桂花小幸 (將軍澳廣場)

重陽節敬老登高後刷到隱藏在商場角落的台灣小吃店想要一碗熱湯洗去都市疲憊，決定給自己一個小驚喜環境簡約溫馨像走進台灣老街小館，木質桌椅散發淡淡檜木香座位間距適中，不擁擠，適合獨自用餐或小聚紅燒牛肉湯滷水牛肚麵湯頭呈深紅寶色，台灣麵條滑順麻辣牛肉湯紅燒滷水雞翼麵米線吸汁，微辣提神紫菜珍珠雲吞湯清淡養生，內餡蝦Q軟，鮮甜帶海味椒鹽花枝丸炸得金黃酥脆，薄脆內裡鮮嫩多汁，鹹香爆發秘製滷大腸滷汁油亮，肥瘦相間，脆軟醬香，去腥完美…查看更多

又再一次黎到桂花小幸，因爲性價比實在太高，又近，所以就成為左我嘅食堂。紅燒牛筋三寶台灣麵繼續encore我個三寶，牛筋、牛腩、同牛肚，分量多又抵食。紅燒湯底係世一，牛腩炆到好軟熟，牛筋牛肚非常爽口。上湯雲吞雞雞肉嫩滑，雲吞皮薄肉嫩，個湯底飲落仲有淡淡嘅雞味。今次我仲升級左個套餐做燉湯，出街食飯要飲湯其實真係好難，唔係好多餐廳有。另外仲叫左個椒鹽花枝丸，大大粒，有嚼口又彈牙。最後仲叫左2杯台式野飲，質量同出面專門賣台式飲品嘅店鋪差不多，食物可以叫埋，非常方便。…查看更多

好耐無食台灣嘢，腦內即時湧現出”桂花小幸”這四個字於是即刻到將軍澳廣場去搵食。星期六下午2:30到，等左5分鐘可以入座，剛好有食客食完，可以坐到卡位，真幸運1. 椒鹽花枝丸3粒($28) ，花枝丸既即叫即炸，熱辣辣上枱，外皮脆口，內裡彈牙2. 煎餃子4隻($32) ，一咬落去爆汁，小心燙親口，內裡好足料，誠意推介3. 鹽酥雞扒滷肉飯($64) 追加涼伴黑醋茄子($16)。炸雞扒充滿台灣味道，外皮炸得香脆，內裏雞肉Juicy。滷肉飯碎肉超多，滷肉汁十分惹味。黑醋茄子每次必點菜式，味道酸酸地，食完十分開胃。4. 腱心牛肉麵(養生湯)($72)。湯底超甜，牛肉入口即溶，份量亦多，唔使去台灣都食到咁高水準嘅牛肉麵真係難得5. 左: 芝士奶蓋桂花烏龍茶($27)，右:柚子QQ山茶花($21)。兩杯飲品都十分滿意。整體來講，餐廳環境舒適，食物價錢優惠，食物水準亦高，以平價嘅價錢，喺香港都可以食出台灣嘅味道，相信只可以喺”桂花小幸”先可以搵到。…查看更多

