醉潮館

📍醉潮館 (荃灣)荃灣三陂坊30號地舖中秋節同家人一齊食潮州菜，提早訂枱，餐廳座位比較迫，食物款式多，即叫即做，鑊氣十足。推薦大家必要叫乳鴿同蠔餅☁️醬滷拼盤$148滷水拼盤有豬腸，腩肉，八爪魚，花生，紅腸，流心蛋等等，濃郁入味，可惜沒有鴨片☁️砂鍋卜卜蜆$188細鍋卜卜蜆，蜆肉新鮮，味道鮮甜，睇住佢地打開個，冇沙，湯底有少少辣，配埋白蘿蔔粉絲，好食☁️鴨旦煎蠔餅$88即叫即做，炸得非常脆身，蠔仔份糧多，外層鬆脆，中間檽身，再點醬汁，yummy ☁️金湯酸菜魚$138酸菜魚份糧多，☁️紅燒籠中乳鴿$68乳鴿用雀籠包裝，賣相精緻，乳鴿皮香脆，好香，多肉☁️雪裏紅蝦干芥蘭煲$88濃烈蝦醬，芥蘭脆口，熱辣辣上枱，好香，但鹹左小小☁️椒鹽鮮魷$128椒鹽灑上表面，鬆脆酥香，有少少辣椒香蔥，非常惹味#荃灣#荃灣美食#香港#hongkong#hkfood#hkfoodie…查看更多

好耐冇食過海鮮砂鍋粥，見醉潮館都幾多人推介砂鍋粥所以就去訂位試吓。兩款推介小食率先登場！牙籤雞外型好的骰，雞粒炸漿外層加左燕麥，食起嚟更脆更有口感，一支牙籤一粒，再加支啤酒啤一啤超爽皮～小米餃好cute，皮係用薯粉整嘅所以好煙韌，肉餡嘅味道好似魚皮餃，口感唔錯但偏鹹，唔算大驚豔但幾過癮一試無妨。萬眾期待嘅砂鍋粥終於嚟啦！Order左大膏蟹加兩隻蟶子王同花甲王一份。粥底吸收左海鮮嘅精華勁鮮甜而且褒得好綿，大膏蟹有唔少蟹膏同個粥混合，正！大膏蟹好多肉，尤其兩隻蟹鉗啖啖肉。花甲王係一個唔錯好嘅選擇，爽甜得嚟冇沙，四個人仲可以差唔多一人分到兩隻，性價比都算高。蟶子王我冇食到，不過屋企人話一般般。鐵板黑椒豬仔髀有驚喜！鐵板端上嘅時候吱吱聲，超震撼，勁有鑊氣！豬仔髀超爽嫩，加黑椒汁超惹味，$108有六大支豬仔髀，性價比極高！繼砂鍋粥最多like嘅菜色~椒鹽鮮魷味道都唔錯，不過不失。細佬話見review有人試過潮式胡椒豬肚雞想試試，menu又唔見，樓面話幫我問下廚房又有喎。胡椒味唔算好重但d雞好肥所以個湯底都幾油，雞件都算嫩滑，豬肚就一般媽咪話有d餲，$288嚟講有d失望，可能叫多幾款餸仲多驚喜。…查看更多

I wonder if I'm the only English comment here. No matter, here goes nothing. For non Tsuen Wan locals, this restaurant is tucked away in a hidden back street glittered with at least a dozen other restaurants, loud rattles of beer bottles, cheers and laughers from customers seated on tables along the streets; it certainly brings back memories to the good old days of Hong Kong. Yet this restaurant was different. It was located at one of the corners, a little quieter, cleaner, unsuspecting, and well managed. Upon entering, it gives off a very old school Chinesey feel. The walls stapled with fake-brick wallpapers. Wooden tables and wooden chairs, makes one reminiscent of the elegence of our city's culture. Our group consisted of 5 people, as we excitedly over-ordered everything. Enticed to try everything on the menu. Pepper Pig's stomach soup (白果胡椒豬肚湯): Very flavourful. Mouthful of goodness that warms the body up straight away. Perfect soup for a cold autumn or winter's evening. No complaints here.Pigeon in a cage (紅燒籠中BB鴿子): It's appearance was quite delightful. Tastes decent, but probably not the best ones in town. Still a great dish.Duck egg Oyster Pancake (傳統鴨蛋煎蠔烙): This tastes different from the typical oyster pancakes you'd get. There was more flavor, more texture, without the deep-fried bits overwhelming your palate. Just enough of the batter, oyster, and eggs, sprinkled with garnishes on top for beauty.Small Boiled Clams (砂鍋卜卜蜆煲): It came with a gas stove below, as you watch them slowly pop open one by one. Quite the entertainment. The first few were tremendous, but a number of them turned out full of sand inside. Unfortunately that was a slight disappointment. Deep fried Squid (椒鹽鮮魷): Very tasty. Came out extremely fast too. Not too much batter. Dip it in some soy sauce or chili brings out the senses even more. Wasabi Beef Ribs (芥末牛仔粒): Harmonic combination of fats and proteins, with a generous blob of mayonnaise on top. This dish was pretty much gone within 5 minutes. Melts in your mouth as you bite them, and the mayonnaise keeps your palate guessing. Boneless Chicken feet (無骨雞腳上上簽): I found this alluring, but most of my group considered it a little too spicy. If you're adequately equipped with strong palates, I'd definitely recommend this one. Though the amount of sauce might be a little overwhelming. Simply scrape off excess sauces before consumption.Beer and Beer bowls: Can't go wrong here. A great way to boost atmosphere and an even greater way to drink beer. Overall it's one of the top notch Chinese restaurants in Hong Kong, for the price range. Definitely recommend. The food came extremely fast, the waitress was polite and caring, even moving us to a bigger table when plausible. I'd urge you to consider venturing here for some local flavours once in a while. …查看更多

