喜記避風塘炒辣蟹 (肇明大廈)

營業中

休息中

必食避風塘辣蟹係銅鑼灣行完街想食d中式小菜，去左食避風塘炒辣蟹！ 果然係招牌菜！黎喜記真係必定要點的避風塘辣炒蟹！招牌避風塘炒辣蟹蟹大大隻，睇蟹鉗就知啖啖肉！香辣度剛好，避風塘嘅炸蒜同辣椒真係炒得非常之煎黃酥香，蟹肉鮮甜厚肉！鑊氣十足啊！正！美味雞煲其次就係食雞煲喇！雞件件件都好金黃色！賣相100分！味道更加驚喜！雞肉嫩滑，夠入味～椒鹽白飯魚炸得好酥脆香口，份量多大大碟，完全係大排檔風味十足的椒鹽白飯魚！要有鑊氣又想食海鮮真係要試吓喜記！

放工同屋企人去左銅鑼灣覓食屋企人話想食海鮮，即刻諗起喜記！🦐椒鹽大蝦絕不能錯過呢碟大蝦！餐廳開左咁多年仍然都係咁好食～keep到水準！椒鹽大蝦好夠鑊氣，好好味～蝦好好好大隻‼️大蝦表面酥脆，椒鹽味岩岩好，令你一啖接一啖停唔到。大蝦的肉質鮮嫩炸完都內裏一啲都唔乾，食落去非常爽口彈牙。椒鹽好香，有少少微辣味，食落更加惹味！但只得3隻，唔夠喉～🦀招牌避風塘炒辣蟹更係叫招牌菜食！蟹分量大中小有得選擇，當然價錢都唔同喇！今次我叫左小的～蟹鉗超級大隻！蟹肉鮮美，肉質鮮嫩，好好食好鮮味好有蟹味。辣椒🌶️香料配搭得非常香辣，辣味十足，但卻不失鮮味。外皮酥脆，如果鐘意辣食，一定要試試！🐟椒鹽白飯魚椒鹽白飯魚雖然係一個簡單既餸，但煮得好食，係好考功夫！白飯魚size都一樣好大，而且今碟分量都算多，白飯魚的肉質細嫩，口感滑嫩，外脆內軟真係！加埋椒鹽味道即刻提升左白飯魚既鮮味，仲加左一絲微辣既風味。椒鹽白飯魚的味道簡單而不單調😋😋😋