阿四車仔麵 (已結業)

<<Thursday Couple 為食記👣😋>> 好耐無同男朋友堂食了，而家晚市無咗，唯有午市去食下嘢。所以就同男友係番工之前去附近找嘢食！我哋不嬲都食開一開車仔麵，今日就想試吓啲新嘢，知道之前係聯和開左間阿四車仔麵，見佢係以灰色裝修為主！都幾特別，裡面係木枱高凳，同埋多數係比你單人坐，符合車仔麵要快靚正嘅感覺！但我今日就同男友黎大食四方！為大家試下！係咪可以再過黎食！🤣🤣🤩呢度就好似普通車仔麵檔咁，自己剔紙嗌嘢食，麵底，醬汁，餸，小食，飲品，樣樣都有！佢仲有比你加辣菜浦，同辣椒油，建議試下！成碗惹味好多嫁🥳🥳係時間嗌嘢食！🤩🤩我就叫左牛腩，蘿蔔，貢丸做餸，每樣都比得好足料，牛腩炆得淋，同入味，蘿蔔係幾大嚿，😂我起碼三大啖先可以食得完一嚿，佢一碗都有成三嚿，最緊要係佢好鮮甜，又冇渣，唔知係咪因為當造呢！貢丸都好有香菇味！而且係啖啖實口感覺，一啲都冇偷工減料！男朋友就叫了仿鮑片，牛腩，牛柏葉做餸，佢話同外面一般食嘅差唔多，味道同口感都唔差，同我樣比較推薦牛腩！😎而湯底佢就比較清，因為佢會有個醬汁做底，我哋都叫左沙嗲汁，個味好香，🥳係花生香氣，但唔會太濃，其實成個味係啱啱好！食落好順口，加埋佢個河粉用左粗身小小嘅，食上去吊多啲湯汁，正！🥰🥰😚之後就係佢嘅小食😂😂其實係估唔到食車仔麵都有炸蠔食，所以想試，再叫左碟菜心，同埋好多都推薦嘅瑞士雞翼😍 吉利蠔炸得勁香脆！應該係即叫即炸，佢仲加左泰式辣醬，炸野同佢就係夾！我見佢仲有火豬扒個啲，感覺佢嘅炸物都做得不錯！下次會再試！😛佢嘅菜心，真係幾好食，我諗係個菜心本身都好鮮甜，唔係咪又係因為當造😂😂🤣又夠嫩，真係咬落去，菜嘅甜味同汁岀曬黎！配落個湯麵到！正！😋而瑞士雞翼，真係滷左好耐嘅感覺，但又唔會完全淋，冇口感，反而係真係啱啱好離骨偏淋嘅感覺！正到，淨係賣相都流曬口水，佢仲22蚊有5隻！扺食！最後一樣超級推薦嘅係。。。。佢嘅樽仔奶茶！正到爆！佢有普通奶茶的，好似平幾蚊，但我同男朋友都冇後悔加幾蚊飲呢枝嘢！因為佢係超重奶味！茶又香濃，兩者係啱啱好，唔會話邊個cum 左邊個嘅味！仲要甜度啱啱好，因為佢真係好濃郁！足料！建議呢枝可以拎去分銷！我都一定去買！☺️☺️😘😘之後先發現原來佢旺角有間分店！其實真係幾岀色！都想去試下！😚😚…查看更多

之前獨自食過一次下午茶，印象不俗，但胃容量唔容許我試埋其他餸🤨今次帶埋朋友再戰！！每枱都配有辣菜脯😋配麵食一流👍🏻個人喜歡再辣一點🌶$60招牌麵🍜大大碗絕對超值🤤有齊哂本土特式配菜☺️ 一直以黎都覺得，要知一間車仔麵水準，蘿蔔一定係必食👍🏻蘿蔔真係做得好好食，入味又冇渣！仲食到蘿蔔鮮甜😋😋😋大讚！豬紅唔會一夾就散，大腸有咬口，魚蛋爽口，雞翼尖豬皮魷魚🦑夠稔🤤反而當日雞翼煮得比較實肉😣$45自選車仔麵🍜魚腐稔得黎有咬口，滷水腩肉夠軟，但反而滷得唔夠入味，只食到湯底味道🤔$26日式吉列蠔🦪即叫即酥炸👍🏻入面係由數隻蠔仔一齊炸🦪$26吉列豬扒🐷炸粉唔厚又夠哂大件，肉質都夠稔，醃得入味，相比起炸蠔，豬扒就啖啖肉😋$18樽仔奶茶☕️！必飲！茶香奶滑又可以解辣😋$18樽仔奶茶☕️！必飲！茶香奶滑又可以解辣😋醬汁可以揀加腩汁/咖哩/沙嗲/辣醬/麻辣醬😋我就覺得沙嗲醬最惹味😋當日訓到三點幾先起身食第一餐😂食完呢餐豐盛餐，晚飯都唔洗食😋兩個人埋單$175 免收加一 仲送凍飲🥤…查看更多

一見到菜單就已經有好多餸可以比我揀🥰 好多都係普通車仔麵店有既食材☺️ 所以岩好多唔同人既口味～今次叫左淨餸😆淨四餸 $38 （加餸每款$9）餸：溏心蛋，冬菇，蘿白，辣魷魚，牛腩，炸魚皮溏心蛋可以再入味啲😚 但牛腩，冬菇就好有滷水味，冬菇質感係紮實啲同食落亦滑身！蘿白算甜而且夠多汁🤣🤤重點係無渣😋所以食得好愉快😬。不過牛腩偏柴左小小😶 炸魚皮份量好多 而且貼心地幫我分開左上 令魚皮保持脆口😋 魚皮本身唔係好咸所以食多啲都唔會太口渴。辣魷魚好脆同爽口彈牙。樽仔奶茶 $16茶葉味濃 飲到底會見到茶啲渣 但飲落好滑既 奶味亦岩岩好 好推介🙈我仲叫左幾款小食，炸唐揚雞塊，花膠碗仔素翅，蠔油菜心，炸墨魚卷。雖然全部小食都係20蚊 但佢啲份量都足夠😍 菜心偏淋，雞塊好多 配甜辣醬好味😋 墨魚卷正常 都好味既！…查看更多