煲底海鮮火鍋料理

今日收工無意中發現呢間樓上火鍋店地址位於金馬倫道一幢商廈3樓地點非常方便上到去嘅時候比一般火鍋店企理環境好乾淨 空氣唔會好侷促 而且裝修得好靚睇得出老闆好注重細節位上到舖頭一出𨋢 見到流水座冇多餘嘅雜物 第一個印象已經好好講到食物見到佢哋嘅火鍋有好多湯底真係好難揀 傳統嘅創新嘅都有相信每一個人心目中都會有佢想食嘅湯底可以滿足晒所有人 今次揀咗佢哋椰子花甲蟹湯底 初初飲比較清淡都打邊爐，打到尾聲嘅時候 再飲嘅時候，確實好鮮甜 飲完都唔會好頸渴 唔係味精湯嗰隻加上佢嘅湯底裏面已經有晒花甲螃蟹粟米蘿蔔同秀珍菇 所以真係性價比好高 可以嗌少幾樣餸而佢哋嘅食材都好新鮮最令我印象深刻嘅係佢哋有四寶丸 酒心雞肉丸 同流沙墨魚丸 芝士蝦丸 梅菜豬肉丸 四隻都好好食 而且呢個組合 真係好少見 好有噱頭 老闆喺研究新菜式方面 都非常用心 椒鹽粟米同孜然單骨雞翼都好好食 大家一定要嗌嘅 我覺得係 無骨醉豬手 醉雞就食得多 豬手嘅味道同口感一流 重點係冇骨同埋配菜涼拌雲耳都非常好開胃 所以下次一定要點 服務質素都好好 定時會有人行過嚟跟進我哋嘅食物 同關心我哋食後感冇諗過喺呢度都會受到五星級酒店嘅服務而且佢哋嘅員工反應都好快亦都好有耐性解答客人嘅問題員工都培訓得好好 保持一致性總結 呢餐四個人總共食咗$1500左右平均每人食咗$350 呢個價錢絕對值得！享受到優質服務，食物同環境嘅品質～我會再介紹朋友過嚟！…查看更多

天氣漸涼，又是時候跟久違了的鏡仔們及同舟人圍爐餐廳以黑黃色為主調，環境闊落舒適，有卡座及圓枱牆上貼有各MIRROR成員的海報及手幅，鏡粉朝聖地湯底椰子花甲蟹鍋白雪雪，加上粟米及紅蘿蔔既香且甜細份的潮牛爪邊位於肋骨位附近，重肉味、有咬口甘香牛胸爽帶有豐富的牛香及爽脆的口感，香而不膩爆汁四寶丸有芝士海蝦丸、流沙墨魚丸、爆汁梅菜豬肉丸及酒心雞肉丸乾杯！蠔以酒杯盛載著生蠔，配上三文魚籽及柚子醋，味道鮮甜，一啖一杯花樣油條乃油炸鬼釀墨魚滑，外脆內彈牙，即食味道更佳餃類自家製蟹皇包半份有四隻，皮薄多餡，濃味足料自家製墨魚韮菜餃半份以墨魚取代新鮮豬肉，口感爽滑小食椒鹽粟米甜甜的粟米配上惹味的椒鹽，吃不停口…查看更多

約一大班朋友慶祝生日打邊爐，煲底之前已經聽過好多人話好好食，今次我就要去試下環境闊落舒服，食物質素同環境一樣好出色 👍 湯底款式好多，每一款都好有特色，我哋揀咗鴛鴦鍋底《杏汁白菜豬肺窩鍋+日式海帶螺頭鍋》湯底足料好鮮甜，打邊爐前可以飲返碗暖暖身 ♨ 食火鍋前先食一個日式刺身 🍣 《生猛象拔蚌x豐洲直送 ✈️ 特選五色刺身》刺身好好好大盤，爽口彈牙又鮮甜《潮牛》牛頸脊、爪邊 兩款不同牛部位，牛肉山賣相已經相當吸引，肉有咬口又香牛肉味《紅酒牛肉🍷》有一杯紅酒放中間被牛肉包圍，底盤好有心思，打開酒杯紅酒滲透牛肉，牛肉味重配埋紅酒味好特別 ❤️ 幸福嘅味道，鍾意食牛肉一定要試自家製餃類、丸類 最有特色揀咗幾款：《自家製蟹皇包+自家製松露帶子湯包》兩款內餡好多料，入邊有蟹肉+蟹膏口感好濃郁，另一款咬開已經聞到好香濃黑松露餡，外邊好少食到這兩款口味 ✨必食之選✨ 記得不要淥太耐，皮薄餡易穿餡會走晒， 煮嘅時候要睇住 👀《爆汁四寶丸》芝士鮮蝦丸、酒心雞肉丸、流沙墨魚丸、爆汁梅菜豬肉丸每款都有不同驚喜，粒粒都係爆汁外面又彈牙，真心超正 🤤 食嘅時候小心煲口 《流沙鳳尾蝦》肥嘟嘟大大隻蝦肉裏邊有流沙餡，估唔到蝦都可以流沙《自家製精選三寶餃》《手打墨魚滑》《椒鹽粟米》小食一邊食一邊叫 因為食得太投入…有啲食物無影相 😂😂 每一樣都有特色，樣樣都想試另外場內有很多Mirror + Collar 應援物品，全個牆貼滿曬，粉絲見到一定好開心…查看更多