嚟呢間<醉潮館>食個晚飯，順便慶祝朋友生日。我哋叫咗好多個小菜，味道都唔錯！首先我哋叫咗兩個燉湯，分別有花膠螺頭燉雞同核桃蟲草鮑魚燉雞。兩個湯都好清甜，湯亦都無乜油，用料十足。我個人較為喜歡核桃蟲草鮑魚燉雞多啲，味道較香濃！椒鹽九肚魚~炸得好香脆，一咬入口啲九肚魚無滑潺潺嘅口感，亦都咬唔到魚骨，正呀👍🏻籠仔荷葉膏蟹蒸飯～一大隻蟹放喺啲飯上面，勁多膏，膏蟹亦都好新鮮，蒸飯吸哂荷葉香味之餘亦都粒粒分明，越食越想食。金湯酸菜魚～湯飲落酸酸帶啲辣，不過不失。但可惜啲魚帶泥味，影響整體嘅味道。雪裹紅蝦干芥蘭煲～翠綠嘅芥蘭，炒得啱啱好，又唔會炒得過老，好香口！加上蝦米咸香味，不錯。醉潮口水雞～微辣口水雞，食落啲雞無雪味，肉質都唔錯。辣酒煮醉螺～呢個醉螺一啲都唔辣，螺肉煮得好入味，每粒都好大粒。黃金秋葵～每一條秋葵都被啲咸蛋黃均勻地包住，咬落唔油膩，秋葵亦都炸得好乾身。真係比起平時食烚秋葵完全唔同口感，好有新鮮感🤤椒鹽鮮魷~鮮魷炸得好香脆，而且咬落都好彈牙，可惜炸粉過多，如果少返啲炸粉口感更脆！椒鹽孖寶一口方塊~裏面分別有炸豆腐同炸饅頭，夾起舊豆腐無鬆散，外脆內滑，勁好食。炸饅頭亦都炸得啱啱好，外表金黃，配上煉奶，香甜鬆脆，勾起細個喺酒樓食炸饅頭嘅回憶🤔呢間《醉潮館》被我譽為「炸之神」!!全部炸物都炸得好金黃，亦唔油膩，非常之好好食👍🏻👍🏻👍🏻下次一定要食埋呢間嘅潮州鹵水拼盤🤣🤣…查看更多

之前黎食過一次, 覺得呢度嘅膏蟹粥同蠔餅都唔錯, 所以一直想黎食多次~點知之前好幾次黎到都冇開, 今次終於有開啦!! 首先, 一坐低, 朋友就話呢度嘅胡椒豬肚湯係必點! 真係咁好味咩? 即管試下!一啖入口, 果然鮮美又重胡椒味, 啱晒落雨絲濕嘅天氣!  建議趁熱飲, 否則凍咗就唔好飲.再試下啲豬肚, 咦... ... 點解咁韌嘅? 問咗朋友, 佢話佢之前黎食冇咁韌, 可能今次有啲失準~再黎食嗰海膽炒飯, 炒飯味道清淡, 用以青菜粒, 雞蛋及少許帶子粒作配料海膽似乎鮮味一般, 不過138嘅價錢黎講, 巳是合格~  畢竟份量都頗多再黎係我最愛嘅椒鹽鮮魷~ 炸得香脆再配上炸蒜和喼汁 叫多枝啤酒, 一啖炸魷魚一啖啤酒, 人間美味不過如此! 飲勝!直頭想encore多碟! 可惜眼闊肚窄, 唯有留待下次啦~兩個人埋單380連加一, 荃灣潮州菜黎講算是中上價~ 但味道真係會令人食過返尋味~ 下次要再叫多啲朋友黎試! 畢竟多個人多份滋味 (實情係可以叫多樣菜!~~) …查看更多

