新泰東南亞餐廳

營業中

休息中

中午時候喺尖沙咀一帶搵嘢食，行經加拿分道，俾架篤篤車🛺吸引到我，原來嗰度有間咁特別嘅東南亞餐廳。行樓梯落去餐廳，地方好大，裝修都好靚，坐位十分寬闊。我同朋友安排坐喺卡位，有幾個大咕臣，坐得好舒服，絕少餐廳會有咁舒適的環境，真係坐到唔捨得走。食物種類有好多，款式亦不少，最後我哋兩個人叫咗兩個午市套餐，再升級優惠order兩個小食。 越式蟹肉炒粉絲、冬陰功海鮮金邊粉、泰式炸春卷、泰式炒什菜，餐飲叫咗凍咖啡和熱奶茶，再加多個芒果糯米飯做甜品。🌟🌟冬陰公海鮮金邊粉用料十足，冬陰公湯底酸辣適中，有菇菌、海鮮和大量香料，好飲到連湯都飲埋。🌟🌟越式蟹肉炒粉絲分量多，用料豐富，帶少許辣味的扎肉夠惹味，雖然係炒粉絲，但一d油膩感都沒有。🌟🌟外脆內軟的泰式炸春卷，配埋清新嘅醬汁，好味🤤🌟🌟餐廳內有一個可愛的傳餐robot 😍😍

再次光顧的泰式餐廳，環境空間寬闊、裝潢充滿泰式感覺，坐得非常舒服。食物質素亦保持應有水準，今次選擇他們的週末午餐。焗奶油大蝦伊麵 ($75)• 即點即焗、製作需時，大概二十分鐘左右。• 焗的程度恰度好處，奶油表面微微焦脆，而內裡則徹底溶化，包裹著大蝦和伊麵。• 奶油味道突出，不會過於稠杰而令人感到油膩，亦令大蝦的口感增添層次。• 份量頗多，會附上大菜糕一件，作為午餐的話絕對滿足。泰式炒什菜 ($28)• 整碟口感新鮮爽脆、帶點泰式小炒風味，咸度適中，伴飯的好選擇。