平時街上見到唔少賣古早味蛋糕嘅舖頭，通常都係成個長方形咁賣呢間「老陳餅店」可以一件件咁買😌一次過可以試唔同味道名字雖然感覺傳統，但賣嘅蛋糕味道新穎，感覺係古早味蛋糕同戚風蛋糕嘅混合體足足有10款口味：原味、士多啤梨、咖啡、伯爵茶、黑芝麻、朱古力、柚子、茉莉花茶、焙茶、香蕉，猶豫咗一陣買咩味道因為全部都好吸引💗全自家製，無添加、用天然材料(日本麵粉、澳洲牛奶、韓國食糖、頂級新鮮雞蛋)，每日新鮮製造，仲係低卡路里、減少罪惡感🙈▶️ 茉莉花茶戚風蛋糕望落係綠綠地色嘅，唔講以為係抹茶味食落去真係品嚐到微微茉莉花芳香味茉莉花本身有安神、解抑鬱、抗衰老、嘅功效🍵我估整成蛋糕會有令人開心嘅功效😂🍰蛋糕質感非常軟熟細緻，食落濕潤唔油膩，仲非常輕盈 (～50g)，表面少少似疏乎厘▶️ 柚子戚風蛋糕用上韓國柚子，特別在會有啲真果乾果皮起蛋糕入面味道上明顯比茉莉花茶嗰個甜🍋覺得欠缺咗少少柚子清新嘅味道果乾食落有橙皮味？！🤣但係有啲嘢咬下有質感層次啲，冇咁單調-個人鍾意茉莉花茶味多啲，但兩隻味都好食，其他味道例如伯爵茶、焙茶、咖啡應該都好食☕️感覺茶系味道會適合女性；咖啡味會適合男性；生果，朱古力味會適合小朋友／老人家下次會有興趣試咖啡同草莓🍓環境幾好，望落好文青，仲有兩張凳可以俾客人坐低即場食同嘆咖啡服務員態度都好好🍰蛋糕擺放得好整齊，會見到店員定時入貨，確保每隻口味有足夠嘅蛋糕俾客人選擇蛋糕包裝得好，易拆出嚟食又方便，可以當早餐/小食價錢方面每件$16，如果成個蛋糕買就$85，買夠六件就$90 ，另外有啲配飲品買嘅set個人覺得好值呢個價錢，話晒佢用靚材料，食得安心又健康又開心😚大家山長水遠入到元朗記得幫襯佢哋，買返幾件返市區做手信請人食都好！…查看更多
