紅磡雞蛋仔

紅磡知名老店, 聽過好多次終於有機會試, 之前都有報導講過伯伯搵接班人做, 呢家接班人負責製造, 伯伯就落單同收錢朱古力雞蛋仔 - 用上吉X利嘅朱古力粉, 新鮮即造自然會外脆內軟, 夠熱朱古力味更香濃 原味格仔餅 - 超大方係咁加花生醬、煉奶、砂糖, 夾埋果個爆哂餡, 加埋蛋香無得彈原味抺茶雞蛋仔 - 呢個唔係即整, 伯伯見我地一行幾人平賣畀我地, 雖說少咗香脆, 但原味蛋味香濃,  抺茶足料唔係得顏色, 有抺茶嘅回甘…查看更多

去過紅磡咁多次，一直都冇發現到呢間老字號，路過俾我見到，個招牌咁舊，一定有啲料到😼老闆好好笑容，見我聽緊電話，叫我慢慢諗唔使急。佢問我係咪第一次嚟，有聽過但未食過，我話係啊，見佢真係勁nice，同街坊好熟有傾有講。所有雞蛋仔，班戟即叫即整，熱辣辣㗎！🍴芒果班戟 $19芒果超多，老闆好大方，話要俾多芒果先好食！班戟上面搽咗啲酸忌廉，入口班戟皮厚實，芒果超甜，老闆話係每日新鮮切，加埋酸酸哋嘅忌廉，好開胃，好好食😋CP值高🍴朱古力雞蛋仔 $19外脆內軟，超濃朱古力味🍫，少少似蛋糕口感，但入面係濕潤嘅，唔會好乾身，好好食😋🍴原味雞蛋仔 $14外脆內軟，有蛋香，食到蛋嘅原味，都係少少似蛋糕口感，但入面係濕潤嘅，唔會好乾身，好好食😋推薦指數: 10/10老闆笑容好好，態度親切有禮，會同你傾偈，好有人情味，我話拎走食，佢話趁熱食好食啊，夾一粒俾我食，好熱情。覺得佢做生意唔係淨為錢，係對自己整嘅雞蛋仔有熱誠，當啲客係街坊朋友，十幾蚊食個雞蛋仔，除咗係足料抵食好食，係食份人情味。…查看更多

◽️今次要介紹嘅係位於紅磡嘅紅磡雞蛋仔，唔好睇少佢店面唔大，短短幾分鐘嘅時間入面已經好多食客光顧。◾️芒果班戟 $18班戟即叫即製，所以送到客人手中依然熱辣辣同時又唔會因為擺得耐而變軟。班戟底相比一般嘅煙韌，芒果用作咗呂宋芒而且好新鮮，配落班戟到好鮮甜可口，令到班戟極之開胃，係一個又好食又抵食嘅小食。◽️朱古力雞蛋仔 $18叫得紅磡雞蛋仔當然要試下雞蛋仔，朱古力味都尚算突出，但係濃度唔係好足夠，而且可能煮得耐咗所以有部分嘅雞蛋仔有少少苦味。除了有少少失誤之外，都係一款值得食嘅小食，但我哋嘅首選都係芒果班戟。◾️紅磡雞蛋仔📍紅磡大沽街寶利閣2號舖…查看更多

基本上每次去紅磡，都一定會去食紅磡雞蛋仔，雖然我見多數人都係黎食芒果pancake，但我自己最鐘意就係食呢度既朱古力雞蛋仔。不過今次都隔左好耐無黎，起碼半年有多，見到而家多左個後生仔幫伯伯手，條龍確實排得比以前快左，今次又係點番朱古力雞蛋仔，不過一食就覺得退步左，朱古力味無以前咁濃，朱古力粒都少左，雖然都係脆既，但入面質地都空心左，無左以前外脆內軟既口感，相對好似無咁足料，唔知係咪只係呢日人多一時失手呢.... …查看更多