◦•●◉✿✿◉●•◦ 2021年最後一餐～ 就當然係食鐘意食嘅邊爐啦🫕今次👵🏻帶👴🏻試呢間煲底海鮮火鍋料理～好多唔同嘅湯底選擇 我哋就叫咗竹笙花膠冬瓜盅🤤 湯底嚟到嘅時候老闆娘叫我哋飲咗湯先 一飲～嘩～ 好濃嘅湯底～好好飲🥰 湯底本身有半隻雞、竹笙、花膠 我哋每人飲左成2碗湯先開始打邊爐😆⁡💫 椒鹽粟米🌽新鮮炸嘅甜粟米配埋椒鹽好好味😆係炸粉厚咗少少🤏🏻⁡💫潮牛🐮 牛味種嘅新鮮牛 相對比較厚 份量較少 價錢相對比較貴 💫百花釀魚肚 其實係鮮蝦滑同魚肚釀埋一齊 雖然滾完之後個蝦滑同魚肚分開咗😂 不過都係好味嘅⁡Overall👴🏻👵🏻覺得個湯底係出色嘅👍🏻 食完之後都唔覺得頸渴 個湯真心好飲 讚讚 老闆老闆娘都好有禮貌🥰 續枱續枱問食物質素 成間餐廳仲有好多Mirror嘅相😆 重點係有連餐巾都好靚💛 加油加油 一定會再返嚟食🥰⁡😋: 𝟟.𝟝/𝟙𝟘…查看更多

餐廳位於金龍中心，離地鐵站都幾近好方便。見到最近有人分享呢間嘅芫荽火鍋，心思思想試吓。就同埋朋友一齊去，兩個人嗌咗好多芫荽食品，份量都幾大又好味。芫荽控必去😆▫️🍲 芫荽海鮮卜卜蜆鍋 - 鍋入邊已經有蟹、蝦、蜆同埋生蠔，海鮮配上芫荽，個湯底清清地唔油膩。芫荽控唔好錯過呀🥩 頂級新鮮手切本地肥牛 - 打邊爐點可以冇肥牛，牛味濃郁，份量都唔少🥟 芫荽蝦餃 - 自家手工包嘅餃子，啲蝦新鮮彈牙，粒粒爆餡，用料豐富🐮 芫荽爆汁牛丸 - 爆曬汁牛味重，同芫荽味幾夾🦐 鮮蝦蓮藕爽 - 蝦夠新鮮唔會霉，蓮藕爽脆，出奇地夾🌽 椒鹽粟米 - 粟米嘅甜配上椒鹽嘅鹹，又幾好味喎🥬 蔬菜拼盤 - 蔬菜新鮮，有唔少選擇，白菜、娃娃菜、菜心乜都齊…查看更多

香港人真係好鐘意打邊爐，一年四季都想打邊爐，我就係其中一個🤭因為可以揀自己鍾意食嘅野。呢間邊爐店bookmarked好耐都未去過，今次終於的起心肝去試🤣酸菜腩肉鍋($88) 見佢做緊推廣，好抵👍就叫嚟試下，酸菜腩肉好入味，都好多腩肉，食呢個鍋唔洗點醬都好夠味，似係雞煲加水打邊爐咁🤪可以叫小辣，但小辣咗都仲係麻麻辣辣 頂級手切安格斯肥牛🥩 ($239)💕擺盤好靚，肥牛油脂分佈平均，牛肉味濃，因為唔係薄切，所以有口感得嚟，又唔會鞋同韌👍 羊肉片($99)羊肉片比較薄，但肉質竟然係爽爽地，味道唔會太騷。 流沙墨魚丸拼芝士鮮蝦丸 ($109 雙拼加$10)💕自家製手打流心丸類，墨魚丸係咸蛋流心，好邪惡但又好好濃咸蛋味，鮮蝦丸係芝士餡，入面嘅芝士都係留心。食嘅時候小心漏汁同辣嘴🤗 芫茜蝦餃拼墨魚韮菜餃($89 雙拼加$10)💕身為餃子控嘅我當然要食餃子啦，最中意打邊爐食餃子🥰芫茜餃有蝦，芫茜味唔算重，唔食芫茜嘅人都食到，韮菜餃有墨魚，韮菜都新鮮嘅👍 即炸響玲 ($69)響玲唔係平時街買嗰隻，幾有誠意，係炸腐竹咁，淥完都仲有少少口感 椒鹽粟米 ($59)呢個係小食，唔係火鍋配料，粟米充滿孜然香料味道，加埋粟米嘅甜味都幾夾 唐生菜 ($39)唐生菜份量算多，菜冇爛 冬瓜薏米水 ($39)食辣嘢要大量飲品解渴，飲呢啲中式糖水就最match 醬油 (每位$18)有8款醬料俾你揀，但其實湯底都好夠味…查看更多