🌸桂花小幸 (將軍澳廣場) 🌸📍將軍澳唐德街1號將軍澳廣場1樓133-135號舖天氣好遊車河周圍去，唔經唔覺就兜咗去將軍澳一帶，平時少去呢一區，發現原來周邊好多商場，仲要一個連接住另一個，配套優越！我哋特登過咗午飯時間先至去搵食，見到有台式小食就想試，因為都幾掛住鹽酥雞🤭 。話就話係過咗午飯時間，但呢間餐廳到左2 點都仲相當full ! 桂花小幸係一間典型台風cafe，窗邊有好多小金句，牆身亦都掛滿各式各樣嘅精緻手作仔做點綴！餐廳好識善用手機落單程式📲，如果有電子錢包，可以直接用手機結帳添💳，非常方便有效率！👍🏻👍🏻👍🏻👍🏻非常肚餓嘅我地order 左兩個套餐，加配3份小食，同埋2 杯台式特飲🌸👩‍🍳 三盛牛肉麵 配紅燒湯 $75紅燒牛肉麵配料分別有牛展、牛腩、牛筋、蘿蔔，湯頭格外鮮甜，麵條軟硬度適中！牛展同牛腩都相當入味，質感亦質感軟淋。份量亦都算多，食極都仲有！呢個質素同價錢性價比高過一般大型台式連鎖餐廳！👩‍🍳 鹽酥雞扒滷肉飯 $59鹽酥雞酥脆多汁，份量亦都唔吝嗇，大大一塊，未食飯都已經開始有少少飽足感😂滷肉肥瘦適中，醬汁亦唔會過鹹，撈飯一流！👩‍🍳 套餐追加2 份小食+ $25▫️滷水豆腐豆腐醃得非常入味，不過食到底時豆腐浸醬油太耐，有少少重口味左啲！▫️涼拌貓耳朵 即係麻辣雲耳，麻辣程度適中。雲耳細細粒好，比較一般大大片果啲彈牙！開胃小食👍🏻👩‍🍳 椒鹽花枝丸 5粒 $42巨型花枝丸，外面炸到脆脆，內裡有墨魚粒，調得好惹味！👩‍🍳台式手調飲品🥤芝士奶蓋桂花烏龍茶 $27 （套餐可以減$5）淡淡桂花香味，茶底清淡優香。 芝士奶蓋好厚身，芝味濃，飲到最後都仲有厚厚一層！ 🥤鐵觀音珍珠鮮奶茶 $29 （套餐可以減$5）茶味比較濃郁，媲美連鎖台式手調飲品店！…查看更多

今日去完Star Cinema 睇戲就在附近醫肚，見到啲間台式餐廳都幾多人排隊就去試吓，點知有驚喜，估唔到好抵食而且質素唔錯添！😋餐廳唔算大，但充滿台式文青小店嘅風格，有好多擺設同裝飾，盡顯心思。食物選擇繁多，麵飯套餐+$15 可以多一個小食（+$25 有兩個），另外加錢可以跟餐飲。比較特別係佢哋仲有多款手調台式飲品，質素仲唔錯添！三盛紅燒牛肉麵 $75 👍🏻👍🏻👍🏻👍🏻👍🏻大大碗份量非常多，三盛包括腱心牛肉、牛腩、牛筋。雖然唔係果種好重藥材味嘅湯底，但佢嘅湯底一樣係味道濃郁香甜，而且帶少少辣，牛肉好淋好入味，麵條粗幼適中彈牙。整體絕對係水準之作。鹽酥雞排滷肉飯 $59 👍🏻👍🏻👍🏻👍🏻雞排大大塊香脆肉嫩，鹽酥味道亦不錯，最重要係即炸夠熱辣辣。至於滷肉飯份量都唔算少，味道正常發揮唔算突出。加配小食 兩款 $25滷水豆腐 👍🏻👍🏻👍🏻 滷水味道濃郁，如果淡番少少會更好，不過都值得一試。涼拌多猫耳朵 👍🏻👍🏻👍🏻👍🏻 酸味突出又帶點微辣，雲耳爽口彈牙，推薦！椒鹽花枝丸 $42 （5粒）👍🏻👍🏻👍🏻👍🏻大大粒熱辣辣，外皮鬆脆，花枝丸亦好食，絕對係唔錯選擇。幸福之茶研社 （套餐減$5）鐵觀音珍珠鮮奶茶 （少糖）$32 👍🏻👍🏻👍🏻👍🏻珍珠Q彈煙韌，茶味清香配合鮮奶剛好唔太甜芝士奶蓋桂花烏龍茶 （少糖）$30 👍🏻👍🏻👍🏻👍🏻👍🏻忌廉芝士味道濃郁，配以清新嘅桂花同烏龍茶，完美配搭，推薦！總結：環境唔錯，食物選擇多而且價錢大眾化（仲要係唔收加一！），最重要係食物質素良好用心製作絕不馬虎。如果以同類型台式餐廳作比較（例如茶木），啲間嘅性價比係完勝。想食台式牛肉麵我會推薦啲間👍🏻 另外佢嘅台式手調飲品都係出色，仲好過一啲台式飲品店！…查看更多