雞蛋仔，港式地道小食之一，要弄得好吃並不容易，現在的雞蛋仔配搭多變(配以雪糕、咸食亦有)，價格亦隨之上升，再不是以前的貼地親民價格小編當日與友人來到，點了一份朱古力雞蛋仔，除了原味，其他口味都是即叫即整的，等了約十多分鐘，一底香噴噴的雞蛋仔便出爐了！果然不負所望，這底定價為十多元的雞蛋仔，用料亦不馬虎，每粒雞蛋仔上都帶有朱古力粒粒，朱古力味頗濃厚，是屬於比較紮實的那款雞蛋仔(帶蛋糕質感)，外脆內軟的。在冬天吃就是一份窩心暖暖的地道港式美食。現在不少在賣的雞蛋仔其內餡是少得可憐，這份相對是有質素及水準的一份小食，完全對得住這個價格。要知道現在的雞蛋仔稍有些新意已經要索價二至三十多元呢！…查看更多

又係我雞蛋仔fans，食咗好耐，終於要的起心肝寫下食評，老闆好好人，我想要脆啲，佢就會話：冇問題，你想要脆啲就會脆啲！我等得耐，佢又會話：唔好意思要你等咁耐！真係好有禮貌同充滿人情味！朱古力雞蛋仔：有朱古力味，叫老闆整脆啲，但係比較硬唔係脆，凍咗仲硬，唔會塌唔會好腍，面底兩邊會分離，黏唔實。芒果班戟：每次都要去食，真係好足料，芒果粒好甜唔酸，個cream反而可以吊起個芒果甜味，班戟唔韌，好香蛋味，因為多人幫襯，差唔多係即叫即整咁滯，所以個班戟熱辣辣，好好食，真心推介！…查看更多

我喺大學讀嘅科目較少外籍學生， 所以讀到第三年都冇咩特別機會同外國學生文化交流， 參加咗學校一個叫做language partner 既計劃， 可以一對一咁配對學生， 互相認識， 仲有$$資助去掃街，體驗香港飲食文化添！ 講真住咗喺香港咁多年我都好少去掃街... 所以呢個對我嚟講都係一個幾特別嘅體驗😂😂😂早已聽聞紅磡雞蛋仔嘅芒果pancake， 是但一直只係有得睇冇得食， 今日終於有機會啦！😜💕💕pancake比想像中多芒果， 芒果粒粒都咁大， 橙黃色咁明顯已經熟透， 食落果然好香甜！ 我諗加加埋埋呢度最少有半個芒果😎😎 至於個pancake暖笠笠， 軟熟得來唔會太淋散開曬， 方便揸住食， 店主仲喺pancake上塗上些少忌廉， 雖然一啖咬落去唔多覺有忌廉嘅存在... 但整體好滿意！跟住就叫咗個雞蛋仔啦， 我知道啲餅朱古力雞蛋仔其貌不揚， 但佢絕對係高質地道美食， 每一粒雞蛋仔裏面都有唔少朱古力碎， 朱古力味幾突出😘， 就係爭緊啲外皮嘅香脆， 我諗如果我哋唔好咁心急，等雞蛋仔攤凍一陣，外面會crispy d!不過講到尾佢只不過係加咗朱古力碎嘅雞蛋仔， 賣到十八蚊一餅其實有啲貴， 我諗試一次就夠啦😆😆…查看更多

每次我到紅磡，都必定會到人龍店 - 紅磡雞蛋仔買一底朱古力雞蛋仔，相隔多月難得來到附近睇戲，當然不會放過與朱古力雞蛋仔重聚的機會 >3<雖然現在不少小食店都有得賣朱古力雞蛋仔，不過這裡的朱古力雞蛋仔就連粉漿都是用朱古力粉開，不會只有其色而無其味，加上內裡亦有溶化了的朱古力碎，朱古力味十分濃郁。即叫即製滾熱辣，趁熱即食口感外脆內軟，外面脆卜卜，裡面軟綿帶韌度，即使呆等了差不多20分鐘，但吃到我最愛的雞蛋仔，也是值得的！！…查看更多

