鐵皇日式鐵板燒 (已結業)

元朗美食越開越多, 質數真係可以媲美市區既餐廳. 今日黎到元朗試下朋友介紹既鐵板燒晚晚滿坐, 要黎既記得要訂位先. 因我我地食緊既時候有幾group人想入黎, 師傅都say no. 餐廳圍住鐵板只有10個坐位, 每個位都可以欣賞到師傅表演. 我地叫左美國牛商務套餐 (加$140轉左肉眼排), 另外再叫左魷魚, 多春魚, 金雪魚, 蜆, 貴花蚌, 火焰油煮蜆要點名一讚既:泰國大虎蝦: 大大隻又多膏, 啖啖肉. 最重要係睇到師傅表演o係個鐵板上面劏蝦, 手起刀落一劏一𠝹, 條蝦腸就比佢挑左出黎, 刀工真係冇得輸.先比左個蝦身你食. 蝦頭會燒耐d, 燒到乾身先比你, 好香口.火焰油煮蜆: 有哂視覺效果. 清酒湯非常清甜.肉眼排: 又係有哂視覺效果, 大火燒封住哂肉汁. 配埋個蒜片食真係好正師傅非常細心, 見到有小朋友既會問落唔落黑椒做調味. 我有朋友唔食牛, 佢又另外炒一份冇牛既比我朋友. very good 全部食材都好新鮮, CP值超高既鐵板燒. 

今年父親節，爸爸一早表明想食鐵板燒，所以選了鐵皇，去到餐廳，發覺貼上"慶祝9週年"標貼，原來它在元朗都有不短日子。我和爸爸、弟弟點了三人份美國(Prime)級牛肉餐，同枱還有另外兩家分別五人和四人家庭，剛好座滿12座位，由一位廚師主理。1. 前菜: 沙律新鮮，還有火龍果。2. 北海道帆立貝: 帆立貝又大又軟熟，配合醬汁，一流!3. 泰國大虎蝦: 好大隻，由蝦頭到蝦尾都好好肉。4. 美國(Prime)級牛肉薄燒: 主廚問我們牛肉要幾熟，弟弟要生啲，爸爸要熟啲，我要兩者中間，其實我和爸爸的沒有大分別，對我來說，熟度剛好，我不吃葱蒜，只吃了牛肉，點上帶甜的豉油汁，味道不錯。5. 青島活鮑魚 (忘記影相):每人一隻，鮑魚中心部份有少少韌。6. 蒜香牛肉炒飯: 每人一碗，份量不少，除了牛肉，還有葱洋和紅蘿蔔粒，炒時更加了蛋汁，好食。7. 櫻花蝦炒雜菜: 坊間很多時炒菜都會偏鹹，這間味道剛好。8. 甜品是雪糕，沒有問我們選擇味道，店員分三碗上，有兩碗是荔枝味，一碗紅豆味，我食紅豆味，食到紅豆粒但雪糕的紅豆味卻偏淡，試了爸爸的荔枝味雪糕，荔枝味好濃郁。9. 飲品: 套餐包括味噌湯，可以加$10轉罐裝

家住新界西的Kawai，成日都覺得屯門無啖好食。不過，好彩叫做元朗o係附近，搭幾個站就有得食都未至於會餓死！平時入元朗都係食Omakase同拉麵最多，今次卻同朋友來這吃鐵板燒。嗯！呢間餐廳我成日都經過，睇門外裝修都應該有返一段時日，但，我都是這天才知賣的是日式鐵板燒，果然，已經8周年了。。。。。。。。鐵皇日式鐵板燒 成個門面有大量已發黃的剪報，看來是少做宣傳的小店吧。云云當中最令我留意的是以下這張紙，主廚KEN師傅曾在千登世松菱等有名的鐵板燒熱店工作，經驗足以令人我期待。打開門，小店只有12個位圍住鐵板坐。環境唔算大，都叫坐得舒適，食鐵板燒食材是重要，但最重要的一環是客人可以近距離欣賞師傅不慌不忙的功架。泰國大虎蝦真係超巨型！！隻隻都近乎手臂的長度，睇住師傅係鐵板上面快如閃電咁就輕易劏開咗隻大蝦， 仲去殼去腸，加秘製牛油再蓋住，一開蓋濃濃的香草味湧出，令人食指大動！～大大隻蝦肉夠彈牙又鮮甜，加上自家製香草牛油汁更添惹味，火喉控制得宜，食得出的肥美，成件事不得了！至於多食會膽固醇超標的蝦頭，就要燒多一陣，外殼燒到脆卜卜，咬下發現羔量驚人，不能放棄但又夠邪惡。加拿大A級桂花蚌桂花蚌又係成隻