餐廳呢裝修相當光亮，同隔離大排檔相比明顯比較新，先睇下餐牌，除了一啲典型嘅潮州菜，還有一些特別的菜式。另外值得一提，餐牌設計用心，如有一本本草湯目設計得像一本武功書一樣；至於裝修，餐廳樓底幾高，加上當日人流不多，所以整個感覺幾舒服。牙簽雞 ($58)味道非常之唔錯，香口，好脆，配合泰式辣醬的味道，酸酸辣辣。作為第一款菜，實在十分開胃口，實質口感有點和kfc的脆辣雞粒，不過這道是新鮮炸起的，味道更好。砂鍋卜卜蜆煲 (細) ($168)勁足料蜆多到滿哂，送到後用猛火煲到蜆都逐隻打開，蜆都入滿了味，逐隻打開，既吃到蜆肉的鮮味道，也有些湯底的味道。除此之外，蘿蔔和粟米都非常入味，值得推薦，必食！紅燒籠中bb鵨子 ($58)乳鴿比想像中的細隻，但是打卡效果十足。這道菜更適合打卡！鵨的味道其實不錯，不算太鹹；肉質不算突出，不過幾入味！椒鹽鮮魷 ($78)椒鹽鮮魷送時熱辣辣。魷魚外脆內熱，食落少少辣 ，感覺好有風味，真的會吃個不停！份量十足，這價錢抵食！總結餐廳價錢相宜，而且味道相當不錯，環境尚算舒適，如果與三五知己黎食下野更佳，可以吃更多的小菜！…查看更多

今晚同男朋友去咗朋友推介嘅《醉潮館》食飯 好彩有訂到枱 如果唔係都要等位🤦‍♂️ 望望個餐牌 除咗打冷野之外 仲有燉湯喎💁‍♀️ 又有卜卜蜆 都幾多元化💁‍♀️我哋為咗叫咩食 掙扎左好耐🤦‍♀️🤦‍♂️ 因為實在太多野都想食啦 最後叫咗五樣嘢 食到勁飽💁‍♂️💁‍♀️椒鹽鮮魷 $78份量好多 炸起熱辣辣 粉漿都幾薄💁‍♂️💁‍♂️💁‍♂️ 鮮魷仲𠝹埋花 賣相幾靚仔💁‍♂️ 椒鹽味道好夠 但喼汁我覺得偏酸💁‍♀️ 唔點喼汁仲好味💁‍♀️火焰醉花螺 $108湯底原來係麻辣口味 夠哂麻超過癮！🙆‍♀️🙆‍♀️ 花螺得幾粒係帶葉既💁‍♂️ 但肉質都爽嫩 size都幾大粒 中意麻辣既一定要叫呢個💁‍♀️紅燒BB鴿 $48價錢咁平一定要試下 幾乎每枱都叫一隻 幾受歡迎咁💁‍♀️ BB鴿係連埋鳥籠上 幾有新意💁‍♀️ 肉質滑得黎有啲juicy 一定要襯熱食 好快凍💁‍♀️花膠螺頭燉雞 $68鍾意飲湯嘅我自然唔會放過呢個咁滋補美顏嘅靚湯啦💁‍♀️💁‍♀️ 份量夠哂兩個人飲💁‍♂️ 螺頭燉到勁稔 花膠就偏爽身💁‍♀️ 湯既味道香濃清甜💁‍♀️鐵板黑椒豬仔脾$98兩個人真係食唔哂 啖啖肉最岩送啤酒🍻 豬仔脾似係炸完再用鐵板上💁‍♀️ 幾香口 仲有啲肉汁 如果再落少少孜然粉會更惹味🙆‍♀️…查看更多

去開荃灣突然心血來潮想食潮汕中菜一入到黎坐底，店員同我地講只要ike一like Facebook專頁就有龍蝦沙律送鍾意食龍蝦嘅我又點可以抗拒到呢沙律中間混合左龍蝦肉成個口感好清新有少少Wasabi芥末醬嘅沙律😚只能用一句我喜歡形容椒鹽鮮魷呢碟色香味俱全，最緊要咬落去好鬆脆中間魷魚肉多，唔會好似出面有些餐廳勁多面粉，值得一試紅燒籠中BB鴿子小鳥籠裝住bb鴿，乳鴿肉質好鮮嫩🤤🤤🤤配飯一流醬滷水拼盤 係呢度既招牌菜，上菜個賣相非常之靚，見到有好多唔同款式嘅嘢食，第一次見滷水拼盤有流心蛋 但係夾埋少少蛋漿撈落其他滷水上面，都係別有一番風味，除咗流心蛋之外，我覺得比較好食嘅係紅腸、墨魚🦑同埋豬耳。墨魚好爽口！香腸夠入味 ！豬耳咬落好脆 ！醬滷鵝 🦢滷水鵝好入味 再點少少白醋簡直絕配 鵝件啲口感唔錯 而且又滑，d鵝好肥美超邪惡🤤 一碟份量都好多，而且仲係豆腐底，啲豆腐食落都好新鮮。…查看更多