明記海鮮酒家

嚟流浮山食海鮮，嚟咗有2010米芝蓮推介嘅明記海鮮酒家。餐廳喺‘海味街’嘅中段，門面唔算太起眼。門口附近有貼米芝蓮推介同埋其他有關嘅推介、報道。海鮮基本上都係時價，價錢要當日問先知。門口有多個魚缸俾人睇，睇啱可以問當日價錢。我哋今次就食咗蝦、蟹、蠔、鮑魚、班腩、油菜同埋炒飯。海鮮湯一入到嚟坐低，未叫餸就會俾咗一碗海鮮湯先。佢基本上係魚湯嚟嘅，飲落有好香濃嘅魚味，絕非一般味精魚湯可比。原本見佢賣相一般又係一坐低就送嘅，都冇咩期望，以為都係一般例湯嗰啲，估唔到竟然咁好味。豉油皇蝦打頭陣係豉油皇蝦。餐廳都有貼介紹佢嘅poster。蝦肉爽口。調味惹味，除咗豉油仲有好香嘅蒜、洋蔥味。最鍾意食呢啲夠鑊氣嘅爆炒小菜。推介。油鹽焗奄仔蟹 蟹季嚟到當然要食流浮山出名嘅奄仔蟹。呢間嘅奄仔蟹調味做得好唔錯，咸香惹味適中亦滲入蟹肉。奄仔蟹啲骨同殼都比較軟，蟹殼餐廳已經整碎咗，蟹骨用手就整得爛,食上嚟好方便。酥炸生蠔流浮山除咗奄仔蟹，蠔都好出名。所以炸蠔都係其中一樣我哋好期待嘅菜式。可能期望愈大失望愈大，估唔到佢竟然會成為今餐最失望嘅菜式。佢嘅炸粉超厚、冇味道宜且油膩，蠔嘅大細亦只有拇指咁大。失望。果皮蒸鮑魚一般蒸鮑魚嘅味。鮑魚新鮮。紅炆班頭腩魚肉新鮮。調味適中。推介。油菜油菜新鮮爽口，食完咁多海鮮清一清。招牌粉飯意外地好味。炒飯粒粒分明，亦唔油膩。好手勢，推介。流浮山食海鮮多數時價，原本都有擔心俾人開天價。幸運地遇上呢間老實，冇出咩蠱惑招，嚟流浮山嘅話可以考慮一試。…查看更多

講到食海鮮，有的菜式喺屋企真係煮不到同埋好多功夫，一家出去食就最好。呢餐真係唔可以講貴$1600有找。食物質素全部都係新鮮，在魚缸拿出嚟。超讚就是-豉油王蒜頭炒大蝦，非常有鑊氣。明記拿手菜-椒鹽鮮魷，脆而不油，鮮魷汁多彈牙，非常惹味。陳皮蒸鮑魚- 很爽很彈牙的味道，鼓油汁帶點鮑魚味送飯。就係鹽焗奄仔蟹-本身都冇特別諗住揀，最後揀選嘅原因係因為平$100隻，抵！其實裝修平平無奇的「明記」，曾在這裡吃過，價錢算公道清晰，而且連米芝蓮也推介過。…查看更多

對上一次黎流浮山係踩單車入黎，今次就真係私家車入黎食海鮮。原來黎食海鮮泊車係免費的。雖然，依度冇華麗的裝修，又冇高雅的餐具，但食物好新鮮，都係自己睇住佢地生生猛猛甘拎上個磅度磅。是日送例湯： 白菜仔豆腐魚湯，好鮮甜。好大隻，大過隻碟！好香噴噴，好香的蛋黃味，好多膏最鐘意食膏推介愛食膏的人一定要試下個人覺得用清蒸的方法係最能夠帶出鮑魚的鮮味，蒸得都算幾淋，加上果皮同蔥，鮑魚就更出味炒聖子好入味鮮！爽！甜！龍蝦吾算好大，又吾算好細隻，但一個人食哂成隻就一定夠，未食嗅到已經流哂口水，肉好彈牙，鮮甜。伊麵底吾錯，麵身夠軟加上D汁好味，吾錯，送飯後生果送，仲要係又多汁又甜的紅肉橙。…查看更多