今晚太夜收工費事返屋企食，就同同事一齊食完晚飯先至返屋企，見呢間台灣食店開左好耐都未試過，現在又冇得去旅行，就一於入去試吓已解相思之苦，店內嘅環境都幾寬敞舒適，即刻睇吓餐牌都幾多唔同款式嘅食物，我哋叫左幾款美食和兩款特飲來品嚐一吓鹽酥雞排滷肉飯：雞排外脆，鹹度剛剛好，好惹味，滷肉好入味，撈飯一流另外跟餐加15蚊要左兩個小食，滷水豆腐和涼拌黑醋茄子滷水豆腐：普普通通，好處一啖一粒:)涼拌黑醋茄子：茄子軟滑，酸酸尾尾，食完胃囗大開三盛紅燒牛肉麵：腱心牛肉炆得好腍滑，牛腩一層筋膜 一層肉，一咬即開，牛丸咬落爽囗味濃，台灣麵入囗煙煙韌韌，紅燒牛肉湯底好香濃牛肉味，飲完唔囗乾椒鹽花枝丸：大大粒香脆爽囗彈牙台灣烤香腸：台灣香腸真係特別美味可囗夏日水漾鮮果茶：有藍莓、火龍果、士多啤梨、青檸、檸檬和西柚呢幾樣鮮果，好香茶味，入口味道似百香果蜂蜜檸檬蘆薈：甜甜地，好多蘆薈粒增加囗感以後返工或收工都可以來呢度醫肚…查看更多

今晚放工再次和友人來到將軍澳廣場的台式小店-桂花小幸，上次吃過後大家都非常喜歡，無論食物質素和環境都非常滿意，食物選擇亦多，決定再來encore 。人流仍然非常多，坐到滿滿地，首先到店門口取票等叫號碼，店員安排好位置後記下枱號，到櫃檯點選食物，之後靜心等候，店員送餐速度亦非常快。必吃推介：台式雞肉飯定食配涼菜丶蔥油時菜及紫菜魚丸湯，價錢$63，非常抵吃，這個是我最喜歡的，涼菜是涼伴茄子、青瓜和木耳，茄子醬汁酸甜酸甜的，很合胃口，紫菜湯內有彈牙魚丸，雞肉飯份量十足，非常好味。必吃推介：煲仔．紅燒肉定食配上湯浸時菜及白飯，價錢$73，這個定食是煲仔上的，紅燒肉肉質味美，不油不膩，配上入味的豆腐粒和滷水蛋，大推。再來是椒鹽花枝丸，這個炸得金黃香口，花枝丸彈牙爽口，也是必吃的。有三粒和五粒供選擇。古早味滷水雞翼也非常出奇，滷水味濃厚，雞翼迷至愛。仲有，叫了一客兩件的台南手工餡餅，這個非常有驚喜，手工餡餅表面煎得金黃，內有豬味等配料，熱辣辣的，好味非常，如是台北糊椒餅迷，這個是必吃。…查看更多

今晚去將軍澳探朋友, 近近地係附近食埋飯先返屋企, 經過見到呢間餐廳門外有唔少人等位, 見價錢亦不貴, 就禁飛等位啦, 還好輪候時間都幾快。店員先安排入座, 揀好食咩就自行到cashier落單比錢, 返埋位等店員協助送餐。【椒鹽花枝丸】HK$26表面炸至金黃微脆, 花枝丸入面仲有魷魚粒, 幾爽【台式烤香腸】HK$28台式香腸切成薄片, 皮脆, 甜甜地 【三盛紅燒牛肉麵】HK$69湯底清甜甘香, 牛丸幾彈牙, 其中一粒好似比錯左豬肉丸, 牛腱很滑很林, 索左d湯汁, 牛腩更有肉香【蕃茄酥炸排骨米線】HK$63蕃茄湯底甜中帶微酸, 米線很滑, 索左個湯底, 食落幾開胃。炸排骨為吉列薄切豬扒, 炸皮薄而香脆, 點蛋黃醬食, 味道更加正! 另外加左HK$15 追加兩客小食, 同樣揀左紫菜魚蛋湯, 開邊魚蛋幾鮮甜, 個湯有大量紫菜, 啖啖濃郁紫菜味【黑糖珍珠鮮奶】HK$29香滑鮮奶加入左黑糖, 味道唔會太甜, 珍珠煙韌, 而且份量多, 啖啖都啜到珍珠晚市繁忙時段排隊落單時候較長, 要比少少耐性等待。餐廳全日冇加一, 份量都幾大碟, 抵食!…查看更多

