泰廚泰國菜館

營業中

休息中

泰國廚師煮嘅正宗泰國菜喺香港都食到泰國嘅味道，好感動！.店員推薦我哋叫「泰式孖寶」優惠，又真係好抵！$198 「半隻泰式海南雞」+「泰式炒白貝」海南雞可以選擇幫你起埋骨個醬係泰廚特別調製，好特別又好味～炒白貝即係炒蜆，好足料.再加點我最鍾意嘅「冬陰大頭蝦湯」（少辣）味道夠濃，落足料，唔會太辣，好味！.食夠$300可以加$1叫「泰式生蝦」，超抵喎！4隻新鮮生蝦+自家製芫茜醬，好夾好正！個醬好食到我用埋嚟點海南雞，都一樣夾～.除咗生蝦，亦可以加$1叫「泰式木瓜沙律」味道無錯但真係幾辣！.見到隔離枱食咖哩軟殼蟹我又好想食但又怕食唔哂店主提議叫半隻青咖喱軟殼蟹加$10轉黃咖喱咖哩同軟殼蟹分開上，食到炸得好脆嘅軟殼蟹非常美味非常滿足！.最後甜品叫咗個「凍鮮奶燕窩」養顏.飲品叫咗「泰式薑汁奶茶」我選濃D，但原來唔係茶味濃啲而係薑味濃啲，所以好辣😂要注意！兩個人食剛剛好好飽飽好滿足埋單都係500幾蚊！好食又抵到爛～

旺角咁多泰國菜 呢間位於中心位置十分方便 仲要樣樣都夠晒泰味超級推薦🤟🏻❣️泰式生蝦 $1 (原價$45，晚市凡惠顧小菜满＄20可往選一款)今期做緊優惠可以用$1優惠價選擇 泰式木瓜沙律/泰式海蜇/泰式椰汁糕/泰式生蝦 真心超級無敵抵!!!一份四隻冰鎮造型嘅泰式生蝦🦐刺身肉質爽嫩蝦味鮮甜❣️泰式炸蝦餅拼炸春卷 $79外脆內軟嘅炸蝦餅蝦味香濃 食落彈牙非常 春卷酥脆可口一咬即碎十分過癮點反啲泰式酸辣醬酸酸甜甜好開胃❣️泰式海南雞飯 $72海南雞嫩滑啖啖肉 雞油飯香而不膩 飯香配搭雞油超match 一下子忍唔住就掃晒❣️泰式孖寶套餐 - 泰式咖喱軟殼蟹 $388超級大盤咖喱非常足料 超過10隻軟殼蟹🦀️沾滿咖喱汁非常惹味 椰香味十足夠易入口 咁大份真係4 5個人share都夠🥢泰式明爐烏頭魚酸辣湯泡浸住原條烏頭 仲要擺埋明爐keep warm越煮越入味 魚肉鮮甜仲要夠嫩滑 送飯一流🐟❣️椰汁糕 $46一份四隻都CP值幾高 椰汁配搭西米露軟綿綿入口即溶好正