好食邊爐唔係成日遇到 仲要搵黃店就難啲加難！但「煲底」真係冇得輸！！樣樣嘢食高質 用心製造！佢黃到金💛無論店舖名、室内環境、佈置都表達咗佢嘅立場 仲有其中一幅牆係用香港嘅景做背景 好特別🇭🇰即使價錢唔算平 但食物都值回票價💛💛💛🌽椒鹽粟米 $59 🌟必試必試必試！🌟佢哋除咗火鍋配料 仲有啲小食俾你過口癮平時食椒鹽鮮魷 椒鹽豆腐就多😂椒鹽粟米都係第一次見！🌽 真係 絕 對 推 介！！脆炸嘅外層 香濃椒鹽味又不太鹹 咬埋入去係香甜嘅粟米🌽講真 叫我食哂1碟8件都得😭好正！冇諗過呢個配搭咁好食🤤好掛住！🌶酸菜腩肉鍋 特價$88‼️推介‼️絕對推介‼️係期間限定嘅 對於無辣不歡嘅我 決定要試一試！😍忠告⚠️係真係幾辣架🌶唔鍾意辣唔好叫！但係同我一樣無辣不歡就一定要試！😍佢比起麻辣更惹味！正宗四川味道😋花椒八角好足 所以好足味 食完條👅真係麻麻地😂個鍋入面有海量嘅酸菜 另有腩肉同秀珍菇🥰‼️推介食法 一開始可能你覺得好辣 咁食到咁上下可以自己加湯 不少少花椒走 即刻會冇咁辣 覺得咁樣又好似唔係好夠辣的話 又可以自己夾番啲花椒落去 咁就正正子了😋🥩頂級新鮮手切本地肥牛 (小) $269 呢隻牛名叫匙皮 其實即係牛小排🥩老闆教我哋放落鍋拖5下就食得 唔係會過熟😅牛小排冇平時食嘅肥牛咁薄身咁鞋 佢有啲咬口又有啲juicy😋有大同小size，但小size 2個人分絕對有餘 好夠食🍡爆汁和牛丸拼鮮打墨魚丸 $119救命！2樣都超級彈牙！仲要係手打嘅，落足心機🥺和牛丸又彈牙又爆汁 連埋個酸菜辣湯 基本上係唔需要點調味料🥟自加製黑松露帶子湯包拼茄茸包 $119係2款完全喺出面唔會食到嘅小籠包！真係不得了！冇呃你！⚫️黑松露帶子 - 食落已經好驚喜！小籠包嘅口感 皮薄而且又帶有好濃厚松露味。我問一問老闆 佢解釋咗製作過程係佢哋泡咗個湯先🥣再放落餃度🥟咁樣會令到湯包嘅味道更加濃郁🍅茄茸 - 番茄控必試！個皮好似包住左成個番茄湯咁！番茄茸加番茄粒嘅小籠包🥟食完一粒又想食下一粒🤤🍶紫貝天葵 $39好多人都唔知咩黎 其實係一種清熱嘅飲品 打邊爐好啱飲🍲平時打邊爐 清熱飲品多數都係俾酸梅湯同埋竹蔗茅根你揀 但係呢兩種我都好唔鍾意！而紫貝天葵我係接受到😆味道有少少似利賓納💜微酸又甜甜地 又解渴又清熱 ♨️大家都可以試下不過 打邊爐冇啤酒真係唔得😂最後都忍唔住嗌左杯1664🍺爽皮！呀！我真係好鍾意呢間火鍋店🍲佢地真係好鍾意香港架💛🥺…查看更多