今日想食台菜 起將軍澳廣場 人生路不熟 上Openrice 搵食先 有間台灣野食叫 桂花小幸 裡面幾樸素 小小文青feel 好掛住台灣啲小食 所以叫左台灣烤香腸 鹽酥花枝丸 當然無理由叫咁小 午餐梗係叫個鹽酥雞排滷肉飯食 朋友就叫左個106手工花枝丸米線配清雞湯 食台灣野梗係叫埋台式飲品 叫左杯魔力水晶可可 朋友就比較健康 飲桂花杞子紅棗茶魔力水晶可可 好香朱古力味 裡面仲有啫哩口感既水晶 有咬口 飲落幾得意 朋友飲既桂花杞子紅棗茶 好岩依加凍凍地乾燥既天氣飲 微甜好香桂花紅棗味 台灣腸食落香口惹味 唔係我好怕個種好鹹 好油嗰種 旁邊仲搭配左小小椰菜 幾好 鹽酥花枝丸 食落裡面有粒粒 咬落彈牙 表面微微酥脆有鹽粒 台南手工餡餅 皮似平時食既煱餅 入口煙韌軟糯 裡面係豬肉餡 有肉汁好有份量鹽酥雞排滷肉飯 跟埋小菜 有醬油茄子 香甜惹味 涼拌青瓜同木耳 醃制過 食落微酸 開胃 雞排份量好足 鋪滿成個碗 外皮酥脆咬落雞肉有肉汁 滷肉飯醬汁香濃 肉粒肥瘦適中 送飯一流…查看更多

今晚放工約會友人來到將軍澳廣場吃台灣菜，呢間台灣菜名叫桂花小幸。每次經過都大排長龍的，今次按飛後等左大約十多分鐘，首先要到收銀位置落單，店員會安排座位再根據枱號而上食物，位置亦坐得舒服呢！:)我們點了酥炸排骨滷肉飯配上雨兩款小食，包括：上湯浸時菜和涼伴黑醋茄子丶椒鹽花枝丸丶煲仔塔香三杯雞和古早味滷水拼盤（腱心牛肉丶牛肚丶雞翼和蛋）。每一樣食物都好有水準，特別喜歡酥炸豬排滷肉飯，必食大大推介，炸豬排炸得不油不膩，滷肉飯香而且入味非常，吃到台灣的風味，讚！涼伴黑醋茄子也是非常好味，黑醋醬汁配上煮得剛剛好的茄子，酸酸甜甜的，推介！古早味滷水拼盤也好出色，滷水味好入味，特別是雞翼，吃到lam lam 脷，牛肚彈牙又鮮嫩，一個字：飲品點了阿里山金萱純茶＄20和黑糖珍珠鮮奶$29，阿里山金萱內有茶包，味道香濃，愛茶人士必試，黑糖珍珠鮮奶大大杯，珍珠QQ的，配上香濃鮮奶，很好呢！大滿足的一餐，價錢經濟，重點吃到台灣幸福的味道。…查看更多

昨日同媽咪行將軍澳廣場，陪她買定旅行日用品， 呢度真係好方便， 有幾個商場連埋一起可以行足一日。 行到咁上下都係時候食午餐， 我們到桂花小幸吃台灣菜。 唔知大家有冇一個習慣， 我好多時經過店舖門口想入去食嘅時候都會睇一睇openrice嘅評論， 見到桂花小幸都有好多讚好， 一於同媽咪入去試下。店內裝修風格以文青概念為主， 配上以木為主的傢俬特別有文藝氣息。 首先點了兩杯台灣特飲夏日水漾鮮果茶$30， 芝士奶蓋桂花烏龍茶$28。然後就點餐～台灣烤香腸$28， 椒鹽花枝丸$23， 滷水豬手飯定食配上湯浸時菜及白飯$65， 加配小食手拍小黃瓜$12， 三盛紅燒牛肉麵$68。滷水豬手飯定食配上湯浸時菜及白飯～ 一碟有四大就豬手，炆得好淋又入味，絕對可以補充骨膠原。手拍小黃瓜～ 清新的小黃瓜配上醋汁， 很喜歡這個餐前小吃，特別令我開胃。上湯浸時菜～ 清清地非常健康。三盛紅燒牛肉麵～有腱心牛肉（金錢展），牛腩，牛丸，腱心牛肉和牛腩雖然炆得好腍，但唔夠入味。 牛腩比較大舊， 如果可以切細少少就比較好。 牛丸味道普通，但口感算彈牙。 點了清燉湯底可惜唔夠熱， 麵的質地偏軟，唔夠彈性。椒鹽花枝丸～ 沒有椒鹽味道，但花枝丸煙韌彈口。台灣烤香腸～ 很喜歡吃台灣香腸， 每次到台灣餐廳必點。夏日水漾鮮果茶～ 有很多新鮮水果向裏面， 但味道偏甜， 我唔記得叫少甜呀！芝士奶蓋桂花烏龍茶～ 飲到桂花烏龍茶的 茶味， 芝士奶蓋的味道唔夠濃郁，但清清地還可以接受的。整體來說對桂花小幸的印象幾好，食物質素中上，款式多，店內環境舒適，價錢平民化，最開心係冇加一服務費。…查看更多