7.1慶回歸...冇咩嘢做,心血來潮去流浮山食海鮮...首先係隔離雄記買海鮮!!老闆娘好細心,啲哥哥仔都幾好人,推介嘅九節蝦真係超正,啲海鮮又新鮮又唔hard sell...Good呀!!揀完就過返明記等食...啲蝦真係鮮甜到不得了 聖子ok,但啲味道同出面街食嘅差不多金蠔唔錯幾好,不過唔平!!(本身想食新鮮蠔,但明記話依家啲蠔唔靚好瘦,所以冇賣...所以金蠔都殺住先,頂一頂個蠔癮!!) 豆腐魚湯免費送的,都幾好,清淡中又有點鮮味!!扇貝不得了...扇貝蒸得岩岩好,啲粉絲又巧巧食!!!👍👍鮑魚又係不得了...又大又厚肉,但好(霖)...一啲都唔韌!!!😍😍😍😍簡直Very Good 通菜就...菜有菜味...蝦醬有蝦醬味😂😂😂都不俗豆腐就真係一般啦...唔夠脆口...又冇咩椒鹽味...炒飯堅有驚喜...好多料,啲飯又夠乾身,粒粒分明...果然係招牌!!😙😙最後,仲送左碟橙...但橙就冇影相啦,都係橙色,圓形架囉😂😂😂屋企人話超甜,好正咁囉!!😂😂😂整體來說,海鮮夠新鮮,啲餸出嚟應該都不俗....煮法冇嘜特別,都係大路煮法...但啲時間掌控得好好,啲海鮮全部都冇老,口感保持得好好....而且食物不會太濃味,食得出海鮮本身嘅鮮味...另外值得一讚係啲員工態度好好,全程都笑笑口咁...望落個人都舒服啲,食得開心啲 最後,5個人埋單$1350,個個都飽到棒住個肚走...除返開$270一個人...都算幾抵... …查看更多

師傅一向都覺得好野不妨一試再試, 所以好多食店都會去完再去; 就好似呢間食店, 自從師傅試過一次後, 真係一試難忘, 加上印象甚好, 所以一定會再黎, 問題只不過係幾時咁解啫! 好耐之前同培哥輸賭餐飯, 講明邊個輸就要請對方食海鮮, 師傅有幸輸了, 所以就索性叫培哥同埋太座一齊黎呢度食番餐!人數唔多, 得三條友但穩陣起見都係訂左枱先; 準時去到, 當然第一時間出去睇下有咩好食啦,呢度嘅海鮮選擇真係頗多, 各式其式應有盡有; 睇左一輪後, 最後揀左六款海鮮, 再加個菜同米粉; 六款海鮮分別有豉油王煎蝦, 豉椒炒聖子, 油鹽水花甲, 椒鹽賴尿蝦, 果皮蒸鮑魚同蒜蓉粉絲蒸蚌; 六款海鮮師傅有試過亦有未試過!率先登場嘅係豉油王煎蝦, 豉油王煎蝦有六隻, 先品嚐下個豉油, 豉油味道唔會過濃亦唔會太咸, 味道洽到好處, 淨係啜個殼都夠棧鬼啦, 加上蝦身唔細, 咬落去發覺肉身新鮮爽口, 而外面嘅豉油就有少少浸入肉身, 令到蝦有少少豉油味但亦冇掩蓋到蝦嘅鮮味, 一絕; 豉椒炒聖子就繼續維持一貫高水準, 豉椒炒得香口, 十分惹味, 而聖子鮮甜, 炒嘅火喉同時間一流, 令聖子唔會又老又韌, 反而肉身爽口非常, 真係掂呀; 油鹽水花甲就普通d, 皆因之前兩樣都比較濃味, 而油鹽水相對淡口少少, 變得清淡, 但清淡不等如唔好味, 原因係花甲本身都好大隻, 而且肉身爽口鮮甜, 最重要係冇沙, 唔會食到依牙鬆鋼, 不錯!椒鹽賴尿蝦有兩隻, 賴尿蝦本身好大隻, 正因為大所以先見食, 賴尿蝦肉身鮮甜, 咬口一流, 加上椒鹽冇掩蓋到賴尿蝦本身嘅鮮甜, 呢下已經出位, 再講椒鹽味道甚佳, 香辣惹味, 味道討好; 如果要師傅挑下骨頭就只係覺得比較油, 但椒鹽本來就是這樣, 亦等如交稅一樣, 無可避免; 果皮蒸鮑魚又係一必食嘅菜式, 鮑魚本身好大隻, 果皮夠香又冇對鮑魚蒸得過火, 令到鮑魚肉身鬆軟, 一d都唔韌, 有果皮味同鮑魚味, 勁正; 蒜蓉粉絲蒸蚌都幾大隻, 蒜蓉味唔算特別濃味, 同一般食店比呢個蒜蓉可以話淡口, 不過淡口無非想帶出蚌嘅鮮甜, 而蚌亦冇蒸得過火, 唔會韌, 幾好! 至於菜同米粉嘅味道已經唔重要, 皆因作用都係點綴下架啫!總括黎講食物質素非常出色, 海鮮真係好掂, 而環境都可以, 服務都係一般啦, 價錢唔貴, 三個人埋單唔使九舊水, 海鮮餐喎, 仲要係高質海鮮餐, 抵食啦; 師傅對呢間食店真係有相當高嘅評價, 而用黎作為第七百篇食評就更有意義, 肯定仲有下次, 笑臉點到師傅唔比! …查看更多

