明記海鮮酒家

每次去流浮山食海鮮🦞都會幫襯明記海鮮，餐前有大大碗海鮮芥菜豆腐湯，湯好鮮味好多配料。嚟到流浮山必食一定係酥炸蠔😍蠔又大隻又肥美，酥炸口感鬆脆，沾少少椒鹽食，蠔鮮味更加突出。另一款必食推介，就係明記招牌炒飯，每次去食一定會叫呢碟炒飯，好好食，不但夠鑊氣，每粒飯的軟硬度適中，炒飯配料好足料，有大大隻鮮蝦、叉燒等，全家人都好鍾意食🤭其他海鮮一樣夠鑊氣又新鮮😋豉椒炒蟶子、豉椒炒蜆，肉鮮甜又肥美，好厚肉。椒鹽鮮魷好爽口，炒小菜一樣好味，叫咗炒咕嚕肉、油鹽水浸菜，全枱食物冇食剩，款款清晒碟。…查看更多

今日特登入流浮山食海鮮！平時屋企人食開呢間明記海鮮酒家週末晚餐好多人好旺好在佢有幾層 只係每層都只係坐到4枱 大概25個人佢係自己揀海鮮 之後落單叫想點煮 所以份量 價錢視乎你買幾多1️⃣海鮮湯呢個係送嘅 湯新鮮用豆腐 蜆 魚煲嘅 味道好鮮 清淡唔鹹 無加味精2️⃣芝士焗龍蝦伊麵超大隻龍蝦🦞 我地買咗$5xx舊肉真係超級大舊 第一次食咁嘅size可以成個球咁起出嚟龍蝦啖啖肉 咬落好爽 好重海鮮味 唔知點解食完個喉嚨好似起沙咁😂不過超好食！芝士醬味道啱啱好 唔太稀又唔太濃 所以完全唔膩伊麵質地都好好 唔過淋唔易斷開 又好索汁👍🏻係出色嘅芝士焗龍蝦伊麵3️⃣椒鹽鮮魷🦑依個可以就咁落單叫都好大碟吓佢炸到金黃色 食落超香脆椒鹽味唔算好重 但係絶對夠味外面層粉唔會好厚 所以主要都係食到魷魚香味同埋雖然係炸 佢又唔會油淋淋 反而幾乾身4️⃣豉汁炒蟶子底部係殼 上面全部蟶子每條都超大條 佢調味調得好 完全冇腥味唔好睇佢好似好多醬好鹹 食落其實少少甜甜地蟶子食落好有嚼口 要咬好耐先吞到但係咁樣先品嘗到佢嘅味道😋5️⃣斑腩炒菜芯呢個我哋個斑腩買咗$4xx 所以都超大碟每舊都係肉 冇乜骨 另外炒埋薑 冬菇 青椒🫑 都係完全唔腥班腩肉質比較實 唔易散 啖啖肉仲有啲透明膏位 食落少少黏 好得意嘅口感用嚟餸白飯好正🤤菜芯起底 每條都勁粗 咬落清脆 有啲菜感覺健康啲6️⃣辣白酒煮花螺有啲似法式焗田螺咁 一隻隻細細隻佢有俾籤你撩個肉出嚟食 放便啲肉味道同蟶子其實差唔多🙈只不過佢真係好辣🌶著火🔥幾神奇係果然食到白酒味呢碟相對冇咁出色 都係諗住試吓花螺下次可能試其他嘢-海鮮果然煮得超好食 落足功夫整 明顯比一般城市海鮮店出色環境就差少少 比較逼同埋唔太舒服 不過都可以理解服務態度好 啲姐姐好有禮貌唯一挑剔位係上菜太過慢 每碟都要等好耐 原先叫咗個炒飯 以為唔使等太耐 點知食曬都未嚟 所以最後取消咗唔要CP值…係好貴架喇 但係預咗 難得一次食海鮮 豪吓💸不過絕對值得嘅如果大家想食高質海鮮餐 不妨試吓入嚟流浮山！…查看更多