父母從元朗搬來將軍澳，所以有機會多試試將軍澳的餐廳😉周日family day, 一心找區內限定的食店。在OP找到了這家人氣台灣美食店，爸媽比我們早到拿票等了一會就可以入座。店面比較小，我們6人桌是很難得的併合出來，所以人多一定要早點去取位。店內裝潢走文青路線，侍應們都是年輕的一群；感覺像自己創業一樣⋯ 點菜是用手機scan QR code, 然後用支付寶立即付才算完成下單。知道女兒喜歡魯肉飯，便點了這個適合小朋友的套餐⋯ 台灣魯肉飯，不會有錯的我媽媽選了火雞肉飯套餐，因為內含魚丸紫菜湯及3款涼菜⋯ 都是不過不失，只嫌燙青菜仍很生，媽媽說硬老公點的特濃蕃茄雞排麵⋯ 湯底ok，有啖啖茄肉。雞排合老公心意，不會太乾外層香脆吃台灣麵，當然要揀牛肉麵啦～跟台灣吃到的當然還差一點⋯ 但還可以吧！麵質不糊口，爽身掛到點湯⋯ 只是肉不夠入味吧～ 我好喜歡吃花枝丸的，這裡的花枝丸沾了脆漿去炸⋯ 個人不太喜歡那口感，但我老公說喜歡😉小食 - 餃子🥟 一般般餡餅，還是北京的好吃😋這個三杯雞，不用點啦～ 跟平時吃過的三杯雞不一樣味道⋯ 而且骨還是有點多。加錢要了荔枝綠茶⋯ 普通啦加$28要了奶蓋白桃烏龍茶，茶味清新但奶蓋剛一般。以這個價錢來說，是不過不失吧～…查看更多

呢日去左將軍澳Popcorn行街, 行到咁上下想食個tea見到呢間食台式野幾吸引, 咁岩2點半有tea time, 就入左去喇~入面既裝潢都令人幾舒服, 店員安排我地坐左張二人枱餐廳唔算好大, 好快就坐爆左人仲有卡位~比起二人位闊絡不少叫野食係要出cashier叫, 店員叫我地記低自己枱號同cashier講就ok~menu都有好多頁, 可以慢慢揀除左麵之外, 仲有滷肉飯、湯飯等唔少得小食, 點都要叫返d三盛紅燒四牛肉麵 (腱心牛肉、牛腩、牛丸)賣相好吸引, 個湯底好夠牛肉味, 有dd 辣不過接受得到牛丸彈牙, 不過個腱心牛肉就唔係幾夠腍鹽酥雞排飯呢個係鹽酥雞排加滷肉飯既組合~鹽酥雞排好香脆, 椒鹽味好出滷肉飯d滷肉味道偏啖, 不過都唔錯椒鹽花枝丸花枝丸熱辣辣既, 仲好香口雖然係炸既, 但食落唔覺油膩現做煎餃子餃子既皮煎到脆脆地, 咬落去入面既汁即刻流出黎脆脆阿華田對阿華田一向冇咩抵抗力, 叫左半甜同少冰, 好大杯 不過阿華田既味道唔係幾出夠紅豆與豆乳幾唔錯既配搭, 豆乳好滑…查看更多

