，不過美中不足係唔夠凍，如果再加少少冰會更加正！整體而言，海南雞飯配埋特飲都只係$46，性價比高😋😋…查看更多

前住HALL的時候，經常走到這邊吃飯、買東西等等，難得地可以跟朋友舊地重遊。這間小店比較多街坊和熟客光顧，價錢真的認真便宜，份量頗多的。泰王海南雞拼豬頸肉飯原本想拼元蹄，剛巧售罄便轉了豬頸肉。海南雞的份量比想飲中的多，雞皮好薄和柔軟，雞肉很嫩滑多汁，充滿雞油香味，不用蘸那酸辣汁和薑蓉也夠味道；至於豬頸肉燒起來有點像叉燒，不過入口較為爽口，邊位帶點焦香；雞油飯香口而不油膩。泰式龍眼冰隨餐附送的，冰凍透心涼，好有夏日消暑的感覺。…查看更多

傍晚在家維邨附近食左個去骨海南雞飯，呢間泰王海南雞係在紅磡廣場既地鋪。既然係一人晚餐就早d食，所以食果時都係5點半，天仲未黑。佢地點餐紙一目了然，有飯、有粉麵。我就點左泰王去骨海南雞配油飯，雖然跟餐套餐配一樣野飲，我就叫左可樂。老闆好人送多個例湯-雞湯比我飲（唔知係咪可憐我一人晚餐😂），入面有D煲到好林既雞腳，輕輕一吮就食到，無牙阿婆👵🏻都無問題。😹可能星期日啦，呢頭靜d，不過在我食既其間都有三單外賣拎走。👀👀呢個海南雞飯有d似我以前在新加坡🇸🇬hawker center食既感覺，全部雞都係無骨既，所以又叫去骨，有薑蓉、酸辣檸檬汁，係欠左黑醬油。雞有透明啫喱，而飯就係雞油飯，一人晚餐算係咁啦。😃…查看更多

呢日要去紅磡睇醫生，但好鬼趕時間，都唔得閒約舊同事食😣，於是我就嗱嗱臨喺紅磡廣場搵嘢食算。喺巷仔見到有間「泰王海南雞」，咁即係有雞飯食啦，OK！小店無室內座位，似街邊排檔，主打外賣。環境除咗嘈啲同熱啲外(因為隔離係地盤)，我覺得都算坐得自在嘅，而且旁邊仲擺放咗唔少盆栽作點綴呢🪴。比少少想像力，有啲文青Cafe都係差唔多㗎咋🤣。泰王去骨海南雞配油飯($46)，餐廳無特別提供午市套餐，因為有一系列嘅食物都係全日供應，送埋飲品。除咗飯之外，佢亦有賣叻沙湯麵🍜。海南雞可以加$8轉脾🐔，但我認為唔加都得，皆因雞胸白𠽌𠽌好靚，肉質嫩滑，而且去骨去得好乾淨。我唔食雞皮，但都留意到佢冇乜殘留雞毛。油飯呈淡黃色，幾香幾入味🍚，唔會乾噌噌。如有需要，可要求多飯或少飯。伴旁有幾條豆角，但白烚就好淡。醬汁雖然無傳統三色醬，但都有薑蓉同泰式酸辣汁，後者辣辣哋，好惹味，我要多咗一碟添🤤。飲品我嗌咗泰式龍眼冰🥤，味道唔太甜，又有少少似台式冬瓜茶，幾清新。總括嚟講，呢間位於巷仔嘅小店毫不起眼，但出品一啲都唔馬虎👍，佢嘅海南雞同油飯都好食。如果我仲喺附近返工，一定會成日嚟幫襯。題外話，店內嘅嗰位年輕女店員幾好禮貌啊。…查看更多

係間幾抵食既平民小店，餐廳位置係紅磡廣場既小巷，附近都係較舊區既寫字樓或者工廠大廈門，所以都好多餐廳做打工仔生意，我叫左個泰王去骨海南雞配油飯，盛惠46蚊，想轉雞脾可以加8蚊，套餐包埋飲品或餐湯，我揀左凍豆漿，夏日熱辣辣緊係要飲凍野，有濃郁既豆味而且甜度都啱啱好，油飯好好食，飯粒夠乾爽，油飯都有蒜蓉香，至於主角海南雞，真係幾好食，去毛去骨都幾乾淨，證明廚師好手勢，雞肉唔會血淋淋，最正係佢啖啖肉，全部雞胸雞翼都係靚部位，有辣汁同葱油汁比客人沾，好味呀…查看更多