到流浮山食海鮮雖然比較遠，但亦都係一個唔錯的選擇。流浮山的海鮮酒家真的非常之多，之前都食過幾間，不過覺得這間明記酒家的價錢比較公道。當然……可能有些食店比明記還好，因為真的太多食肆選擇了。有車的朋友揸車去當然方便，而且泊車超抵。我通常泊在面對迴旋處洗手間左邊的停車場，這停車場比較闊及大，亦無需放低車匙(因有些要放低車匙的)，泊好車後先收$30，食飽飽後同明記攞張卡片交回 停車場，停車場就會退回$20，即是$10可泊一日。芝士龍蝦伊麵，芝士味唔會太濃，我就比較喜歡，因為唔會蓋咗龍蝦d鮮味，亦無咁"溜"。椒鹽鮮魷使用新鮮魷魚，非常好味麵包蟹啖啖肉非常有鮮味，比起自助餐的冷盤好好多除了食海鮮外，都order一、兩碟小菜， 菠蘿生炒骨d粉漿不太多，我就喜歡酸多少少就更加好，同埋菠蘿多少少就好啦……因為個個都鍾意食菠蘿這碟忘記咗是什麼班，是兩食的，兩碟都好大碟。東風螺沒有沙，正……金豪， 只是乾咗少少，不過無比較都唔覺嘅……， 因為上次比今次好食，而且上次還要大粒。通菜好嫩椒鹽奄仔蟹，必食，煮得好好味。不過蟹膏就不及上次多。壽包就普通通，因為他們都是買回來的， 如果用翻個竹籠及排返靚少少就好啦。壽包就偏貴，一打要$120。不過自己帶蛋糕去都可以。…查看更多

舊公司同事聚會，數數手指有D同事十幾年冇見，太空超人話呢次係百年難得的聚會，20位大人7個細路，好期待 :) :) :) :) 。翠絲建議入流浮山明記，話識人好抵食，可以預早幫我哋訂定海鮮，新鮮好味，今次辛苦晒翠絲。去到明記，留咗兩張12人枱比我哋，我哋27人坐太廹啦 :(  ，要求轉其中一張去旁邊嘅14人枱，服務生居然要走出去問先返嚟幫我哋轉。人多真係好，可以食好多好多唔同款嘅海鮮，果晚我哋飲咗湯，食咗蜜糖金蠔、粉絲蒸扇貝、清蒸鮑魚（以上三款各20隻），另外椒鹽賴尿蝦、油鹽焗蟹就各10隻，清蒸石斑兩條，每條斤半左右，仲有豉椒炒大聖子、椒鹽鮮魷、蒜蓉蒸開邊蝦、白灼花螺、清炒菜心、腐乳炒通菜、招牌炒飯、菜膽雞；油鹽水花甲去到話冇貨。湯比較清，未試過海鮮湯會咁清，我果枱大家攞咗一碗都冇再添。豉椒炒大聖子，亞仔好鍾意。第一次食金蠔，原本以為好似海味舖買到的本地生晒蠔咁充滿香濃嘅蠔味，滿心期待，點知係兩件事嚟:(，蜜糖金蠔味道淡咗D喎。粉絲蒸扇貝比咗亞仔食，佢話好好味，初初佢仲唔食粉絲，我話呢D先係精華，叫佢試吓，試咗之後覺得好味到連爸爸果份粉絲都食埋。清蒸飽魚夠諗:)，味道可以。椒鹽賴尿蝦香口惹味，如果D賴尿蝦可以大隻D就更好啦。椒鹽鮮魷夠脆、脆漿唔太厚，小朋友至 like。蒜蓉蒸開邊蝦係我提議嘅，但冇指明要咩蝦，以前食開大小小的海蝦嚟蒸，今日D蝦太細，我唔會攞嚟咁整，有D蝦仲好似霉咗，海鮮唔應該係咁  ，聽到愛妃話粉絲好食，即刻試吓，我個人就覺得咸，雖然係咁，因為係我提議，我好努力食咗好多，減少廚餘，C 先生回程係車度話應該成碟攞返入廚房。白灼花螺好鮮味 :)  ，食咗齒頰留香。條石斑蒸得剛好，要讚吓。清炒菜心冇食，亦聽唔到大家講咩，但D通菜就好爽脆、鮮嫩可口。因為我哋早到，初時上菜好快，食咗一輪，開始人多，廚房就好耐冇嘢出比我哋。咁都好，大家可以落下格傾吓計，唔知係唔係太開心，所以講到口水亁，係呢段時間我已經飲咗好多杯茶。過咗好耐，又開始上菜啦，油鹽焗蟹用奄仔整，而家啱食夠晒多膏、上咗枱好耐食都仲好熱、而且好似有種用碳焗嘅香味 :) 。招牌炒飯唔油但唔夠粒粒分明，不過有D韌度好得意，唔知係唔係佢嘅特色。菜膽雞冇食亦冇相（所有相係太空超人用手機影），但愛妃同婆婆話好有雞味。飯後送咗橙比我哋食，我冇食但估應該 OK，因為亞仔同米雪個姪女不停咁食。返到屋企一家三口仲係超口渴，係咁諗有咩可以解渴，水、茶、東瓜水、橙汁、汽水都飲咗，點解仲咁口渴㗎 :( ？成個流浮山有咁多海鮮酒家，明記呢晚都全院滿座，不過我下次會試吓第二間，因為個人認為應該有仲好D的選擇。但今晚主要目的係見吓大家，好開心咁多人可以出到嚟，最感謝係翠絲一切的安排:):)。…查看更多