五月的天，剛誕生的夏天。👒我們約定，將軍澳食碗面。🍜遇見小幸，紅燒牛肉麵～～～大雨冲走了昨天，文青桂花點點🌼🌼🌼桂花小幸門口好多人在等位，我們拎左號碼籌，就開始研究餐牌，好耐冇食台灣野，見到餐牌上的台式滋味已經感覺到親切，好多都想試下。 終於有位，無論系餐牌定系裝修，都充滿了濃濃的台灣古早味，店面不算大，但坐無虛席，睇好餐牌就去「掌櫃位」點餐。那些年的感覺出返來。👧🏻 🧒🏻～也許當時忙著微笑和哭泣。忙著追逐天空的流星～💫嘿嘿😁先別忙著唱歌了，肚餓食飯先。😜🌼紅燒腱心牛肉麵湯底可以選擇紅燒牛肉湯，養生清燉牛肉湯，清雞湯，麻辣牛肉湯，辣的要求可以由小辣去到地獄辣，哈哈....選擇困難症發作未？我最後揀左預設的紅燒牛肉湯。有人說，一碗面是一個故事，有人說，做好一碗面是一個本事，筷子夾起第一柱面時，深深感受小幸自家制面的本事。好Q好爽好有台灣味！麵身軟硬適中，勁道十足！牛腱，胡蘿卜，白蘿卜，燉成的湯底，清甜夠味。飲返一啖，回味無窮。🌼滷水豬手飯人見人愛，車見車載。大大舊的豬手滷到超級入味，這種味道是那些年台南食過的味道吖！唔通這裡的師傅是台灣人？正宗到呢...不用 等一碗肉燥飯 的豬手，肉燥飯未開始食，已向佢進攻，回過頭先醒起有碗肉燥飯未食，一落筷子，就知系好野，肉燥份量勁多，最緊要系肉燥汁淋飯，香到冇朋友。🌼椒鹽花枝丸來到台式餐廳，一定要試下台式小吃。花枝丸不嬲系我最愛的台式小吃之一，金黃的外表，大大粒。咬一啖仲見到花枝（烏賊），彈牙香口，飽滿結實，好滿足。🌼煲仔·三杯雞小食系列的煲仔·三杯雞系細細煲，但色香味俱全，惹味誘人。雞肉入味且嫩。🌼桂花雞翼重點系桂花蜜汁，同香噴噴的雞翼超級夾。甜而不脦，帶有點點桂花香，清新脫俗。…查看更多

2017.12.11 😐【台式料理•小確幸】食在將軍澳//原來你是我最想留住的幸運原來我們和愛情曾經靠得那麼近那為我對抗世界的決定 那陪我淋的雨一幕幕都是你 一塵不染的真心//最近看了一套電影我的少女時代很喜歡Hebe的主題曲小幸運聽著歌曲不期然想到2017年已經踏入最後一個月了😮這一年對我來說的轉變真的很大完成了進修 投入了寫blog的興趣確幸我的家人、朋友一直支持陪伴👫👭👬亦幸運找到一個值得珍惜的另一半小店裝潢走文青路線主要分為外賣台式茶類及堂食兩部份配上近年流行的小確幸主題💆打造一個休閒、寧靜 享受時光的空間鹽酥雞扒麵 $36說到台灣料理不少得炸雞扒的份小店的鹽酥雞扒麵是小妹的私心推介雞扒不會太厚粉 炸得香酥脆口🐔上海麵質感彈牙配上牛肉湯底還不錯滷肉拌麵 $28滷肉的肉燥肥瘦均衡肉燥及麵份量比例剛剛好🍜惟麵的質地較為干身相比起前者則較為遜色椒鹽花枝丸 $24除飯麵外 小店亦有供應小食可以跟友人分享店員的推介花枝丸比我想像中來得更大顆外表炸得金黃相當吸引🍡內裡亦包裹著啖啖爽口的墨魚粒惟花枝丸未能打到起膠彈口的狀態 有進步空間現做煎餃子配桂花雞翼 $28由於小店有部分是主打台式茶類所以小妹挺期待的是餃子及桂花雞翼餃子煎得香脆多汁 而雞翼也炸得新鮮惟本以為桂花雞翼以桂花作為招來🌸會以桂花糖兜一兜 但只是附糖漿沾上擺盤有進步空間芝士奶蓋桂花烏龍茶 $24玫瑰烏龍花茶 $20桂花小幸 💌將軍澳唐德街1號將軍澳廣場1樓133-135號舖Mon-Sun: 0830-2130…查看更多