早幾日師傅相約一班好友於家中耍樂, 而飯局當然係重要嘅一環, 所以不容忽視, 於是師傅得閒就諗下定去邊度食野同埋食咩好, 最後覺得近近地冇理由唔黎呢度食番餐架, 於是就膽粗粗揀左呢間食店, 加上見到各食家對呢間食店嘅有讚冇彈, 應該信得過, 去馬啦!準時去到, 師傅亦不敢怠慢, 即刻去揀下有咩靚海鮮; 見到呢度嘅海鮮選擇頗多, 各式其式應有盡有, 最後睇啱揀啱就開餐啦! 當晚菜式有上湯龍蝦伊麵底(兩隻), 砵酒焗生蠔, 果皮蒸鮑魚, 辣酒煮花螺, 豉椒炒聖子, 蒸海班兩條(蘇鼠班, 花英班), 蒜蓉粉絲蒸貴妃蚌, 蝦醬通菜同埋招牌炒飯, 而呢間食店仲送多一鍋海鮮湯!率先登場嘅係砵酒焗生蠔, 生蠔身比較細隻, 但肉質新鮮加上膏都幾肥美, 用砵酒焗甜甜脆脆, 作為開場嘅第一道菜, 著實不錯; 接住落黎就係上湯龍蝦伊麵底, 本來封筆食家"今餐食乜好"想食芝士焗, 但呢間食店建議用上湯, 於是又試下啦, 上湯出黎嘅效果非常好, 皆因上湯味道唔會太濃, 食到龍蝦嘅鮮甜, 加上龍蝦肉身爽口又唔韌, 絕對出色; 豉椒炒聖子雖然係一道好普通嘅菜式, 但呢間食店一d都唔馬虎, 豉椒真的炒得香口, 非常惹味, 加上聖子真係好鮮, 炒完之後肉身依舊爽口, 一d都唔韌, 絕對唔會似鵝腸, 掂呀! 坦白講師傅唔算鍾意食聖子, 但呢間食店令師傅改觀!好味到停唔到口, 跟住就到果皮蒸鮑魚登場, 鮑魚本身好大隻, 師傅起初都有d驚, 但見食店信心十足咁話用果皮蒸, 就信佢一次啦, 果皮都幾香但絕對唔會過火, 而鮑魚蒸得洽到好處, 肉身鬆軟, 但一d都唔韌, 而且仲有鮑魚味, 勁正; 蒸海班兩條(蘇鼠班, 花英班), 兩條都係一斤多少少重, 用黎蒸真係一流, 兩條師傅都有食過, 但始終覺得蘇鼠班較正, 皆因肉身較滑, 較好味; 花英班都唔差, 不過相比之下就差左少少, 所以呢個回合蘇鼠勝!師傅睇完之前位食家話辣酒煮花螺可以不試, 本來都冇諗住試, 但食神話試下, 於是又試一試啦, 出黎嘅感覺非常好, 辣酒煮得好香, 酒味香配上少少辣, 淨係個汁都極其惹味, 加上花螺肉身爽口, 又鮮甜又冇沙, 絕對出色, 送酒更是一流; 師傅覺得並唔係每間食店都可以做到咁嘅水準, 好彩有試, 如果唔係走寶; 蒜蓉粉絲蒸貴妃蚌都幾大隻, 蒜蓉味唔算特別濃味, 不過師傅相信係呢間食店特登咁煮, 皆決咁樣就唔會比蒜蓉掩蓋左貴妃蚌嘅鮮甜, 不錯!蝦醬通菜簡單嘅菜式, 但能夠煮到有蝦醬味但又唔會咸, 加上通菜嫩綠, 非常好味; 招牌炒飯就一d都唔油, 炒得好乾身, 而飯係蝦仔飯, 真係一粒粒唔覺得d飯黏埋一齊, 得喎! 最後係海鮮湯, 料師傅冇咩睇過同食過, 但湯就有飲, 熱辣辣入口唔腥, 但一d胡椒味都冇, 作為海鮮湯唔腥真係好難得, 加上送嘅絕對收貨!總括黎講食物質素非常出色, 海鮮真係好新鮮, 而環境都可以, 清清靜靜, 服務就一般啦, 樓面長期冇人, 連柯打啤酒汽水都要行落去, 價錢就算接受到, 埋單三千二百二十, 十二人食海鮮餐, 都幾抵食啦, 仲要師傅成日當左十三個, 所以d份量柯打多左, 可則仲可以平d; 師傅對呢間食店真係有高度評價, 如果食海鮮黎呢度好過去西貢, 有機會一定會再黎, 笑臉比硬! 後記: 師傅本來諗住呢餐海鮮宴就係入伙酒, 點知最後一班好友點都要夾番份, 海鮮宴變自費餐, 師傅都唔知好嬲定好笑! 不過都多謝一班好友咁錫師傅, 同你地做朋友, 真係師傅嘅福份, 但一句到尾仲欠你地一餐!…查看更多