聽聞紅磡雞蛋仔已久，但因為一直唔識路未有機會試下；今日食完晏返去的途中見到門口既吹氣雞蛋仔，突然好想食甜品，誤打誤撞竟然給撞進了紅磡雞蛋仔一店。紅磡雞蛋仔的店面不大，好容易走漏眼。寶其利街同大沽街既路口往入看有一個吹氣的雞蛋仔，嗰度就係紅磡雞蛋仔啦！如果你想食有廿八年歷史既正宗港式小食，咁就一定要去試下紅磡雞蛋仔。佢個menu比其他賣雞蛋仔同格仔餅既舖頭多選擇。雞蛋仔格仔餅有原味同朱古力味之外，另有原味加花生，加芝麻，朱古力味加芝麻，而格仔餅仲可以加肉鬆。不過，好吸引既係佢既班戟，有甜有咸，有得加雜果芒果香蕉粟米肉鬆花生等，所以有選擇困難症的我完全陷入困境！不過，都係因為咁多左好多同老闆傾計既時間，值得一提既係在這段時間伯伯完全冇停過手。老闆原來係潮州人同太太開呢間舖，已經做左廿八年。可以做咁耐既原因，老闆話係佢地用料好，麵粉餡料佢地一直都只會用最好的，雞蛋仔唔洗用風機吹都可以好脆。而且佢的粉漿係自己多年研究出來的比例，所以世界其他地方都唔會食到這個味道。喺老闆的＂工作站＂前有一份日文寫的menu，原來係一個日本遊客喺食完這裡的雞蛋仔後幫老闆翻譯架，想比其他日本人都食到呢個港式味道。伯伯真係好健談，同生客熟客都會傾下計，好好笑既係伯伯同一位太太講＂食完有咩意見既，我退番廿蚊比人＂太太回應＂係唔係我答好好食都有得退先？＂哈哈哈～不單是買完就走，店主食客會有交流，呢種就係食店的人情味。　傾左一陣，係時候要叫野食啦！本來想叫甜班戟，但當我請完甜班戟又未決定食雜果定芒果時，老闆已經好快手咁整左個奶油甜班戟比我。咸班戟係白色的，甜既係黃色既。剛煎好的班戟要放一放，吹一吹風先好食；之後，搽上牛油花生醬同加一匙量的砂糖；再對摺入袋，就食得啦！老闆仲叫我地趁熱食會脆啲。雖然看似簡單，呢個甜班戟竟然有意外的驚喜！一咬表面係軟的，心想都唔係你所講咁脆啫；但隨即發現，原來班戟中間的對摺面十分脆，加上幼滑的花生醬，口感一流！外軟內脆真係好好食！而味道方面，不算太甜，班戟有好香蛋味，好食！我還叫左一個蛋白花生肉鬆咸班戟同朱古力雞蛋仔。蛋白花生肉鬆咸班戟－班戟底不是脆的，比較軟，有點似麵包的質地。但勝在餡料豐富，圓形的班戟包裹着滿滿的花生和肉鬆。幾好食。朱古力雞蛋仔沒有用風機吹過，但依然好脆。只是輕力一下一顆完整的雞蛋仔就在你的指間，唔會撕左幾粒落黎。雞蛋仔空氣和粉漿的比例係一比一，所以入口外部香脆而內部柔軟，外面亦唔會太硬而整到口腔上顎。朱古力味幾濃。　等食既時候，老闆同時整緊原味雞蛋仔加花生比客，佢認真咁把花生倒入雞蛋仔模中，令每一格都起碼有一顆花生。這種一絲不苟為客人設想的態度真的十分令人敬佩！這個就係呢間舖在紅磡區廿八年的原因。…查看更多